Dagblaðið Vísir - DV - 07.08.1999, Qupperneq 21
I ’J'W" FÖSTUDAGUR 7. ÁGÚST 1999
yiðtal,
íjármagn í umferð saman.
Þegar kreppir að eiga seðla-
bankar að bjarga bönkunum og
það var einmitt gert þegar Rúss-
land hrundi í fyrra. Lika þegar
Wall Street hrundi ‘87. Það var
engin kreppa."
Er þá engin kreppa á leiðinni?
„Nei, það eru einmitt ýmis já-
kvæð teikn á loft í Evrópusam-
bandslöndunum og Austur-Asíu.
Kreppukenningarnar ganga út á
að það verði verðhrun á verð-
bréfamörkuðum í Ameríku og þá
muni fólki finnast það vera orðið
fátækara, til dæmis miðstéttin í
Bandaríkjunum, og þá muni
neysla dragast saman. En þetta
eru umdeildar kenningar. Við get-
um til dæmis spurt að því hvað
Wall Street þurfi að hrynja mikið
til þess að hinn almenni borgari
dragi úr neyslu."
Hvernig er staðan hér á ís-
landi?
„Ég held að það hafi aldrei ver-
ið eins mörg tækifæri í atvinnu-
lífinu á íslandi og núna. Ég hef
sjálfur gifurlega trú á íslensku at-
vinnulífi og sérstaklega á ungu
kynslóðinni. Eina hættan sem ég
gæti séð er verðbólgan en ég neita
að trúa þvi að stjórnvöld geri ekki
allt sem i þeirra valdi stendur til
að slá á verðbólguhættuna. Til
þess þarf rikisstjórn sem lætur
ekki undan þrýstihópum.“
Islenska eyðsluklóin er
óvitlaus
Margeir hefur skrifað nokkrar
greinar um fjármál sem hafa vak-
ið athygli. Þegar minnst er á
eyðsluklóna við hann brosir hann
og segir: „í rauninni er ég aðeins
að vísa í viðurkenndar kenningar
um hegðun íslendinga. Ég held að
íslenska eyðsluklóin sé óvitlaus
og hún er eins og fermingarbarn
á móts við bandaríska neytand-
ann. Þar eru menn með miklu
hærri kreditkortaskuldir. Ég held
að 95% fólks viti hvað það er að
gera í fjármálum. Það reiknar sitt
dæmi þótt það fari tvisvar á ári til
útlanda og eigi jeppa.
Ég var að ræða þetta við kunn-
ingja minn um daginn og við velt-
um því fyrir okkur hvort íslenska
eyðsluklóin ætti ekki orðið allt,
hvort nokkuð væri hægt að selja
henni frekar. En við sáum fljótt
að í sumar eru það fellihýsin.
Eyðsluklóin mun alltaf finna nýj-
ar leiðir. til neyslu. Hún verður
aldrei mett. Græðgi hennar er
óendanleg og það er gott fyrir
efnahagslifið."
Hvernig sérðu framtíðina fyrir
þér?
„Það eru að verða breytingar í
þjóðfélaginu sem enginn áttar sig
á nema að litlu marki og það er
fíflaskapur að láta eins og maður
skilji hvað er i gangi.“
Hvaða breytingar?
„Það eru til dæmis áhrif síauk-
innar tækni og frelsis hér á Is-
landi. Við eigum heimsmet í að
nýta okkur tækni og frelsi, auk
þess sem ytri skilyrði eru okkur
hagstæð."
Eru hlutabréfakaup góð leið til
að hagnast?
„Já, ef þú nennir að standa I
þessu og hefur þolinmæði til að
sjá að þú hafir rétt fyrir þér. Sum-
ir fara á taugum á miðri leið og
selja alltof snemma. Það sem þarf
Lögfræðingur, skákmeistari og verðbráfamiðlari:
til að hagnast á þessum viðskipt-
um er þekking og þolinmæði. Þú
getur keypt netfyrirtæki sem
fimmfaldast í verði á stuttum
tíma en það er ekki algengt. Það
gerist kannski einu sinn á æv-
inni. En það á enginn að fara út í
verðbréfaviðskipti sem ætlar að
stóla á heppni. Hann á bara að
vera í Las Vegas.“
-sús
Margeir Pétursson hefur hagnast vel á verðbréfaviðskiptum
seinustu árin og hefur nú stofnað fyrirtæki til að hjálpa öðrum að
gera slíkt hið sama.