Dagblaðið Vísir - DV - 31.12.1999, Blaðsíða 45
lærði i þrjá mánuöi.
„Þetta var talsvert ævintýri og
upplifun fyrir mig. En mér leist
ekki allt of vel á mig í Reykjavík.
Það var hálfgerð kreppa á þessum
árum og mikil fátækt. Kreppunnar
varð ekki eins vart norður á Hest-
eyri, þar sem atvinna var næg i síld-
inni.“
Á síldarleysisárinu 1937 fylgdi
Ingimar Garðari bróður sínum suð-
ur í Borgarfjörð en Garðar settist á
skólabekk á Hvanneyri.
„Ég ætlaði fyrst að svipast um eft-
ir skiprúmi en var oröinn nokkuð
afhuga sjómennsku þegar hér var
komið sögu. Ég hafði reynt fyrir
mér sem háseti á togararanum Ver
veturinn 1933 og leist satt að segja
ekki á. Þegar við komum að bryggju
blasti við mikiil mannfjöldi á
bryggjunni. Mér fundust þessar
miklu móttökur sérstæðar en í ljós
kom að þetta voru verkamenn á
snöpum eftir vinnu. Svona var
ástandið þá og þama varð mér ljóst
að togarasjómennska átti ekki við
mig.“
Ingimar var viðloðandi á Hvann-
eyri í byggingavinnu næstu þrjú
árin en þegar stríðið skall á fekk
hann upphringingu frá Kveldúlfs-
mönnum sem voru að ræsa mikla
verksmiðju á Hjalteyri við Eyjafjörð
og vantaði vanan skilvindumann.
Ingimar sló til og var í þrjár vertíð-
ir á Hjalteyri en síðan lá leiðin i
setuliðsvinnu og fleira suður í
Njarðvík. Þetta sama strið gróf und-
an heimabyggð hans í Aðalvík, sem
á þessum árum tæmdist nær alger-
lega af fólki.
Flóttinn brestur á og
byggðin tæmist
„Það kom her í Aðalvík og allir
sem vettlingi gátu valdið unnu hjá
þeim við byggingu radarstöðvar og
fleira. Þá eignaðist fólk peninga sem
gerði því kleift að fLytja í burtu og
hefja nýtt líf annars staðar. Fótun-
um var kippt undan saltfiskfram-
leiðslu. Allt skyldi sett í ís og siglt á
Bretland. Staður eins og Aðalvík,
þar sem ekki var höfn, átti enga
möguleika þegar ekki var lengur
nægur mannskapur til að setja fram
bát. Það urðu allir að fara.“
Foreldrar Ingimars fluttu til
Reykjavíkur 1945 og faðir hans fór
að vinna í versluninni Húsmunir
sem Ingimar átti hlut í. Þar voru
seld húsgögn og sitthvað fleira en
faðir hans undi sér ekki vel á möl-
inni.
„Þetta voru sár og erfiö umskipti
fyrir mjög marga. Margt fullorðið
fólk hafði aldrei komið út fyrir
sveitina sina og vildi hvergi annars
staðar vera. Þetta var auðveldara
fyrir okkur yngra fólkið og má segja
að við höfum verið heppin af því að
hægt var að selja jöröina. En marg-
ir fóru meira og minna með tvær
hendur tómar frá Aðalvík og litu
ekki oft glaðan dag eftir það.“
Að bjarga sár
Ingimar haslaði sér völl í verslun
í lok striðsins en hann starfaöi líka
hjá heildverslun Geirs Stefánsson-
ar, vann hjá Sambandinu og ferðað-
ist um sveitir landsins og setti upp
súrheystuma og mjaltavélar. Jafn-
framt haföi hann allar klær úti við
að afla sér aukatekna og m.a.
keyptu hann og faðir hans stóra
skemmu af setuliðinu í lok stríðsins
og rifu. Faðir Ingimars seldi sinn
hluta af timbrinu en Ingimar byggði
sér sumarbústað í Vatnsendalandi
úr sínum parti. Seinna gat hann
fengið lóð við Skipasund og þar var
steyptur grunnur sem Sigvaldi
Thordarson, síðar arkitekt, teiknaði
fyrir hann að launum fyrir öku-
kennslu.
Á þessum tímum gilti að sjá sér
og sínum farborða með þeim aðferð-
um sem tíökuðust og þetta var þjóð-
félag hafta og skömmtunar.
í lok stríösins keyptu Ingimar og
faðir hans stóran skúr af Kveldúlfi
við Háteigsveg. Þar smíðuðu þeir
skúr og fluttu upp á Öskjuhlíð, þar
sem fjöldi fólks bjó í braggahverfi,
og settu upp verslunina Snorrabúð.
Þama stóð faðir Ingimars vaktina
árum saman og verslunin naut mik-
illa vinsælda hjá íbúunum þrátt fyr-
ir athugasemdir heilbrigöisyflr-
valda sem vildu hafa í búðinni hluti
eins og rennandi vatn og íleira.
„Við vormn komnir með frysti-
geymslu í búðina undir það sein-
asta,“ segir Ingimar þegar hann rifj-
ar upp þessa tíma.
Basl við byggingar
En áfram var barist og þegar
Snorrabúð þurfti að víkja fyrir veg-
inum yfir Öskjuhlíð fengu þeir feðg-
ar úthiutað byggingarleyfi frá Fjár-
hagsráði og lóð frá borginni á Dal-
braut 3. Þama var síðan teiknað
heljarmikið hús með verslun á jarð-
hæðinni og íbúðum á efri hæð.
Ingimar seldi húsið i Skipasundi
og íbúð sem hann átti við Hverfis-
götu til þess að fjármagna bygging-
una en SPRON hafði lofað fjármögn-
un á lokaspretti. Hann kom húsinu
upp rúmlega fokheldu en þá brást
lánsloforð SPRON.
Ingimar barðist áfram og Sigurð-
ur Ármann nokkur gekk til liðs við
hann í þessu byggingabraski en
þeim féll ekki að starfa saman við
verslunina á Dalbraut svo Ingimar
leigði Sigurði sinn hluta í húsinu og
rekstrinum og leigði einnig íbúðir á
efri hæðunum út. Sjálfur réðst hann
í að kaupa verslunina Fáfni, sem þá
var rekin á Bergstaðastræti, og seldi
bæði leikföng og bamavagna. Það
gekk vel þótt allar klær þyrfti að
hafa úti við að útvega innflutnings-
leyfi, gjaldeyrisleyfi, lán og bókstaf-
lega allt sem þurfti til þess að reka
viðskipti með eðlilegum hætti.
„Þetta átti mikið eftir að breytast
á minni tíð,“ segir Ingimar. „Á þess-
um ámm var auðvelt að vera kaup-
maður því allt sem maður gat keypt
var hægt að selja. Síðar komu þeir
tímar að það var hægt að kaupa
miklu meira en þá fóru margir flatt
á því og fóra á hausinn. Þannig
vora þetta ekki slæmir tímar þó
frelsið skorti."
Ingimar keypti síöar húsnæði
undir verslunina á Klapparstíg 40
og þar var verslunin lengi til húsa
eða til loka starfsaldurs Ingimars.
Hann flutti með sína fjölskyldu á
Dalbrautina og bjó sér þar heimili.
En hvar er orgelið?
En hvemig fór með orgelnámið
frá vetrinum 1930?
„Ég spilaði stundum í kirkjunni
heima og hef alltaf unnað tónlist og
söng lengi í Karlakór Reykjavíkur
og starfa þar með öldruðum félögum
enn þá. Heima gátu alltaf allir sung-
ið og þegar við stofnuðum átthagafé-
lag Sléttuhrepps varð fljótlega til
kór sem var sá fyrsti sem Páll
Pampichler stjómaði á íslandi."
Vandað rafmagnsorgel í íbúö
Ingimars með opnum nótnabókum
ber þess vitni að hann heldur enn
við kunnáttu sinni á þessu sviði.
Ingimar býr í þjónustufbúö á Dal-
braut 21 en á stutt að fara inn á Dal-
braut 3 þar sem hann er með tré-
smíðaverkstæði í bílskúr hjá Snorra
syni sínum.
„Það er ekki hægt að sitja og bíða
eftir því að deyja. Ég verð að hafa
eitthvað fyrir stafni og í skúrnum
smíða ég trog, kassa og kimur og
ýmislegt smálegt. Ég hefi reyndar
smíðað heilt hús sem var flutt norð-
ur í Reykjadal og sett upp þar.
Ég vO halda þessu áfram meðan
ég hef heilsu til og heilsan er ágæt
utan hvað ég er svolítið slæmur í
fótum."
Brennivín ekkert óhollt
En þakkar Ingimar þaö einhverju
sérstöku hvað heilsa hans er traust.
Hefur hann t.d. veriö bindindismaö-
ur?
„Nei það hefi ég ekki verið.
Brennivín er ekkert sérstaklega
óhollt í hófi og ég hef notaö það í
hófi og get enn þá tekiö glas ef ég
þarf þess. Ég veit ekki um neitt sem
ég vildi hafa gert öðruvísi þegar ég
lít til baka. Ég var alltaf að berjast
og vildi helst vinna hjá sjálfum mér
og geri það enn.“
Ingimar giftist 1943 Sigþrúði
Helgadóttur og átti með henni tvo
syni, Snorra lækni og Ingimar arki-
tekt. Sigþrúður lést 1978 og Ingimar
giftist aftur Margréti Guðmunds-
dóttur en hún lést árið 1984.
„Það getur verið að manni fmnist
lífið stundum ósanngjamt en þaö er
ekkert að gera nema taka því.“
-PÁÁ
Afján áramótalirennyr á höfuðborgarsvæðinu
Áramótabrennur 1999 Valhúsahæð kl. 20.30 Kjalanesi Klðberg kl. 20.30
Klettagaröarkl. 21.30 Mosfeltebær 29 Glrfunes kl. 21.30 Hafravatnsvegur k|. 20.30
Æglsíha kl. 20.30 Laugarásvegur U. 21.30
Sklldlnganes kl. 20.30 Fossaleynlr kl. 20.30
Gelrsnef kl. 20.30
Suðurhlíðar kl. 20.30 Fylkisvillur
K Smárlnn íþróttahús kl. 20.30 RT2030 Ártúnsholt kl. 20.30
Tröð kl. 20.30 Selásblettur kl. 18
Suburfell kl. 20.30
- - Lelrubakki kl. 20.30
Amarneshæfi kl. 20.30 Hafnarfjörður Aavelllr kl. 20. 30
Alls er gert ráð fyrir
átján áramótabrennum á
höfuðborgarsvæðinu í
kvöld. Fyrsta brennan
verður tendruð klukkan
átján en hún er staösett
við Selásblett í Árbænum.
Kveikt verður í öðrum
brennum ýmist klukkan
hálf níu eða hálf tíu.
Lögregla hefur sagt að
vel kunni að koma til þess
að aðeins verði kveikt í
fáum brennum vegna
hugsanlegs veðurhams en
hún mun senda frá sér til-
kynningu um það þegar
dregur nær kvöldi. Lög-
regla hefur jafnframt
minnt brennugesti á aö
skilja flugelda sína eftir
heima þar sem mikil slysa-
hætta er af notkun þeirra
við fjölmennar brennur.
-GAR
AKUREYRI
ilbarösoyrl kl. 20
Komdu Líka í íslandica
Leifsstöó Sími 425 0450
„Ég fer alltaf með alvöru
nammi frá gamla landinu
til vina minna erlendis".
Jólafrí, vetrarfrí, borgarfrí, sumarfrí, hvaða nafni
sem það nefnist. Þegar þú kemur í Leifsstöð áttu
erindi í vöruvalið hjá okkur.
Tvær brennur
á Akureyri
DV, Akureyri:
Tvær áramótabrennur verða á Akureyri að
þessu sinni, eins og verið hefur undanfarin ár.
Önnur er á Bárufellsklöppum við Krossanesbraut,
en hin við Réttarhvamm, skammt frá afleggjaran-
um upp I Hlíðarfjall.
Að sögn Ólafs Ásgeirssonar aðstoðaryfirlög-
regluþjóns á Akureyri verður tekin um það
ákvörðun eftir hádegi á gamlársdag hvort kveikt
verður í brennunum, en einungis slæmt veður
gæti komið í veg fyrir það. Veðurspáin er frekar
hagstæð fyrir Akureyringa og aðra Norðlendinga
um áramótin þannig að sennilega fá íbúar þar sín-
ar brennur og þokkalegt veður til að skjóta upp
flugeldum. Einnig er ein brenna á Svalbarðseyri.
‘iT