Ársrit Ræktunarfélags Norðurlands - 01.01.1934, Page 21

23
Matjurtir.
Nokkru af matjurtafræi var sáð í vermihúsin um
miðjan apríl, og sumu dálítið seinna.
Kálinu var að mestu sáð í april, og sömu tegundum
og áður, nema ein tegund af hvítkáli, Jaatun, Gjer-
mundes Stamme, þessi káltegund hefur einu sinni
verið reynd hér áður, og þá með litlum árangri. I
sumar gaf þetta kál dálitla uppskeru, en þó ekki eins
vel þroskuð höfuð og hin afbrigðin, sem við áður
höfum haft. En þetta er ekki fullreynt, af því sumar-
iö var ekki gott.
Kálinu var plantaö í sólreit 11. maí, og út í garðinn
var því plantað 8. júní. Um mánaðamótin júní og júlí
var kálinu gefinn útlendur áburður og þá hreykt að
því.
2. ágúst voru komin sæmileg blómkál, það þyngsta
2 kg., hin nokkuð minni. En blómkálin vildu fljótt
skemmast vegna votviðrisins.
Hvítkál var farið að taka upp 6. ágúst, voru þá
höfuðin ekki mjög stór en þétt og góð.
Rauðkál gaf einning vel nothæf höfuð, þótt ekki
væru þau stór.
Kálið gaf sæmilega uppskeru, þó ekki eins góða og
sumarið 1933. Maðkur gerði dálítð vart við sig á kál-
inu. —
Ertur, rauðrófur, gulrætur o. fl. spratt ekki nærri
eins vel og í fyrra sumar
Af jarðarberjum fékst mjög lítið, þau vantaði sól
til að þroskast. Af hindberjum þroskaðist dálítið og
ribsið vel í meðallagi.
Jóna M. Jónsdóttir.