Dagblaðið Vísir - DV - 11.10.2003, Blaðsíða 28

Dagblaðið Vísir - DV - 11.10.2003, Blaðsíða 28
4 28 DVHELGARBLAÐ LAUGARDAGUR J1. OKJÓBER 2003 FJÖLDAMORÐINGINN CHARLES MANSON: Réttarhöldin yfir Manson vöktu mikla athygli á Seyðisfirði enda lengi verið á sveimi saga um að hann hafi verið þar eitt sumar skömmu eftir 1960. Þegar myndir af Manson tóku að birtast í fjölmiðlum sannfærðust margir Seyðfirðingar um að þarna væri á ferð sami maðurinn og hafði staðið á söltunarplani Haföldunnar nokkrum árum fyrr. Siðprúði fjöldamorðinginn Fjöldamorðinginn Charles Manson varhandtek- inn ídesember 1969 ásamt nokkrum fylgjend- um sínum fyrir morðið á leikkonunni Sharon Tate og fjölda annarra. Morðið á Tate þótti einstaklega grimmi- legt, ekki síst í Ijósi þess að leikkonan var komin átta mánuði á leið þegar morðið átti sér stað og að hún var stungin tæplega fimm- tíu sinnum með stóru eggjárni. Málið vakti gríðarlega athygli í Bandaríkjunum og þjóðin fylgdist grannt með réttarhöldunum. Þrátt fyrir að Manson hafi ekki drepið neinn með eigin hendi var hann dæmdur til dauða en dómnum síðar breytt í ævilangt fangelsi án möguleika á náðun. Margir fylgjendur hans, meðlimir í svonefndri Manson-fjölskyldu, voru einnig dæmdir í langa fangelsisvist fyrir sinn hlut f morðunum og öðrum ofbeldis- verkum. Þrátt fyrir að vera veikur á geði - eða ef til vill þess vegna - hafði Manson ríka útgeislun og átti auðvelt með að ná til fólks og sann- færa það um ágæti skoðana sinna. Hann safnaði fljótlega í kringum sig söfnuði sem leit á hann sem trúarleiðtoga og fór í einu og öllu eftir þvf sem hann sagði - hvort sem það fólst í að ræna eða drepa saklaust fólk. Manson á Seyðisfirði Réttarhöldin yfir Manson vöktu einnig mikla athygli á Seyðisfirði enda lengi verið á sveimi saga um að hann hafi verið þar eitt sumar skömmu eftir 1960. Þegar myndir af Manson tóku að birtast í fjölmiðlum sann- færðust margir Seyðfirðingar um að þarna væri á ferð sami maðurinn og hafði staðið á söltunarplani Haföldunnar nokkrum árum fyrr. Sagan um komu Mansons til Seyðisfjarðar er einstaklega lífseig og skýtur alltaf upp koll- inum annað slagið. Fyrir ári gerði hópur fólks stutta heimildamynd, Siðprúði fjöldamorð- inginn, sem fjallar um meinta dvöl Mansons á Seyðisfirði, á námskeiði í kvikmyndagerð í tengslum við Listahátíð ungs fólks á Austur- landi. f myndinni er rætt við fimm Seyðfirðinga sem allir eru sammála um að Manson hafi verið í sfld á Seyðisfirði einhvern tíma snemma á sjöunda áratugnum. Viðmælend- urnir - Hrefna Sveinbjörnsdóttir, Jóhann Sveinbjömsson, Þorgeir Sigurðarson, Guð- rún Katrín Árnadóttir og Arnbjörg Sveins- dóttir - eru ekki á sama máli um hvaða ár Manson á að hafa verið á Seyðisfirði en árin 1963 til 1966 eru öll nefnd í því sambandi. Viðmælendurnir eru ekki heldur á einu máli um hvar hann bjó eða hversu margar konur voru í slagtogi með honum. Allir eru þó sam- mála um að Manson hafi komið vel fyrir, ver- ið kurteis og siðprúður. Lífseig þjóðsaga Þó að sagan um dvöl Mansons á Seyðisfirði sé skemmtileg og sannorðir og vandaðir ein- staklingar tilbúnir að leggja nafn sitt við hana verður hún þó að teljast vafasöm og í besta lagi lífseig þjóðsaga. Ekki skal dregið í efa að maður sem líktist Charles Manson í útíiti hefur unnið í sfld á Seyðisfirði í upphafi sjöunda áratugarins og ekki ólíklegt að hann hafi heitið Charles. Eng- inn sem haft var samband við hefur þó verið tilbúinn að staðfesta að eftirnafn hans hafi verið Manson. Samkvæmt upplýsingum sem fengust hjá The Charles Manson Research Committee er Manson fæddur árið 1934 og hefur því verið um þrítugt árin sem hann á að hafa dvalist á Seyðisfirði. í juní 1960 var Manson dæmdur í tíu ára fangelsi fyrir að rjúfa skilorð og vitað er að hann sat í The Federal Penitentiary tukthúsinu á McNeil-eyju í Washington-fylki til ársins 1966 sem útilokar að hann hafi komið á Seyðisfiörð á þeim árum. Skýrslur sýna einnig að hann komst reglulega í kast við lögin í Bandaríkjunum á árunum 1967 til 1969 sem rennir enn frekari stoðum undir þá kenningu að dularfulli maðurinn á Seyðis- firði hafi ekki getað verið Charles Manson. Þrátt fyrir að menn hafi farið mannavillt og útilokað sé að umræddur maður hafi verið Charles Manson er þeirri spurningu enn ósvarað hver þessi siðprúði tvífari fjöldamorðingjans hafi verið. kip@dv.is Man vel eftir Charles Manson i i „Ég man vel eftir Charles Manson og er al- veg sannfærður um að þetta hafi verið hann," segir Jóhann B. Sveinbjörnsson, bæjargjald- keri á Seyðisfirði og fyrrverandi lögreglumað- ur. Jóhann hóf störf sem bæjargjaldkeri á Seyðisfirði árið 1963, tuttugu og níu ára gam- all, sama ár og sögusagnir herma að Manson hafi eytt sumrinu á Seyðisfirði. Fékk lánaða hitaplötu „Mig minnir að þetta hafi verið sumarið 1963 og ég vil taka fram að ég kynntist hon- um ekki mikið. Charlie, eins og hann var kall- aður, vann í sfld hjá Haföldunni og vakti nokkra athygli í bænum fyrir sítt hár og að yf- irleitt voru tvær erlendar stúlkur með hon- um. Manni fannst hálfpartinn eins og hann ætti tvær konur." Jóhann segist muna vel eftir Manson þótt hann hafi svo sem ekki átt mikil samskipti við hann og að það hafi í raun ekki verið neitt sérstakt við hann. „Það var ekki fyrr en eftir að Manson komst í fréttir að fólk fór að rifja upp sögur um honum." Að sögn Jóhanns bjó Manson í tjaldi lungann úr sumrinu ofan við fjarðarþorpið undir Bjólfinum og mætti það- an f vinnuna. „Þegar for að líða fram á haust og farið var að kólna fékk hann inni í herbergi í verbúðinni og í framhaldi af því kom hann til mín upp á bæjarskrifstofu og bað mig að lána sér eldunartæki eða rafmagnshita- plötu." Jóhann segir að það hafi hist svo vel á hjá sér að hann hafi verið með tveggja hellna hitaplötu í kjallaranum heima hjá sér sem bróðir sinn hafi átt og það hafi verið komin „skjónuhefð" á hana. „Eg gat því lánað Man- son helluna en bjóst svo sem ekki við að fá hana aftur. Það kom mér því á óvart þegar Charlie kom með helluna upp á skrifstofu til I SEYÐISFJÖRÐUR: Manson bjó i tjaldi ofan við fjarðar- þorpið undir Bjólfinum lungann úr sumrinu en fékk inni í verbúðinni eftir að fór að kólna um haustið. HÍTAPLATAN: Jóhann B. Sveinbjörnsson, bæjargjald- keri á Seyðisfirði og fyrrverandi lögregluþjónn, lánaði manni, sem hann er sannfærður um að hafi verið Charles Manson, hitaplötu svo að hann gæti eldað sér mat. Jóhann segir að Manson hafi komið vel fyrir og verið prúður í framkomu. mín og skilaði henni skömmu áður en hann fór, óskemmdri og allt." Aðspurður segist Jóhann telja að Manson hafi dvalið á Seyðisfirði f fjóra eða fimm mán- uði. „Lungann úr sumrinu og fram á haust." Prúður og kurteis Jóhann segir að eftir morðið á Sharon Tate hafi birst myndir af Manson í fjölmiðlum og að þá hafi margir Seyðfirðinga kannast við hann. „Hann var búinn að vera hérna svo lengi." Að sögn Jóhanns höfðu menn fyrir austan á orði að Manson hefði verið róleg- heitamaður og prúður. „Hann var meðal- maður á hæð, rétt undir hundrað og áttatíu sentímetrum, dökkur yfirlitum, með skegg og sítt hár." Jóhann segir að Manson hafi verið barngóður og börnin í bænum laðast að hon- um við tjaldið. Þegar Jóhann er spurður hvort aldrei hafi læðst að honum efi um að þetta hafi í raun og veru verið Charles Manson segir hann svo ekki vera. „Ég er nokkuð viss um að þetta sé satt og margir á Seyðisfirði eru sannfærðir um að Charlie hafi í raun og veru verið Charles Manson." kip@dv.is <! í i StLDARSÖLTUN Á SEYÐISFIRÐ11962: Sögusagnir herma að fjöldamorðinginn Charles Manson hafi unnið í síld á Seyðisfirði sumarið 1963. Þegar myndir af Manson birtust í fjölmiðlum eftir morðið á Sharon Tate þóttust margir Seyðfirðingar kannast við manninn sem staðið hafði á söltunarplani Haföldunnar nokkrum árum fyrr. I 4
Blaðsíða 1
Blaðsíða 2
Blaðsíða 3
Blaðsíða 4
Blaðsíða 5
Blaðsíða 6
Blaðsíða 7
Blaðsíða 8
Blaðsíða 9
Blaðsíða 10
Blaðsíða 11
Blaðsíða 12
Blaðsíða 13
Blaðsíða 14
Blaðsíða 15
Blaðsíða 16
Blaðsíða 17
Blaðsíða 18
Blaðsíða 19
Blaðsíða 20
Blaðsíða 21
Blaðsíða 22
Blaðsíða 23
Blaðsíða 24
Blaðsíða 25
Blaðsíða 26
Blaðsíða 27
Blaðsíða 28
Blaðsíða 29
Blaðsíða 30
Blaðsíða 31
Blaðsíða 32
Blaðsíða 33
Blaðsíða 34
Blaðsíða 35
Blaðsíða 36
Blaðsíða 37
Blaðsíða 38
Blaðsíða 39
Blaðsíða 40
Blaðsíða 41
Blaðsíða 42
Blaðsíða 43
Blaðsíða 44
Blaðsíða 45
Blaðsíða 46
Blaðsíða 47
Blaðsíða 48
Blaðsíða 49
Blaðsíða 50
Blaðsíða 51
Blaðsíða 52
Blaðsíða 53
Blaðsíða 54
Blaðsíða 55
Blaðsíða 56
Blaðsíða 57
Blaðsíða 58
Blaðsíða 59
Blaðsíða 60
Blaðsíða 61
Blaðsíða 62
Blaðsíða 63
Blaðsíða 64

x

Dagblaðið Vísir - DV

Beinir tenglar

Ef þú vilt tengja á þennan titil, vinsamlegast notaðu þessa tengla:

Tengja á þennan titil: Dagblaðið Vísir - DV
https://timarit.is/publication/255

Tengja á þetta tölublað:

Tengja á þessa síðu:

Tengja á þessa grein:

Vinsamlegast ekki tengja beint á myndir eða PDF skjöl á Tímarit.is þar sem slíkar slóðir geta breyst án fyrirvara. Notið slóðirnar hér fyrir ofan til að tengja á vefinn.