Dagblaðið - 15.10.1979, Blaðsíða 18

18
DAGBLAÐIÐ. MÁNUDAGUR 15. OKTÓBER 1979.
Valgeir Sigurðsson er ekki lengur
„límabundinn”. Eftir að hafa ritað
bókmenntagagnrýni og viðtöl fyrir
Timann í mörg ár hætti hann síðast-
liðið vor og nú hefur hann fengið sér
nýjan og virðulegan vinnustað.
Sumsé Alþingishúsið. Þar annast
hann varðveizlu og afhendingu þing-
skjala undir stjórn Kjartans Berg-
manns Guðjónssonar sem lengi hcfur
vcrið þar yfirskjalavörður og var citt
sinn frægur fyrir fagra glimu og störf
i þágu íþróttamála.
Þegar við spurðum Valgeir hvað
hann hefði aðhafzt i sumar lét hann
Fólk
Hún bakar þingmönnunum pönnukökur
ogþeirsporðrennabeimöllum
Við vorum að fara inn um
hliðardyr á Alþingishúsinu þeg
ar pönnukökuilmur streymdi á
móti okkur. Við runnum á
lyktina og komum í lítið eldhús
þar sem Þórdis Valdimarsdótt-
ir var að baka ofan í þingmenn
á tveimur pönnum af mikilli
leikni.
Fyrir aftan hana stóð borð
hlaðið nýjum formkökum og
einhverju sem okkur sýndist
vera ástarpungar en hún sagði
að hétu jólakökubollur.
Þarna í eldhúsinu er Þórdís
búin að standa og baka á
hverjum degi síðan árið 1965.
,.Ég baka Jjögur til fimm
hundruð pönnukökur á dag og
er klukkutima að því," sagði
hún.
Hún byrjar að baka klukkan
sjö á morgnana og er að fram
að hádegi. Auk þess bakkelsis
sem ofan greinir býr hún til
kleinur, vínarbrauð, kringlur
og kanelsnúða.
Seinnihluta dagsins ber hún
þingmönnum kökur og kaffi
og hefur þá tvœr stúlkur sér til
aðstoðar. Hún er aldrei búin
fyrr en sjö, átta, og enn seinna
þegar kvöldfundir eru.
„Hefur ekki matarlystin
minnkað hjá þingmönnum
undanfarna daga?" spyrjum
við.
„Nei, hún hefur aukizt,”
segir Þórdís ákveðin og snýr
pönnuköku númer fimm
hundruð og ellefu. „Það fer
ekkert milli mála. En þetta eru
líka mikil átök. Haldið þið að
það segi ekki ti/sín?” -IHH.
Þórdís Valdimarsdóttír bakar fimm
hundruö pönnukökur á ktukku-
tíma. Auk þess býr hún til margs
kyns annað bakkelsi handa þing-
mönnunum. -DB-tnynd: Ragnar.
Steingrímur Gautur
í borgardóm
Steingrimur Gautur Kristjánsson.
héraðsdómari við embætti
jsýslumannsins í Kjósarsýslu og
bæjarfógetans í Hafnarfirði, var
hinn 1. október siðastliðinn settur
borgardómari í Reykjavík. Er
skipunin til tveggja ára og hefur harin
leyfi frá störfum í Hafnarfirði á sama
tíma.
Magnús Thoroddsen borgar-
dómari er i tveggja ára leyfi l'rá
störfum. Hann ntun nú starfa hjá
Evrópuráðinu í Strassburg. Á þess
vcgum cru meðal annars stofnanir
eins og Mannréttindadómstóllinn og
Mannrétlindaráðið.
Ekki mun afráðið hver tekur við
héraðsdómarastörfum í Hafnarfirði.
-ÓG.
NÝRSKA TTSTJÓRI
Á AUSWRLANDt
Bjarni Björgvinsson, fulltrúi
skattstjórans i Reykjavík, tekur í dag
við starfi skattstjóra á Austurlandi.
Bjarni er settur frá og með deginum i
dag en verður skipaður frá og með
áramótum.
Þessi háttur er hafður á á meðan
fráfarandi skattstjóri, Páll Halldórs-
son, lýkur sínum málum á Egils-
stöðum. Hann er á leið til Rcvkja-
víkur og mun taka við starfi hjá Fast-
eignamati rikisins, skv. upplýsingum
blaðsins.
Bjarni Björgvinsson var cini
umsækjandinn um embættið sem
kunnugir segja hafa verið hálfgert
vandræðabarn fjármálaráðuneytisins
um nokkurra ára skeið. -ÓV.
Ekkl skal efaxt um að Bonedikt Gröndal utanrikisráðherra þekki muninn ó veizlu og partii.
Frægasta partíiö hjá Benedikt
Fá heimaparti hala orðið jafnfræg
i seinni tið og það sem haldið var
heima hjá Benedikt Gröndal eftir
alþýðuflokkskvennaþingið föstudags
kvöldið í fyrri viku. Eins og DB-
sagði frá á mánudaginn var sagði
Benedikt gestum sinum þá um
kvöldið að hann hefði átt símtal við
Lúðvík Jósef,sson, sem hefði sagt
|krata hafa orðið á undan sér að slita
stjórnarsamstarfinu — hann hefði
sjálfur ætlað að boða fund sins
flokks á mánudag i þvi skyni.
Benedikt hafði fyrr um kvöldið
skýrt félögum sínum nokkrum á
I.oftleiðum frá samtalinu við Lúðvik
sem mun hafa farið fram um kl.
18:45, að þvi er Lúðvik sagði sjálfur
frá í Þjóðviljanum.
Utanríkisráðherrann hefur þrætt
l'yrir að hafa haldið „veizlu” og skal
ekki el'azt um að utanríkisráðherra
landsins þekkir mun á veizlu og
partii. Kannski má sættast á að kallæ
!það gestaboð — nenia allir hal'i
'komið óboðnir?
Af Tímanum íþin&ð
Jónas stýrimaður í
danska útvarpínu
Saga eftir Jónas Guðmundsson
rithöfund, listmálara og stýrimann,
verður lesin í danska ríkisútvarpinu í
vctur.
Farangur heitir ný bók eftir Jónas
sem út kemur á næstunni. í þessu
skáldriti eru lýsingar á fólki og
viðburðum í formi smásagna og
raunar annars konar sagna, ef
venjulegt smásagnamynztur er haft i
huga.
Farangur er 14. bók Jónasar.
Hefur sem fyrr segir þegar verið
ákveðið að ein þeirra sagna, sem í
bókinni birtast, verði lesin upp i
danska útvarpinu.
-BS.
Valgeir Sigurðsson: „Gæti vel hugsað mér að starfa við blaðamennsku
áfram." DB-mynd: Ragnar.
ilitið yfir því. „Orti tvö kvæði og
[skrifaði fáeinar greinar.”
Hann sagðist vel geta hugsað sér
að starfa við blaðamennsku áfram. .
. ,,en í raun og veru hefur mig lengi
langað að skrifa smásögur. Annars
eigum við svo mikla snillinga á þvi
sviði að mann óar við að leggja út á
slíka braut.”
Þá bætti Valgeir því við að að
undanförnu hefði hann hjálpað til
við undirbúninginn að ritun sögu
Kópavogs sem koma á út í nokkrum
bindum.
„Hcldurðu að Alþingi sé örvandi
fyrir skáldgáfuna?” var Valgeir
spu rður.
,,Æt!i það sé nokkuð að örva,”
sagði skjalageymandinn af ntikilli
•hógværð.