Dagblaðið Vísir - DV - 22.03.2003, Blaðsíða 44

48
Helcfctrhlað DV
LAUGARDAGUR 22. MARS 2003
Karl Bretaprins hefur verið að ganga gegnum fersk hneykslismál sem hafa leitt í ljós stórfellt brask með gjafir til prinsins og undarlegt samband lians við nánasta ráðgjafa sinn.
Hneyksli í höllinni
Náinn aðstoðarmaður Karls Bretaprins er
uppuís að þvíað stjórna stórfelldri sölu á
qjöfum til prinsins með vitund og vilja
hans. Sérstök rannsóknarnefnd setur að-
stoðarmanninn af og Karl hefur ekki lenq-
ur ráðstöfunarrétt gfir eiqin qjöfum held-
ur móðir hans drottninqin.
Það er áreiðanlega ekki auðvelt að vera prins.
Jafnvel þótt maður fái prinsessu þá vilja allir
prinsar að lokum fá að verða konungar. Það er
ekki auðvelt ef mamma prinsins neitar að láta
stjómartaumana af hendi. Prinsinn er löngu bú-
inn að glata prinsessunni og orðinn miðaldra og
ríflega það og verður stöðugt bitrari og verður
nú að sætta sig við að glata enn meiri völdum í
hendur aldraðrar móður sinnar.
Þetta er nokkurn veginn lýsing á hlutskipti
Karls Bretaprins. Þessi álappalegi hlédrægi mað-
ur meö rauða nefið og útstæðu eyrun virðist
aidrei hafa kunnað almennilega við sig í sviðs-
ljósinu og hann verður seint kallaður valds-
mannslegur þótt hann eigi að erfa konungsríkið.
Hann varð eftirlæti bresku þjóðarinnar þegar
hann giftist Díönu Spencer og brúðkaup þeirra
var einhver mesta skrautsýning á Bretlandseyj-
um seinni tíma. Svo fór það allt í vaskinn eins og
eflaust flestir lesendur muna. Díana og Karl
skildu og hún fóðraði almenning á hörmulegum
lýsingum á óhamingjusömu hjónabandi sínu og
sögum af ástarsamböndum sínum við hina og
þessa starfsmenn hallarinnar, lystarstoli og þján-
ingum, svo ekki sé minnst á ástarævintýri Kalla
sjálfs við Camillu Parker Bowles sem lítur út
eins og hestur í kjól en var samt konan sem Kalli
elskaði allan tímann.
Þetta varð drottningunni móður hans tilefni til
þess að kalla eitt árið Annus horribilis eða hið
hræðilega ár því fátt þolir kóngafólk verr en að
einkamál þess séu dregin um torg og stræti öll-
um til sýnis.
Gjafir til sölu
Svo dó Díana og Kalli flutti inn til Camillu og
allt sýndist þetta svosem ætla að verða nokkuð
farsælt. En á dögunum var gerð opinber skýrsla
í Bretlandi sem hefur valdið mikilli hneykslan
og er gríðarlegur álitshnekkir fyrir prinsinn og
það hvernig hans einkamálum var háttað.
Skýrsla þessi var gerð af Sir Michael Peat, sér-
legum trúnaðarmanni drottningarinnar sjálfrar,
og var að nafninu til innanhússrannsókn í St.
James-höll þar sem prinsinn hefur alla tíð haft
aðsetur sitt. í kjölfarið hefur verið ákveðið að
hér eftir séu allar gjafir sem prinsinum berast og
teljast opinberar í raun eign drottningarinnar
sjálfrar og hann hafi ekki ráðstöfunarrétt yfir
þeim.
Skuggalegustu niðurstöður skýrslunnar leiddu
nefnilega í ljós að helsti trúnaðarmaður prinsins
og nánasti ráðgjafi og vinur til margra ára hafði
stundað það með skipulegum hætti að selja verð-
mætar gjafir sem prinsinum bárust. Andvirðið
var ýmist lagt inn á einkareikning prinsins eða
virðist hafa verið deilt meðal starfsfólksins í
höllinni eftir einhverju undarlegu umbunar- eða
mútukerfi.
Reynt að kæfa niálið
Skýrslan leiðir einnig í ljós að prinsinn hafi
ætlað að eiga leynilegan fund með Burrell
nokkrum sem var bryti Díönu en hann hafði ver-
ið ásakaður um að hafa fjarlægt 300 hluti úr
einkaeigu Díönu eftir lát hennar og varðveitt þá
á heimili sínu án leyfis. Fundur þeirra Karls og
Burrells fór reyndar aldrei fram en var aflýst
skömmu áður en Burrell átti að mæta fyrir rétt.
Tilgangur fundarins var að fá Burrell til að
mæta ekki í réttinum og kæfa þannig málið í
heild sinni. Það tókst ekki en tilraunin þykir
vítaverð.
Frances Fawcett
Frances Fawcett einkaráðgjafi prinsins og ná-
inn vinur í 20 ár hefur verið neyddur til þess að
segja af sér starfi sínu í St. James-höll í kjölfar
útgáfu skýrslunnar og mun ekki starfa þar fram-
ar. Á síðustu stundu var þó tilkynnt aö hann
yrði áfram á launum hjá Karli prins sem sérleg-
ur ráðgjafi og skipuleggjandi tómstundastarfs.
Frances þessi hefur í bresku blöðunum verið
kallaður Frances „The Fence“ Fawcett en í þessu
samhengi þýðir „The Fence“ sá sem kemur þýfi
í verð en það var einmitt Frances sem sá um sölu
á gjöfunum og dreifingu andvirðisins.
Skýrslan leiddi einnig í ljós að prinsinn fékk
um 800 gjafir á hverju ári. Sem dæmi má nefna
úr skýrslunni að penni og úr að verðmæti 9.600
pund, sem prinsinn fékk frá aldavini sínum við
hirðina, var selt og andvirðið lagt á reikning
hans. Mörg dæmi eru um að gjafir sem lágu í
geymslu skemmdust svo þær urðu verðlausar og
fjöldi brúðkaupsgjafa Karls og Díönu hafði verið
eyðilagður til þess að pláss væri fyrir nýjar gjaf-
ir í geymslum hallarinnar.
Sir Michael Peat komst að þeirri niðurstöðu að
2.300 gjafir sem borist höfðu á þriggja ára tíma-
bili voru ekki nógu vel skráðar í bókhald hallar-
innar og sérstök rannsókn sem gerð var á afdrif-
um 180 gjafa leiddi í ljós að 19 þeirra fundust
ekki og enginn vissi hvað orðið hafði um þær.
Það var Frances Fawcett sem annaðist ekki
bara sölu á verðmætum gjöfum heldur var hann
einnig umsjónarmaður með vali á mörgum gjaf-