Dagblaðið Vísir - DV - 11.06.1996, Blaðsíða 21

ÞRIÐJUDAGUR 11. JÚNÍ 1996
25
I>V
Menning
Lóan er komin
aftur
Taktu lagiö, Lóa! eftir Jim
Cartwright, sem Þjóðleikhúsiö
sýndi á Smíðaverkstæðinu við
einstakar vinsældir, er nú á leið
í leikferð um landið. Áður en
ferðin hefst verða fjórar sýning-
ar á Stóra sviðinu. Kristbjörg
Kjeld leikur hina háværu og lífs-
þyrstu móður en hún hlaut
Menningarverðlaun DV fyrir
túlkun sína. Ólafía Hrönn Jóns-
dóttir fer sem fyrr með hlutverk
Lóu en hún var tilnefnd til sömu
verðlauna. Leikferðin hefst 27.
júní og sýnt verður á Akureyri,
Blönduósi og á Egilsstöðum.
Tröllakirkja
á ensku
Skáldsaga Ólafs Gunnarsson-
ar, Tröllakirkja, er komin út á
ensku hjá Mare’s Nest Publis-
hing í London. Tröllakirkja kom
fyrst út hjá Forlaginu haustið
1992 og var gríðarvel tekið af les-
endum og gagnrýnendum og var
hún tilnefhd til íslensku bók-
menntaverðlaunanna sama ár.
Þjóðleikhúsið hefur í vetur sýnt
leikgerð Þórunnar Sigurðardótt-
ur á sögunni á Stóra sviðinu.
Sýningum á
Galdra-Lofti
að Ijúka
Aðeins eru eftir tvær sýningar
á óperunni Galdra-Lofti eftir Jón
Ásgeirsson. Óperan hefúr hlotið
frábæra dóma en síðustu sýning-
ar verða þriðjudaginn 11. júní og
fostudaginn 14. júní.
Mannlífsrit
að vestan
Út er komin bókin ísafjarð-
arkver eftir Þorstein Antonsson.
Um er að ræða uppgjörsrit við
mannlif og aðstæður í þeirri
byggð. Bókin er unnin á siðustu
árum og myndar heild sem vísar
til nútíðar og fortíðar ísafjarðar-
bæjar og nágrannabyggða. Útgef-
andi er höfundur í samvinnu við
prentsmiðjuna ísprent á ísafirði.
Tríó í Norræna
húsinu
Den Danske Trio heldur tón-
leika í Norræna húsinu þriðju-
daginn 11. júní kl. 20.30. Tónleik-
arnir eru framlag Norræna húss-
ins til Listahátíöar í Reykjavík.
Á tónleikunum verður frumflutt
verk eftir danska tónskáldið
Hans-Henrik Nordstrom auk
þess sem flutt verða verk eftir
Atla Heimi Sveinsson, N.W.
Gade og Dimitri Shostakovitch.
FANORAMA

* M ii i i i m s m
Nýstárleg
Ijósmyndabók
um Island
Hjá Iceland Review er komin
út nýstárleg og glæsileg bók með
ljósmyndum Páls Stefánssonar. í
bókinni er eingöngu að finna
panoramamyndir, eða víðáttu-
myndir, og hefur slík bók ekki
verið gefi'n út á íslandi áður. Páll
hefur tekið myndirnar á ferðum
sínum um landið undanfarið tvö
ár. Myndarammi panorama-
myndavélarinnar er tvöfalt
breiðari en í öðrum myndavél-
um og skapar hin aukna víðátta
heillandi spennu. Texti bókar-
innar er á íslensku, ensku og
þýskU;
Misjöfn aðsókn á Listahátíð í Reykjavík:
Greinilega alltof
mörg atriði
á dagskránni
- segir Signý Pálsdóttir, framkvæmdastjóri listahátíðar
„Það er greinilegt að atriðin eru
alltof mörg á dagskránni. Hún hefur
alltaf veriö fyrstu tvær vikumar í
júní en þetta er reyndar í fyrsta
skiptið sem við dreifum henni yfir
lengri tíma. Ég get tekið undir það
að atriðin eru kannski full mörg á
hátíðinni hvað miðasölu varðar.
Maður sér að þau eru í samkeppni
við hvert annað. Samt erum við
með lægra miðaverð en fyrir tveim-
ur árum. En auðvitað er líka gaman
að geta boðið upp á svona fjöl-
breytta og mikla dagskrá," sagði
Signý Pálsdóttir, framkvæmdastjóri
Listahátíðar í Reykjavík, í samtali
við DV, aöspurð hvort þétt dagskrá
hátíðarinnar fyrstu dagana hefði
ekki komið niður á miðasölu. Af um
60 viðburðum voru um 35 settir af
stað fyrstu vikuna. Álíka þétt dag-
skrá verður þessa viku en eftir
næstu helgi eru ekki nema 5 við-
burðir á dagskránni til 2. júlí, auk
nokkurra myndlistarsýninga sem í
gangi eru.
Aðsókn hefur verið mjög misjöfn
á listahátíð til þessa. Besta aðsókn-
in hefur veriö á óperuna Galdra-
Loft, margmiðlunarhátíðina Drápu
og tónleika Voces Thules í Sundhöll
Reykjavíkur. Aðsókn á tónleika
Miöasala á Björk fór rólega af staö
en hefur tekiö kipp.
Heimskórsins og nokkurra heims-
þekktra einsöngvara í Laugardals-
höllinni sl. laugardag var minni en
reiknað var með. Þá hefur dræm að-
sókn verið á sýningar íslenska
dansflokksins á Féhirslu vors herra
i Borgarleikhúsinu.
„Ég hefði viljað sjá fleiri á Heims-
kórnum því þetta voru frábærir tón-
leikar. Annars er aðsóknin allt í
lagi það sem af er. Fólk er að kaupa
miða á síðustu stundu en auðvitað
viljum við alitaf hafa grenjandi upp-
selt,“ sagði Signý.
Þeir viðburðir helstir sem eftir
11 l^MlíÍUkui-jiiOÓ
eru, og selst hefur mjög vel á, eru
tónleikar í Höllinni með píanósnill-
ingnum Evgeny Kissin 15. júní og
poppgoðinu David Bowie 20. júní.
Uppselt er á Bowie og nokkrir mið-
ar eftir á Kissin. Fjöldi miða er enn
á lausu á tónleika Pulp í Höllinni 2.
júlí.
Þá hefur miðasala á tónleika
Bjarkar 21. júní tekiö kipp en hún
fór mjög rólega af stað. Að sögn Ás-
mundar Jónssonar í Japis er búið
að selja um 1.500 af þeim 2.500 mið-
um sem fóru í sölu í hljómplötu-
verslunum. Ásmundur sagði að
þessi sala væri ásættanleg en ekki
líkt í því eins góð og fyrir tónleika
Bjarkar fyrir tveimur árum. Hann
reiknaði með aukinni sölu rétt fyrir
tónleika. -bjb/gg
Heimsfrumsýning:
Cartwright
á Internetið
Breska leikskáldið Jim
Cartwright er væntanlegt hingað
til lands til að fylgjast meö
heimsfrumsýningu á leikritinu
Stone Free á Stóra sviði Borgar-
leikhússins þann 12. júlí nk. Það
er Leikfélag íslands sem setur
verkið upp í samvinnu við Leik-
félag Reykjavíkur en verkið
verður frumsýnt á West End í
London í ágúst.
Cartwright er eitt vinsælasta
nútímaskáld Evrópu og er ís-
lendingum að góðu kunnur þar
sem leikrit hans Stræti, Bar-par
og Taktu lagið, Lóa hafa notið
gífúrlegra vinsælda. Aðstand-
endur uppsetningarinnai- hér á
landi hafa tekið upp þá ný-
breytni að setja upp heimasíðu á
Internetinu en þar geta áhuga-
samir fylgst með öllu er viðkem-
ur Cartwright og hinu nýja
verki. Búist er við að síöan verði
opnuð 15. júní. -ggá
Listasafn Kópavogs:
Barbara
framlengd
Vegna mikillar aðsóknar hef-
ur yfirlitssýningu á verkum Bar-
böru Árnason í Listasafni Kópa-
vogs verið framlengd til 17. júní.
Á sýningunni, sem er í öllum
þremur sölum safnsins, eru yfir
200 verk. Við uppsetningu henn-
ar var leitast við að sýna fjöl-
breytileikann í verkum Barböru,
s.s. teikningar, svartlist, bóka-
skreytingar, vatnslitamyndir,
myndklæði og veggskreytingar. í
tengslum við sýninguna kom út
bók um Barböru sem er til sölu í
safninu. -bjb
Eigandi Naxos staddur á íslandi:
Aukning í útgáfu klassískrar tónlistar
Dagana 6. og 7. júní var staddur
hér á landi þýski útgefandinn Klaus
Heyman. Hann er eigandi Naxos-út-
gáfunnar sem hefur haslað sér völl
með útgáfu klassískra verka sem
eru ódýrari en gengur og gerist. í
samtali við DV sagði Heyman að
hann næði að halda niður verði
með því að hafa sem minnsta yfir-
byggingu á rekstrinum, fjölda
starfsmanna væri haldið í lágmarki
auk þess sem ekki væri um neina
forstjórajeppa né glæsibyggingar að
ræða. Heyman kvaðst vera mjög
ánægður með íslenska markaðinn,
við værum söluhæst í heimi miðað
við höfðatölu, en hér á landi hafa
selst 50.000 eintök á sl. 5 árum, en
þá hófst samvinna Naxos við Japis
sem er dreifingaraðili fyrirtækisins
hér á landi.
Heyman stofnaði Naxos 1987 en
hann kvaðst alltaf hafa verið mikill
áhugamaður um kiassíska tónlist,
hann var 9 ára þegar hann fór á
fyrstu tónleikana og 18 ára hóf hann
plötusöfnun sína. Hann segist iðrast
Klaus Heyman, eigandi Naxos-útgáfunnar.
DV-mynd JAK
þess að hafa aldrei lært að spila á
hljóðfæri en kona hans bæti það að
vissu leyti upp en hún er einleikari
á fiðlu.
Heyman vill sjálfur hafa yfirum-
sjón með málefnum fyrirtækisins og
krefst það mikilla ferðalaga, t.d. fer
hann árlega til Bandaríkjanna og
Kanada og annað hvert ár fer hann
um Skandinavíu. Meðan á dvöl Hey-
mans stóð hitti hann forsvarsmenn
Sinfóníuhljómsveitar íslands að
máli en hugmyndin er að hljóm-
sveitin hljóðriti allar sinfóníur Si-
beliusar. Nú er Naxos einmitt að
fara að gefa út heildarútgáfur
margra tónskálda en í þeim hópi má
nefna Beethoven, Brahms, Grieg,
Schubert og Schumann. Það vakti
athygli þegar Bóksala stúdenta hóf
sölu á geisladiskunum frá Naxos en
Heyman sagði það vera yfirlýsta
stefnu fyrirtækisins að færa klass-
íska tónlist sem næst ungu fólki.
Hann kvað nauðsynlegt að halda
uppi merki klassískrar tónlistar
meðal ungs fólks þar sem það væri
oft á tíðum ókunnugt henni og oft
vildi svo vera að yngri kynslóöin
kysi popptónleika í stað þess að fara
og njóta sígildra verka -ggá
Þórólfur Stefánsson gítarleikari i Norræna^húsinu annað kvöld:
Fimm verk eftir Jón Ásgeirsson
- m.a. á efnisskránni sem endurtekin er í Deiglunni 23. júní
árum með sópransöngkonunni Su-
sanna Levonen þar sem þau fluttu
lög í anda Jenny Lind.
Þórólfúr mun leika fimm verk
annað kvöld eftir Jón Ásgeirsson.
Lögin nefnast Fjórar stemmningar,
Forspil, Söknuður, Rímnalag og
Óþol. Auk ofangreindra höfunda
leikur hann einnig verk eftir Alonso
Muderra, Johann Sebastian Bach og
Francis Kleynjans.' -bjb
Þórólfur Stefánsson.
Einleikstónleikar verða með
Þórólfi Stefánssyni gítarleikara í
Norræna húsinu annað kvöld kl. 20.
Á efnisskránni eru m.a. verk eftir
Mertz, Piazolla og Jón Ásgeirsson.
Þórólfur verður aftur á ferðinni í
Deiglunni suimudaginn 23. júní nk.
með tónleika sem hluta af dagskrá
Listasumars á Akureyri.
Þórólfur Stefánsson er fæddur á
Sauðárkróki, þar sem hann hóf tón-
listarnám. Hann lauk burtfararprófi
frá Tónskóla Sigursveins 1987 og
sótti einkatímu 1988-1990 í Stokk-
hólmi hjá prófessor Rolf LaFleur.
Þórólfúr tók lokapróf árið 1994 frá
gítardeildinni við Stockholms mus-
ikpedagogiska institut.
Hann er búsettur í Svíþjóð og
starfar sem gítarleikari og kennari í
Linköping. Þórólfur hefur haldið
fjölda tónleika á Norðurlöndum og
komið fram í sjónvarpi og útvarpi
með fjölbreytta efnisskrá. Þá hefur
hann nokkrum sinnum haldið tón-
leika á íslandi, síðast fyrir tveimur