Ársrit Ræktunarfélags Norðurlands - 01.01.1906, Blaðsíða 10

12
það ásannast. Erfiðleikarnir er stafa af óblíðu náttúrunnar
ættu að efla þrekið og karlmenskuna og skerpa eftirtektina
á öllu því, sem að haldi getur komið. Sumrin okkar eru
stutt og köld og því. ríður oss lífið á að afla ’oss vitneskju
um það, með hverjum ráðum jörðin okkar geti gefið sem
mestan arð á sem stystum tíma. Að þessu stefnir öll starf-
semi Ræktunarfélagsins. Vinnan og stritið verður oft árangurs-
lítið, ef það stjórnast ekki af staðgóðri þekkingu og hagsýni.
Vér verðum að vita hversu vér eigum að rækta jörðina, vér
verðum að kunna að vinna að ræktuninni og þekkja hin
beztu og hentugustu tæki til þess, og loks má oss ekki
bresta dug og áræði til að beita allrar þeirrar orku, sem
oss er gefin.
Þegar þetta verður sagt alment um bændur hér norðan-
lands og þess ætti ekki að vera lengi að bíða þá þurfa
menn ekki að kvíða vorharðindunum. Stuttu og köldu sumrin
okkar munu þá oftast nægja til viðunanlegs fóðurafla og þá
er takmarkinu náð, sigurinn unninn.
»Björg úr vegi kljúfa og kvarna
keppni von og hugur
verði samrýnd vizka manns og duglir.«
Stefán Stefánsson.