Dagblaðið Vísir - DV - 31.12.1999, Blaðsíða 39

3D"\?r FÖSTUDAGUR 31. DESEMBER 1999
4
_____________________________________________%ndið 1999*
Mikill uppgangur í atvinnulífi á Vesturlandi:
Fólksfjölgun - líka í ríkisstjórn
Hva!f]aröargöng, stóriðja og ný-
breytni í atvinnulífi gera það að
verkum að mannlif á Vesturlandi er
aftur á uppleið. Fólki fjölgar í fjórð-
ungnum og bjartsýni gætir. At-
vinnulíf á Vesturlandi hefur verið
með miklum blóma á þessu ári og
hefur tekið stakkaskiptum. Tölu-
verður uppgangur er á Snæfellsnesi
og raunar um allt Vesturland, það
fer ekki milli mála.
Öflug fyrirtæki og göngin
Atvinnuleysi er lítið og er það
grundvallarbreyting frá því sem var
fyrir ekki löngu síðan. Má fyrst og
fremst þakka nýjum og öflugum fyr-
irtækjum sem hafa verið stofnuð á
Vesturlandi, meðal annars Norður-
áli á Grundartanga, Rækjunesi í
Stykkishólmi, sem er að fara út í
neytendapakkningar og Sigurði
Ágústssyni, sem keypti hrognaverk-
smiðjuna Noru. Auk þess hafa mörg
fyrirtæki sem fyrir eru verið að efl-
ast.
Daníel V.
Ólafsson,
fréttaritari DV,
Vesturlandi
Svo eru Hvalfjarðargöngin farin
að segja til sín. Þau efla mannlífið
og veita ný tækifæri. Á annað
hundrað manns sækja vinnu sína
daglega frá Vesturlandi til Reykja-
víkur.
Ánægjuleg tíðindi eru að Vest-
lendingum fjölgaði á árinu og er það
breyting frá því sem verið hefur. Og
Vestlendingum fjölgaði líka í stjóm-
arráðinu, þeir fengu sinn annan
- eftir Daníel V. Ólafsson, fréttaritara DV á Akranesi
Ólafur Ragnar Grímsson, forseti íslands, smakkar á kleinum sem komu við sögu í opinberri
heimsókn hans og Lennarts Meri á Akranes. Þær þóttu nokkuð harðar undir tönn.
DV-mynd Daníel
Kleinur og
sprengjur í
pólitík
’Ýmsir merkis-
menn heimsóttu
Vesturland á ár-
inu. Hæst bar þó
opinbera heim-
sókn Ólafs Ragn-
ars Grimssonar,
forseta íslans og
Lennarts Meri,
forseta Eistlands,
til Akraness.
Kleinur komu
nokkuð við sögu í
þeirri heimsókn
en þær voru ekki
bakaðar af Gunn-
ari Sigurðssyni,
bakara og sjálf-
stæðismanni á
Akranesi. En
hann átti þó eftir
að „baka vand-
ræði“ á árinu.
Fyrsta alvöru
sprengingin i póli-
tikinni varð í vor
þegar slitnaði upp
úr meirihlutasam-
starfi Sjálfstæðisflokks og Fram-
sóknarflokksins í Borgarbyggð út af
sorpmálunum og bæjarstjórinn var
látinn taka pokann sinn. Óli Jón
Gunnarsson, fyrrverandi bæjar-
stjóri i Borgarbyggð, var síðan kjör-
inn bæjarstjóri í Stykkishólmi og
tók hann við af Ólafi Hilmari
Sverrissyni. Stefán Kalmannsson
tók síðan við starfi bæjarstjóra í
Borgarbyggö af Óla Jóni. Næsta al-
vöru sprengingin í pólitíkinni varð
í nóvember þegar Gunnar Sigurðs-
son, oddviti Sjálfstæðisflokksins á
Akranesi, var kjörinn formaður
Samtaka sveitarfélaga á Vestur-
landi og meirihluti bæjarstjómar
Akraness sagði sig úr samtökunum
í kjölfar þess í desember.
Aukinn skipafloti og heitt
vatn í hús
Vestlendingar juku og bættu við
skipaflotann á árinu svo um mun-
aði. Haraldur Böðvarsson hf. á
Akranesi fékk til sín togarann Ing-
unni Sveinsdóttur og nótaskipið Óla
í Sandgerði. Auk þess komu nokkur
smærri skip til Akraness, Snæfells-
bæjar, Stykkishólms og Grundar-
flarðar. Guðmundur Runólfsson hf.
í Grundarfiröi bætti við sig tveimur
stórum skipum í lok ársins, togara
og togskipi og þar með 1.450
þorskígildistonnum.
Mikið hefur verið karpað um veg
yflr Vatnaheiöi á þessu ári en
skipulagsstjóri hefur úrskurðað að
ráðherra þegar
Sturla Böðvarsson
tók við samgöngu-
ráðuneytinu.
báðar leiðirnar séu góðar, Vatna-
heiði og endurbættur vegur um Kerl-
ingarskarð. Það verður síðan um-
hverfisráðherra sem mun úrskurða í
þessu deilumáli þann 29. desember. í
nóvember var tekinn í notkun vegur-
inn um Búlandshöfða sem bætir til
muna samgöngur á Snæfellsnesi.
Vel hitnaði undir Stykkishólmsbú-
um á árinu þegar Hitaveita Stykkis-
hólms var tekin í notkun og byrjað
var á framkvæmdum við hitaveitu í
Dölunum. Þá er verið að rannsaka
hvort heitt vatn fmnist í Grundar-
firði og Ólafsvík.
Mikið var um eigendaskipti á fyr-
irtækjum á árinu, ekki síst í Stykkis-
hólmi. Fosshótel keypti Hótel Stykk-
ishólm, Baugur keypti matvöruversl-
un og Kynnisferðir keyptu Eyjaferð-
ir.
Þá voru merk tímamót í sorpmál-
um og umhverfismálum á Vestur-
landi þegar sameiginlegur
sorpurðunarstaður fyrir allt Vestur-
land var tekinn í notkun í Fíflholtum
í Borgarbyggð. Þá er verið að taka í
notkun gámastöð í Borgarbyggð og
flest sveitarfélögin munu fylgja á eft-
ir en Akranes var fyrst sveitarfélaga
á Vesturlandi til að taka í notkun
slíka stöð. Þá hefur vakið mikla at-
hygli viðleitni Snæfellsbæinga til
umhverfismála sem hafa mótað sér
ákveðna stefnu í umhverfismálum og
stofnað sérstakt félag um þann mála-
flokk.
Skólamálin voru mjög í sviðsljós-
inu á árinu. Landbúnaðarháskólinn
á Hvanneyri tók til starfa. Samvinnu-
háskólinn tók í notkun nýja tækni í
tölvumálum, fyrstur skóla á Islandi
og þó víðar væri leitað og Fjölbrauta-
skóli Vesturlands á Akranesi tók í
notkun nýtt og endurbætt húsnæði.
Undirritaður óskar Vestlendingum
gleðilegs nýs árs með þökkum fyrir
samstarfið á liðnu ári. Lifum heil og
verum góð við hvert annað á árinu
2000. -DVÓ
Sunnlenskur sagnaþulur skoöar 1999 og næstu framtíð:
Akandi til Eyja og Ijóslaus yfir heiðina
Kamfýlóbanarnir Matthías og Birgir, heilbrigöisfulltrúar á Selfossi, voru ókrýnd-
ir „Sunnlendingar ársins“ fyrir aö bera hag neytenda á Islandi fyrir brjósti frem-
ur en framleiðendanna.
„Hvers vegna ertu að spyrja mig
að þessu,“ sagði gamall Sunnlend-
ingur sem varð á vegi mínum núna
rétt fyrir áramótin. Mér fannst að
ég hlyti að komast í góða lind til að
rif]a upp atburði ársins sem er að
líða ef ég mundi knýja dyra hjá
þessum aldna Sunnlendingi og fá
hans álit á því tímabili sem við köll-
um ár.
„Það er nú ekki hægt að segja að
árið hafi verið fullt stórviðburða en
þó er ýmislegt sem rifjast upp ef far-
ið er að róta í huganum," sagði sá
gamli og leit til fjallahringsins sem
er óviða eins fallegur og á Suður-
landi í góðu veðri. „Ég hef oft sagt
að það sé eins með Sunnlendingana
og umhverfið sem þeir búa í, að þeir
séu álika fjölbreyttir. Enda ekki við
öðru að búast þegar landið er byggt
frá fjöru til fjalls á jafnmikilli víð-
áttu og hér er, við höfum orðið að
læra að búa við þessa náttúru sem
er yfirleitt góð viö okkur en stund-
um vill hún sýna á sér aðra hlið.“
Við þessi orð leit hann í lófa sér
og það var eins og hann væri að
fletta upp í minnisbók þegar hann
gerði það. Hendur hans voru ristar
rúnum áranna sem hann hafði lifað
og ef hver þeirra gæti sagt frá því
sem hún hefði upplifað væri það
efni í margar bækur.
Skjálfti færist milli fjalla
„Hvemig er þetta til dæmis fyrir
austan?“ sagði sá gamli, „eru menn
ekki alveg að verða búnir að kæfa
Kötlu gömlu svo kirfilega með mæl-
um og tólum aö hún lætur ekki á
sér kræla næsta mannsaldurinn?
Jú, það er búið að dusta rykið af öll-
um Kötluviðbúnaði og þar eru allir
komnir á tæmar bíðandi eftir að
eitthvað gerist. Eftir að hlaupið
kom í Jökulsá í sumar hafa menn
vaknað við vondan draum og varla
sofnað aftur. Það passar líka að þeg-
ar allir eru tilbúnir í Mýrdalnum
verður allt farið að skjálfa í Eyja-
fjallajökli, þetta á líklega eftir að
færast milli fjalla til að vekja menn
til umhugsunar víðar,“ sagði hann
„En þeir í Flóanum hafa nú líka
eitthvað verið að skjálfa. Þaö er
kannski eftir að þeir fengu nýjan
ráðherra. Sá gamli fór suður til
Bretlands og dvelur þar í góðu yfir-
læti sem sendiherra. En sá nýi er
hjartahlýr,“ sagði viðmælandi minn
og kímdi við.
Bíltúr til eyja - Ijóslaus á
heiðinni
Þegar ég spurði hann hvað hann
ætlaði að hafa til jólanna stóö á
svari: „Sko, við hjónin erum búin
að vera að prófa ýmislegt á liðnum
árum. Fyrst sviniö, síðan kjúkling-
ana og svo kalkúnana. En nú veit
maður ekkert hvað er óhætt að
éta af þessu. Ef það er ekki eitt þá
er það annað. Það er víst best að
fara varlega. En það er erfitt hjá
fleirum en mér að átta sig á þessu
- sums staðar eru menn frekar að
berjast við að finna sökudólga en
taka til hjá sér,“ sagði viðmælandi
minn.
Mér lék forvitni á að vita hvað
hefði staðið upp úr í pólitísku
landslagi Suðurlandsundirlendis
á árinu. „Þetta var nú svipað moð
og venjulega. Þó að kosningar hafi
verið í ár breyttu þær ósköp litlu,
landslagið er það sama og fyrir
þær. Þó svo að sums staðar hafi
verið barist undir öðrum merkj-
um er niðurstaðan sú sama eftir
allt saman. Gaman verður þó að
geta farið í bíltúr til Eyja innan
nokkurra ára eða keyrt ljóslaus
yfir Hellisheiði. Gott þegar sjónin
er farin að minnka,“ sagði öldung-
urinn sem er frægur fyrir ferða-
gleði sína.
Sunnlenskur seölabanka-
stjóri
Nú á síðustu dögum ársins er það
orðið ljóst að Sunnlendingur er að
setjast í stól seðlabankastjóra. „Það
er fagnaðarefni aö pólitíkusamir
hafa ekki gleymt tilgangi sínum
þegar til svona stöðuveitinga kem-
ur. Það væri skelfileg tilhugsun ef
þessi grey færu út úr pólitík og viö
þyrftum að gleyma þeim jafnóðum.
Gott að hafa þá sem minnismerki
inni á heimilum í gegnum sjónvarp-
ið þegar þeir hafa fengið nóg af
argaþrasinu á Alþingi," sagði sá
aldni og tók vænan slurk í nefið og
bauð mér með sér, mér til óbland-
innar hressingar.
„Annars finnst mér gott þegar
alls staðar er nóg er að gera. Viö
höfum um stundarsakir fengið nýj-
an þéttbýlisstað hér inni á fjöllum
og hér í kjördæminu er fólki að
fjölga, allavega á vesturvængnum.
Slæmt að vita að alltaf fækkar á
austurendanum. Maður er hræddur
um að landið sporðreisist einhvern
daginn. Menn verða að reyna að
Njöröur
Helgason,
fréttaritari J
DV, Selfossi '*Wm£í
snúa þessu við með einhverjum
leiðum. Hvemig væri að sunnlenski
seðlabankastjórinn flytti Seðlabank-
ann í Vík? Allavega á Selfoss. Ég
held að fólk hafi áttað sig of seint í
hvað stefndi, þetta var eins og fyrir
vestan. Menn fóru að gera eitthvað '
þegar allir voru að fara,“ sagði sá
gamli. Með það var hann farinn.
Ótalmargt gerðist á Suðurlandi á
árinu sem við ræddum ekki um,
það er líka gott aö eiga eitthvað í
sarpnum til að ræða um seinna
meir. -NH