Dagblaðið - 21.01.1977, Blaðsíða 8

8
DAGBLAÐIÐ. FÖSTUDAGUR 21. JANtJAR 1977.
Hátíð i kjötbúðum
og veitingahúsum
Litið inn hjá Tómasi og í Hólagarði
I dag er fyrsti dagur þorra. í
blaðinu í gær var skýrt frá forn-
um siðum bænda sem viðhafa
skyldi árla þess dags. Fáir munu
enn viðhalda þeim forna sið að
hoppa í kringum bæinn og allt
það. En ef ráða má af undirbún-
ingi kaupmanna og veitinga-
manna verða margir sem viðhalda
gamalli hefð um að borða mikið
og gott og fagna þorra með góðum
þorramat.
Nú hafa allar tunnur kaup-
manna opnazt og þorramaturinn
er boðinn fram i kössum og öskj-
um sem eru tilbúnar beint á borð-
ið. Hæfilegur skammtur af alls
kyns nýmeti og súrmat er látinn í
kassana, hákarl og harðfiskur,
hangikjöt og svið, hrútspungar og
fleira.
Ljósmyndari DB leit inn til
tveggja kaupmanna í gær þá er
sala þorramatarins var að hefjast.
Sautján tegundir þorramatar f.vlltu trogin hjá Tómasi.
I Hólagarði var undirbúningurinn á lokastigi.
Hjá Tómasi á Laugavegi 2 hef-
ur fjölbreyttur þorramatur, sér-
staklega tilreiddur og pakkaður,
verið á boðstólum síðan 1961 við
æ vaxandi vinsældir. Matargerðin
hjá Tómasi er víðrómuð, verzlun-
in fræg um stóran hluta heims
fyrir matarsendingar sínar til ís-
lendinga erlendis. Það eru 17 teg-
undir í þorramatarkössunum hjá
Tómasi.
I Hólagarði í Breiðholti var
einnig verið að leggja síðustu
hönd á tilbúning þorramatar-
kassa. Þar sem annars staðar er
lögð áherzla á fjölbreytnina og
útlit umbúðanna sem eiga að fara
beint á matborðið.
Eitt er víst að enginn þarf að
kvarta yfir því að kaupmenn upp-
fylli ekki allar hugsanlegar óskir
varðandi þorramatinn.
-ASt.
OG NÚ FÆST ÞORRAMATURIDISKOTEKI
,,Það er orðið erfitt fyrir ungt
fólk að fá sér þorramat nema á
sérstökum matsölustöðum og því
bjóðum við upp á þetta," sagði
Valur Magnússon, veitingamaður
á diskótekinu Sesari, en þar er nú
hægt að fá borinn á borð fyrir sig
þorramat í trogum, líkt og gerist
annars staðar, nema hvað um-
hverfið er annað, ekki er vitað til
þess að diskótek hafi boðið upp á
slíkan mat fyrr.
„Við erum búnir að vinna að
gagngerum breytingum á staðn-
um að undanförnu og vildum
brydda upp á einhverju nýju,"
sagði Valur ennfremur. Sagði
hann að vinna við breytingarnar
hefði hafizt fyrir þrem mánuðum
og hefði verið unnið að þeim eftir
hendinni og kvaðst hann vera
mjög ánægður með árangurinn.
,,En verðlag á mat er orðið svo
ofboðslegt að það er varla hægt
fyrir yngra fólk, sem kannski
hefur ekki mikla peninga milli
handanna, að fara út að borða,“
sagði Valur. ,,Við höfum hins veg-
ar treyst okkur til þess að lækka
verð á matnum og seljum þorra-
matinn t.d. á um 2000 kr. per;
mann og annan mat á svipuðu
verði.“
Maturinn er borinn fram á
milli sex og niu og hefst þorratíð-
in í Sesari núna I kvöld. -HP
Og enn lœkkum við verðið. í samrœmi við tollalœkkun fró 1. janúar sl.
lœkkum við teppabirgðir okkar þannig að þér getið strax í dag valið teppi
ó hinu nýja útsöluverði.
Og við bjóðum eftir sem óður mesta teppaúrval borgarinnar ó einum stað.
Þér getið vclið úr um 70 stórum tepparúllum eða um 200 mismunandi
gerðum af hinum vinsœlu dönsku Weston teppum.
Opið til kl. 7 ó
föstudögum.
Jón
Loftsson hf.
Símar: 10600 — 28603
...og í diskótekinu Sesari var þegar setzt að trogunum.
DB-myndir Arni Páli.
Mögnuð frjó-
semi meðal
Egilsstaðabiía
Hlutur þeirra ínettóf jölgun á
Austurlandi 22.36% á sl. ári
Egilsstaðabúar geta nú með
réttu talið sig frjósamasta Aust-
firðinga. í kauptúninu fjölgaði
íbúum um 55 á síðasta ári, sem er
6% aukning frá árinu áður, en
meðaltalsfjölgun íbúa á Austur-
landi var aðeins 2.05%.
Illutfallslega er frjósemi Egils-
staðabúa þó ennþá meiri því
hlutur þeirra í nettófjölgun á<
Austurlandi á siðasta ári var
22.36%. Ekki geta þeir þó þakkað
frjósemi sinni alla fjölgunina þvi
ef grannt er skoðað kemur í Ijós
að fjölgun barna á Austurlandi á
síðasta ári var 0.17% og áttu
Egilsstaðabúar 3.45% þeirra.
Egilsstaðir eru greinilega
mesta uppgangsplássið í lands-
hlutanum: þar fjölgaði húsum í
fasteignamati um fjórtán. Hæsta
útsvarsálagning pr. gjaldanda á
Austurlandi er á Eskifirði,
136.288 kr., en Egilsstaðir fylgja
fast á eftir með 134 þúsund. Sam-
anburður við t.d. Reykvíkinga
verður höfuðborgarbúum óhag-
stæður, þar var meðaltalsálagning
útsvara á siðasta ári 111.210 krón-
ur, skv. ársskýrslu félagsmála-
ráðuneytisins.
Egilsstaðabúar líta björtum
augum til framtíðarinnar og sum-
arsins enda er útlit fyrir miklar
framkvæmdir og mikla vinnu eins
og áður. Enginn hefur verið á
atvinnuleysisskrá á Egilsstöðum í
mörg undanfarin ár. -BA/ÓV.