Frjáls verslun - 01.10.1980, Page 29

í tvennum tilgangi.
Segja má aö hjá fyrirtækjum sé
fundur eða ráöstefna utan vinnu-
staöarins haldinn í tvennum til-
gangi: Annars vegar er hinn ver-
aldlegi tilgangur að upplýsa, skipt-
ast á skoðunum, leysa vandamál
eða launa starfsmönnum góðan
árangur. Hins vegar er hinn and-
legi tilgangur, sem felst í því að
starfsfólki finnst það vera mikil-
vægara ef óskað er eftir því á fund
utan hversdagsumhverfisins. Með
því er verið að segja: -,,Þetta er
enginn rútínufundur, við væntum
einhvers sérstaks af þér'.
Það er einmitt mjög mikilvægt
að þátttakendur í ráðstefnu séu vel
undirbúnirog vel ,,mótíveraðir“ og
sjái annan og meiri tilgang í henni
en bara að komast burt frá vinn-
unni í slark upp í sveit.
Nákvæmur
undirbúningur.
Að undirbúa ráðstefnu er mikil ná-
kvæmnisvinna. Að mörgu er að.
hyggja, bæði stóru og smáu og eitt
minniháttar atriði, sem gleymist
getur dregið verulega úr árangri
ráðstefnunnar. Sjálfsagt er að leita
til aðila, sem vanir eru að halda
fundi og ráðstefnur, svo sem
Stjórnunarfélags íslands, og fá
ráðleggingar og minnislista yfir öll
þau stóru og smáu atriði, sem ekki
mega gleymast.
Staöurinn.
Aðstaða til funda og ráðstefna hef-
ur batnað mikið á undanförnum
árum, bæði í Reykjavík og utan
höfuðborgarinnar. í Reykjavík eru
það fyrst og fremst stóru hótelin
þrjú, Esja, Loftleiðirog Saga, sem
henta vel til funda. Ágætir fundar-
salir eru bæði á Sögu og Esju og
fyrir þá sem koma utan af landi ér
hentugt að búa á fundarstaðnum.
Þægilegasta ráðstefnuhótelið er
þó Hótel Loftleiðir, enda er það
hreinlega byggt, sem ráðstefnu-
hótel. Þar eru margir salir af öllum
stærðum og fyrsta flokks tækja-
búnaður. Fyrir utanborgarfólk,
sem býr á Loftleiðum ætti sund-
laugin og gufubaðið að hafa sér-
stakt aðdráttarafl.
En það er fleira en góð aðstaða,
sem gerir Reykjavík að fýsilegum
fundarstað fyrir utanborgarfólk,
nefnilega verðið. Yfir vetrarmán-
uðina sérstaklega er hægt að
komast að ótrúlega góðum afslátt-
arkjörum hjá Flugleiðum á flugi og
gistingu, sé hvort tveggja keypt í
einum pakka. Má heita að hægt sé
að fá flugfar og hótelherbergi á
hálfvirði þess, sem það í raun ætti
að kosta. Að auki veita Flugleiðir
vetrarafslátt á bílum hjá Bílaleigu
Loftleiða. Einnig er hægt að kom-
ast að ágætis afsláttarkjörum yfir
veturinn hjá hinum stærri bílaleig-
um, eins og Bílaleigu Akureyrar.
En afsláttarkjör Flugleiða gilda
ekki einungis til Reykjavíkur held-
ur einnig í gagnstæða átt. Úti á
landi er einnig hægt að komast að
Hótel Loftleiðir leggja mikla áherslu á góða aðstöðu til ráðstefnuhalds í aug-
lýsingum stnum
29