Dagblaðið - 15.10.1979, Blaðsíða 34
34
DAGBLAÐIÐ. MÁNUDAGUR 15. OKTÓBER 1979.
Rallycross Bifreiðaíþróttaklúbbsins:
Spymt og spólað
ímölogleð'
í úrslitariðlinum tók Einar Gislason strax forystuna en Árni Árnason á Herbie Hancock bjöllunni hékk í skottinu á honum
mestallan tfmann.
DB-mynd Ragnar Th.
Guðmundur Leifsson liggur á hliðinni i bjöllunni sinni og gefur starfsmönnunum merki um að veita bllnum á réttan kjöl svo
að hann geti haldið áfram.
DB-mynd Ragnar Th.
Mikill fjöldi áhorfenda kom til að
fylgjast með rallycrossi BÍKR sem
haldið var á braut klúbbsins í landi
Móa á Kjalarnesi um síðustu helgi.
Rallycrossið nýtur stöðugt aukinna
vinsælda enda eru keppnirnar jafnan
líflegar og fjörugar. Það háir þó
nokkuð hversu kraftlitlir keppnisbíl-
arnir eru en bannað er í rallycrossi að
nota vél sem hefur fleiri en fjóra
strokka. Líklega myndi rallycrossæðið
grípa hvern einasta bílaáhugamann á
Iandinu ef byrjað væri að keppa i
flokki átta strokka bíla. Þá myndi
færast ærlegt líf í tuskurnar og drusl-
urnar því hálfömurlegt er að sjá bílana
kæfa á sér þegar þeir lenda í lausurn
jarðvegi i beygjum.
Fimmtán bílar hófu keppnina en
sumir þeirra komust ekki heilan hring
eftir brautinni. Aðrir gösluðust áfram í
möl og for, ýmist með eitt hjól eða
fleiri á lofti. Sumir áttu i erfiðleikum
með að halda bílunum á réttum kili og
tóku þeir þá hliðarveltu eða stungu sér
kollhnis. Spaugilegt var að sjá þegar
Guðmundur Leifsson snaraði VW
bjöllunni sinni á hliðina og sat dágóða
stund á hliðinni, rígbundinn í öryggis-
beltunum. Hamaðist hann við að gefa
aðstoðarmönnunum merki um að þeir
ættu að velta bílnum aftur á hjólin svo
að hann gæti haldið keppninni áfram.
En aðstoðarmennirnir voru uppteknir
við að fylgjast með hinum bílunum og
var það ekki fyrr en seint og síðar meir
sem þeir veltu bjöllunni á dekkin aftur.
í úrslitariðlinum kepptu þeir Páll
Grimsson, Árni Árnason, Einar Gísla-
son og Rafn Guðjónsson um fyrsta til
fjórða sætið í keppninni. Einar Gísla-
son tók forystuna þegar á fyrstu
metrunum og hélt henni til enda. Árni
Árnason hékk í skottinu á honum lengi
vel en á þriðja hring fór heldur að
draga í sundur með þeim. Sigurvegari í
keppninni var því Einar Gíslason en
hann ók VW. Tími Einars var 4.53 sek.
Annar varð Árni Árnason. Árni ók
einnig VW og var tími hans 4.59 sek. í
þriðja sæti varð Páll Grimsson. Páll ók
einnig VW og bezti tími hans var 5.15
sek.
íslandsmeistara-
mótið
Þessi keppni var ekki liður í íslands-
meistaramótinu, enda er því lokið.
Keppnirnar þrjár sem haldnar voru í
sumar voru allar hluti í mótinu en þessi
var einungis haldin i æfingarskyni.
Úrslitin í stigakeppni fslandsmeistara-
mótsins urðu þau að íslandsmeistari
varð Árni Árnason. í ’öðru sæti varð
Kristján Ari Einarsson og í þriðja sæti
varð Rúnar Hauksson.
Jóhann Kristjánsson.
Sverrir Hermannsson ætlaði að taka u-beygjuna með tvöfaidri baklykkju kúplings-
beygju með 30% handbremsuálagi. U-beygjan var hörmuleg en veltan sem hann fór
alveg dásamleg. Aðstoðarmennirnir voru snöggir að snara Toyotunni aftur á hjólin og
Sverrir missti sáralitinn tima við ævintýrið.
DB-mynd Ragnar Th.