Dagblaðið - 21.05.1979, Blaðsíða 3

DAGBLAÐIÐ. MÁNUDAGUR 21. MAÍ 1979.
3
\
Umferðarrétha' strætisvagna
Magnús Skarphcðinsson vagnsljóri
hjá SVR skrifar:
Þann 1. maí tóku gildi ný umferð-
armerki og hafði fjöldi þeirra nærri
þrefaldazt þá að því er mig minnir.
En samtvirðist það ekki hafa dugað
til að koma öllum þeim merkjum sem
nú þegar eru í umferð á skrá. Undar-
legt en satt!
Metum mikils
réttinn
Við vagnstjórar SVR metum mjög
mikils þann rétt er okkur var veittur
þann 17. mai 1977 með lögum er
varðar skyldur almennrar umferðar
gagnvart auðkenndum almennings-
vögnum er ætla að aka út úr auð-
kenndum biðstöðvum almennings-
vagna. Þessi lagagrein hefur orðið til
stórbatnaðar fyrir almenningsvagna
á sumum mestu umferðargötum
borgarinnar að komast leiðar sinnar.
Beitti Albert nokkur Guðmundsson
alþingismaður sér fyrir þessu og á
hann allar hinar mestu óskoruðu
þakkir skildar frá öllum okkur bif-
reiðarstjórunum.
Ekki meðal
nýju merkjanna
En bíðum við. í reglugerð er gefin
var út til nánari ákvæða um fram-
kvæmd þessarar lagagreinar er
kveðið skýrt á um ákveðið umferðar-
merki er skal prýða vinstra horn
afturrúðu vagnanna. Ýtarlega er
tekið fram um stærð merkisins,
breidd og lengd, liti, staðsetningu
o.fl. Samt er í nýju umferðarmerkja-
skránni ekki minnzt á þetta merki
sem er orðið eitt aðalumferðarmerki
landsins í framkvæmd á þéttbýlis-
stöðum.
Væntanlega var ætlun yfirvalda á
sinum tíma með hönnun umræddjs
merkis meira en timabundið skraut
aftan á vögnunum. Held ég að mér sé
óhætt að fullyrða að um frambúðar-
lausn til lengri eða skemmri tima hafi
verið að ræða.
Fullur réttur
vagnanna
Enn i dag eru margir ökumenn sem
því miður geta varla vitað af merk-
ingu fyrrgreind merkis. Þegar vagn-
arnir ætla að aka út í umferðina og
gefa stefnumerki þar að lútandi er
nefnilega þó nokkuð algengt að þeir
verði að hleypa fram hjá nokkuð
mörgum bifreiðum. Að vísu kveður
lagagreinin á um fullan rétt vagnanna
að komast leiðar sinnar, ásamt við-
komandi varúðarráðstöfunum, en í
reynd bíða vagnstjórarnir langoftast
eftir smáhléi í umferðarstraumnum
til að raska ekki um of hinni almennu
umferð. En samt gerist það hjá alltof
mörgum einkabifreiðarstjórum, sem
lenda í þeirri aðstöðu að þurfa að
hægja á ferðinni til að hleypa vögn-
unum inn i umferðina, að í stað þess
sé bifreiðin þanin til hins ýtrasta og
slagur látinn standa. Það veltur svo á
snarræði og samvizku vagnstjórans
hvort sloppið er slysalaust út úr þess
konar ævintýrum. Þetta fyrirbæri er
alltof algengt og oft er flautað svona
vel með í leiðinni til að veita vagnin-
um tilhlýðilega ráðningu þegar haldið
er fram hjá.
Réttur ökumanna
takmarkaður
Ég held að viðkomandi ökumenn
viti hreinlega ekki um umrædda laga-
grein. Aksturslag þeirra hlyti að vera
öðruvísi vissu þeir að ef óhapp yrði
væri lagalegur réttur þeirra mjög tak-
markaður.
Engar
upplýsingar
En hvað er þá að? Af hverju vita
mennirnir þetta ekki? Jú, þeim hefur
aldrei verið sagt frá því, utan þess að
þetta kom einungis sem almenn frétt í
fjölmiðlum forðum daga. Skipulagð-
ar upplýsingar frá umferðarráði í
einu eða öðru formi voru engar!
Hvorki hósti né stuna heyrðist opin-
berlega frá umferðaryfirvöldunum
um þetta. Þar á ofan bætist að fyrr-
greint merki er ekki einu sinni á um-
ferðarmerkjaskránni.
Hefði mátt bæta
út þessu
Eflaust stafar þetta að einhverju
—fyrirspum til umferðarráðs

Umferðarmerki það sem rætt er um í bréfinu er vinstra megin á afturrúðu strætisvagnanna eins ng sést á myndinni.
Mynd R.Th.Sig.
leyti af vangá og gleymsku sem er ein-
ungis mannlegt. í raun er mjög auð-
velt að bæta úr því sé áhugi fyrir
hendi á réttum stöðum. Vonumst við
SVR-bílstjórar fyrst og fremst eftir
leiðréttingu á þessu atriði i stað þess
að eytt sé miklum tíma í orðaskak í
fjölmiðlum um hvort þetta hefði
verið svona eða hinsegin. En það get
ég sagt strax við væntanlegu svari
umferðarráðs í gráttón um mann-
fæð, fjárskort, þrengsli og fjársvelti
og fleira að úr þessu hefði mátt bæta
án nokkurs teljandi kostnaðar og
fyrirhafnar ef rétt hefði verið að
staðið strax í upphafi í fjölmiðlum og
á öðrum vettvangi svo að léttvæg
verður sú skýring.
Egerléttust... '
búin 800Wmótor
og12lítra rykpoka.
(MadeinUSA) ^
Ryksugan sem svifur
HOOVER Töfradiskurinn S 3005 er ryksuga sem vekur
undrun, vegna þess hve fullkomlega einföld hún er.
Sogstyrkurinn er ósvikinn frá 800 W mótor, og rykpokinn
rúmar 12 litra, já 12 litra af ryki. HOOVER S 3005 er
ennfremur léttasta ryksuga sem völ er á, hún liður um
gólfið á loftpúða alveg fyrirhafnarlaust
fyrir þig, svo létt er hún.
^HOOVER er heimilishjálp
FÁLKIN N
SUÐURLANDSBRAUT 8, SÍMI 84670
Kynningarverð:
30% afsláttur
kr. 64.510.-
Spurning
dagsins
Ræktarðu
kartöflur?
Margrét Pálsdóttir húsmóðir: Já, en i
mjög litlum mæli. Rétt til þess að eiga
ef ég fæ nýjan lax eða silung.
Valgeir Gestsson rafvirkl: Ég hef
ræktað smávegis i’að .lugar ekki einu
sinni handa fjölskyldunni.
Ragnheiður Ögmundsdóttir húsmóðir:
Nei, það geri ég ekki. Ég ræktaði
kartöflur áður fyrr þegar ég bjó úti á
landi.
Gunnar Sæmundsson tollvörður: Ég
geri það, já. Uppskeran dugar fjöl-
skyldunni út árið. Ég er með ræktun
suður í Kópavogi.
Þóra Sigmundsdóttir tölvuritari: Já. Ég
fékk góða uppskeru i fyrra og er enn til
af henni. Heimaræktaðar kartöflureru
miklu betri en þær sem maður fær í
búðum.
Jensina Guðmundsdóttir, vinnur í
sparisjóði: Já, til heimilisnota. Upp-
skeran frá í fyrra entist mér fram í maí.
Þetta eru miklu betri kartöflur en þær
frá grænmetisverzluninni.