Dagblaðið Vísir - DV - 11.06.2003, Síða 22

22 KRÝSUVÍKURSAMTÖKIN MIÐVIKUDACUR 11.JÚNÍ2003
Styrktarfélagar
Svíar í meðferð
VILDARVINIR: Ekki er hægt
að segja fréttir frá Krýsuvík án
þess að minnast á hina ótrú-
lega tryggu styrktarfélaga
meðferðarheimilisins. Þetta er
fóik um allt land, sem ýmist
styrkir okkur með mánaðarleg-
um framlögum á kortum eða
með framlagi einu sinni eða
tvisvar á ári og segja má með
sanni að margt smátt gerir eitt
stórt. Tvisvar hafa þessir aðilar
bjargað okkur frá gjaldþroti og
segja má að þeir séu hinir eig-
inlegu lífgjafar Meðferðarheim-
ilisins.
HÚRRA FYRIR ÞEIM!
Nánast frá upphafi hafa ein-
hverjir Svíar verið í meðferð í
Krýsuvík. Krýsuvíkursamtökin
og Stokkhólmskommúna hafa
gert með sér samning um vist-
un þeirra alkóhólista sem hafa
átt hvað erfiðast með að ná
bata þar. Það er þó stefnan að
hlutfall sænskra vistmanna
verði aldrei hærra en þriðjung-
ur þeirra sem í húsinu eru
hverju sinni. Nú eru þrír Svíar i
meðferð í Krýsuvík á móti
sautján íslendingum.Samskipt-
in við Svíþjóð hafa verið Krýsu-
víkursamtökunum til góðs fag-
lega og auk þess borgar
sænska ríkið vel með sínum
mönnum. Þess vegna hafa
þessi samskipti oft verið góður
bakhjarl á erfiðum tímum.Til
þess hefur verið tekið að marg-
ir Svíanna hafa náð ágætum
árangri ( meðferð sinni í Krýsu-
vík eftir langa og árangurslitla
þrautagöngu á heimaslóðum.
Víst
Víst er það hart
en ég veit ekki afhverju
ég vil ekki,
vil ekki fá
að vita né sjá
að það er svo margt
sem ég skil ekki afhverju
ég skil ekki.
Steinn K.
Gróður fyrir fólk í landnámi Ingólfs
Samstarfvið Krýsuvíkursamtökin - Björn Guðbrandur Jónsson
VIÐ KRÝSUVÍKURSKÓLA ER FAGURT UM AÐ LITAST: Gróður fyrir fólk hefur það að meginmarkmiði að græða upp land hér á
suðvesturhorninu. Það sem gerir þetta álitlegra en ella er samstarfið við Krýsuvíkursamtökin.
Hér í Krýsuvík blasa við verk-
efni fyrir samtök eins og
Gróður fyrir fóik sem hefur
það að meginmarkmiði að
græða upp land hér á suð-
vesturhorninu. Það sem gerir
þetta álitlegra en ella er sam-
starfið við Krýsuvíkursam-
tökin.
Þar vinnum við í þeim anda sem
Vigdís Finnbogadóttir, íyrrverandi
forseti, lagði svo ríka áherslu á, þ.e.
að gróðurvinna og uppgræðsla
væru mannbætandi. Oldcur hefur
komið saman um að þetta samstarf
kæmi sér vel fyrir báða aðila. Við
erum smátt og smátt að feta okkur
inn á þá braut að starfið við upp-
græðsluna sé hluti af meðferðinni.
Þátttaka vistmanna í gróðurvinn-
unni eykst með hverju ári. Þeir sem
hér dvelja geta fylgst með því út um
eldhúsgluggann hvernig landið
grær upp og það skerpir auga
þeirra fyrir umhverfmu.
Flákarnir hér fyrir sunnan skól-
ann, u.þ.b. 12 hektarar, eru m.a.
verkefni okkar. Eitt af áhersluatrið-
um og stefnumiðum samtakanna
er að nýta úrgangsefni sem falla til,
t.d. frá hesthúsunum. Við flytjum
hingað 100 til 150 vörubílsfarma af
hrossataði til að nota við upp-
græðsluna. Þessu dreifum við hér
með vélum ásamt tilbúnum áburði
og fræi. Með því að nota þessi líf-
rænu efni sláum við tvær flugur í
einu höggi. Við nýtum úrgangsefni
sem annars væru fyrir en verða hjá
okkur að gagni við uppgræðsluna.
Flákarnir hér fyrir sunn-
an skólann, u.þ.b. 12
hektarar, eru m.a. verk-
efni okkar.
í brekkunni austan við húsið höf-
um við verið í samstarfi við Flens-
borgarskóla. Nemendur þaðan
koma og planta trjám og nota til
þess moltu, sem eru umbreyttar,
lífrænar leifar. Þetta verkefni not-
um við til að þjálfa nemendur í að
afla gagna. Þeir eru ekki bara að
planta heldur skrá þeir líka
ákveðna þætti, s.s. staðsetningu
plantnanna, hvaða tegund er um
að ræða, hvaða áburð þær fá og
hvaða útplöntunaraðferð er notuð.
Síðan mæia þeir hvað plantan er
há, hve sver hún er o.s.frv. Svo er
áformað að þeir komi hingað
næstu ár og haldi áfram að gera
mælingar á sömu plöntunum.
Þessar upplýsingar fara í gagna-
grunn í skólanum og í framhaldi af
því er hægt að vinna með hugtök
eins og kolefnisbindingu og gróð-
urhúsaáhrif og setja það í samband
við umhverfismál í stærra sam-
hengi.
í tengslum við þetta verkefni höf-
um við velt upp þeirri hugmynd að
vistmenn gætu fengið ákveðið hlut-
verk. Þeir myndu sjá um veðurat-
huganir hér á staðnum, skrá þær
niður og efna þar í annan gagna-
grunn. Við vitum að allur vöxtur í
plönturfkinu er háður veðurfari.
Þegar fram í sækir eru til reiðu tveir
gagnagrunnar á sama staðnum
sem hægt er að keyra saman til að
átta sig á samhenginu. Hugsamlega
gæti þetta orðið gagnlegur liður 1'
þeirri meðferð sem hér fer fram.
Vistmenn hafa auk þessa séð um
að verja nýgræðinginn fyrir sauðfé
sem því miður hefur stundum
valdið hér töluverðum skaða.
Tölulegar upplýsingar
um meðferðina í Krvsi
, jvík 2001
EFNI SEM VISTMENN HOFÐU MISTNOTAÐ
áfengi kannabis amfetamín kókaín
Já 44 29 30 19
Nei 4 19 18 29
Isd e-töflur heróín morfín læknadóp
16 17 15 17 19
32 31 33 31 29
Árið 2001 voru alls 50 manns
í meðferð í Krýsuvík. Meðal-
dvalartími vistmanna lengist
frá ári til árs í Krýsuvík, sem
bendir til þess að æ fleiri
haldi út að vera í meðferðinni
tilsettan tíma og sumir biðja
jafnvel um lengri tíma.
Af þessum 50 vistmönnum voru
14 konur og 36 karlar. Þetta fólk var
á aldrinum 18-55 ára, meðalaldur
var 36 ár. Konurnar voru heldur
yngri en karlamir, eða 26,5 ára, en
karlarnir vom að meðaltali 39,1 árs
gamlir. Meðalaldur helst svipaður
frá ári til árs, með nokkuð dreifðri
aldursblöndu f húsi á hverjum
ti'ma. Útskriftir að lokinni 6 mán-
aða meðferð vom 11 á árinu, en 3
þessara manna vom ráðnir til
hlutastarfa hjá samtökunum eftir
útskriftina. Af þeim 50 sem vom í
húsi árið 2001 áttu 24 börn, allt frá
1 upp í 7 börn, samtals 59 börn.
Engir þeirra bjuggu með börnum
sínum, en margir hafa reglulegt
samband við börn sín. Af þessu
fólki höfðu 11 verið giftir en höfðu
skilið, 8 vom trúlofaðir eða í sam-
búð, en 31 var ógiftur. Vímuefna-
neysla eins og vistmenn í Krýsuvík
hafa verið í virðist ekki vera til þess
fallin að ýta undir farsælt fjöl-
skyldulíf.
Af 50 vistmönnum höfðu 30 lokið
gmnnskólanámi. Boðið er upp á
SIGURLlNA DAVlÐSDÓTTIR,
formaður Krýsuvíkursamtakanna.
nám í Krýsuvík með aðstoð
Menntaskólans í Kópavogi, þar
sem allir eiga að stunda einhvers
konar nám meðan á dvölinni
stendur. Þegar spurt var um vinnu,
kom í ljós að 6 manns höfðu verið í
vinnu þegar þeir komu, og 8 höfðu
haft húsnæði, þar af höfðu ein-
hverjir enn haft athvarf heima hjá
foreldrum sínum. Aðrir vom at-
vinnulausir og á götunni. Margir
höfðu oft verið í meðferðum. Með-
altalstími í afeitrun var 113 dagar
og meðaltalstími í eftirmeðferð var
11 mánuðir samtals.
Upplýsingar vom til um neyslu-
mynstur 48 vistmanna. Eins og sjá
má í Töflu 1 vom langflestir háðir
áfengi, en einnig höfðu mjög marg-
ir misnotað kannabisefni og am-
fetamín. Athygli vekur hve margir
telja sig vera háða svonefndu
læknadópi, en það em ýmiss konar
róandi töflur og svefhtöflur sem
læknar ávísa. (sjá töflu)
Þegar spurt var hve löngum sam-
felldum tíma vistmenn myndu eftir
án vímuefna, svömðu þeir allt frá
engum tíma upp í 50 mánuði mest,
að meðaltali 14 mánuði án vímu-
efna allt lífið fram að komu til
Krýsuvíkur. Síðasthðin 2 ár mundi
fólk eftir mest 13 mánuðum án
vímuefna, en minnst engum tíma,
að meðaltali 5 mánuðum. Það er
því ljóst að vistmenn í Krýsuvik
hafa barist langri og harðri baráttu
við vímuefnin og em komnir þang-
að vegna þess hvernig gengið hefur
að undanförnu í þeirri baráttu.
Nokkrir vom á skilorði þegar þeir
komu til Krýsuvíkur, eða 5 alls.
Dóma höfðu hlotið 26 vistmenn og
20 þeirra höfðu setið þá af sér, allt
að 18 ár í fangelsi. Margir vistmenn
bíða eftir því að mál þeirra verði
tekin fyrir meðan á dvöl þeirra
stendur.
Ef gerð er samantekt sem leiða á
í ljós hinn dæmigerða Krýsvíking
þá er hann karlmaður, á a.m.k. 1
barn sem ekki dvelur hjá honum,
hann hefur hins vegar ekki gifst.
Gmnnskólanámi er lokið en ekki
neinu framhaldsnámi. Hann hefur
fengið dóm og áður hefur hann set-
ið af sér dóm, honum hefur ekki
tekist að vera án vímuefna svo
neinum tíma nemi allt sitt líf og síst
Meðaldvalartími vist-
manna lengist frá ári til
árs í Krýsuvík
undanfarin 2 ár. Meðferðir að baki
em fjölmargar og hafa lidum eða
engum árangri skilað. Hann mis-
notar áfengi og sennilega einnig
kannabis og amfetamín. Hann hef-
ur hvorki að vinnu né húsnæði að
að hverfa utan Krýsuvíkur. Senni-
legt er að hinn dæmigerði Krýsvík-
ingur hafi ekki tekið á einhverjum
þáttum lífs síns sem hamla bata
hans. Tímalengdin i meðferðinni í
Krýsuvík er sett upp þannig að fólk
verði helst að taka á því sem stendur
í vegi fyrir lífshamingju þess. Þeir
sem hverfa úr meðferðinni em oft-
ast þeir sem ekki treysta sér til þessa.
Sumir koma aftur og gera aðra at-
rennu og stundum tekst það þá.
Starfsfólkið í Krýsuvík er vel
meðvitað um þá fjölmörgu harm-
leiki sem em að baki hverjum og
einum vistmanni. Reynt er að
koma því til skila við fjölskyldur
þeirra, sérstaklega þeirra yngri,
sem búa jafnvel enn heima, að þar
verði einnig að vinna að bata heim-
ilisins. Mikið er undir því komið að
þetta takist, að fjölskyldan leiti sér
aðstoðar ekki síður en vímuefna-
neytandinn. Gamlar venjur og
samskipti em fljót að festast í sessi
aftur að meðferð lokinni ef ekki er
reynt að stokka upp í hlutunum og
þá er voðinn vís.
Meðferðin í Krýsuvík er að festast
æ betur í sessi eftir því sem árin
líða. Ánægjulegt er að heyra að
þegar erlendir fagmenn koma til
okkar er það nokkuð samdóma álit
þeirra að við séum á réttri leið enda
sýnir óformlega mældur árangur
að við emm að gera eitthvað rétt.
Vonandi tekst okkur í framtíðinni
að halda þeirri stefnu sem þegar
hefur verið mótuð. Augljóst er að
þörfin er fyrir hendi, nú er það okk-
ar að uppfylla hana.