Dagblaðið - 02.05.1978, Blaðsíða 24
24
DAGBLAÐIÐ. ÞRIÐJUDAGUR 2. MAÍ 1978.
Þessir skemmta í Höllinni á morgun
Þá styttist óðum i hljómleika
Stranglers, Poker, Þursaflokksins og
Halla og Ladda. Stranglers koma til
Handsins um miðjan dag i dag, skoða
Hljóðrita, þar sem þeir halda fund
með islenzkum blaðamönnum og
skella sér svo i Klúbbinn i kvöld. Þar
verður boðið upp á alls kyns skemmti-
atriði fyrir erlendu gestina.
Siðdegis á morgun verður nýja LP
platan með Stranglers, Black And
White, kynnt í skiðaskálanum i
Hveradölum. Ensku blöðin hafa farið
nokkrum orðum um kynninguna og
þykir hún greinilega á undarlegum
stað. Með. hljómleikunum annað
kvöld hefst ferðalag Stranglers um
Evrópu. Ensku blöðin hafa slegið
þessu ferðalagi upp á síðum sinum og
undantekningarlaust tekið fram að
hljómsveitin muni heimsækja 'tsland
og Júgóslavíu.
Hljómleikarnir annað kvöld munu
standa yfir í þrjár klukkustundir.
Forsala aðgöngumiða gengur vel að
sögn þeirra, sem sjá um hana. Er Dag-
blaðið ræddi við þá á laugardaginn
hafði á annað þúsund miða selzt. Fjár-
hagsáætlun hljómleikanna miðast við
að þrjú þúsund manns komi.
ísienzku hljómsveitirnar Poker og
Þursaflokkurinn munu leika í rúmlega
hálftíma hvor. Poker hefur verið
önnum kafinn undanfarna daga við að
æfa upp ný lög, sem flutt verða í
Höllinni. ÖH eru þau eftir meðlimi
hljómsveitarinnar. Sömuleiðis mun
Þursaflokkurinn leika eitthvað nýtt af
nálinni, en að sögn Egils Ólafssonar
söngvara flokksins eru meðlimir hans
geysilega önnum kafnir á öðrum vett-
vangi og hafa þvi ekki getað gert mjög
mikið.
„Við höfum þó æft dálitið nýtt efni
og breytt gömlu lögunum talsvert,”
sagði Egill. „Prógrammið okkar er
þannig, að það býður upp á mikinn
sveigjanleika í útsetningum.”
Halli og Laddi sjá um að kynna
atriðin og eru einnig með stutta
skemmtiþætti bæði á ensku og
íslenzku.
Stranglers sjálfir enda siðan hljóm-
leikana. Þeir leika i svo sem klukku-
stund. Að sögn Nicks Leigh umboðs-
manns hljómsveitarinnar mun húp
blanda lagalistann sinn talsvert með
gömlum lögum og nýjum.
Samkvæmt umsögnum erlendra
blaða um hljómleika Stranglers, fyrst á
smástöðum í Englandi og siðar hljóm-
leikasölum í Bandaríkjunum, er hljóm-
sveitin með hressilegt prógramm.
Stranglers fá mikið lof fyrir sviðsfram-
komu sína — enda ofarlega á blaði
fyrir sviðsframkomu í kosningum
Melody Maker á síðasta ári.
Eftir að Stranglers hafa lokið ferð
sinni um Evrópu um miðjan júlí næst-
komandi liggur leiðin aftur til Banda-
rikjanna. New Wave hljómlist er
óðum að vinna sér sess þar i landi.
Enskir tónlistarmenn eru þar tíðir
gestir, — til dæmis hefur Elvis
Costello farið í þrjár hljómleikaferðir
um landið. Hann var þó ekki uppgötv-
aður fyrr en í júlí í fyrra. Sömuleiðis er
Nick Lowe í Bandaríkjunum þessa
dagana. Nýjasta LP platan hans, Jesus
Of Cool, hlaut þar góðar viðtökur.
Margir hafa velt því fyrir sér, hvort
heimsókn Stranglers til islands sé eins
merkilegur viðburður og blöðin vilja
vera láta. Að dómi undirritaðs eru
Stranglers stærsta númer sem komið
hefur síðan Led Zeppelin voru á ferð
fyrir tæpum áratug. Aðrar erlendar
hljómsveitir, sem hingað hafa komið,
hafa undantekningarlítið verið á
niðurleið. Undan er þó skilin hlióm-
sveitin Procol Harum. ÁT.
Lummurum land allt
UMFLCST LÍK SYSWRSINNI
Gunnar Þórðarson £r Lummumar
LUMMUR UM LAND ALLT
Útgefandi: Ýmir (Ýmir 006).
Stjóm upptöku, útsetningar og hljóðblöndun:
Gunnar Þórðarson.
Upptökumaður Tony Cook.
Hljóðritun: Hljóðriti i jan. 78.
Ég hygg að flestir séu nú hættir að
röfla um að útgáfa Lummuplatnanna
tveggja eigi ekki rétt á sér sakir létt-
leika. Fólk skiptist orðið í tvær fylk-
ingar. Önnur fylkingin skrúfar upp í
útvarpinu þegar Lummulög eru leikin
(er sem sagt með útvarpið á fullu allan
daginn). Hin lætur sér nægja að
slökkva án nokkurra láta.
Nýja Lummuplatan, Lummur um
land allt, er um flest lík systur sinni,
Gamlar góðar lummur. Undirleikur er
allur hinn einfaldasti, en aðaláherzlan
lögð á fjölbreyttar útsetningar fyrir
söngraddir. Fyrst i stað þykir manni
eitthvað skorta í söng Lummanna, —
það vantar rödd Ólafs Þórðarsonar. —
En áður en langt um liður hefur það
lagazt, og þegar búið er að hlusta svo
sem tíu sinnum á Lummur um land
allt, liggur við að Ólafi sé ofaukið á
Gömlu lummunum.
Gunnar Þórðarson hefur kosið að
velja rólegri lög á nýju plöluna en þá
gömlu. Sum eru reyndar hressileg í
gömlu útsetningunni, en orðin hægari
nú. Fyrir bragðið venst nýja platan
ekki alveg jafn fljótt og hin. Það gerir
það jafnframt að verkum að hún
verður ekki jafn fljótt leiðinleg.
Ég óttaðist alltaf að Gunnar
Þórðarson félli i þá gryfju að velja
handa Lummunum lag, sem hann
gæti ekki betrumbætt í útsetningu.
Það gerist á Lummum um land allt,
því miður. Lagið Ég vil fara upp í sveit
verður ekki gert betra en það var eftir
að Ellý Vilhjálms _söng það á sínum
tíma. Að öðru leyti hef ég ekkert að
lagavali og útsetningum að finna.
Það er dálitið skemmtilegt. — eða
öllu heldur — ákaflega sorglegt að
bera saman þá dægurlagatexta sem
hljóma af plötum dagsins I dag og þá
sem notazt var við þegar Lummulögin
komu fyrst út. Þvílíkur gæðamunur!
Ég vil sérstaklega vekja athygli á
hnyttnum og vel ortum textum Jóns
Sigurðssonar. Sömuleiðis virðist
Ólafur Gaukur og nokkrir fleiri hafa
verið vel liðtækir í gamla daga. Textar
þessara manna standa vel af sér tim-
ans tönn og enn i fullu gildi nú, um
það bil tuttugu árum eftir að þeir voru
ortir. Einn afkastamesti textahöf-
undur okkar nú, Þorsteinn Eggerts-
son, hefur látið hafa það eftir sér í við-
tali, að allt sé i lagi þó að textar hans
séu lélegir. Þeir eigi hvort sem er ekki
eftir að heyrast um aldamótin. Hann
sæmir sig meira að segja nafnbótinni
Heimsmeistari i bulli. Þvílíkur metn-
aður!
En snúum okkur aftur að Lummun-
um. Lummurnar sjálfar, Jóhann,
Linda, Ragnhildur og Jóhann, eru
samar við sig. Þó má merkja tals-
verðar framfarir hjá Ragnhildi, — hún
þjálfast stöðugt. Jóhann Heglason
reynir greinilega að gera sitt ítrasta að
þessu sinni og tekst viðast hvar vel
upp. Hann skýtur þó alvarlega yfir
markið í laginu Adam og Eva. Þar er
oft erfitt að greina hvort hann eða
náttúrusöngvarinn Steini spil fara með
aðalhlutverkið. — Þorsteins er þó
hvergi getið á umslagi plötunnar.
Þegar þetta er ritað er fyrsta upplag
Lumma um land allt uppselt, — heil
fimm þúsund eintök. Útgefandinn er
nýbyrjaður á sólóplötu sinni, tvöfaldri
plötu, sem kemur út einhvern tíma
fyrir áramót. Á blaðamannafundi
vegna útkomu Lummuplötunnar
benti útgefandinn á að góð sala
Lummanna þýddi að hann gæti
vandað sig sem bezt við sólóplötuna.
Megi þær seljast sem bezt.
ÁT