Morgunblaðið - 03.02.2001, Qupperneq 2

FRÉTTIR
2 LAUGARDAGUR 3. FEBRÚAR 2001 MORGUNBLAÐIÐ
Fylgstu
með
nýjustu
fréttum
www.mbl.isHelgi Sigurðsson til liðs
við Derby? /B1
Kristín ́Rós Hákonardóttir
íþróttamaður Reykjavíkur /B1
4 SÍÐUR20 SÍÐUR
Sérblöð í dag
Á LAUGARDÖGUM
EIGANDI Veitingahússins Jennýjar við Bláa
lónið má ekki nota orðin „Bláa lónið“ við kynn-
ingu á starfsemi sinni samkvæmt dómi sem féll
í Héraðsdómi Reykjaness í gær. Hann var jafn-
framt dæmdur til að greiða Bláa lóninu hf.
350.000 krónur í málskostnað. Jónas Jóhanns-
son héraðsdómari kvað upp dóminn.
Það var veitingamaðurinn sem fyrst höfðaði
mál gegn Hitaveitu Suðurnesja sem rekur eins
og kunnugt er varmaorkuver í Svartsengi.
Hitaveitan á jafnframt hlut í Bláa lóninu hf.
sem rekur þjónustu- og veitingastarfsemi við
Bláa lónið. Kröfum veitingamannsins var hins-
vegar vísað frá dómi. Í niðurstöðum dómsins
segir að notkun veitingamannsins á vörumerkj-
unum sé til þess fallin að valda ruglingi, hætta
sé á að villst verði á henni og starfsemi Bláa
lónsins hf. sem rekin er í um 1.000 m fjarlægð
frá veitingastaðnum. Veitingamaðurinn keypti
Veitingastaðinn við Bláa lónið árið 1998. Hann
sagðist hafa vitað af því að Bláa lónið hf. hefði
amast við notkun fyrri eigenda á merkinu
„Bláa lónið“. Fyrri eigendur hefðu hins vegar
fullvissað hann um að ekki væri ástæða til að
hafa áhyggjur enda hefði veitingastaðurinn um
árabil verið rekinn undir sama nafni. Hann
breytti síðan nafninu í Veitingahúsið Jenný við
Bláa lónið.
Framkvæmdastjóri Bláa lónsins hf. sagði fyr-
ir dómi að ítrekað hefði gætt ruglings á veit-
ingaþjónustu við lónið. Yfir þessu hefði margoft
verið kvartað. Með nýjum eigendum að veit-
ingastaðnum hefði verið vonast eftir því að þeir
myndu láta af notkun á „Bláa lóninu“ og þannig
myndi draga úr ruglingi. Það hefði hins vegar
ekki gerst. Bláa lónið hf. reisti síðan nýja að-
stöðu við lónið um leið og lónið sjálft var fært
til. Framkvæmdastjórinn sagði að um þverbak
hefði keyrt þegar Fjárfestingarbanki atvinnu-
lífsins, nú Íslandsbanki-FBA, hefði fyrir mistök
bókað árshátíð hjá veitingastaðnum í stað hinna
nýju húsakynna Bláa lónsins hf. Þetta staðfesti
formaður starfsmannafélags FBA. Þegar mis-
tökin uppgvötuðust nokkrum dögum fyrir
árshátíðina hefði þeim fyrir einskæra heppni
tekist að útvega annan veislusal.
Hitaveita Suðurnesja byggði mál sitt á því að
fyrirtækið ætti vörumerkjarétt að vörumerkinu
„Bláa lónið“. Á þetta féllst héraðsdómur. Rétt-
ur til vörumerkis væri einkaréttur. Aðrir en
eigandi þess gætu ekki notað í heimildarleysi
merki eða tákn sem eru eins eða lík vörumerki
hans ef notkunin tæki til sömu eða svipaðrar
þjónustu og ef hætt er við ruglingi.
Héraðsdómur Reykjaness úrskurðar um Veitingastaðinn Jenný
Er ekki heimilt að nota
„Bláa lónið“ til kynningar
Morgunblaðið/Kristinn
TANNVERNDARDAGURINN var
haldinn í gær og var þema dags-
ins: „Glerungseyðing á yfirborði
tanna.“ Samkvæmt tannvernd-
arráði, sem stendur fyrir degin-
um, er talið að fimmti hver ung-
lingur á Íslandi sé með glerungs-
eyðingu á byrjunarstigi.
„Orsökin er m.a. talin vera
óhófleg neysla súrra ávaxta- og
gosdrykkja sem sífellt er verið að
súpa á yfir daginn,“ segir í frétta-
tilkynningu frá tannverndarráði.
Á heimasíðu ráðsins www.tann-
heilsa.is, er að finna fræðsluefni
um tannheilsu og tannvernd fyrir
fagfólk og almenning. Áhersla er
lögð á fræðslu fyrir afmarkaða
hópa t.d. foreldra, börn, unglinga,
aldraða og sjúka. Reynt er að
sníða fræðsluefni eftir þörfum
hvers hóps.
Glerungs-
eyðing tanna
algeng meðal
unglinga
FRAMADÖGUM nemenda við Há-
skóla Íslands lauk í gær. Þá kynntu
39 fyrirtæki starfsemi sína háskóla-
nemum. Háskólanemarnir nýttu
einnig tækifærið og komu sjálfum
sér á framfæri við fyrirtækin. AI-
SEC, alþjóðlegt félag háskólanema,
stóð fyrir Framadögum sem nú voru
haldnir í sjöunda sinn.
Framadagarnir hófust á þriðju-
daginn og hafa nemendur í HÍ getað
sótt fyrirlestra um ýmislegt sem lýt-
ur að atvinnulífinu. Tilgangurinn
með Framadögum er að veita nem-
endum betri aðgang að fyrirtækjum
og forsvarsmönnum þeirra. Fyrir-
tækjunum gefst einnig tækifæri á að
kynna starfsemi sína fyrir mögu-
legum framtíðarstarfsmönnum.
Frama-
dagar 2001
Morgunblaðið/Kristinn
Fjöldi háskólanema lagði leið sína í Háskólabíó á Framadögum í gær.
JOHAN Christiansen, fram-
kvæmdastjóri og eigandi Hexa
ehf., fékk í gær tilboð í sauma-
verksmiðjuna Sólina, sem er í eigu
Hexa. Tilboðið er frá fataframleið-
andanum Fristads í Svíþjóð og ef
gengið verður að því verður verk-
smiðjan flutt til Rússlands þar
sem Fristads er að byggja upp
fataframleiðslu.
Að sögn Johans eru starfsmenn
í verksmiðjunni nú fimm talsins en
þeir eru á milli þrjátíu og fjörtíu
þegar hún er í fullri notkun. Johan
segist verða að svara hinu erlenda
tilboði á allra næstu dögum, en að
hann vilji helst ekki þurfa að selja
verksmiðjuna úr landi og því sé
hann að leita að áhugasömum fjár-
festum til samstarfs.
Hann segir hluta vandans vera
að finna verksmiðjunni stað hér á
landi, en fyrirhugað sé að selja það
hús sem hún er í nú.
Johan segir að hans áform hafi
verið að reka verksmiðjuna hér á
landi og nota hana til að framleiða
ullarfatnað sem fyrirtækið sé að
markaðssetja í Bandaríkjunum.
Tíminn sé hins vegar naumur og
því kunni svo að fara að verk-
smiðjan flytjist úr landi ef ekki
komi til samstarfsaðilar hér á
landi.
Sólin er að sögn Johans stærsta
saumaverksmiðja landsins og það
mundi kosta 60–70 milljónir króna
að kaupa hana nýja. Verðið sem
boðið hafi verið sé hins vegar ekki
í neinu samræmi við þetta og mun
ákjósanlegra væri að geta nýtt
verksmiðjuna til framleiðslu á ull-
arfatnaðinum hér á landi.
Saumastofan Sól-
in til Rússlands?
LÖGREGLUEMBÆTTIÐ í
Reykjavík hefur hafið athug-
un á því hvort lögreglan hafi
gefið Íslandspósti upplýsing-
ar um tiltekna einstaklinga
sem sóttu um störf hjá fyr-
irtækinu. Hörður Jóhannes-
son yfirlögregluþjónn sagði
við Morgunblaðið að niður-
staða fengist í málið í næstu
viku.
Hörður sagðist ekki kann-
ast við að lögreglan veiti fyr-
irtækjum eða öðrum upplýs-
ingar um fólk. „Við ætlum að
kanna hvort eitthvað sé hæft í
þessu, sem við efumst um og
teljum þetta eitthvað málum
blandið. Ég hef gert ráðstaf-
anir til þess að fá upplýsingar
frá Íslandspósti og skoða mál-
ið með hliðsjón af því.“
Athugar
meint sam-
skipti við
Íslandspóst