Dagblaðið Vísir - DV - 15.04.1998, Blaðsíða 4

4
MIÐVIKUDAGUR 15. APRÍL 1998
Fréttir
Ráðning nýs bankastjóra Landsbanka:
Yfirstjórnin endurskoðuð
Halldór J. Kristjánsson, ráðuneyt-
isstjóri i iðnaðar- og viðskiptaráðu-
neytinu, var ráðinn bankastjóri
Landsbanka íslands hf. í kjölfar
uppsagna allra þriggja bankastjóra
bankans í fyrradag. Bankaráðið
samþykkti ráðningu Halldórs sam-
hljóða í gær eftir tilmælum Finns
Ingólfssonar viðskiptaráðherra.
Segir í tilkynningu bankaráðs að
Halldór verði ráðinn einn banka-
stjóri og ráðningu annarra banka-
stjóra verði frestað. Jafnframt segir
að skipulag æðstu framkvæmda-
Halldór J. Kristjánsson
- bankastjóri Landsbanka íslands hf. -
Fæddur 13. janúar 1955
1981-1991: Fulltrúi, deildarstjóri
og skrifstofusljóri
í iönaöarráóuneyti
1991-1994: Aöstoöarbankastjóri
við Evrópubankann í London
1994-1996: Skrifstofustjóri í iönaöar-
og viöskiptaráðuneytum
1. sept '96: Ráöuneytisstjóri í iönaöar-
og viðskiptaráðuneyti
1997-1998: Formaöur undirbúnings-
nefndar um breytingar á
rekstrarformi Búnaöarb.
og Landsbanka og stofnun
hlutafélaga um rekstur þeirra
«14. apr. '98: Bankastjóri Landsbanka
íslands
stjómar verði endurskoðað í sam-
vinnu bankaráðs og viðskiptaráðu-
neytis og stefnt skuli að því í fram-
tíðinni að aðeins verði einn banka-
stjóri við bankann.
Finnur Ingólfsson staðfesti að
Þórður Friðjónsson, forstjóri Þjóð-
hagsstofnunar, tæki við störfum
ráðuneytisstjóra iðnaðar- og við-
skiptaráðuneytis í stað Halldórs J.
Kristjánssonar og mun hann vænt-
anlega taka við hlutverki Halldórs
þar sem einn aðalskipuleggjandi
sölu ríkisbankanna fyrrverandi.
Finnur Ingólfsson viðskiptaráð-
herra sagði aðspurður að ráðning
Þórðar væri frágengin í góðu sam-
komulagi við Sjálfstæðisflokkinn.
Er þetta talið hluti af samkomulagi
stjórnarflokkanna, en Halldór Krist-
jánsson er talinn „maður“ Finns,
enda samstarfsmaður hans til
margra ára.
Þórður sagði í samtali við DV að
hann hlakkaði til að takast á við ný
og spennandi verkéfni í ráðuneyt-
inu. Þórður hefur fengið leyfi frá
störfum sem forstjóri Þjóðhagsstofn-
unar til áramóta og sagði Finnur að
samkvæmt samkomulagi sínu „eins
og það er núna“ við Björn Friðfinns-
son, fyrrum ráðuneytisstjóra í iðn-
aðar- og viðskiptaráðuneyti, mundi
Björn taka við ráðuneytisstjóra-
starfinu á ný um áramótin. Friðrik
Már Baldursson, hagfræðingur á
Þjóðhagsstofnun, hefur verið settur
tU að gegna starfi Þórðar Friðjóns-
sonar sem forstöðumaður Þjóðhags-
stofnunar til áramóta.
Björn enn í biö
Eins og kemur fram annars stað-
ar hér í blaðinu segist Björn hins
vegar hafa átt von á því að fá stöðu
ráðuneytisstjóra nú, þegar Halldór
Kristjánsson hætti, enda hafi hann
samning undirritaðan af þremur
ráðherrum því til staðfestingar. En
af því verður augljóslega ekki og
eru taldar allmiklar líkur á að Birni
verði boðin staða forstöðumanns
hins nýja Banka- og tryggingareftir-
lits, en frumvarp um sameiningu
þessara tveggja stofnana er nú á
hraðferð í gegnum Alþingi. Er m.a.
tekið til þess að í hæfniskröfum for-
stöðumanns hins nýja eftirlits er
ætlast til að forstöðumaður hafi sér-
þekkingu á málum Evrópusamband-
ins, en Björn hefur einmitt unnið að
sérverkefnum fyrir ríkisstjórnina á
þeim vettvangi. Ef af verður mun
Þórður Ólafsson, núverandi for-
stöðumaður Bankaeftirlitsins, tapa
starfi sínu, en skipunartími hans
rennur út undir lok þessa árs.
Til frambúðar?
Miklar bollaleggingar eru nú í
gangi manna á meðal um framhald
málsins og ýmsir spádómar I gangi.
Er m.a. talað um að vera Halldórs
Kristjánssonar í Landsbankanum
verði stutt og hann muni jafnvel
snúa aftur í ráðuneytið um næstu
áramót. Þá komi tveir menn helst
til greina sem bankastjórar, Halldór
Guðbjamason, fráfarandi banka-
stjóri, enda er gert ráð fyrir að
skýrsla Ríkisendurskoðunar muni
hreinsa hann af ásökunum um
bruðl, eða Kjartan Gunnarsson,
fyrrum formaður bankaráðs Lands-
bankans.
Kjartan er þó talinn ólíklegur
kandídat þar sem hann var formað-
ur bankaráðsins á þeim tíma sem
rannsókn Ríkisendurskoðunar á
laxveiðimálum nær til og af þeim
sökum ábyrgur að nokkru og ímynd
hans blettótt. Á fundi bankaráðs
með nýjum bankastjóra i gær árétt-
aði Helgi S. Guðmundsson, formað-
ur bankaráðs, að nýr bankastjóri
væri kominn til að vera. -phh/SÁ
Bankaráð Landsbankans kynnti í gær nýjan bankastjóra í staö þeirra þriggja sem tekiö hafa pokann sinn.
Myndin er frá blaöamannafundi þar sem ráöningin var kynnt. DV-mynd Pjetur
Bankaráð sver af sér ábyrgð
A blaðamannafundi bankaráðs
Landsbanka íslands, þar sem
nýráðinn bankastjóri, Halldór J.
Kristjánsson, fyrrum ráðuneytis-
stjóri, var kynntur, neituðu Kjart-
an Gunnarsson, fyrrverandi for-
maður, og Helgi S. Guðmundsson,
núverandi formaður, að bankaráð
hefði brugðist eftirlitsskyldu sinni.
Sagði Kjartan að hann hefði aldrei
í sinni formannstíð fengið neinar
athugasemdir vegna laxveiða á
vegum bankans. Forsvarsmenn
bankans, sem og nýráðinn banka-
stjóri lögðu áherslu á að horfa fram
á veginn og að efla þyrfti bankann
og orðspor hans. Sagði Halldór að
hann mundi einbeita sér að innra
starfi og stefnumótun innan bank-
ans. Kjartan Gunnarsson, banka-
ráösformaður undanfarinna ára,
sagði augljóst að kostnaður vegna
laxveiða innan bankans hefði allur
farið úr böndunum og nauðsynlegt
væri að grundvallarbreyting ætti
sér stað. Sagðist nýi bankastjórinn
ekki vera mikill áhugamaður um
laxveiðar, en bankaráðsmenn
kváðu þó ekki upp úr með hvort
laxveiðum yrði hætt með öllu á
vegum bankans. Sagði Halldór að
efla þyrfti kostnaðareftirlit og að-
halds yrði gætt i hvívetna. -phh
Dagfari
Gúlagið á Ströndum
Þorsteinn Pálsson hefur lengi
beðið færis á að jafna rækilega um
Strandamenn. Þar hafa menn eins
og í ýmsum afskekktum byggðum
landsins stundað skyldleikaræktun
með innbyrðis giftingum. Það
skýrir hina alvarlega veilu í stofn-
inum sem birtist þegar Stranda-
menn kusu Steingrím Hermanns-
son á þing. Þetta veit auðvitað eng-
inn betur en Þorsteinn litli Páls-
son.
Þaö var nefnilega Steingrímur
sem púnkteraði feril Steina litla
eftir að honum hafði skotið upp á
stjömuhimin stjómmálanna með
svo ævintýralegum hraða. Það
gerði Denni þegar hann sleit hinni
gæfulausu ríkisstjórn Þorsteins í
beinni útsendingu árið 1987.
Sú rassskelling svíður enn á
botni ráðherrans enda hefur allt
legið niður á við síðan.
Formennskan löngu farin og eina
ástæðan fyrir þvi að Davíð leyfir
honum enn að hanga á þingi er
aumingjagæska gagnvart
Sunnlendingum sem mega ekki til
þess hugsa að Árni Johnsen verði
fyrsti þingmaður kjördæmisins.
Þorsteinn hefur því lengi velt
fyrir sér hefndum gagnvart fram-
sóknarmönnunum á Ströndum
sem hann álítur ábyrga fyrir ófór-
um sínum í stjómmálum sökum
fulltingis þeirra við Steingrím.
í dymbilvikunni, þegar dóms-
málaráðherrann sat í skugga
krossfestingarinnar, datt hann nið-
ur á eitrað ráð. Hvers vegna ekki
að gera Hólmavík, helsta fram-
sóknarbælið á Ströndum, að opin-
bem Gúlagi? Flytja þangað í kippu
alla durgana sem aldrei vom til
friðs! Böðvar lögreglustjóra, Ólaf
Skúlason, Franklín Steiner, Lúðvík
Bergvinsson og alla þessa kóna.
Dómsmálaráðherrann afréð að
byrja seríuna á því að senda
Strandamönnum Sigurð Gizurar-
son, sýslumann á Skaga. En
sýslumaður hefur unnið sér það
helst til óhelgis að rúlla upp
dómsmálaráðherra í hvert skipti
sem þeir hafa deilt um lögfræði.
Fyrirgefningin er ekki hluti af
hinu kristilega eðli kirkjumála-
ráðherra og með þessu sló hann
tvær flugur í einu höggi. Lægði
rostann í aulunum á Ströndum og
sýndi Sigurði Gizurarsyni svart á
hvítu að maður þarf ekki að véra
einn og sjötíu til að kunna
lögfræði!
Hinn annálaði húmoristi í
dómsmálaráðuneytinu hló í heilan
dag að þessari brakandi snilld. Það
var svo sannarlega geggjaður
húmor að láta geggjaðan sýslu-
mann yfir geggjaða Strandamenn.
Húmor ráðherrans féll hins
vegar ekki í kramið á Ströndum.
Flokksbræður hans vestra urðu
æfir, enda ekki fallið til atkvæða-
veiða svona rétt ofan í sveitar-
stjómarkosningamar að gera
Strandir að opinberu Gúlagi
ríkisstjórnarinnar. Forsætisráð-
herra brosti ekki meðan hann fór
að dæmi Pílatusar og þvoði hendur
sínar opinberlega rétt áður en
fostudagurinn langi rann upp. Odd-
viti Sjálfstæðisflokksins á Vest-
fjörðum, Einar K. Guðfinnsson,
brúkaði vestfirskt orðalag gegnum
tíkallasíma alla leið úr svörtustu
Afríku til að tjá þjóðinni þaim
gran sinn að dómsmálaráðherra
væri ekki með öllum mjalla.
Flokkur sem er að gera klárt fyr-
ir sveitarstjórnarkosningar lætur
auðvitaðekki lítinn kall af Selfossi
tæta af sér landsbyggðarfylgið bara
af því hann hefur pervert húmor.
Það liggur auðvitað í augum uppi
að hinir nýju vendir, sem sópuðu í
fyrrakvöld þremur bankastjóram
út úr Landsbankanum, verða að
sýna þjóðinni að misvitram ráð-
herram er ekki refsað síður en
þeim.
í svona máli dugar auðvitað
ekkert nema þyngsta refsing.
Annars gæti þjóðin látið flokkinn á
landsvísu fara sömu leið og flokk-
inn í borginni sem er gufaður upp
á astralplanið.
Heill flokksins krefst því að Þor-
steinn Pálsson verði dæmdur í
þyngstu refsingu. Jám og arbeið í
slaveríinu á Ströndum er ekki einu
sinni nógu hörð refsing fyrir spjöll
sem hann hefur unnið flokknum.
Dagfari leggur því til að
ríkisstjórnin haldi fast við fyrri
ákvörðun um að senda Sigurð
Gizurarson. En jafnframt verði
sendur með honum lúinn
lögfræðingur til að vera kontóristi
undir honum í Gúlaginu á
Ströndum.
Er einhver sem verðskuldar þá
stöðu meira en Þorsteinn Pálsson?
Dagfari