Dagblaðið Vísir - DV - 27.01.2001, Blaðsíða 29

37
LAUGARDAGUR 27. JANÚAR 2001
I>V__________________________________________________________________________________________________Helgarblað
leyft innflutning á kálfafóðri frá
Evrópu sem innihélt dýrafitu og það
án þess að tilskilin vottorð lægju
fyrir. Vegna þess máls hefur Guðni
kynnt hugmyndir sínar um það sem
hann vill kalla Búnaðarstofu þar
sem nokkrar eftirlitsstofnanir með
matvælum yrðu sameinaðar undir
einn hatt og veittur aukinn faglegur
styrkur til þess að koma í veg fyrir
að slík áfoll endurtækju sig. En ef
innflutningur írsku nautalundanna
var óheppilegur, hvað var þá inn-
flutningur kálfafóðursins?
„Þetta er mjög vont mál og ég
vona að við getum styrkt eftirlits-
kerfíð með þeim hætti að þetta
hendi ekki aftur.“
- Verður einhver dreginn til
ábyrgðar í þessum innflutningsmál-
um?
„Ef ég hegg einhvern þá vil ég alls
ekki höggva saklaust höfuð.“
Dýrin í Hálsaskógi
- Þær raddir hafa heyrst að rétt
væri að loka á allan innflutning
landbúnaðarafurða og skapa þannig
íslenskum landbúnaði ímynd hrein-
leika?
„Þetta er orðið eins og í dýrunum
í Hálsaskógi þar sem öll dýrin í
skóginum eru vinir. Þeir sem áður
börðust harðast fyrir því að opna
landið fyrir öllum innflutningi mat-
vara eru nú komnir upp að hliðinni
á mér sem dyggir stuðningsmenn.
Mér sýnist að ef túlkað er þröngt
þá séu ekki mörg lönd í heiminum
sem við getum átt viðskipti við á
þessu sviði. Stóru tækifærin eru
auðvitað íslenskur landbúnaður í
breyttri mynd og það kemur skýrt í
ljós í þessu máli að íslenski neyt-
andinn treystir íslenskum landbún-
aði og islenskum bændum.“
Viðkvæm tilfinningavera
- Þú hefur sjálfur sagt að þú vær-
ir hættur að borða kjöt erlendis og
hefur reyndar slæma reynslu af
sýkingum eftir fræga ferð til Kína i
fyrra. Er þetta rétt?
„Ég er tilfinningavera og við-
kvæmur og mér flnnst alls ekki í
lagi að borða kjöt í hvaða landi sem
er en sökudólgurinn frá Kína hefur
aldrei fundist þótt strútsungi hafi
lengi legið undir grun. Ég hef senni-
lega fengið þetta úr einhverjum mat
þarna syðra.“
- Flokksþing Framsóknarflokks-
ins verður kallað saman 18. mars
nk. en það átti upphaflega að vera á
dagskrá í nóvember sl. en var
frestað. Þar verða mörg mál til um-
ræðu en það sem margir hafa mik-
inn áhuga á er hvort Guðni gefur
kost á sér til embættis varafor-
manns. Siv Friðleifsdóttir bauð sig
fram gegn Finni Ingólfssyni á síð-
asta þingi en náði ekki kosningu.
Nafn hennar og Jónínu Bjartmarz
heyrist nefnt ásamt nafni Kristins
H. Gunnarssonar. En sá sem flestir
tala um þessa dagana er Guðni.
Hvað ætlar þú að gera Guðni, býður
þú þig fram?
Áfram upp í stýrishús
„Ég hef alltaf reynt að fara skref
fyrir skref á mínum pólitiska ferli
og telja ekkert öruggt og sjálfsagt.
Ég er ekki viss um að ég hefði orð-
ið ráðherra nema af því að Fram-
sóknarflokkurinn jók fylgi sitt í
Suðurlandskjördæmi, einu kjör-
dæma. Þetta hefur svo slampast
áfram hjá mér án stóráfalla og það
er mjög vaxandi þrýstingur á mig
innan flokksins að bjóða mig fram.
Mörgum finnst að það sé kominn
tími til þess að ég fari áfram upp í
stýrishús og standi þar við hlið for-
manns. Þetta er hlutur sem ég á eft-
ir að ákveða með fjölskyldu minni
en verð auðvitað að ákveða fyrr en
síðar. Ef ég geri þetta þá verður það
ekki fyrir sjálfan mig heldur fyrir
flokkinn og mér fmnst þetta póli-
tískt heiflandi verkefni.“
Framsókn í gini Ijónsins
- Framsóknarflokkurinn hefur
sjaldan eða aldrei staðið eins illa í
skoðanakönnunum. í síðustu könn-
un DV mælist flokkurinn rétt undir
10% í fylgi sem er gríðarlegt afhroð.
Er verið að refsa ykkur fyrir sam-
starfið viö Sjálfstæðisflokkinn og
eruð þið að missa stórar hluta af
ykkar fylgi yfir til Vinstri-grænna
sem hafa aldrei mælst eins hátt í
könnunum?"
„Það er enginn vafi á því að
ákveðinn hluti okkar fylgismanna
telur að við séum í samstarfi við
höfuðóvin Framsóknarflokksins.
Þeir telja að við séum i gini Ijónsins
og verðum undir í öllum málum og
fyrir þetta vilja þeir refsa okkur. I
þessum hópi framsóknarmanna
slær hjartað vinstra megin og svo
hefur það alltaf verið og þessi hópur
er tfl að mynda mjög andvígur
einkavæðingu og fellir sig illa við
hana. Steingrímur J. Sigfússon, for-
ingi Vinstri-grænna, er skemmtileg-
ur stjórnmálamaður en á móti flest-
um framfaramálum. Það virðist
falla í kramið hjá ákveðnum hópi,
svo undarlegt sem það er. „
Okkar menn koma aftur
„Okkar menn eiga eftir að koma
aftur til Framsóknar þegar þeir átta
sig á því að hann mun aldrei geta
gert neitt i ríkisstjórn. Hann situr
uppi með alla gömlu þverhausana
úr Alþýðubandalaginu og það á eft-
ir að verða honum þungt í skauti.
Það er ljóst að fjórflokkurinn er ris-
inn upp aftur þvi það sem Össur
leiðir er ekkert annað er Alþýðu-
flokkurinn. Það er ærið verkefni
fram undan við að sannfæra fólk
um að í þessari stjórn hefur Fram-
sóknarflokkurinn unnið í anda fé-
lagshyggju og því fer fjarri að við
séum að ráðast að þeim sem minna
mega sín.
Þær félagslegu framfarir sem orð-
ið hafa 1 stjórnartíð Framsóknar-
flokks og Sjálfstæðisflokks eru stór-
kostlegar. Við höfum endurreist
fjármál rikisins, skapað 15 þúsund
ný störf og útrýmt atvinnuleysi,
enda teljum við það mannréttindi
að fólk hafi vinnu. Hér hefur farið
fram stórkostleg endurskipulagning
þjóðfélagsins sem er ekkert annað
en afrek í samstarfi þessara tveggja
flokka. Nú er lag til þess að bæta
kjör þeirra sem verst eru settir í
samfélaginu, þar á meðal þeirra ör-
yrkja sem ekki njóta góðs af dómi
Hæstaréttar og þeir verst settu í
hópi ellilífeyrisþega. Þegar hafa ver-
ið settir tveir milljarðar í auknar
barnabætur og nærri milljarður í
baráttu við fíkniefnavandann en
þessu starfi verður lokið fyrir vorið.
Þá er ég sannfærður um að lenging
fæðingarorlofs og aukinn réttur
feðra verður fyrirmynd annarra
þjóða. Við erum sannarlega með
fólk í fyrirrúmi þó andstæðingar
okkar vilji halda öðru fram.“
- Er ekki hæstaréttardómurinn
og umræðan í kjölfarið versta áfall
sem hefur hent þessa ríkisstjórn?
„Það hefur verið kostulegt að sjá
hvemig stjórnarandstaðan, sem allt
vildi setja hér um koll í kjölfar
dómsins, hefur snúið hægri hliðinni
cdgerlega upp í þessu máli. Ég er
viss um að enginn krataflokkur í
nágrannalöndum okkar hefði skrif-
að upp á málflutning þeirra."
Teknir í bólinu?
- Var ríkisstjórnin tekin í bólinu
í öryrkjamálinu?
„Viðbrögð okkar komu seint fram
og þess vegna gafst stjómarandstöð-
unni færi á að afvegaleiða umræð-
una í þann farveg sem hún fór i en
þeirra rök tröllriðu allri umræð-
unni allt of lengi. Fólk þarf að átta
sig á þvi að hér er starfandi félags-
hyggjustjórn.
Ég man tímana tvenna í stjórn-
málum og sú félagslega aðstoð sem
nú er í boði var óþekkt þegar ég var
að alast upp. Við höíúm ferðast
mjög langt á stuttum tíma íslending-
ar. Faðir minn var sex vikna gamall
borinn af sínu móðurbrjósti og
færður á næsta bæ, skv. ákvörðun
hreppsnefndarinnar. Hreppsnefndin
ákvað þetta án samráðs við foreld-
rana. Hann var heppinn og lenti hjá
góðu fólki þar sem hann bjó í 10 ár.
Ég ólst upp í 16 systkina hópi og þó
við kæmumst sæmilega af þá voru
kjörin oft kröpp og litla eða enga fé-
lagslega hjálp að hafa.“
Forsetinn upp aö vegg
- Þótti þér umræðan og deilurn-
ar vegna öryrkjadómsins vera of
hörð eða of óvægin?
„Mér fannst Garðar Sverrisson á
stundum fara offari í umræðunni en
hann er bæði foringi og baráttumað-
ur. Þá fannst mér stjórnarandstað-
an með eindæmum óvægin og
ódrengileg í sínum málflutningi.
Verst fannst mér að sjá hvernig for-
seti íslands var dreginn inn í póli-
tíska umræðu og honum stillt upp
við vegg. Mér ógnuðu þau vindaský
sem þar sáust á lofti. Forsætisnefnd
Alþingis sýndi mikla ábyrgð á ögur-
stundu þegar hún sendi forseta
Hæstaréttar þetta litla bréf þegar
umræðan var orðin hvað hörðust og
það var hárrétt af henni að gera
það.“
Ég er ekki smíðaður...
- Það er sanngjarnt að segja að
Guðni Ágústsson hafi persónulegan
stíl í framgöngu, orðavali og við-
móti. Drynjandi rödd hans á kjarn-
yrtri íslensku hefur oft vakið at-
hygli en ekki síður sumt af því sem
hann hefur sagt. Dæmi um þetta
væru þegar Guðni sagði að ákvörð-
unin um innflutning norsku kúnna
væri hin stærsta sem íslendingur
hefði þurft að taka frá kristnitöku.
Hann hefur marglýst veru sinni á
Alþingi árið 1000 og hraði snigilsins
hefur fengið fætur meðal þjóðarinn-
ar og gert að verkum að Guðni er
vel þekktur og eftirsóttur ræðumað-
ur og leggur þá salinn jafnan
marflatan. Er þetta árangur mark-
vissrar ímyndarvinnu eða sjálf-
sprottinn hæfileiki?
„Ég er ekki smíðaður á auglýs-
ingastofu. Það sem ég segi kemur
beint frá hjartanu og er hæfileiki
sem hefur þróast með mér. Ég var
alinn upp af foreldrum sem höfðu
gott vald á íslensku máli og tók mér
þau til fyrirmyndar. Ég hef sem
stjórnmálamaður talað af mér og
reynt að læra af þeim mistökum.
Þegar ég var að byrja í stjórnmálum
fannst mér ótækt hvað ég var stifur
og frosinn á sjónvarpsskjánum og
fannst áreiðanlega mörgum ég vera
leiðinlegasti maður á íslandi. En ég
hef auðvitað fengið leiðsögn hjá góð-
um mönnum."
Hræddur viö pressuna
„I upphafi ferilsins var ég lika
alltaf hálfhræddur við flölmiðlamenn
og taldi að þeir vildu fyrst og fremst
koma höggi á mann. í dag á ég gott
samstarf við þá og tel að ég fari
klakklaust í gegnum viðtöl. Ég tel
mig vera óhræddan og heiðarlegan
stjórnmálamann. Ég vil vera sáttfús
og friðsæll þegar pólitískum ferli lýk-
ur. Fátt er ömurlegra en úrillir menn
sem ganga aftur í pólitík." -PÁÁ
Nýr Guðni
Guöni heldur á dóttursyni sínum, Guöna Val Auöunssyni.
í faðmi fjölskyldunnar
Guöni ásamt eiginkonu sinni, Margréti Hauksdóttur, og Sigurbjörgu sem eryngst þriggja dætra þeirra hjóna. A
myndina vantar eldri dætur þeirra hjóna Agnesi og Brynju.