Frjáls verslun - 01.03.1982, Blaðsíða 63

Kjarngóður hversdagsmatur
á hóflegu verði
á sumarmatseðli 26 veitingastaða
„Veitingahúsarekstur í Reykja-
vík og nágrenni er mjög gott dæmi
um áhrifin af frjálsri samkeppni,"
sagði Hólmfríður Árnadóttir,
framkvæmdastjóri Sambands
veitinga- og gistihúsa í samtali við
blaðið. „Síðan 1976 hefur verðlag
á mat á veitingahúsum ekki verið
háð verðlagsákvæðum en áður
hækkuðu veitingamenn verðið
yfirleitt um 5—10% á línuna, þeg-
ar heimildir fengust til hækkana.
Nú horfir þetta öðruvísi við: Verð-
samkeppni í dag er mjög mikil og
að mínu mati er verðið í sumum
tilfellum undir þeim mörkum að
það geti gengið til lengdar," sagði
Hólmfríður ennfremur.
Hólmfríöur taldi að verðsam-
keppni ætti einnig að gæta hjá
veitinga- og skemmtistöðum varð-
andi verðlagningu á áfengi og
aðgöngumiðum. Hún lét líka í
Ijós þá skoðun, að markaður væri
ofmettaöur í matsölu- og
skemmtistaðarekstri í Reykjavík,
þó að fjölgun veitingastaða væri
vissulega skemmtileg þróun og í
takt við tímann, þar sem fólk vill
tilbreytingu og þarf að geta komist
út af heimilinu til að borða við og
við með breyttum heimilisvenjum.
,,En þessir nýju staðir lifa ekki á
tveim kvöldum í viku," sagöi
Hólmfríður. „Framtíð þeirra bygg-
ist á því að viðskiptin dreifist meira
á alla vikuna og að gestir komi
aftur og aftur en ekki bara 4—6
fyrstu mánuðina, sem nýr staður
starfar. Reynslutíminn fyrir nýjan
veitingastað er upp undir hálft ár."
Nokkur ný gistihús
úti á landi
Staðan í gistihúsarekstri er
þokkaleg að sögn Hólmfríðar. Að
vísu hafði nokkuð borið á afpönt-
unum vegna frétta, sem spurst
höfðu til útlanda um yfirvofandi
verkföll hér á landi. Gistihúsin lifa
á viðskiptum sem gerð eru á 2'h til
þrem mánuðum yfir hásumarið og
ef öllu er lokað og vinna lögð niður
á þeim tíma er ekkert nema svart-
nætti framundan. Ef vel gengur
um mitt sumar segir hins vegar
herbergjaskortur vfða til sín. Þetta
á ekki síst við um Reykjavík, þar
sem ekkert hefur bæst við af gisti-
rými síðan 1972 að undanskildum
32 herbergjum á Hótel Heklu. Eftir
tvö ár mun Hótel Saga taka í notk-
un 200 herbergja viðbót. Úti á
landi hefur mest munað um viðbót
viö Hótel Borgarnes, úr 19 her-
bergjum í 36. Þá var fyrir nokkrum
árum tekið í notkun nýtt hótel í
Stykkishólmi með 26 herbergjum
og á ísafirði er splunkunýtt hótel
með 33 herbergjum, sem öll verða
komin í gagnið í sumar. Fyrir
nokkrum vikum bættust við 18
tveggjamanna herbergi á Hótel
Reynihlíð við Mývatn í nýrri álmu
þannig að herbergi þar eru nú 44
að tölu. Þá má ekki gleyma Vala-
skjálf á Egilsstöðum, þar sem nú
hafa verið opnuð 13 herbergi en
auk þess eru 24 herbergi í heima-
vist menntaskólans á staðnum,
sem Valaskálf nýtir á sumrin.
Óskildir aðilar sjái
um hótelrekstur og
hópferðir
Aðspurð um gagnrýni gistihúsa-
eigenda á starfsemi Eddu-hólela
Ferðaskrifstofu ríkisins svaraði
Hólmfríður því til, að í sjálfu sér
væri eðlilegt og nauðsynlegt að
nýta heimavistarskóla fyrir gisti-
húsastarfsemi yfir sumarmánuð-
ina, þar sem ferðamálunum væri
háttað eins og hér á landi með
obbann af öllum gestakomum um
mitt sumarið. Hins vegar heföu
forráðamenn gistihúsanna í
einkarekstri gagnrýnt það fyrir-
komulag að Ferðaskrifstofa ríkis-
ins, sem er mjög aðsópsmikii í
innflutningi erlendra ferðamanna
til Islands og í skipulagningu á
ferðum þeirra um landið, væri látin
sjá um rekstur þessara sumar-
hótela. Fyndist mönnum eðlilegra
að óskildir aðilar væru í þessu
tvennu. Freistingin hjá Ferðaskrif-
stofunni til að beina hinu erlenda
ferðafólki á sín hótel í stað annarra
væri örugglega mjög sterk.
Á aðalfundi Sambands veitinga-
og gistihúsa var rætt um reynslu
veitingamannainnansambandsins
af svokölluðum Sumarmatseðli,
sem ýmsir félagsmenn höfðu á
59