Dagblaðið Vísir - DV - 01.09.1999, Blaðsíða 16

16
MIÐVIKUDAGUR 1. SEPTEMBER 1999
Kvikmyndir
DV
Beloved
Asokn ur myrkri
Haut les Coeurs
Hin hárfína lína
fortíð
, i i j Árið 1987 var gefln út
mögnuð bók eftir banda-
rísku skáldkonuna Toni Morrison
sem hlaut bókmenntaverðlaun Nóbels
árið 1993. Úlfur Hjörvar gaf þessari
miklu sögu nafnið Ástkær í þýðingu
sinni. Og þótt það sé ærið mál að þýða
slíkt verk frá einni tungu til annarrar
vandast nú málið töluvert þegar flytja
skal það á milli ólíkra miðla. Það var
því ekki að ástæðulausu að ég óttaðist
að illa gæti farið fyrir Beloved. Ekki
síst eftir að það spurðist út að Oprah
Winfrey færi með aðalhlutverkið.
(Mér þótti það sambærilegt við að
Jerry Springer léki Jesúm Krist í
dramatískri mynd um frelsarann.)
Rétt er að nefna það strax að ekkert er út á
frammistöðu hennar að setja þótt eflaust spilli
hún fyrir innlifun sumra áhorfenda af þeirri
einfóldu ástæðu að hún er Oprah.
Þessi mikla örlagasaga, sem gerist um
miðja 19. öldina, er uppgjör við þrælahald og
kúgun blökkumanna í Bandaríkjunum.
Mæðgurnar Sethe (Oprah Winfrey) og Denver
(Kimberly Elise) búa út af fyrir sig í ásóttu
húsi sökum harmleiks úr fortíðinni. Þá kem-
ur til sögunnar gamall vinur Sethe, Paul D
(Danny Glover), sem vekur upp sárar minn-
ingar frá lífi þeirra í ánauð. Þótt heimsókn
hans hafi verið óvænt var hún hversdagsleg i
samanburði við komu Beloved (Thandie
Newton) sem er sérkennileg stúlka á tánings-
aldri líkt og Denver. Óræð tengsl hennar við
fjölskyldumeölimi og reimleika hússins eru
að mörgu leyti drifkraftur myndarinnar.
Meö þessari mynd sýnir Jonathan Demme
enn einu sinni hversu fær leikstjóri hann er.
Þótt atburðarásin fari vítt og breitt bæði í
tíma og rúmi missir hann hana aldrei frá
kjama sögunnar þótt lyktir hennar hefðu
mögulega mátt ganga hraðar fyrir sig.
Spennu, óhugnað og dramatík blandar
Demme enn fremur saman á
kraftmikinn máta. Þá er mynd-
in einkar vel leikin og ber sér-
staklega að nefna frammistöðu
stúlknanna Thandie Newton og
Kimberly Elise. Beloved er
áhrifamikil mynd og það veldur mér nokkurri
furðu að akademían hefir hunsað þessa mynd.
Kæri lesandi, ég vona að þú gerir ekki sömu
mistök hafir þú á annað borð gaman af epísk-
um örlagasögum.
Leikstjóri: Jonathan Demme. Kvikmynda-
taka: Tak Fujimoto. Tónlist: Rachel Portman.
Aðalhlutverk: Oprah Winfrey, Danny Glover,
Thandie IMewton og Kimberly Elise. Banda-
rísk, 1998. Björn Æ. Norðfjörð
Fyrsta leikna bíómynd
Sólveigar Anspach er af-
bragðsgott verk, fiúlt af finlegum blæ-
brigðum, nostri við smáatriði og alúð
við persónusköpun. Og þrátt fyrir að
fjalla um sérlega erfitt efni, krabba-
mein ungrar ófrískrar konu, er and-
rúmsloft myndarinnar langt frá því
að vera þrúgandi heldur frísklegt og
á köflum nokkuð gamansamt. Þetta
er þeim mun þakklátara þar sem
sjúkdómsdramað, sá margþvældi
bálkur kvikmynda, hefur svo alltof
oft það markmið að kalla fram auð-
veld tár.
Aðalpersónan Emma er ófrísk að
sínu fyrsta barni þegar hún fær að
vita að hún er með illkynja krabba-
mein í brjósti. Henni er allri lokið
þegar henni er tjáð að fóstureyðing sé
nauðsynleg en þegar Simon, kærasti
hennar, dregur hana til annars lækn-
is kemur í ljós að hún getur haldið
baminu og tekist á við sjúkdóminn
með öðrum aðferðum. Emma verður
því að herða upp hugann og berj-
ast gegn vágestinum með hjálp
Simonar og fjölskyldunnar.
Emma er sérlega næmlega
túlkuð af upprennandi franskri
leikkonu, Karin Viard, sem nær
að feta hina hárfinu línu milli baráttuvilja og
píslarvættis. Laurent Lucas, í hlutverki
kærastans, Simonar, er engu síðri, heldur ró
sinni að mestu leyti og gleymir ekki húmorn-
um þrátt fyrir örvæntinguna sem svífur yfir.
Aðrir leikarar gera sömuleiðis fina hluti,
þetta eru allt skýrar og lifandi persónur sem
við finnum sterkt fyrir.
Nálgun Sólveigar er að mestu með aðferð-
um hinnar hlutlægu frásagnar sem fylgist
Kvikmynda
GAGNBÝNi
með og lætur áhorfandanum eftir að upplifa.
Sólveig á að baki nokkrar heimildarmyndir,
þar á meðal eina sem sýnd er á hátíðinni (Upp
með hendur). Þessi mynd er eðlileg þróun af
slíkum verkum en um leið sækir hún í raun-
sæishefðina sem á sér djúpar rætur í franskri
og raunar evrópskri kvikmyndasögu. íslensk-
ir kvikmyndagerðarmenn eru sérstaklega
hvattir til að sjá þessa mynd, af henni má ör-
ugglega læra trix eða tvö.
Leikstjóri: Sólveig Anspach. Handrit: Sólveig
Anspach og Pierre-Ewan Guillaume. Aðal-
hlutverk: Karin Viard, Laurent Lucas, Julien
Cottereau.
Ásgrímur Sverrisson
Dagskrá miðvikudaginn 1. sept.
D p rt M » A ft I IlvJ
SáMM
SINIORRABRAUT
16:00 Happiness 16:30 A Clockwork Orange
Arizona Dream 17:00 Sex-Annabel Chung
17:00 Half a Change Full Metal Jacket
18:30 Happiness 19:00 A Clockwork Orange
19:00 Three Seasons Sex-Annabel Chung
Trick Slam
21:00 Happiness 21:00 Sex-Annabel Chung
Children of Heaven Slam
23:00 Last Days 21:30 Barry Lyndon
23:30 Happiness 23:00 Sex-Annabel Chung The Shining
HÁSKÓLABÍÓ
16:50 Tea with Hussolini
17:00 Lucky People Center
19:00 Tango
Black Cat White Cat
Gadjo Dilo
21:15 Black Cat White Cat
21:00 Run Lola Run
23:00 Limbo
Liítle Tony
er klúbbur hálíðarinnar
veliíða hátíðarlnnar
vísir.is
FLUGŒlOm jfSt
LlldkL
Bílaleiga
FLUGFÉIAG ÍSIANDS
Air IfrlfiH/l
TVGZIMSEN
PRIMAVERA
RISTORANTE