Dagblaðið - 17.04.1979, Page 14

14
DAGBLAÐIÐ. ÞRIÐJUDAGUR 17. APRÍL 1979.
Frönsk kvikmyndavika
Frakkar hafa ávallt lagt ríka
áherslu á að kynna kvikmyntlir sínar
utan heimalands síns. Hér á íslandi
hefur franska sendiráðið haft veg og
vanda af kynningunni og má nefna í
þvi sambandi frönsku myndavik-
urnar 1975 og 1977 i Háskólabíói.
Auk þess hefur sendiráðið staðið
fyrir kvikmyndasýningum í franska
bókasafninu þótt aðstæður þar séu
ekki eins og best væri á kosið.
Franskar myndir eiga hér töluverðan
hóp áhorfenda sem kunna að meta
þann sérkennilega stil sem einkennir
flesiar franskar myndir. Það er því
ánægjuefni að franska sendiráðið
skuli enn einu sinni setja upp franska
kvikmyndaviku og gefa áhorfendum
kost á að sjá eitthvað nýtt.
Þvi er ekki að neita að dagskráin er
ekki eins spennandi og oftast áður.
Það virðist vanta myndir eftir þekkt-
ari lcikstjóra Frakka auk þess sem
flestar myndanna kynna ekki þær
hræringar sem eru í franskri kvik-
myndagerð i dag sem ætti þó að vera
hlutverk kvikmyndavikunnar. Samt
sem áður er ánægjulegt að fá tæki-
færi til að sjá franskar kvikmyndir
sem því miður eru alltof sjaldséðar í
kvikmyndahúsum borgarinnar þótt
ein ogcin slæðist til landsins.
Fjóla og Franz
Að þessu sinni var Regnboginn val-
inn sem sýningarstaður enda heppi-
legur að mörgu leyti. Ætlunin er að
sýna myndirnar í öllum fjórum söl-
unum sem gerir það að verkum að
hver mynd verður sýnd nokkrum
sinnum. En litum nánar á hvað er til
boða. Tvær myndanna eru síðan
1977 en þær eru Fjóla og Franz
(Violette et Francois) og Krabbinn
(Le crabe-tambour). Sú fyrrnefnda
fjallar um áður nefnd.skötuhjú sem
búa saman í París ásamt barni sínu.
Franz virðist eiga erfitt með að aðlag-
ast þjóðfélaginu og á i vandræðum
með að tolla í vinnu. Hægt og rólega
sígur á ógæfuhliðina og hjónakornin
fara að stunda búðahnupl. Þetta
tekur þó endi þegar Franz er hand-
tekinn en upp úr því skilja þau og
halda í sitt hvora áttina þótt þau
haldi sambandi sín á milli bréflega.
Leikstjórinn Jacques Rouffio gerði
sína fyrstu mynd 1966, La Horison,
þótt hún væri ekki frumsýnd fyrr en
nokkrum árum síðar. Hann hefur ný-
lega sent frá sér myndina Le Sucre
sem hefur þótt lofa góðu. Enda þótt
Fjóla og Franz hafi hlotið misjafna
dóma þá hefur Andréas Winding
hlotið mikið lof fyrir kvikmyndatöku
sína, en hann lést í París nýlega.
Krabbinn
Krabbinn gerist aftur á móti um
borð í fylgdarskipi fiskveiðiflota fyrir
utan strönd Nýfundnalands. Um-
ræðuefnið meðal áhafnarinnar er
„krabbinn” sem flestir þekkja en
hann tók m.a. þátt í uppreisninni í
Alsír. Inn í þetta blandast svo önnur
atriði eins og sjúkdómur skipstjórans
og margt fleira. Þess má geta að við-
komandi skáldsaga hlaut verðlaun
frönsku kvikmyndaakademíunnar
1976. Leikstjórinn er Pierre Schoen-
doerffer.
Þekktastur leikstjóranna er líklega
Pierre Granier-P ferre enda hafa
a.m.k. þrjár mynda hans verið
sýndar áður á frönskum myndavik-
um. Hér er hann að vísu með 10 ára
gamla mynd sem ber heitið Eiturlyf
(La Horse). Áhorfendur kynnast þar
hörkutólinu Auguste sem dag nokk-
urn finnur eiturlyf á landareign sinni.
Hann kemst að raun um að dóttur-
sonur hans er flæktur í málið og
ákveður að taka málið í sínar hendur
með örlagaríkum afleiðingum. í hlut-
verki Auguste er einn þekktasti kvik-
myndaleikari Frakka fyrr og síðar
sem er Jean Gabin, en hann lést fyrir
nokkrum árum.
3 milljarðar
án lyftu
Af öðrum myndum má nefna 3
milljarðar án lyftu (3 milliards sans
ascenseur) sem gerð var 1972 af
Roger Pigaut. Myndin fjallar um
fimmmenninga sem alist hafa upp í
útjaðri Parísar. Dag einn, þegar þeir
eru staddir á gimsteinasýningu þar
sem 10 fegurstu gimsteinar Frakk-
lands er.u til sýnis, ákveða þeir að
leggja til atlögu og reyna að ná þeim
í sína vörslu.
Segðu að þú elskir mig (Dis Moi
Que Tu M’aimes) er gerð 1974 og
leikstýrð af Michel Boisrond. Hún
fjallar um hjón sem slíta samvistum.
Fylgst er með hvernig sitt hvort kynið
bregst við þessu aukna frjálsræði.
Meðal leikara má nefna Mireilla Darc
og Daniel Ceccaldi.
Karlinn í
kassanum
Pierre Lary er leikstjóri myndar-
innar Karlinn í kassanum (Le diable
dans la boite) sem hann gerði 1976.
Myndin fjallar um Alain Brissot sem
skyndilega er rekinn úr starfi eftir
langa þjónustu því fyrirtækið væri aö
breyta rekstrarfyrirkomulagi. Brissot
er ekki á þeim buxunum að láta reka
sig og situr sem fastast í skrifstofu
sinni. Þetta hefur ýmsar óvæntar
breytingar í för með sér á rekstrinum
eins og áhorfendur munu eflaust sjá.
Þetta er fyrsta mynd leikstjórans
Pierre Lary í fullri lengd en hann
hefur starfað nokkuð fyrir sjónvarp.
Að vísu er hann ekki ókunnur kvik-
myndabransanum því hann er að-
stoðarmaður meistarans Luis Bunuel
í sumum mynda hans eins og t.d. Cet
obscur objet ’du désir.
Með kjafti og klóm
Sjöunda myndin_ í dagskránni
stingur dálítið í stúf við hinar en það
er myndin Með kjafti og klóm (La
griffe et la dent). Hér er um að ræða
frásögn án orða um veiðidýr nætur-
innar. Leikstjórarnir Francois Bel og
mnui ur mynumm „sc^uu uu jju usiui img.
... ' ' " <
Leikfangasýning
í Árbæjarsaf ni
Mikið úrval leikfanga verður á sýningunni 1 Arbæ 1 sumar.
DB-mynd Bjamleifur.
Árbæjarsafn hefur í hyggju að
efna til leikfangasýningar í sumar i
tilefni barnaársins. Sýningin verður
hluti af þeim aðgerðum sem Barna-
ársnefnd Reykjavíkurborgar mun
standa að.
Það er ætlunin að leita til almenn-
ings og biðja þá sem eiga gömul leik-
föng að lána þau á sýninguna. Þetta
yrði um leið ágætt tækifæri til að
kanna hvað til hefur verið af leik-
föngum og hvort einhverju hefur
verið haldið til haga.
Árbæjarsafn biður fólk sem á
gömul leikföng eða ljósmyndir sem
það vildi lána á sýninguna að hafa
samband við safnið í síma 84412 alla
virka daga. Stefnt er að því að opna
sýninguna um leið og safnið hefur
sumarstarfsemi sína þann 1. júní.
-GAJ
Frábær
fegpngargjöf
Þann 17.-23.
aprflverða
sýndarT
franskar myndir
íRegnboganum
ávegum franska
sendiráðsins
---------------
Konson
handblásarinn
verdfm
kr.16.020.-
RQNSON
Gérard Vienne hafa báðir fengist
mikið við dýralífsmyndir, en þeir
hófu samstarf 1955. Þeir gera hér
grein fyrir heimi dýranna að nætur-
lagi og þeirri blóðugu baráttu sem
þar ræður ríkjum.
Hér er lokið þessari stuttu kynn-
ingu á frönsku myndavikunni. Von-
andi hafa lesendur getað dregið ein-
hverjar ályktanir af. Þess skal einnig
getið að myndirnar verða sýndar með
enskum texta en um sýningartíma er
vísað til auglýsinga. Einnig munu
koma til landsins tæknimyndir í til-
efni vörusýningarinnar sem fjalla um
ýmis málefni svo sem sólarhitun,
kjarnorku og fieira.
Baldur Hjaltason
Kvik
myndir