Dagblaðið Vísir - DV - 10.09.2003, Síða 6
6 FRÉTm MIÐVIKUDAGUR 10. SEPTEMBER 2003
Klipptur út
LÖGREGLA: Slökkvilið og lög-
regla voru kvödd að Flatahrauni í
Hafnarfirði í gær þar sem sendibíll
og strætisvagn höfðu skollið sam-
an. Varð að klippa bílstjóra sendi-
bílsins úr bílnum og flytja í sjúkra-
hús. Hann mun ekki alvarlega
slasaður. Þá kom upp eldur í þaki
Þjóðminjasafnsins en greiðlega
gekk að slökkva hann.
Vesturbyggð, Tálknafjörður og Isafjarðarbær í eitt sveitarfélag
SAMEINING:Tillaga varlögð
fram á Fjórðungsþingi Vest-
firðinga sem haldið var í
Reykjanesi um síðustu helgi
frá Finni Péturssyni áTálkna-
firði um víðtæka sameingu
sveitarfélaga á Vestfjörðum.
Tillagan hljóðaði upp á að
óskað yrði eftir því við
Byggðastofnun að kannaðir
yrðu kostir og gallar þess að
sameina Vesturbyggð,
Tálknafjarðarhrepp og (sa-
fjarðarbæ í eitt sveitarfélag.
Ein af forsendum slíkrar
sameiningar verði tenging
með hraðferju yfir Arnar-
fjörð milli Bíldudals og Auð-
kúlu ásamt jarðgöngum
undir Hrafnseyrarheiði.
Guðni Geir Jóhannesson,
stjórnarformaður Fjórðungs-
sambands Vestfirðinga, segir
enga samþykkt hafa verið
gerða í þessa veru. Hins veg-
ar hafi verið umræður um
þessi mál sem aðallega hafi
lotið að samgöngumálum í
fjórðungnum. Guðni segir
að allar frekari sameiningar
á Vestfjörðum þurfi að skoð-
ast mjög vandlega. Menn
sameini ekki frekar en orðið
er bara til að sameina.
Ekki náðist í Finn Pétursson í
morgun, en í Bæjarins besta
segir hann að samkvæmt
ákvörðun stjórnvalda sé
talið að menn hafi tíma til
ársins 2005 til frjálsra sam-
eininga en síðan viti enginn
hvað taki við. Því þurfi menn
að vera framsýnir og kanna
hvað framkvæmanlegt er.
Hann telur íbúa á suður-
fjörðum hafa mikinn áhuga
á að sækja þjónustu á norð-
ursvæði Vestfjarða.
Hart tekistá íjarðarfarageiranum:
Útfararstofa
fyrir dómstóla
Sérstætt mál, sem varðar kaup
og sölu á líkkistum, meintar
útistandandi skuldir og samn-
ingsrof, er nú rekið fyrir Héraðs-
dómi Reykjavíkur. Það er fjöl-
skyldufyrirtæki í Hafnarfirði,
sem sérhæfir sig í framleiðslu á
líkkistum, krossum á leiði og
öðrum útbúnaði til útfara, sem
rekur málið gegn Útfararstofu
íslands.
Tildrög þessa dómsmáls eru þau
að hjón í Hafnarfirði ráku og reka
fyrirtækið Fjöl-Smíð í Hafnarfirði
sem framleitt hefur glugga og ann-
að tréverk fyrir húsnæði. Á þeim
tíma stofnaði annar aðili Útfarar-
stofu íslands. Samstarf tókst með
honum og hjónunum um að þau
framleiddu líkkistur fyrir hann.
Með þeim hætti hófst samstarf
milli Útfararstofu íslands og Fjöl-
Smíðar. Það leiddi til þess að eig-
endur beggja fyrirtækjanna stofn-
uðu í sameiningu Útfararstofu
Hafnarfjarðar, sem hjónin áttu
meirihluta í.
Samkvæmt upplýsingum blaðs-
ins kom fljótlega upp ágreiningur
milli aðila, þar sem þeir töldu að
ekki hefði að öllu leyti verið staðið
við samninga þá sem gerðir höfðu
verið milli Útfararstofu
Hafnarfjarðar og Útfararstofu ís-
lands. Athugasemdir voru gerðar
og var málið í þæfingi um hríð.
Fyrir u.þ.b. þremur árum gerðist
það svo að samstarfsaðilinn keypti
hlut hjónanna í Útfararstofu Hafn-
arfjarðar og á því báðar útfararstof-
urnar núna. Gerður var samningur
um að þau skyldu sjá um lflckistu-
Gerður var samningur
um að þau skyldu sjá
um líkkistusmíð fyrír
báðar útfararstofurnar,
þ.e. Útfararstofu ís-
lands annars vegar og
Útfararstofu Hafnar-
fjarðar hins vegar.
smíð fyrir báðar útfararstofurnar,
þ.e. Útfararstofu íslands annars
vegar og Útfararstofu Hafnarfjarðar
hins vegar. Fljótlega hófust sam-
starfsörðugleikar sem vörðuðu
m.a. uppgjör og ýmis önnur fram-
kvæmdaratriði samningsins.
Hjónin hafa nú leitað með mál
sitt til Héraðsdóms Reykjavíkur.
Meðal annars liggur fyrir krafa um
að fyrrverandi samstarfsaðili greiði
þeim útistandandi skuldir og fleira
upp á að minnsta kosti fjórar millj-
ónir króna án vaxta.
Málið tekið fyrir í Héraðsdómi
Reykjavíkur síðar í þessum mán-
uði. -JSS
HARKA: Fjölskyldufyrirtæki (Hafnarfirði, sem sérhæfir sig í framleiðslu á líkkistum, kross-
um á leiði og öðrum útbúnaði til útfara, rekur mál gegn Útfararstofu íslands fyrir
dómstólum.
Fjarhogsleg endurskipuiagning DV:
DV fær greiðslustöðvun
Unnið að fjárhagslegri endurskipulagningu
i samvinnu við lánadrottna og nýja fjárfesta
Útgáfufélaginu DV ehf. var í
gær veitt greiðslustöðvun til
þriggja vikna. í framhaldi af
þeirri rekstrar- og fjárhagslegu
endurskipulagningu félagsins
sem unnið hefur verið að síð-
ustu mánuði var óskað eftir
greiðslustöðvun hjá Héraðs-
dómi Reykjavíkur í samráði við
helstu lánadrottna félagsins.
Á næstu vikum verður gengið ffá
samningum við lánadrottna út-
gáfufélagsins samhliða því sem
hlutafé verður aukið um allt að 500
milljónir króna. Endurfjármögnun
Útgáfufélagsins DV ehf. og samn-
ingar við lánadrottna samhliða
þeim aðgerðum sem gripið hefur
verið til við hagræðingu f rekstri
tryggja rekstur og efnahag félagsins
til framtíðar. Aukin lestur og út-
breiðsla DV samhliða auknum tekj-
tj j •;, , : - ' yi..— , _;
um af auglýsingum skjóta ennfrek-
ari og styrkari stoðum undir fram-
tíð blaðsins.
Samkeppni á fjölmiðlamarkaði
hefur á undanförnum mánuðum
verið mikil og óvægin með tilheyr-
andi undirboðum. Fram undan er
mikil gerjun á íslenskum fjölmiðla-
markaði. Útgáfufélagið DV ehf.
verður undir það búið að taka full-
an þátt í og hafa frumkvæði við
mótun þeirrar framtíðar sem búin
verður fslenskum fjölmiðlum.
Tilsjónarmaður Útgáfufélagsins
DV ehf. á tímabili greiðslustöðvun-
ar er Jóhannes Rúnar Jóhannsson
hrl. á Legalis - lögmannsstofu Lág-
múla 7 í Reykjavík.
Hafður fyrir rangri sök: Frétt Séð og heyrt sem kom út í morgun.
Séð og heyrt með frétt um að þingmaður hafi ekið próflaus:
Sigurður ók
ekki bílnum
„Þessi frásögn í Séð og heyrt er
röng og sýslumaðurinn á Sel-
fossi hefur staðfest það. Ég er
ekki undir stýri þegar myndin
er tekin í júlí í sumar, eftir að ég
missti ökuréttindin." sagði Sig-
urður Kári Kristjánsson alþing-
ismaður við DV í morgun.
Tímaritið Séð og heyrt birtir í
nýjasta tölublaði sínu frásögn af því
að Sigurður Kári Kristjánsson alþing-
ismaður hafi ekið próflaus á ólögleg-
um hraða á Hellisheiði í júlíbyrjun.
Ólafur Helgi Kjartansson, sýslu-
maður á Selfossi, staðfesti við DV í
morgun að mynd hefði verið tekin af
bfl Sigurðar Kára á Hellisheiði í júlí en
hann sé hins vegar ekki sjálfur undir
stýri.
„Ég get staðfest það að Sigurður
Kári Kristjánsson er ekki undir stýri á
myndinni. Ég gáði sérstaklega að því í
gær og það leikur enginn vafi á því að
það er ekki Sigurður Kári sem ekur
bílnum," sagði Ólafur við DV.
Frétt Séð og heyrt var lesin fýrir Sig-
urð Kára í gærkvöld og í kjölfarið óskaði
hann þvf við Kristján Þorvaldsson, rit-
stjóra Séð og heyrt, og útgefanda tíma-
ritsins, að fféttin yrði ekki birt og blað-
inu yrði ekki dreift með þessari frétt.
Ekki var orðið við því. Ölafur Helgi
Kjartansson hringdi til Kristjáns Þor-
valdssonar í gær og staðfesti við hann
að Sigurður Kári hefði ekld ekið bflnum
þegar myndin var tekin.
Ólafur Helgi sagði akstur án öku-
réttinda alvarlegt mál. Ástæða þess að
hann hafi staðfest frásögn Sigurðar
Kára væri einföld. „Það er sú megin-
regla að allir menn em saklausir þar til
sekt þeirra hefur verið sönnuð fyrir
dómi."
„Greinin talar sínu máli þar til ann-
að kemur í ljós,“ sagði Kristján Þor-
valdsson, ritstjóri Séð og heyrt, við DV
í morgun. Hann staðfesti að tölu-
blaðið með fréttinni um Sigurð Kára
væri í dreifmgu en vildi ekki tjá sig
um málið að öðru leyti.
Sigurður Kári sagði við DV að
hann hugleiddi að leita réttar síns.
hlh@dv.is
Framtíðarsýn hf.
til liðs við DV
Framtíðarsýn hf. mun ganga til
liðs við Útgáfufélagið DV ehf. og
stefnir að því að leggja félaginu til
aukið hlutafé að fjárhæð , 200
milljónir króna að uppfylltum til-
teknum skilyrðum. Það gerist í
tengslum við hlutafjáraukningu í
Framtíðarsýn hf. og gerð samn-
inga við helstu lánadrottna DV
um niðurfellingu og breytingu
skulda. Samhliða þessum aðgerð-
um er unnið að frekari hagræð-
ingu í rekstri DV og standa vonir
til að efnahagur og rekstur félags-
ins sé tryggður til framtíðar.
Útgáfúfélag DV óskaði eftir
greiðslustöðvun félagsins til
þriggja vikna hjá Héraðsdómi
Reykjavíkur og var hún veitt í gær.
Er það liður í endurskipulagningu
fjárhags DV.
Þorkell Sigurlaugsson, stjórn-
arformaður Framtfðarsýnar hf.,
er bjartsýnn á framtíð DV eftir
fjárhagslega endurskipulagningu.
„Framtíðarsýn hefur í nærri tvo
áratugi fengist við útgáfu og gefur
nú m.a. út Viðskiptablaðið og
Fiskifréttir auk þess sem félagið
hefur nýlega tekið yfir útgáfu á
Sjómannaalmanaki Skerplu og
vefnum www.skip.is. Félagið hef-
ur undanfarin misseri átt farsælt
samstaf við DV. Aðkoma Fram-
tíðarsýnar að DV, sem rekið verð-
ur sem dótturfélag Framtíðarsýn-
ar hf., er eðlilegt framhald af því
samstarfi og heppilegt skref í
frekari framþróun og vexti félags-
ins.'DV er með 93 ára sögu að
baki og þar starfa um 80 manns
með mikla reynslu af útgáfustarfi.
Það hefur mikla sérstöðu sem
eina síðdegisblað landsins og
Framtíðarsýn hefur áhuga á að
standa undir nafni og vinna að
farsælli útgáfu blaðsins til fram-
tíðar“.