Dagblaðið - 02.07.1976, Blaðsíða 13
DAGBLAÐIÐ — FÖSTUDAGUR 2. JULÍ 1976.
Frumleitin að heitu vatni:
Líka hart undir þeim,
Grundfirðingum
Það er víst ekki einungis hart
undir Þingeyingum, eins og
Þjóðviljinn orðaði það hérna
um árið. Bormennirnir á
honum Crelíusi sögðu okkur að
ástandið væri engu betra hjá
þeim Grundfirðingum. í vestur-
kanti Grundarfjarðarþorps
hittum við að máli þrjá að-
komumenn, sem höfðu með sér
borinn Crelíus.
Tækið er heldur lítið miðað
við olíuborana stóru, sem
hingað hafa verið keyptir frá
Texas. Reyndar eru þeir ekki
að bora eftir olíu, heldur heitu
vatni á vestari bakka Ytri-
Búðarár í landi Kirkjufells.
„Þetta er gert einungis í
vísindalegum tilgangi,“ sögðu
þeir okkur. „Við tökum hér bor-
kjarna og sendum vísinda-
mönnunum syðra til rann-
sóknar. Þeir geta síðan lesið
eitthvað út úr jarðlögunum um
hvað neðar megi finna.“
Við Snæfellsnes má finna
heitt vatn á Oddbjarnarskeri,
og sunnan fjallgarðsins má
finna heitt vatn í Laugagerði.
Nú er það heita spurningin: Er
vatn að finna í grennd við þétt-
býlið á nesinu?
* <
Staldroð
viðí
Grundarfirði
Texti:
Jón Birgir Pétursson
Myndir:
Árni Póll Jóhannsson
Hann Bœi:
ÞÚSUND-
ÞJALA-
SMIÐURINN
Yfirleitt er hann kallaður
Bæi hann Bæring Cecilsson,
fréttamaður sjónvarpsins og
Vísis á Grundarfirði. Við
sóttum Bæring heim í vél-
smiðju hans, sem áreiðanlega
er einhver vinsælasti staðurinn
á Grundarfirði. Þangað leitar
margur með raunir sinar, og
það gerðum við DB-menn,
fengum ökutækið smurt,
meðan við kíktum í ágætt
myndasafn Bærings úti í
bílnum hans.
Skorturinn á hæfum iðnaðar-
mönnum í sjávarplássunum er
stórt vandamál, en Bæring er
réttur maður á réttum stað.
Auk þess er hann „gott
fréttanef“ sem kallað er á fag-
máli, hann sér hvað er frétt og
ekki frétt. Er ekki grunlaust
um að fréttamenn annarra
staða ættu að taka Bæa sér til
fyrirmyndar og grípa til
myndavélar og penna eilítið
oftar en þeir gera.
13
Grundarf jörður: Fyrir 30 árum var þar lítil eða engin byggð
Ungi sveitarstjórinn
vill framkvœmdahraða
Líklega eru þeir ekki margir
sveitarstjórarnir, sem tekið
hafa við svo ábyrgðarmiklu
embætti aðeins 26 ára að aldri.
Það gerði Arni Emilsson,
sveitarstjórinn i Grundarfirði. í
dag er hann 33 ára og hefur
brennandi áhuga á að hans
byggðarlag megi blómgast og
dafna.
„Það má segja að allt
standi upp á okkur varðandi
framkvæmdir og það sem miðar
að endanlegu útliti byggðar-
lagsins," viðurkenndi Árni,
þegar við ræddum við hann á
vistlegu heimili þeirra hjón-
anna, en konan hans er ætluð
frá Sámsstöðum ; Fljótshlið.
Grundarfjörður er eitt af
nýrri þorpunum á íslandi. Upp
úr lokum seinni heimsst.vrjald-
ar var þar ekki nein byggð að
ráði, — það var ekki fyrr en á
árunum 1950 til 1965, sem veru-
lega var farið að byggja á staðn-
um. Fiskurinn var ekki langt
undan landi og þarna mátti
byggja ágæta höfn. Öll skilyrði
voru fyrir hendi að koma þarna
á fót blómlegu byggðarlagi.
„Verkefnin hjá okkur eru
öþrjötandi, og okkur finnst oft
að fullhægt gangi. A vissu ára-
bili var framkvæmdagleðin hjá
okkur meiri en við þoldum með
göðu móti, það var frá
1967—71. Síðan lá allt niðri
góða hríð, en núna er ýmislegt
að gerast, sem ætti að verða til
að gera bæinn skemmtilegri og
betri fyrir íbúana."
Árni kvaðst gera sér góðar
vonir um að hafizt yrði handa í
sumar við gatnagerðarfram-
kvæmdir á staðnum. Sveitar-
félögin á Snæfellsnesi hafa
sameinazt um olíumalargerð,
en malarnáman er skammt
fyrir utan Ólafsvik á leið út í
Rif. Gatnagerðin er mikið fram-
faramál fyrir íbúana því
margir þeirra hafa sinnt garð-
rækt og eiga fallega skrúð-
garða, enda þótt oft sé erfitt um
vik. þegar göturnar eru ófrá-
gengnar og oft forað eitt.
í Grundarfirði hefur kjarn-
mikið ungt fólk setzt að,
þar búa nú liðlega 800 manns.
Ný sundlaugarbygging er að
komast í gagnið í Grundarfirði.
innflutt laug, gla»silegt inánn-
virki ásamt byggingu. sem
hefuraö geyma búningklefa.
gufubaðstofu og böð. Rekstur
slíkrar laugar krefst inikilla
fjármuna.en huneraðsjálfsiigðu
bráðnauðsymeg. Þá or verið að
vinna að stórfelldum breyting-
um og bótum á gamla félags-
heimilinu.
Rétt fyrir utan Grundárfjörð
eru jarðboranir ul að kanna
bergið og vonast er til að finna
heitt vatn. Að sjálfsögðu mundi
fundur heits vatns fyrir
byggðina verða álíka og olíu-
fundur er talinn erlendis.
Víða verða menn að borga
20—25 þúsund krónur fyrir
kyndingu á einbýlishúsum
sínum, en slíkur kostnaður yrði
aðeins lítill hluti þess fjár, ef
heitt vatn fyndist.
í Grundarfirði er unnið að
gerð sjóvarnargarðs og þar
munu fjöldamargir bátar geta
leitað hafnaraðstöðu, þegar
búið er að ganga frá honum
endanlega.
Okkur var sagt frá því af
Grundfirðingum að Árni
sveitarstjóri kynni vel til verka
og væri ákveðinn maður, sama
að hverju hann gengi. Var það
nefnt til dæmis að á vertíðum
kæmi með heiðarlegu vinnu-
fólki alls konar óheppilegur
lýður sem heldur að hann sé
frekar kominn á staðinn til að
skemmta sér. Slíka menn hefur
Arni tekið tali, afhent þeim far-
miða til síns heima og losað
staðinn við allan ófógnuð, sem
fylgir óhóflegu „skemmtana-
haldi." Á þennan hátt hefur
Grundarfjörður losnað við
óþægindi. sent ella hefðu orðið
af óæskilegu fólki.
J