Frjáls verslun - 01.03.1982, Side 21

Fyrsta Aðalskipulag Reykjavíkur tók gildi árið 1962, og skyldi þaðgilda Í20 ár, eða til ársins 1983.
Nú í lok skipulagstímabilsins er athyglisvert að líta til baka og meta hvernig til hefur tekist. I heildina
verður vart annað sagt en skipulaginu hafi verið vel framfylgt. Sérstaklega hafa íbúðahverfin byggst
upp í samræmi við skipulagið, jafnvel enn hraðar en gert var ráð fyrir. Ný iðnaðarhverfi hafa risið,
mikil íþróttamannvirki hafa verið reist í Laugardal og nýtt hafnarsvæði hefur byggst upp í Vatna-
görðum. I umferðarmálum má nefna að nær allar götur eru nú malbikaðar og helstu umferðaræðar
hafa verið bættar til að taka við aukinni umferð. En það er engu líkara en aðalskipulagið hafi alls
ekki náð yfir miðbæ Reykjavíkur. Þar er flest eins og það var fyrir 20 árum, nema hvað nokkur hús
hafa horfið án þess að ný hafi risið í þeirra stað. Grjótaþorpið er enn á sínum stað þrátt fyrir áætlanir
um annað.