Dagblaðið Vísir - DV - 21.11.1998, Blaðsíða 59

VORURMEÐ
ÞESSU MERKI
MENGA MINNA
Norræna umhverflsmerklö
hjálpar þér aö velja þær vörur
sem skaða sföur umhverflö.
Þannlg færum við verðmæti
til komandl kynslóða.
/////,
UMHVERFISMERKISRÁÐ WÆ
HOLLUSTUVERND RlKISINS
Upplýsingar hjá Hollustuvemd rfkslns
f sfma 568 8848, heimasíða: www.hollver.is
LAUGARDAGUR 21. NÓVEMBER 1998
Heimahjúkrun langveikra barna og unglinga:
Veikist barn veikist
öll fjölskyldan
Árið 1989 var gerður samningur
milli Tryggingastofnunar ríkisins og
Félags íslenskra hjúkrunarfræðinga
og markar hann byrjun á sérhæfðri
heimahjúkrun langveikra barna og
unglinga. Nú sinna sex hjúkrunar-
fræðingar heimahjúkrun 25 barna
sem sjálfstætt starfandi verktakar.
Þær starfa náið með Greiningar- og
ráðgjafarstöð ríkisins og barnadeild-
um sjúkrahúsanna en meirihluti
þeirra barna sem þær sinna er út-
skrifaður af þeim. Læknir eða hjúkr-
unarfræðingur sendir Trygginga-
stofnun beiðni um aðstoð og ef sú
beiðni er samþykkt greiðir TR þjón-
ustuna að fullu og aðstoðin berst
strax.
Þeir hjúkrunarfræðingar sem
vinna við heimahjúkrun eru auk
þess að hjúkra börnunum tengiliðir
íjölskyldunnar við ýmsa stuðnings-
aðila. Guðrún Ragnars hjúkrunar-
fræðingur segir að veikindi skjól-
stæðinga þeirra séu af ýmsum toga.
„Við sinnum börnum og ungling-
um sem eiga við langvinn veikindi
eða fotlun að striða og má þar nefna
fyrirbura, börn með krampa, böm
með krabbamein, hjartveik börn,
börn með næringarvandamál, melt-
ingarsjúkdóma og hægðavandamál,
börn með vöðvasjúkdóma og húðsýk-
ingar. Einnig errun við með fjölfötl-
uð böm sem þurfa mikla umönnun.
Við sinnum líka flóknum lyfjagjöf-
um.
Stór liður í okkar þjónustu er að
veita fjölskyldum stuðning og ráð-
gjöf. Þegar barn veikist þá veikist öll
fjölskyldan. Okkar hlutverk er að
hlúa að fjölskyldunni og gefa henni
andlegan og félagslegan stuðning.
Það er mjög mismunandi eftir eðli
sjúkdóms hversu lengi við sinnum
hverju barni, allt frá nokkrum mán-
uðum og í það að vera ótímabundið."
Að mati Guðrúnar þyrfti heima-
hjúkrun að komast betur inn í kerf-
ið.
„Ef við horfum til framtíðar vild-
um við aö það yröi meira heildar-
skipulag á aiiri þjónustu, bæði innan
og utan sjúkrahúsanna. Stefhan í
heilbrigðisþjónustu í dag miðar að
því að stytta dvalartíma og þess
vegna er mikilvægt að færa þjónust-
una frá stofnunum inn á heimilin
þannig að gæði þjónustunnar
minnki ekki heldur færist til. Við
Þær sinna heimahjúkrun langveikra barna og unglinga. Frá vinstri: Ingigerð-
ur Jónsdóttir, Guðrún Ragnars, Fjóla Grímsdóttir, Kristín Vigfúsdóttir og
Halldóra Kristjánsdóttir. Á myndina vantar Báru Sigurjónsdóttur.
DV-mynd E.ÓI.
viljum fá þjónustuna meira inn í
kerfið og með nýjum barnaspítala
yrðum við meira einn tengiliðurinn
út í samfélagið. Við höfum fram að
þessu verið einhvers staðar „úti í
bæ“. Starfsfólk sjúkrahúsanna veit
um okkur en almenningur veit lítið
hvað við erum að tala um.“
Guðrún segir að heimahjúkrun sé
í örri þróun og kostir samfélags-
hjúkrunar séu miklir.
„Heimahjúkrun gerir börnum
kleift að eyða meiri tíma í sínu eðli-
lega umhverfi, styttir oft sjúkra-
húsinnlagnir og gerir fjölskyldunni
kleift að vera saman. Við sinnum sí-
fellt fleiri skjólstæðingum en við höf-
um það að leiðarljósi að gefa hverj-
um og einum persónulega hjúkrun
sem flokkast undir gæðaþjónustu."
-sm
Nú er frost1
á fróni
C-500, Multi Vit og Sólhattur
Þrír öflugir máttarstólpar sem saman byggja upp
varnir líkamans, auka þol og stuðla að hreysti.
éh
www.heilsa.is
eilsuhúsið
Skólavörðustíg, Kringlunni, Smáratorgi og Skipagötu, Akureyri
www.visir.is
FYRSTUR MEÐ FRÉTTIRNAR