Dagblaðið - 15.12.1978, Síða 33

DAGBLAÐIÐ. FÖSTUDAGUR 15. DESEMBER 1978.
41
Undirskriftasöfnun á Seltjarnamesi:
Ríkið kaupi Nesstofu
— þar verði komið upp saf ni um sögu læknisfræðinnar á íslandi
„Það var Rotary-klúbburinn hér á Sel-
tjarnarnesi sem gekkst fyrir þessari und-
irskriftasöfnun og fengum við 812 undir-
skriftir kosningabærra Seltirninga,”
sagði Jón Gunnlaugsson, læknir á Sel-
tjarnarnesi, i samtali við Dagblaðið.
Á undirskriftalistanum segir svo:
„Við undirritaðir kjósendur á Seltjarnar-
nesi skorum á Alþingi að veita fé á fjár-
lögum næsta árs til kaupa á þeim hluta
Nesstofu sem enn er í einkaeign. Nes-
stofa er eitt af elztu húsum landsins, full-
gert 1763. Var það embættisbústaður og
lyfjabúð fyrsta landlæknis á íslandi,
Bjarna Pálssonar. Ber að stefna að því
að gengið verði frá kaupum á húsinu
fyrir 200 ára ártíð Bjarna Pálssonar 8.
september 1979. Verði það síðan fært til
upprunalegrar gerðar og varðveitt þann-
ig.”
Jón sagði að hann hefði ásamt Aðal-
steini Guðmundssyni, forseta klúbbsins
og Birni Jónssyni skólastjóra gengið á
fund Gils Guðmundssonar forseta sam-
einaðs Alþingis og afhent honum þenn-
an undirskriftalista. Ætlun þeirra Rot-
ary-manna með þessari undirskriftasöfn-
un væri sú að því yrði komið til leiðar að
þama mætti koma upp safni um sögu
læknis- og lyfjafræði á íslandi en Bjarni
rak eins og kunnugt er fyrsta læknaskóla
á íslandi.
-GAJ-
Nesstofa, hús Bjarna Pálssonar, fyrsta landlæknis á tslandi. Seltirningar vilja nú að
rikið kaupi þann hluta hússins sem enn er i einkaeign og verði þar komið upp safni um
sögu læknis- og Ivfjafræði hér á landi. DB-mynd Hörður.
Er hætt við
að verkf ræði-
kunnáttp
hraki á Islandi?
— það óttast Júlíus Sólnes prófessor, vegna
minnkandi menntunarkrafna við Háskóla
íslands og minni framhaldsmenntunar
Er hægt að halda þeim gæðastimpli
sem verið hefur á stétt íslenzkra bygg-
ingaverkfræðinga? Svo spyr Júlíus Sól-
nes prófessor i hugleiðingu um nám í
þeirri grein og þróun þess við Háskóla
íslands í Fréttabréfi Verkfræðingafé-
Iagsins.
Telur Júlíus að fram til þessa hafi
kjarni islenzku verkfræðistéttarinnar
byggzt á mjög vel menntuðum og
hæfum einstaklingum, sem voru annað
hvort fleyttir ofan af rjóma stærðfræði-
deilda menntaskólanna eða síaðir inn i
háskólann með „margfrægri Leifsfor-
múlu”. Síðan hafi þessir menn að loknu
fyrrihlutaprófi við Háskóla Islands
hlotið verkfræðimenntun sina hjá beztu
erlendu tækniháskólum með stóru loka-
prófi.
Júlíus Sólnes telur vafa leika á að
hægt verði að tryggja jafnvel menntaða
verkfræðistétt þar sem nú sé aðeins
boðið upp á verkfræðinám við Háskóla
íslands sem dugi til minni háttar prófs.
(BS). Engin aðstaða sé við Háskólann til
að auka menntunina ög raunar sé römm
andstaða gegn því að sú aöstaða skapist.
Samanber andstöðu sjálfstætt starfandi
verkfræðinga og sumra ráðamanna
rannsóknarstofnana gegn stofnun Verk-
fræðistofnunar Háskóla íslands.
Stofnun hennar sé algjör forsenda fyrir
framhaldsnámi á þessu sviði. Einfald-
asta aðstaða til verklegra æfinga sé í
ýmsum mikilsverðum greinum ekki fyrir
hendi. Námið sé þvi allt of bóklegt. Það
er án tengsla við rannsóknir og verkleg-
ar æfingar á rannsóknarstofum en slik
tengsl séu aðalsmerki allra góðra verk-
fræðiháskóla.
Prófessorinn segir í grein sinni að
þetta ástand sé þeim mun alvarlegra ef
það færist í vöxt að hinir nýútskrifuðu
islenzku verkfræðingar haldi ekki utan
til framhaldsnáms og láti litla prófið frá
Háskóla tslands nægja. Eða, eins og
hann segir að gerist nú tíðara, að fara
utan til náms, gutla á einhverjum nám-
skeiðum í eitt til tvö misseri og koma svo
heim reyndir i bjórdrykkju en próflausir.
Júlíus Sólnes prófessor lýkur grein
sinni á eftirfarandi:
„Það virðist því sjálfsagt að Verk-
fræðingafélag íslands taki þessi mál til
athugunar og endurskoði jafnvel mat
sitt og samþykki fyrir veitingu starfsheit-
isins verkfræðingur fyrir nám við Há-
skóla tslands og reyndar BS próf frá er-
lendum tækniháskólum. Einnig kæmi til
greina að fara að dæmi annarra háskóla-
menntaðra stétta á íslandi, til dæmis lög-
fræðinga og lækna, sem samþykkja ekki
full starfsréttindi út á háskólaprófið eitt.
Það virðist raunar fáránlegl að nýút-
skrifaðir verkfræðingar geti lagt fram til
samþykktar hjá byggingayfirvöldum
hönnun og teikningar af flóknum mann-
virkjum eins og hér er algengt. Hvernig
væri til dæmis að verkfræðingur fái ekki
að standa fyrir hönnun mannvirkja á
eigin spýtur fyrr en hann hefur unnið
hjá starfandi ráðgjafarverkfræðistofu í
ein þrjú ár og siðan gengizt undir próf
sem Verkfræðingafélag íslands gæti
staðið fyrir í samráði og samvinnu við
byggingaryfirvöld.
Gaman væri að fá fram einhverjar
umræður um ofangreind atriði, sem
kæmi einhverju róti á þessi mál. Væri
tilganginum með þessum skrifum þá
náð,” segir Júlíus Sólnes prófessor að
lokum. -ÓG.
Garðbæingar fá jólatré
Garðabær fær sitt jólatré eins og
ýmsir aðrir kaupstaðir fyrir þessi jól.
Það er Junior-Chamber klúbburinn sem
gefur bæjarbúum tréð. Verður það af-
hent með viöhöfn við Hofstaðaskóla á
sunnudaginn klukkan 4. Þar leikur
Lúðrasveit Garðabæjar, skólakórinn
syngur og að sjálfsögðu koma jólasvein-
ar i heimsókn og skemmta yngstu börn-
unum. Er þcss vænzt að bæjarbúar fjöl-
menni til athafnarinnar.
- ASt.
29 en ekki 20
Rangt verð í jólagjafahandbók
Prentvillupúkinn vildi ólmur að menn til frekari viðskipta. Klukkuna sagði
keyptu sér útvarpsvekjaraklukku í hann kosta 20.860 en í rauninni kostar
Radíóbúðinni. Hann sá sér leik á borði hún 29.860. DB biðst velvirðingar á
og lækkaði verð hennar um 9 þúsundir i þessum mistökum.
jólagjafahandbókinni til þess að fá menn - DS
Frábært úrva!
Kr. 16.495.
Kr. 15.890.
Leður
með
hrá-
gúmml
sóla
HERRASKOR
Laugavegi 69.
Sími 16850.