Dagblaðið Vísir - DV - 24.01.1998, Blaðsíða 58

66
\
LAUGARDAGUR 24. JANÚAR 1998 30"%/"
Double Team:
Buffið, boxarinn
og boltastjarnan
Leyniþjónustumaöurinn Jack
feiuinn (Jean-Claude Van Damme )
er helsti sérfræðingur landsins í
að fást við hryðjuverkamenn.
Hann er orðinn þreyttur á hasarn-
um og vill setjast í helgan stein. En
allt fer úr böndunum þegar honum
mistekst að klára síðasta verkefni
sitt - að drepa hryðjuverkamann-
inn hættulega, Stavros (Mickey Ro-
urke). Jack Quinn er nú í ónáð hjá
yfirmönnum sínum og fær enga að-
stoð þegar ófrísk eiginkona hans
verður skotmark Stavrosar. Eini
maðurinn sem getur hjálpað hon-
um er vopnasalinn Yaz (Dennis
Rodman), sem er jafn villtur og
hann er litríkur.
Hasarleikstjóri frá Hong
Kong
Leikstjóri Double Team er Tsui
Hark, einn af fremstu leikstjórum
Hong Kong. Strax með fyrstu mynd
sinni, Butterfly Murders, þótti hann
koma með nýjan og ferskan stíl inn
í þreyttan og staðlaðan heim kung-
fu mynda í Hong Kong. Hann hefur
leikstýrt fjölda mynda, sem margar
hverjar hafa slegið sölumet og unn-
ið til verðlauna víðs vegar um heim-
inn. Þar á meðal eru All the Wrong
Clues ... For the Right Solution,
Aces Go Places III, Peking Opera
Blues, A Chinese Ghost Story, Once
Upon a Time in China og King of
Chess. Jean-Claude Van Damme og
Mótleikari Van Damme í Double Team er körfuboltarisinn Dennis Rodman.
Sjást þeir saman á myndinni.
framleiðandinn Moshe Diamant,
sem framleitt hefur sjö af myndum
Van Damme, höfðu verið á höttun-
um eftir Tsui Hark i nokkur ár
og nú haföi hann loksins
tíma til að leikstýra sinni
fyrstu bandarísku mynd.
Belgíska buffið Jean-
Claude Van Damme er ein af
fremstu hasarmyndastjörn-
um heimsins. Hann byrjaði á
unglingsaldri að æfa ballett,
bardagaíþróttir og líkams-
rækt. Hann hélt ungur til
Hollywood og vann fyrir sér
sem leigubílstjóri, pitsasend-
ill og útkastari, þangað til
stóra tækifærið kom eftir að
hann hafði sýnt framleið-
anda nokkrum listir sínar
fyrir utan veitingahús. Hann
fékk fyrir vikið hlutverk í
bardagamyndinni Blood-
sport og í kjölfarið fylgdu myndir
eins og Lionheart, Double Impact,
Universal Soldier, Nowhere to Run,
Sudden Death og Street Fighter.
1994 lék hann aðalhlutverkið í fram-
tíðartryllinum TimeCop, sem hefur
halað inn meira en 135 milljónir
dollara. Hann þreytti síðan
frumraun sína sem leikstjóri i The
Quest og sást síðast í Maximum
Risk, sem leikstýrt var af enn ein-
um hasarmyndaleikstjóranum frá
Hong Kong, Ringo Lam.
Meðreiðarsveinarnir
Mickey Rourke sækir einnig upp-
runa sinn í bardagaíþróttirnar, því
hann stundaði hnefaleika í Miami í
nokkur ár áður en hann hóf leiklist-
arferil sinn. Smáhlutverk í 1941 og
Jean-Claude Van
Damme leikur sér-
fræðing í hryðju-
verkamönnum í
Double Team.
Heaven’s Gate færðu honum bita-
stætt hlutverk í mynd Lawrence
Kasdan, Body Heat, þar sem hann
hlaut mikið lof gagnrýnenda fyrir
frammistöðu sína. Hann fylgdi henni
eftir með hlutverkum í Diner,
Rumble Fish, The Pope of Greenwich
Village, Eureka og The Year of the
Dragon. Hann komst síðan á stjörnu-
stallinn með leik sínum í kyn-
lifstryllinum 9 1/2 Weeks og hryll-
ingsmyndinni Angel Heart. Meðal
annarra mynda hans eru Barfly,
White Sands, Harley Davidson and
the Marlboro Man, Desperate Hours,
Johnny Handsome, A Prayer for the
Dying og Wild Orchid.
Körfuboltastjarnan Dennis Rod-
man er einn af litríkustu persónu-
leikum bandarískrar poppmenning-
ar. Hann byrjaði feril sinn hjá
Detroit Pistons, fór síðan til San
Antonio Spurs og loks til Chicago
Bulls, þar sem hann hefur verið í
rúm tvö ár. Ferill hans í NBA-deild-
inni spannar tíu ár og hann hefur
verið frákastakóngur deildarinnar
síðustu fimm tímabilin. Honum
tókst með fram þessu að verða
einnig sjónvarpsstjarna. Hann hef-
ur komið fram sem gestur í sjón-
varpsþáttum, svo sem Misery Loves
Company, Courthouse, 3rd Rock
from the Sun og The Tonight Show
with Jay Leno. Hann hefur einnig
stjórnað íþróttaþáttum fyrir NBC og
var í aðalhlutverki í eigin sjón-
varpsþáttum á MTV, The Dennis
Rodman World Tour. Hann lék í
kvikmyndinni Eddie með Whoopi
Goldberg og von er á honum í BAPS
með Halle Berry. -PJ
UPPÁHALDS MYNDBANDIÐ MITT
Bergþór Pálsson óperusöngvari:
rábær
„Allar myndir
með Jim Carrey eru í
miklu uppáhaldi hjá mér.
Mér finnst hann bara al-
veg frábær leikari. Ég horfi t.d.
mjög oft á Ace Ventura.
Ég tek svona tarnir í bíó-
myndunum. En ef ég á að
nefna myndir sem ég
horfi alltaf á aftur og aft-
nr eru það Disney-
teiknimyndirnar. Þar
brýst barnið í mér fram
og mig langar þá mest að
verða barn aftur. Disney-
myndimar hafa líka yfir-
leitt að geyma góðan og
notalegan boðskap.
Ég er ekki mikill
spennumyndafikill. Það er
alveg nógu mikil spenna í
mínu raunverulega
lífi þannig að ég þarf
ekki að leita i kvik-
myndirnar eftir spennu. Ég er
hrifnastur af gamanmyndum.
Síðan á ég mér auðvitað uppá-
haldsóperumyndbönd. Þar
held ég mest upp á
La Traviata með
Placido Domingo
og Theresu Strat-
as. Það er mynd-
band sem ég get
horft á ár eftir ár
og ég grenja yfir
því í hvert skipti.“
-glm
The Chamber
The Chamber er sú skáldsaga met-
söluhöfundarins Johns Grishams sem
er hvað tormeltust enda fjallar hún
um dauðarefsingu. Það var búið að
kaupa kvikmyndaréttinn að sögunni
áður en hún kom út, enda hafði saga
eftir Grisham ávallt orðið aðsóknar-
kvikmynd. Nú
þvældist sagan
aftur á móti
lengi fyrir kvik-
myndagerðar-
mönnum en var
loks gerð og
eins og flestir
bjuggust við þá
var ekki hægt
að gera neitt
léttmeti úr sög-
unni og Amerík-
anar sátu frekar heima við sjónvarpið
heldur en að þurfa að hugsa í bíó.
í The Chamber segir frá ungum
lögfræðingi, Adam Hall sem stefnir
hátt. Eitt mál á hug hans allan, það
er morðmál sem búið er að vera
lengi í kerfinu og tengist kynþátta-
hatri. Nú er komið að því að fram-
fylgja á dauðarefsingu og Sam Cay-
hall verði tekinn af lífi fyrir að vera
valdur að drápi á mannréttinda-
frömuði og tveimur sonum hans í
sprengingu. Áhugi Adams á málinu
er persónulegur þar sem Sam Cay-
hall er afi hans. Þeir hafa þó aldrei
sést og er gamli maðurinn í fyrstu
ekki hrifinn af sonarsyninum. Fer
nú erfiður tími í hönd fyrir Adam
við að fá málið tekið upp.
Aðalhlutverkin leika Gene Hack-
man, Chris O’Donnell og Faye
Dunaway. Leikstjóri er James Foley.
ClC-myndbönd gefa The Chamber
út og er hún bönnuð börnum innan
16 ára. Utgáfudagur er 27. janúar.
Twelfth Night
Það er mjög vinsælt um þessar
mundh' að staðfæra hin klassísku
leikrit Williams Shakespeares og er
kvikmyndaútgáfan sem nú lítur
dagsins ljós ein slík tilraun i þá
veru. Leikstjóri er Trevor Nunn,
sem nú er einhver þekktasti og besti
sviðsleikstjóri
Breta.
Twelfth Night
fjallar um tví-
burasystkinin
Violu og Sebasti-
an sem skolar
upp á ókunna
strönd eftir að
hafa lent í mikl-
um sjávarháska.
Þau halda hvort
um sig að hitt
hafi farist með skipinu og Viola
bregður á það ráð að klæða sig sem
karlmaður því hún telur sér betur
borgið þannig innan um hina
ókunnu íbúa. Þannig klædd litur
hún út eins og bróðir hennar og á
þetta eftir að valda miklum mis-
skilningi.
í helstu hlutverkum eru Helena
Bonham Carter, Richard E. Grant,
Nigel Hawthorne, Ben Kingsley,
Mel Smith og Imogen Stubbs.
Sam-myndbönd gefa út Twelfth
Night og er hún leyfð öllum aldurs-
hópum. Útgáfudagur er 29. janúar.
Everyone Says I
Love You
Everyone Says I Love You er ný
mynd eftir Woody Allen, ekki sú
nýjasta, því stutt er síðan frumsýnd
var í Bandaríkjunum Deconstruct-
ing Harry, mynd sem fengið hefur
góðar viðtökur,
eins og raunar
flestar myndir
Allens. Margir
telja meira að
segja að Ev-
eryone Says I
Love You sé er
meðal bestu
mynda Allens.
Woody Allen
hefur alltaf ver-
ið nýjungagjarn og það sem aðgrein-
ir Everyone Says I Love You frá
öðrum myndum hans er að um er
að ræða kvikmynd í söngleikjastíl.
Fjallar hún um fráskilinn náunga
sem alltaf hefur átt í vandræðum
með konur. Þegar hann svo hittir
stóru ástina í lífi sínu telur hann sig
ekki eiga möguleika, sérstaklega
þar sem hún er lofuð öðrum. Þegar
hann kemst að því að hún gengur til
sálfræðings eygir hann möguleika í
gegnum dóttur sína.
Eins og ávallt i myndum Allens
er fjöldi þekktra leikara, má nefna
Goldie Hawn, Julia Roberts, Tim
Roth, Drew Barrymore, Gaby Hoff-
man, Edward Norton og Alan Alda,
sem oft bregður fyrir í myndum Al-
lens.
Skífan gefur út Everyone Says I
Love You og er hún leyfö öllum
aldurshópum. Útgáfudagur er 28.
janúar.