Dagblaðið Vísir - DV - 24.05.1997, Blaðsíða 25

LAUGARDAGUR 24. MAI 1997
25
Iútlönd
Borgarstjórinn í París á
kafi í spillingarmálum
Þótt kosningarnar í Frakklandi
snúist aðallega um atvinnumálin,
efnahaginn og hver eigi að verða
næsti forsætisráðherra er pólitísk
spilling mál málanna í París.
Skoðanakönnuðir segja að alls
kyns spillingarmál, sem hafa plagað
flokksbræður Jacques Chiracs for-
seta, geti kostað gaullistaflokkinn
um helming þingsætanna fyrir Par-
ís en hún hefur lengi verið höfuð-
vígi forsetans. Sósíalistar mundu
hagnast á þeim flótta kjósenda ef af
yrði.
GauUistaflokkurinn getur rakið
óhamingju sína til eins manns.
Hann heitir Jean Tiberi og er borg-
arstjóri 1 París, dyggur undirsáti
sem tók við embættinu af Chirac
árið 1995 þegar Chirac flutti sig yfir
í forsetahöllina Élysée.
Tiberi, sem er 62 ára og af kor-
sísku bergi brotinn, sætir nú rann-
sókn vegna meintra launa sem bæj-
arstjóm á Parísarsvæðinu, sem er
undir sfjórn gaullista, greiddi eigin-
konu hans, Xaviere.
Mútugreiðslur í sjóði flokksins
Tiberi var forseti húsnæðisnefnd-
ar Parísarborgar þegar gaullista-
flokkurinn RPR fékk ólögleg fjár-
framlög í formi mútugreiðslna frá
verktökum sem gerðu samninga fyr-
ir húsnæðisnefndina. Svo segir í
það minnsta í málskjölum sem
snerta enn aðra rannsóknina á ferli
Tiberis.
Tugir hyggingaverktaka og
meintra milliliða sæta einnig rann-
sókn í máli þessu.
Háðsblaðið Le Canard Enchainé,
sem stundar mjög öfluga rannsókn-
arblaðamennsku, upplýsti árið 1995
Erlent fréttaljós
á laugardegi
að tvö böm Tiberis byggju í glæsi-
íbúðum í eigu Parísarborgar, þótt
hæði ættu íbúðir sem þau leigðu út
og hirtu leigugróðann af. Uppistand-
ið varð til þess að bömin fluttu úr
bæjaríbúðunum.
Saksóknarinn í París ákvað að
aðhafast ekkert í málinu þar sem
Tiberi hagnaðist sjálfur ekkert á því
og því væri ekki hægt að sækja
hann til saka fyrir hagsmunaá-
rekstra.
Le Canard Enchainé segir nú að
það hafi uppgötvað að stuðnings-
menn Tiberis hafi skráð milli þrjú
og fjögur þúsund kjósendur í kjör-
dæmi hans, þótt þeir búi þar ekki.
Tiberi vísaði þessum ásökunum á
bug með þeim orðum að hann þyrfti
ekki á atkvæðunum að halda.
Ofvöxtur í kjörskrá 5. hverfis
í 5. hverfi, vígi Tiberis og kjör-
dæmi í París, er gjaman bent á
ákveðið hús þar sem tvær fjölskyld-
ur búa. Engu að síður eru 26 kjós-
endur skráðir þar. Þá segja Parísar-
búar sögu af því að kona ein sem
fékk bæjaríbúð í 13. hverfi hafi nán-
ast verið skikkuð til að skrá sig sem
kjósanda í 5. hverfi.
Lyne Cohen-Solal, frambjóðandi
sósíalista, hefur reynt að bera brigð-
ur á kjörskrána fyrir dómstólum en
hefur ekki orðið ágengt til þessa.
Frambjóðandi flokks græningja,
Yves Fremion Danet, hefur einnig
höfðað mál gegn óþekktmn aðilum
vegna offjölgunar á kjörskránni.
Saksóknari hefúr því neyðst til að
hefja rannsókn á málinu.
Hvorki fleiri né færri en 28 menn
og konur hafa boðið sig fram gegn
Tiberi í 5. hverfi. Og ekki eru allir
Jean Tiberi, borgarstjóri Parísar, og Xaviere, eiginkona hans, á göngu um
vígi sitt í 5. hverfi frönsku höfuðborgarinnar. Tiberi þarf að slást við á þriðja
tug frambjóðenda í kosningunum um helgina. Símamynd Reuter
úr röðum stjórnarandstæðinga,
heldur er þar að finna samflokks-
menn Tiberis úr gaullistaflokknum.
Xaviere, eiginkona borgarstjórans,
er líka bálreið og sakar andstæð-
inga manns síns um samsæri gegn
honum.
„Allar þessar árásir á fjölskyldu
okkar eru ekki runnar undan rifj-
um stjórnarandstöðunnar, heldur
eru upphafsmenn þeirra í okkar eig-
in herbúðum. Vinstriflokkarnir
gera sér bara mat úr þeim. Það þarf
ekki að fara mjög langt til að finna
aðalsökudólginn. Það nægir að
skipta um hverfi,“ sagði Xaviere
Tiberi nýlega, konan sem Korsíku-
búar í París kalla bakarakonuna frá
Corte.
Ráðherra sendi þyrlu
upp í Himalajafjöll
Þar átti hún við 13. hverfið og
Jacques Toubon, dómsmálaráð-
herra í stjórn Alains Juppés. Skoð-
anakannanir benda til að gaullistar
kunni að tapa 11 þingsætum af því
21 sem þeir hafa í París. Meðal fórn-
arlambanna, ef eitthvað er að
marka kannanirnar, verður enginn
annar en áðurnefndur Toubon.
Hann reyndi þó árangurslaust að
koma Tiberi til hjálpar með því að
reyna að stöðva rannsókn á högum
hans. í því skyni sendi Toubon
meira að segja þyrlu upp í Himala-
jafiöll til að leita þar að frönskum
saksóknara í fríi.
Lyne Cohen-Solal, helsti keppinaut-
ur Tiberis, borgarstjóra í París, um
þingsæti 5. hverfis.
Lionel Jospin, leiðtogi sósíalista,
réðst gegn pólitískri spillingu á
aðalkosningafúndi sínum í höfuð-
borginni um daginn þar sem fimm
þúsund ungmenni voru saman kom-
in.
„Spilling, hneykslismál og leyni-
leg fiármögnunarkerfi hafa gert Par-
ís að einkaeign hinna fáu frá árinu
1977,“ sagði Jospin.
Chirac varð borgarstjóri Parísar
árið 1977.
Fáir frambjóðendur gaullista
vilja láta sjá sig með Tiberi. Flokk-
urinn hefur forðast að efna til
stórra útifunda í París þar sem Ala-
in Juppé forsætisráðherra yrði að
koma fram með borgarstjórann sér
við hlið. Pierre Mauroy, borgar-
stjóri í Lille og einn helsti foringi
sósíalista, tók hins vegar í höndina
á Tiberi um daginn. Mauroy var í
fylgd Cohen-Solal á kosningaferða-
lagi hennar um 5. hverfið. Tiberi
var mjög ánægður með handaband-
ið, enda þótti honum það sanna að
hann væri ekki úrhrak i frönskum
stjómmálum.
Stolt baráttukona sósíalista
Tiberi hefur setið á þingi frá ár-
inu 1968 og skoðanakannanir benda
til að hann sé ekki á fórum. Hins
vegar stefnir allt í að hann verði aö
beijast gegn Lyne Cohen-Solal í síð-
ari umferðinni. Það yrði nokkur
nýlunda þar sem Tiberi hefur alltaf
fengið meira en helming atkvæða í
fyrri umferðinni og þar með náð
kjöri.
„Ég er stolt yfir því að taka þátt í
baráttu sósíalista gegn RPR-kerfinu
sem hefur lengi verið við lýði í Par-
ís,“ sagði Cohen-Solal í samtali við
Reuters fréttastofuna
Aðspurð um hvað henni fyndist
um að berjast gegn frambjóðanda
sem hefði jafnmikil ítök og Tiberi,
sagði Cohen-Solal: „Þetta hljómar
kannski undarlega en það er ekki
svo erfitt af því að almenningur er
vel upplýstur og hann hefur heyrt
um hneykslismálin sem kjömir full-
trúar í París eru flæktir í.“
Chirac hefur staðið með Tiberi,
þrátt fyrir háværar kröfur um að
honum verði vikið úr embætti. For-
setinn gerir sér líka ljósa grein fyr-
ir því að Tiberi heldur uppi merki
kerfis sem hann kom sjálfur á lagg-
irnar fyrir átján ámm þegar hann
var borgarstjóri.
Eina nýmælið sem Tiberi hefur
staðið fyrir á tveggja ára borgar-
stjóraferli sínum er afmörkun sér-
stakra hjólreiðabrauta á helstu göt-
um borgarinnar. Þá stendur til að
takmarka umferð bíla þegar loftm-
engun fer yfir ákveðin hættumörk.
Því hefur þó ekki verið hrint í fram-
kvæmd.
Tiberi sagði fréttamönnum sem
ræddu við hann á göngu um hverf-
ið sitt fyrir skömmu að árásirnar á
sig væru ömurleg pólitísk belli-
brögð til að beina athygli kjósenda
frá öllu því sem hefði misfarist hjá
sósíalistum á fiórtán ára forsetaferli
Francois Mitterrands. Hann nefndi
sérstaklega símahleranir hjá mörg-
um framámönnum í frönsku þjóð-
lífi.
„Sósíalistar, sem hafa skaðað
Frakkland svo mikið, eiga ekkert
með að segja mönnum til í siðferði-
legum efnum,“ sagði Tiberi og ítrek-
aði að samherjar hans hefðu ekki
yfirgefið hann.
„Þvert á móti. Ég nýt meiri stuðn-
ings en nokkru sinni,“ sagði Jean
•Tiberi, borgarstjóri Parísar og
syndaselur gaullistaflokksins.
Byggt á Reuter og Le Nouvel
Observateur.
1
£
Hún
skartgrípi
frá Silfurbúðinni
frh SILFURBUÐIN
Kringlunni 8-12 • Sími 568 9066
- Þarfœrðu gjöfina -
Einstakt tækifæri
Kawasaki Z1-900,
árgerð 1973, býðst nú til sölu.
Hjólið er sérlega glæsilega
uppgert og mikið krómað.
Sjón er sögu ríkari.
Upplýsingar í síma 564-4716.
y •v> 'o
i S?//i
^ootafyl:
AFYLLTAR
BRAUÐSTANGIR
Og svo eru það líka brauðstangirnar
með kryddi og þremur tegundum
af osti ofan á.
g 533 2000
Hótel Esja • Kringlan
Ekki biæs byrlega fyrir gaullistum í höfuðborg Frakklands: