Frjáls verslun - 01.12.1979, Blaðsíða 46

I
Jón: Þau eru fjöldamörg en
aðalvandamálið er samt hið
óstöðuga verðlag sem hérna ríkir.
Við getum t.d. aldrei unnið eftir
neinum áætlunum og þannig gerir
maður sér ekki fulla grein fyrir því
hvað platan til dæmis muni kosta á
endanum. Við höfum enga stöðu
hjá hinu opinbera, þó að við hefð-
um reyndar vonað að afstaða þess
yrði okkur frekar vilholl. En fyrsta
verk fráfarandi ríkisstjórnar var að
leggja ,,lúxus“-skatt á hljómplötur.
Það má geta nærri að okkur er
ekki mjög hlýtttil ríkisstjórnarinnar
og ég fullyrði að hún hafi verið
mjög „ómúsíkelsk". En þetta
kemur þó til með að breytast þegar
framleiðslan færist alfarið inn í
landið.
Staöan í dag er óljós
FV: Hver er staða fyrirtækisins i
dag?
Jón: Hún er mjög óljós. Flest
önnur innlend útgáfufyrirtæki hafa
verið að draga saman seglin á
síðustu og verstu tímum en við
aftur á móti höfum stöðugt verið
að auka við okkur. Til marks um
þaö þá komum við jafnvel til með
að gefa út fleiri plötur í ár en í fyrra.
Þannig má segja að við keyrum
blint áfram. Kannski erum við að
gera hið rétta, kannski ekki. Tím-
inn verður að skera úr um það.
FV: Er mikil samkeppni meðal
innlendra hljómplötuútgefenda?
Jón: Þar sem mörg fyrirtæki
starfa á sama sviði þar verður alltaf
samkeppni. Samt sem áður er
samstarf milli útgáfufyrirtækjanna
mjög gott.
Alþjóðamarkaður
FV: Nú eruð þið ekki eingöngu
með plötuútgáfu?
Jón: Nei, við erum einnig með
hljómleikahald og útvegun
skemmtikrafta á dansleiki og þess
háttar. Til dæmis vorum við með
mikið af skemmtiatriðum á vöru-
sýningunni sem haldin var í
Laugardalshöllinni í haust. Þá
hefur Hljómplötuútgáfan yfirtekið
fegurðarsamkeppni íslands.
FV: Stefnið þið eitthvað á al-
þjóðamarkaðinn?
Jón: Já, að sjálfsögðu. Ég fór
snemma á árinu á heimsráðstefnu
hljómplötuútgefenda í Frakklandi
og kynnti þar þá listamenn sem
eru á okkar snærum. Ég stefni
einnig á að fara á samskonar ráð-
stefnu áður en langt um líður og
ætla þá að gera meira af kynning-
arstarfsemi en ég gerði í Frakk-
landi. Ég tel að flestallir listamenn
hér heima eigi góða möguleika á
að komast inn á erlenda markaði.
„Vinnan er líf manns“
FV: Hverjar eru framtíðarsýn-
irnar?
Jón: Ég vil bara segja það að
við erum bjartsýnir á framtíðina og
vonum að skilningur stjórnvalda
aukist. Fortíðin hefur kennt manni
að þrauka. Það hefur verið mikill
barningur oft á tíðum en það hefur
samt veriö mjög gaman að standa í
þessu því að maður hefur verið að
vinna hálfgert brautryðjendastarf.
Vinnan hefur eiginlega verið líf
manns og maður lifir og hrærist í
þessu. Maður getur ekki alltaf ver-
ið að hugsa um að græða. Listin
verður líka að fá sinn ,,sjéns“ þó
að hún sé ekki kannski arðbær að
sama skapi. Ég get nefnt sem
dæmi að platan Börn og dagar var
reglulega vönduð og góð plata.
Hún seldist ékki mjög vel en ég tel
að hún sé listaverk og ég er stoltur
yfir því að hafa gefið hana út.
Jón Ólafsson, hvítklæddur, í hópl vlna og samstarfsmanna á tónllstarsvlðlnu. Reyndar sýnlst hann vera
að toga í skeggið á Gunnari Þórðarsyni, lagasmið, sem gert hefur hverja metsöluplötuna af annarri.
46