Dagblaðið Vísir - DV - 22.02.1999, Blaðsíða 12
12
MÁNUDAGUR 22. FEBRÚAR 1999
Spurningin
Ætlar þú til útlanda í sumar?
(Spurt á Suöurnesjum)
Guðjón Guðmundsson fram-
kvæmdastjóri: Ekki í sumar,
kannski í haust. Ég er ekki búinn
að ákveða hvert.
Kristberg Kristbergsson verk-
stjóri: Við erum að hugleiða það,
fjölskyldan, sennilega verður það
flug og bíll um Evrópu.
Sigurlaug Pétursdóttir, starfs-
maður Flugleiða: Já, ég fer örugg-
lega eitthvað. Sennilega til Portúgal
en þangaö hef ég farið fjórum sinn-
um áður. Það er stórkostlegt land,
bæði loftslagið og fólkið.
Inga Teitsdóttir og Teitur: Ég er
ekki búin að ákveða það. Hef jafn-
vel áhuga á að fara til Spánar.
Þórður Andrésson vélstjóri: Ég
fer til Kanaríeyja núna í apríl. Ég
hef farið þangað áður og loftslagið
þar er mjög gott.
Ásta Pálsdóttir myndlistarmað-
ur: Ég er að fara til Kanaríeyja
núna í næstu viku. Það er í 9. sinn
sem ég fer þangað. Það er gott að
fara utan á þessum tíma árs og
njóta síöan íslenska sumarsins.
Lesendur
Ferðaskrifstofur
og þeirra verð
- engin samkeppni, ekkert eftirlit
„Utanlandsferðir fyrir íslendinga eru einhverjar þær dýrast seldu sem um
getur,“ segir bréfritari.
Guðjón Guðmundsson skrifar:
Ég las nýlega hugleiðingar skrif-
ara í blaöi hér að hann undraðist
alltaf hve íslendingar væru duglegir
við að standa í biðröð ef einhver
ferðaskrifstofa auglýsti ódýrar utan-
landsferðir. En þarf einhver að
furða sig á því? Utanlandsferðir fyr-
ir íslendinga eru einhverjar þær
dýrast seldu sem um getur. Og ekki
nóg með það heldur virðist sem ís-
lenskar ferðaskrifstofur séu i ein-
hvers konar samráði um verð, því
það er nánast alveg eins frá einni
skrifstofunni til annarrar. - Og svo
mikið er víst að næstliðna helgi
komu allar ferðaskrifstofurnar með
sumarbæklinga sína þá helgina og
kynntu sumarverðið í leiðinni.
Segja má um ferðaskrifstofur hér
á landi að þær hafi enga samkeppni,
þær bjóða það sama og nánast sama
verð og jafnvel sömu hótel. Það er
því jafnt á komið með ferðaskrifstof-
unum og á sér stað í utanlandsflug-
inu; eins konar einokun á báða bóga.
Nýlega kom fram á Alþingi eftir
fyrirspum eins þingmannsins að í
raun er ekkert eftirlit með auglýs-
ingum íslenskra ferðaskrifstofa eða
þeim aðbúnaði sem þær bjóða við-
skiptavinum og því hvort þeir fái þá
þjónustu sem þeim er lofað. Svar
ráðherra var það að viðskiptavinir
gætu snúið sér til einhverrar
„kærunefndar". En hver gerir það?
Nú streyma bæklingar til lands-
manna með verði og upplýsingum
um ferðir í sumar. Sífellt er notað
dæmið um „hjónin með börnin
tvö“. Vilji hins vegar hjón fara ein
án barna snarhækkar verðið fyrir
manninn. Dæmi tekið af handahófi:
Hjón með tvö böm greiða kr. 60.500
á mann en sé um hjón að ræða
greiða þau kr. 72.500 - og mismun-
urinn getur verið enn meiri. Þetta
er ekki rökrétt markaðssetning
fremur en annað. - Eins og t.d. ger-
ist um stórborgarfargjöldin. Þar eru
boðin fargjöld til London á kr.
19.800 (að viðbættum kr. 2.800
skatti). - Já, við sitjum sannarlega í
súpunni íslendingar þegar kemur
að verðlagningu og samkeppni í ut-
anlandsferðum.
EES-reglur til margs
brúklegur
Ámi Guðmundsson skrifar:
Maður gæti stundum haldið að ís-
lenskir stjómmálamenn af öllum
sortum væru ekki með fulla hugsun
eða alla vega vanheila, þegar kemur
að því að túlka reglur EES-samn-
ingsins. Þannig eru mörg dæmi um
að íslenskir ráðamenn noti EES-
reglur ýmist til þess að verja
tröppugang og mistúlkun sem hér
viðgengst og er í blóra við þennan
annars ágæta samning, og svo líka á
hinn veginn; til þess að styðja sig
við þegar mikið liggur við.
Nýjasta dæmið er auðvitað um
skattaafslátt vegna innlendra hluta-
bréf sem Eftirlitsstofnun EFTA hef-
ur nú bent á að samræmist ekki
þeim lögum sem gilda í EES-löndun-
um. Allir aðilar í öllum löndunum
verði að sitja við sama borð í þess-
um efnum. - En þá kemur fjármála-
ráðherra til skjalanna og segir að
skattamál heyri ekki undir EES-
samninginn. Auk þess sé þetta smá-
smuguleg afskiptasemi.
Er þetta nú ekki svipað því að
segja að þjófur sé ekki þjófur nema
hann steli umtalsverðri upphæð?
Eða erum við íslendingar bara
svona feiknalega miklir eiginhags-
munaseggir og sjálfumglaðir sveita-
menn?
Skipulagsmál Reykjavíkur
- í orði og á borði
Eiríkur Eiríksson skrifar:
Það stefnir allt í að skipulagsmál
í Reykjavík verði heitt kosningamál
í næstu borgarstjórnarkosningum.
Um þau mál er tekist á í pólitík höf-
uðborgarinnar af meiri hörku en
nokkuð annað. Spumingu er ósvar-
að hvort byggja eigi íbúðahverfi í
Vatnsmýrinni, og hvar eigi þá að
byggja flugvöll. Og ef ekki í Vatns-
mýrinni hvar þá, ef byggja þurfi
flugvöll á annað borð. Um þessi mál
hafa aðallega borgarfulltrúarnir
Guðrún Ágústsdóttir, R-lista, og Ey-
þór Amalds, úr Sjálfstæðisflokkn-
um, tekist á. Guðrún sagði i viðtali
við DV ekki fyrir löngu að henni lit-
ist vel á þær tillögur að byggja í
Vatnsmýrinni og að færa flugvöll-
inn. En hvað geröi hún á fundi
skipulagsnefndar stuttu síðar? Jú,
njl<jpp[p)/g\ þjónusta
allan
„Við Vatnsmýrina eru falleg útivistarsvæði og þar
gæti rúmast 20 þúsund manna byggð," segir m.a.
í bréfinu.
hún samþykkti aðalskipulag borgar-
innar til ársins 2016 þar sem flug-
völlurinn var festur í sessi. - Það er
því ekki sama hvort það er í orði
eða á borði.
Það eina rétta í þessu máli er það
sem Eyþór Arnalds hefur bent á.
Við eigum ekki að bera okkur sam-
an viö Kópavog eða Hafnarfjörð.
Reykvíkingar eiga að
bera sig saman við
sambærilegar borgir í
Evrópu; Kaupmanna-
höfn, London o.s.frv.
Og eina leiðin - eins
og Eyþór bendir á, til
þess að gera borgina
að alvömborg - er að
byggja í Vatnsmýr-
inni og færa flugvöfl-
inn í uppfyllingu á
Skerjafirðinum. Eða
þá að færa flugið ein-
faldlega aUt til Kefla-
víkur. Við Vatnsmýr-
ina em faUeg útivist-
arsvæði og þar gæti
rúmast 20 þúsund
manna byggð. íslensk-
ir aðalverktakar hafa
boðist tU að byggja
þar og reisa i staðinn
nýjan flugvöU. Þetta er tilboð sem
borgin á ekki að hafna. Eða svo vill
a.m.k. Eyþór ekki að verði gert. En
Guðrún lýsir einu yfir í fjölmiðlum
en framkvæmir svo annað í skipu-
lagsnefndinni, svona rétt áður en
hún stingur af til Kanada. - Menn
vita hvaða fuUtrúa þeir kjósa í
næstu kosningum.
DV
Heimiliskisa,
ekki meindýr
Kristinn Sigurðsson skrifar:
Mann hryUir við því að i þessu
þjóðfélagi okkar skuli vera tU þeir
menn sem úrskurða að heimilis-
kettir séu meindýr, likt og rottur.
HvUik svívirða og viðbjóður. Ég
get ekki samþykkt að heimUiskisa
mín sé meindýr sem óvandaðir
menn veiði í búr og sendi í Katt-
holt. Og að ætla að setja upp
ákveðinn útivistartíma fyrir kis-
urnar? Hreint rugi. Því ekki fyrir
fugla líka? Ég skora á kattavini og
dýravini almennt en ekki síst
Kattavinafélagið að snúa vörn i
sókn, og það tafarlaust.
Samfylkingin
- talsmaður eða leiðtogi?
Þorsteinn Gíslason hringdi:
Mér finnst Sighvatur Björgvins-
son krataformaður nokkuð siyng-
ur stjórnmálamaður. Hann
munstrar Margréti Frímannsdótt-
ur talsmann Samfylkingarinnar
næstum upp á sitt eindæmi. - Tak-
ið eftir: talsmann Samfylkingar-
innar í komandi kosningabaráttu.
Þetta er snjöU málamiðlun, vitandi
að Jóhanna Sigurðardóttir er sig-
urvegarinn í sigurgöngu SamfyU?-
ingarinnar. En bíðum við. Sig-
hvatur veit að þetta gildir aðeins
meðan á komandi kosningabar-
áttu stendur. Eftir kosningar mun
það svo verða Jóhanna sem gerð
verður að leiðtoga Samfylkingar-
innar. Verði fylkingin sigursæl
mun það fært Jóhönnu tU tekna,
og þá verður hún eðlilega leiðtog-
inn. Verði hins vegar hrun má
skrifa það á talsmann Samfylking-
arinnar í kosningunum, Margréti
Frímannsdóttur. Þetta nefnist rétt
útspil - í pólitík.
Grænlenskar
kosningafréttir
Hulda skrifar:
Það er ekki logið á Ríkisútvarp-
ið - og raunar ekki á Stöð 2 eða
Bylgjuna heldur út af þessum
kosningum á Grænlandi. Það
stoppuðu ekki fréttir um græn-
lensku kosningarnar um helgina
síðustu. En hver hefur áhuga á
þessu? Ég held mjög fáir. Við hér
erum ekki spennt fyrir því hvem-
ig þessum Siumut, Atarsut eða
Kratasut vegnar, játum það bara
hreinskilnislega. Til Grænlands
fara afar fáir íslendingar þótt það
sé okkar næsti nágranni.
Áskorun til
kjördæmaráða
Samfylkingar
Sigurður Einarsson, félagi í Al-
þbl. á Akranesi, hringdi:
Ég skora á kjördæmaráð Al-
þýðubandalagsins á Norðurlandi
vestra og eystra að hafna fram-
komnum listum Samfylkingarinn-
ar í kjördæmunum. Það liggur
ljóst fyrir að þau Kristján Möller
og Sigbjörn Gunnarsson unnu
prófkjörin á löglegan en siðlausan
hátt. Það á m.a. að vera hlutverk
Samfylkingarinnar að útiloka sið-
lausa stjórnmálamenn ekki aö
framleiða þá.
Kvennalista-
konur ekki
traustvekjandi
Þórólfur hringdi:
Við vinnufélagar mínir vorum
að ræða síðustu uppákomur í
stjórnmálunum og prófkjörum
Samfylkingarinnar í borginni og
víðar. Okkur fmnst ótrúlegt
hversu Kvennalistakonurnar reyn-
ast ótrúverðugar í stjómmálunum
þegar til kastanna kemur. Og
tapsárar með afbrigðum. Einn okk-
ar spáði því að það næsta sem ger-
ist innan Samfylkingarinnar verði
það að Kvennalistakonur krefjist
allsheijar uppstokkkunar á listum
þai' sem þær skipa sæti. Vilji flytj-
ast ofar en ganga út ella. - Já, hví-
lik uppákoma í stjómmálum!