Frjáls verslun - 01.12.1942, Blaðsíða 14
lesa undir umsjón kennara að minnsta kosti
eitt samfellt rit og gera skriflegar æfingar.
Franska: Nemendur skulu læra góðan fram-
burð á málinu og meginatriði franskrar mál-
fræði. Þeir skulu lesa svo mikið í frönsku máli,
að þeir verði sæmilega læsir á franskar bækur
almenns efnis. Svo skal og hafa nokkrar æfing-
ar í kennslustundum, munnlegar eða skriflegar,
eftir því, sem tími vinnst til.
Latína:Nemendur skulu læra vel beygingar-
fræðina og kynnast helztu frumgreinum setn-
mgarfræðinnar. Til styrktar málfræðináminu
skulu þeir lesa eins mikið í óbundnu máli lat-
nesku og tími vinnst til. Til stuðnings málfræði-
náminu má hafa skriflegar æfingar öðru hvoru.
Nemendum skal bent á latneska orðstofna í
nýju málunum, einkum í fræðiorðum, eftir því
sem tök eru á. Kennslunni má einnig haga aðal-
lega á þann hátt — sérstaklega eða í sambandi
við kennslu nýju málanna —, að kenna notkun
og uppruna alþjóðlegra orða og fræðiheita
þeirra greina, sem helzt heyra til almennri
menntun og undirbúningi undir háskólanám.
Ef þessum skilyrðum er fullnægt er skólanum
heimilt að taka upp að öðru leyti í stað latínu
spænskukennslu, eins og hann hefur haft, eða
aukna frönskukennslu.
Danska: Nemendur skulu lesa texta úr
dönsku nútímamáli, eftir föngum rit eða rit-
gerðir um viðskiptamál og hagfræði.
Saga: Nemendur skulu hafa á valdi sínu
greinilegt yfirlit um almenna sögu, helztu at-
burði hennar og menn og kunna skil á sam-
bandi þeirra. Þeir skulu einnig kynnast frum-
atriðum sögufræðinnar um söguheimildir og
söguskilning. Leggja skal eftir föngum áherzlu
á sögu seinustu tíma og stjórnarfars- og hag-
sögu.
Framleiðslu- og vörufræði (náttúrufræði,
efnafræði og eðlisfræði) : Nemendur skulu hafa
lært ágrip dýrafræði og grasafræði og nokkur
höfuðatriði eðlisfræði, efnafræði og jarðfræði.
Kennslunni skal eftir föngum hagað með tilliti
til þess, að nemendur kynnist íslenzkum nátt-
úru- og framleiðsluskilyrðum og vörum. Þegar
kennsla í þessum greinum fer fram til verzlun-
arprófs skal skólastjóri samræma kennslu og
kennslustundafjölda í báðum deildum.
Stærðfræði: N'emendur skulu læra notkun
stærðfræði og æfast í exakt hugsun. Þeir skulu
læra algebru og geometríu og allýtarlegt ágrip
af hornafræði.
Bókfærsla og endurskoðun: Nemendur skulu
læra og æfast eftir föngum í helztu atriðum
sem snerta endurskoðun, gagnrýningu reikn-
14
inga og status og helztu viðskiptavenjur í sam-
bandi við þetta.
Hagfræði og stjórnfræði: Nemendur skulu
læra almenna og hagnýta hagfræði og yfirlit
um stjórnarfar og félagsmál með sérstöku til-
liti til Islands.
4. gr. — Til þess að stunda nám í lærdóms-
deildinni þarf nemandi að hafa hlotið við verzl-
unarpróf lágmarkseinkunnina 5,67, nema sér-
stök heimild skólastjóra komi til, og getur hann
þá krafizt þess að nemandi taki upp eitthvað af
burtfararprófinu. Nemandi, sem lokið hefur
bæði gagnfræðaprófi og verzlunarskólaprófi
getur fengið að sleppa til stúdentsprófs þeirri
náttúrufræði, sem hann, að mati skólastjóra,
hefur tekið gagnfræðapróf í. Utanskólanem-
andi, sem ætlar að ganga undir stúdentspróf,
skal senda skólastjóra umsókn um það og skal
fylgja henni greinileg skýrsla um, hvað nem-
andinn hafi lesið, í hvaða skóla eða hjá hvaða
kennara hann hafi stundað nám og vottorð um
þessi og önnur efni, sem nauðsynleg teijast.
5. gr. — Próf milli bekkja og stúdentspróf
fara að jafnaði fram í lok skólaárs. Ef sérstak-
lega stendur á, getur skólastjórinn fært próf-
tímann að einhverju eða öllu leyti. Undir stú-
dentspróf getur nemandi ekki gengið fyrr en
liðið er eitt ár frá því að hann lauk verzlunar-
prófi. Ef lengri tími líður milli prófanna en
fimm ár, getur skólastjóri ákveðið, ef honum
þykir ástæða til, að nemandinn taki upp aftur
verzlunarprófið eða eitthvað af því. Til þess að
flytjast á milli bekkja þarf nemandinn lág-
markseinkunnina 4,25. Til þess að standast stú-
dentspróf má aðaleinkunn hans ekki vera lægri
en 4,25. Rita skal einkunnir allar í lögilta eink-
unnabók. Á sama hátt skal rita einkunnir á
prófskírteini þau, sem nemendur fá að prófi
loknu. Einkunnir skal miða við Örstedskerfi.
6. gr. — Stúdentsprófið skal sýna, hvort nem-
andi hafi öðlazt þá þekkingu, er reglugerð skól-
ans gerir ráð fyrir, og hlotið þann þroska, sem
útheimtist til þess, að stunda nám við háskóla
eða aðrar æðri menntastofnanir.
Stúdentspróf er munnlegt og skriflegt (verk-
legt).
Prófa skal bæði munnlega og skriflega (verk-
lega) í íslenzku, dönsku, ensku og þýzku.
Skriflega prófið skal vera:
í íslenzku: ritgerð, nemendur skulu fá að
velja á milli eigi færri en þriggja verkefna.
í dönsku: þýðing úr íslenzku á dönsku eða
(og) ritgerð á dönsku.
í ensku: stíll eða (og) ritgerð,
í þýsku: stíll eða (og) ritgerð.
FRJÁLS VERZLUN