Frjáls verslun - 01.11.1976, Qupperneq 61

— Það er einkum matvara,
en svolítið af vefnaðarvöru og
byggingarvörum sem við höf-
um á boðstólunum hérna, sagði
Ingunsni. — En við höfum eng-
an veginn nóg af vörum, svo
við verðum að panta ýmislegt
fyrir fólk, bæði frá Kópa-
skeri og lengra að. Að vísu
verður samkeppnin milli 'þess-
ara tveggja verslana til þess að
reynt er að hafa vöruúrvalið
sem mest, en fólk verður þó
alltaf að leita annað eftir tísku-
fatnaði og fl.
MEIRIHLUTI VÖRU FRÁ
REYKJAVÍK
Ingunn sér um öll innkaup
fyrir útibúið á Raufarhöfn og
pantar mest af vörunum frá
Reykjavík og Akureyri. — Ég
fæ t.d. mikið af vörum frá SÍS
verksmiðjunum á Akureyri og
Kjötiðnaðarstöð KEA, sagði
Ingunn, en líklega kemur meiri
hlutinn af vörunum samt frá
Reykjavík. Mest af aðdráttum
til verslunarinnar fer fram með
vöruflutningabílum og oft tek-
ur það hálfan mánuð frá því
varan er pöntuð þar til hún er
komin til okkar. Þetta verður
til þess að maður verður alltaf
að hafa góða yfirsýn yfir lag-
erinn og alltaf verður að liggja
með töluverðan lager, en það
kostar auðvitað sitt.
ERFITT STARF EN OFT
SKEMMTILEGT
Fyrir utan innkaupin þarf
Ingunn að stjórna störfum
fjögurra starfsmanna, færa
sjóðbók, innkaupaskýrslu og
söluskýrslu, en allt fé sem inn
kemur fyrir verslunina leggur
hún inn á banka og sér kaup-
félagið á Kópaskeri um að
greiða alla reikninga. Aðspurð
sagði Ingunn að sér fyndist
starfið stundum erfitt, en oftast
væri það skemmtilegt. — Ég
hitti margt fólk sagði 'hún, —
og starfið er fjölbreytt. Það
sem ég hef kunnað verst við í
starfinu eru reikningsviðskipti
fólks við búðina. Mikið af
vinnu minni hefur farið í að
taka saman reikninga og rukka
fólk. Það endaði með því að ég
tók fyrir þessi viðskipti fyrir
nokkrum dögum, svo nú fá að-
eins fyrirtæki vörur út á reikn-
ing. — Ég hef ekki ennþá orð-
ið vö.r við að fólk væri óánægt
með þetta, sagði Ingunn. Það
sem fólk er virkilega óánægt
með í sambandi við verslun hér
og yfirskyggir sennilega alla
óánægju eru mjólkursölumálin.
Við höfum ekkert mjólkursam-
lag á staðnum og verðum að fá
alla mjólk og mjólkurvörur frá
Húsavík. Yfir sumartímann er
mjólkin flutt hingað tvisvar í
viku, en að vetrinum aðeins
einu sinni í viku. Þetta fyrir-
komulag hefur valdið mér
einna mestum vanda í mínu
starfi, því mjög erfitt er að
meta hversu mikið á að panta
af mjólk. Ferðafólk kaupir allt-
af ta'lsvert af mjólkinni yfir
sumartímanni, en ekki er gott
að vita fyrirfram hvað það
verður mikið. Það verður helst
að áætla það eftir veðurspánni.
Svo nota Raufarhafnarbúar á-
kaflega mismunandi mikið af
mjólk og mjólkurvörum Ég
held líka að margir hér hafi
vanið sig að mestu af mjólkur-
notkun vegna þessa ástands,
sagði Ingunn.
LÍÐUR ÁGÆTLEGA Á
RAUFARHÖFN
Ekki vissi Ingunn hversu
lengi hún myndi endast við
verslunarstjórastarfið, en sagð-
ist vel geta hugsað sér að búa
á Raufarhöfn. — Ég er sjálf
frá Kópaskeri en maðurinn
minn er frá Þórshöfn, svo við
mætumst svona á mið.ri leið
með að búa hér, sagði Ingunn.
— Okkur líður ágætlega hérna.
Hér er margt ungt fólk og fé-
lagslíf ágætt, sagði hún að lok-
um.
Þórshöf n:
Byggða-
kjarni fyrir
1000 íbúa
skipulagður
Þegar Frjáls verslun heim-
sótti Þórshöfn á þessu hausti
var sveitarstjórinn þar, Bjarni
Aöalgeirsson heimsóttur og
beðinn að segja frá því helsta
sem væri að gerast í hans
byggðarlagi. Bjarni var ráðinn
sveitarstjóri á Þórshöfn í júlí
sl.
SUNDLAUGARGERÐ
Nýlokið e.r gerð sundlaugar,
en það verk hefur staðið í 2 ár.
Þarna var um að ræða endur-
Bjarni Aðalgeirsson,
sveitarstjóri.
byggingu eldri laugar, bygg-
ingu búningsklefa og uppsetn-
ingu á hreinsibúnaði. Hefur
þessi framkvæmd kostað sveit-
arfélagið 8—10 milljónir, sem
dreifist á árin 1975 og 1976. Þá
er lokið hönnun íþróttavallar
og reiknað með að vinna hefj-
ist við jarðvegsskipti í haust.
Ætlunin er að reyna að fá á-
FV 11 1976
59