Dagblaðið Vísir - DV - 24.01.1998, Blaðsíða 18

18
LAUGARDAGUR 24. JANÚAR 1998
Annasamur dagur í lífi Kristins Arnarsonar, útgefanda og áhugamanns um heilsurækt:
Sagðirðu ókeypis fitumælingu?
„Fjölskyldan er í seinna lagi á fætur og
hendur standa fram úr ermum um alla íbúð:
nestið smurt, morgunmaturinn - súrmjólk,
Special K og ristað brauð - greiðsla, útigallar
og fyrr en varir eru allir komnir út í kaldan
og svartan mánudagsmorguninn að takast á
við daginn.
Næsta verkefni dagsins er að ljúka við að
semja spurningar fyrir heilsuleik á Bylgjunni
sem hefst i dag í tengslum við átakið Leið til
betra lífs: „Spuming 2) Eina endanlega lausn-
in á offitu er ...: a) stanslausir megrunarkúr-
ar, b) regluleg hreyfing og rétt mataræði, c)
regluleg gufuböð og að b'orða aðeins þegar
aðrir sjá ekki til.“
Felix hringir frá London og við ræðum
væntanleg verkefni og fórum yfír stöðu
mála. Hann biður fyrir kæra kveðju til
Gunna og allra krakkanna á íslandi og er
henni hér með komið til skila. Hugsa um
heilsuna og fæ mér Bergvatn. Næ að keyra
út meira af bókinni Betri línur í verslanir
Hagkaups áður en hádegið skellur á.
Lúðuveisla í hádeginu
Ég býð samstarfsfélögunum til veislu. Ég
ætlaði að slá í gegn heima í gærkvöldi með
marineraðri stórlúðu sem ég fékk uppskrift
að hjá henni Helgu Þóru um árið. Ég hafði
sett skálina út á svalir um morguninn til að
leyfa lúðunni að marinerast en gætti ekki að
því að úti var 15 stiga frost. Þegar ég hugð-
ist bera réttinn fram um kvöldið var hann
eitt klakastykki. En í dag var rétturinn eins
og hann átti að vera og lúðan hreinlega
bráðnaði uppi í munninum á manni. Sam-
starfsfólkið var hæstánægt með lúðuna og
þakklátt fyrir frostið á svölunum!
Fitumælingar
Eftir hádegi hitti ég Ágústu Johnson og
við undirbúum bókakynningar og fitumæl-
ingar sem fram eiga að fara í tveimur versl-
unum Hagkaups þann daginn. Upp úr tvö er
ég kominn á vaktina. Það er rólegt framan
af en engu að síður gott hlutfall af þeim
sem leið eiga um verslunina sem stoppa
við. Þegar líður á daginn fer umferðin að
aukast. „Ég er að kynna bókina Betri línur
og bjóða upp á ókeypis fitumælingu."
„Sagðirðu ókeypis fítumælingu?" spyr frú
á besta aldri. „Já.“ „Og hvemig ferðu að
því, væni minn?“ „Þú ferð úr skóm og
sokkum, stígur á vigtina og tölvan reiknar
þá út hversu hátt hlutfall af líkamsþyngd
þinni er fita.“ Frúin horfir undrandi á mig
en sviptir síðan af sér pelsinum, fer úr
skóm og sokkum og stígur á vigtina.
„Fjörutiu prósent? Er það ekki soldið
hátt?“ „Jú, þú þyrftir að stunda reglulega
likamsþjálfun og huga að mataræðinu.“
„Jú, það er líklega rétt hjá þér,“ segir frú-
in og gengur af stað. Þegar hún nálgast
kjötborðið áttar hún sig á að hún er enn
berfætt og snýr við. Næsti kúnni stígur á
vigtina.
Heilsu- og heimilispunktar
Eftir kvöldverð fíölskyldunnar vilja
börnin ræða nýtt fyrirkomulag á greiðslum
fyrir tiltektir í herbergjum sinum. í takt
við öll punktakerfi í viðskiptum landans
vilja þau fá tækifæri til að safna eigin
punktum með því að taka til, fara með
ruslið og þess háttar. Ákveðið er að taka
upp punktakerfi til reynslu og samið um
hvernig ávinningurinn skilar sér til baka.
Áður en kvöldið er á enda skýst ég svo í
líkamsræktina til að safna punktum og
ávinningurinn er ... betri heilsa."
Kristinn Arnarson var í Hagkaupi við
Laugaveg í vikunni að kynna heilsuátak
DV og Bylgjunnar og bókina Betri línur.
Um leið bauð hann gestum og gangandi
upp á ókeypis fitumælingu. DV-mynd ÞÖK
Finnur þú fimm breytingar? 447
Myndimar tvær virðast við fyrstu
sýn eins en þegar betur er að gáö kem-
ur i ljós að á myndinni til hægri hefur
fimm atriðum verið breytt. Finnir þú
þessi fímm atriði skaltu merkja við
þau með krossi á myndinni til hægri
og senda okkur hana ásamt nafni þinu
og heimilisfangi. Að tveimur vikum
liðnum birtum við nöfn sigurvegar-
anna.
1. verðlaun:
Hitachi-útvarpsverkjari frá Sjón-
varpsmiðstöðinni, Síðumúla 2, að
verðmæti kr. 3.490,-
„Þeir eru hreint út sagt óþolandi á fengitímanum!"
Vinningshafar fyrir getraun nr. 445 eru:
1. verólaun: 2. verólaun:
Nafn: Anna Pálína Ámadóttir. Klara Hansdóttir,
Ásabraut 5, Engihjalla 9.
Heimili: 245 Sandgerði. 200 Kópavogi.
2. verðlaun:
Tvær Úrvalsbækur að verðmæti kr.
1570, Sekur eftir Scott Turow og Kóli-
brísúpan eftir David Parry og Patrick
Withrow.
Vinningamir verða sendir heim.
Merkið umslagið með lausninni:
Finnur þú fimm breytingar? 447
c/o DV, pósthólf 5380
125 Reykjavík