Dagblaðið Vísir - DV - 14.06.2003, Blaðsíða 16

Dagblaðið Vísir - DV - 14.06.2003, Blaðsíða 16
DvHelgarblað Umsjón: Páll Ásgeir Ásgeirsson / Finnur Vilhjálmsson Netfang: polli@dv.is / fin@dv.is Sími: 550 5896/550 5891 Hver girnist börnin? Nærmynd af skrifstofumanninum sem átti stærsta safn barnakláms sem fundist hefur á íslandi Bls. 30 Lélegir bisnessmenn Fimmta plata maus kemur út ívikunni. Meðlimir segja frá plötunni, peningum og nýja skjaldarmerkinu Bls. 18 Bananar, súkkulaði og pönnukökur Þjóðlegur réttur í fjölbreyttu samhengi Bls.24 Sér ekki eftir jakkafötunum Þingmennskan er ekkert grín. At- vinna þingmanna er algerlega undir duttlungum kjósenda komin og ekki á vísan að róa með stuðning pöpuls- ins. Þessu komust 12 þingmenn að í alþingiskosningunum í vor þegar þeir duttu út af þingi, sumir naumlega. Einn þeirra var Gísli S. Einarsson sam- fylkingarmaður. Hann sagði skilið við skrifborðið í kjölfarið en var ekki lengi að finna sér annað borð að bisa við því hann var kominn út á sjó á trillu sinni, Farsæl AK-30, daginn eftir kosningar. Hann kveðst afar ósáttur við niðurstöðu kosninganna en segist ofgera líkamanum á sjó til að vega upp sveiflurnar í sálartetrinu. DV náði sambandi við Gísla í farsímanum um borð í bátnum að kvöldi þar sem hann var í þann mund að leggja að síðustu baujunni í þeim róðri. Hann var spurður hvers vegna sjómennskan hefði orðið fyrir valinu eftir áralanga „þægilega innivinnu" sem þingmaður. „Það er nú bara vegna þess að ég keypti mér bát í fyrra til að hafa sem nokkurs konar hobbí. Svo til þess að gera eitthvað annað en hanga heima og gráta ákvað ég að drffa mig út á sjó og leggja svolítið af grásleppunetum," segir Gísli og er strax orðinn einhvern veginn sjómannslegur í rómnum. Virkar hreinskipt- inn, karlmannlegur til orðs og æðis og ekkert að skafa utari af hlutunum. Dálítið rámur, jafnvel, en kannski spilar þar inn í brakið í farsímanum. Ekki þorir blaðamaður samt að spyrja Gísla hvort hann sé með kvef. Kvef er jú bara fyrir kvartsára landkrabba. Gísli lýsir aðstæðunum: „Ég er inni á Hval- firði að dóla mér. Er að vitja um og leggja baujur. Það er blankalogn og rjómablíða, yndislegtveður." Þrælavinna og heilsubót Þótt Gísli sé sáttur við veðrið og sjóinn seg- ist hann samt vera afar ósáttur við niður- stöðu kosninganna. Óánægja hans var reyndar aðalástæða þess að hann dreif sig strax út á sjó, fáum klukkutímum eftir að úr- slitin lágu fyrir. „Ef maður er reiður og svekktur verður maður að hafa eitthvað að skeyta skapi sínu á. Svo það bitni ekki á þeim sem maður um- gengst. Það er þrælavinna að vera á grá- sleppu. Ef sálartetrinu er ofgert þarf maður að ofgera lfkamanum líka til að allt komist í jafnvægi. Þetta vita þeir sem á hafa tekið. Sumir hlaupa eða klífa fjöll en ég nota þessa aðferð. Ég fæ fyrir saltinu í grautinn í leiðinni og þarf ekki að skerða biðlaunin mín vegna þess að þetta er hobbí hjá mér," segir Gísli. Spurður segist hann vera kominn með mikið sigg í lófana, bólgnar kjúkur og allt heila klabbið. Hann víkur svo aftur að nýafstöðn- um kosningum. „Ég tel mig hafa haft gífurlegt persónufylgi í kjördæminu, bæði á Akranesi, Bolungarvík, fsafirði og víðar. Það skilaði sér fyrir flokkinn en ekki fyrir mig. Mér finnst það súrt en það er ekkert við því að segja. Ég tók sjálfur þessa áhættu þegar ekki var um annað að ræða. Maður tekur þessu eins og hverju öðru GLAÐUR MEÐ GRÁSLEPPUNNI: Gisli S. Einarsson segist líta á sjómennskuna sem ágætis leið til að fá útrás. Hann þrælar út líkamanum til að vega upp sálarangist. hundsbiti. Svo er bara að sjá hvort maður bít- ur frá sér aftur," segir Gísli og ýjar að endur- komu í stjórnmálin á svipuðum nótum og Arnold gamli Schwarzenegger - „1*11 be back." „Það var vond tilfinning að detta út af þingi, mikil vonbrigði. En það vantaði svo sem ekki mikið upp á. Upphafið að þessu var uppstillingarformið sem notað var til að velja á lista Samfylkingarinnar hér í kjördæminu; allt öðruvísi en annars staðar þar sem próf- kjör eða flokksval var notað. Alþýðubanda- lagið var þarna að passa sína pósta eins og ég benti á á sínum tíma. Menn urðu brjálaðir út í mig þá en niðurstaðan sýnir að eitthvað hef- ur það verið nálægt því að vera rétt," segir Gísli sem vakti máls á þessu í DV síðasta haust. Eigin herra á eigin skipi Farsæll AK-30 er hálft fhnmta tonn að þyngd og hefur grásleppuleyfi og svokallað krókaaflahámark. Gísli er bæði með vél- stjómar- og skipstjórnarréttindi svo hann er enginn aukvisi á sjónum. Gísli segir flókið að stunda sjó innan kvótakerfisins, eins og það er framkvæmt. „Ég leigi mér svo aflaheimildir. Þetta er dá- lítið flókið mál að lifa í þessu kerfi og alls kon- ar hundakúnstir sem þarf að standa í. Ég skal nefna þér dæmi: Tonnið af þorskinum kostar til eignar 930 þúsund krónur. Fyrir upplagt tonn fást ekki nema 140 þúsund. Það tekur um tíu ár að vinna fyrir tonninu. Leigan er 100 til 110 krónur fyrir kflóið af þorski og það er svo selt á um 140 krónur. Það er alltof hátt verð á þessu, okurverð sem sægreifarnir lifa á. Ég er ekki á móti kvótakerfinu sem slfku - það verður að stjórna veiðunum - heldur framkvæmd þess. Það er eins og stjórnvöld skilji hreint ekki hvað þau eru að gera," segir Gísíi og er fremur heitt í hamsi. Það var vond tilfinning að detta út afþingi, mikil von- brigði. Maður tekurþessu eins og hverju öðru hundsbiti. Svo er bara að sjá hvort maður bítur frá sér aftur. Hafandi verið á sjó í tæpan mánuð er Gísli spurður að því hvernig hann beri saman þingmennskuna og sjómennskuna. „Á sjónum er ég minn eigin herra og ræð á eigin skipi. f þingmennskunni verður maður svolítið að haga sér eftir vinnufélögunum og fylgja flokkslínunni. Ég kann ágætlega við að ráða mér sjálfur." Viðbrögð Gísla segja meira en mörg orð þegar forvitnast er um hvernig hann komi út varðandi laun eftir að hafa skipt um starf. Hvort hann sæki gull í greipar Ægis. Hann einfaldlega hlær mikið og lengi. Segir svo að töluvert vanti upp á að hann nái sínum fyrri launum. „Ef ég stundaði þetta sem atvinnumaður gæti ég sennilega jafnað þingmannslaunin. Þetta er bara áhugamennska hjá mér, ég er ekki á sjónum peninganna vegna. En ég er á biðlaunum fram í nóvember og er að leggja niður fyrir mér hvert framhaldið verður." Jakkafötin kannski aftur út úr skápnum Aflinn hefur að sögn Gísla verið prýðilegur frá því hann byrjaði, þótt ekki sé sókn hans það ötul að hann hafi mikið upp úr krafsinu í krónum og aurum. „Ég fer á sjó á fjögurra til sex daga fresti, oftar þegar veðrið er gott, og fæ svona eina tunnu, 100 kiló, í túrnum. Fyrir kflóið fæ ég svo 460 kall eða þar um bil." Þegar hér er komið sögu segir Gísli blaða- manni rólegur í bragði að nú sé hann að koma að bauju og hann þurfi að fara að draga síðustu trossuna. Hann skyggnist út og segir trossuna fulla af þara en innan um þarann eigi hann von á einhverri grásleppu lflca. Áður en Gísli kippir trossunni um borð spyr blaðamaður hvort hann sjái eftir jakka- fötunum. „Nei. Mér hefur alltaf liðið ágætlega í jakkafötum en ég átti vinnugalla lfka sem mér lfkar mjög vel enda alinn upp við slfkt og menntaður járnsmiður. Jakkafötin eru inni í skáp núna. Það getur vel verið að ég taki þau fram aftur einhvern tímann." fin@dv.is
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.