Morgunblaðið - 03.02.2001, Qupperneq 18

HÖFUÐBORGARSVÆÐIÐ
18 LAUGARDAGUR 3. FEBRÚAR 2001 MORGUNBLAÐIÐ
KAUPFÉLAGSHÚSIÐ í
Mosfellsbæ er að öðlast nýtt
líf því þangað eru hand-
verksmenn bæjarins að flytja
og ætla þar að selja listmuni
sína og koma upp vinnuað-
stöðu. „Við sameinumst í
þessu til að styðja hvert ann-
að og hafa félagsskap hvert
af öðru,“ sagði Hulda Guð-
mundsdóttir, formaður
Félags handverkshóps Mos-
fellsbæjar og nágrennis.
„Það verður voðalega gaman
hjá okkur. Við erum full af
áhuga og það verður gaman
að móta þetta verkefni.“
41 félagi er í Félagi hand-
verkshóps Mosfellsbæjar og
nágrennis og Hulda, sem er
glerlistakona, upphafsmaður
að stofnun félagsins, sem
fengið hefur húsaleigustyrk
frá bæjarsjóði til að koma
upp aðstöðu í húsinu.
Ætla að halda
námskeið
Hún sagði í samtali við
Morgunblaðið að hugsunin
væri sú að handverksfólkið
mundi þarna hafa muni sína
til sölu og einnig væri stefnt
að því að koma upp vinnuað-
stöðu þannig að handverks-
menn yrðu að störfum innan
um viðskiptavinina. „Svo
ætlum við að halda hér nám-
skeið,“ sagði Hulda.
Í félaginu eru margskonar
handverks- og listamenn,
sem samhliða öðrum störfum
stunda m.a. tréskurð, gler-
list, málun, leirlist, hanna,
prjóna og sauma barnaföt og
prjónles, vinna úr perlum,
sauma perlusaum, svo og
járnsmiður og rennismiður,
sem munu m.a. taka að sér
að skreyta handverkshúsið
að utan. Um þrír fjórðu
félagsmanna eru konur og
þótt langflestir séu búsettir í
Mosfellsbæ eru nokkrir úr
nágrannasveitarfélögum á
Stór-Mosfellsbæjarsvæðinu
enda er félagið kennt við bæ-
inn og nágrenni hans.
Hulda sagði að fyrst um
sinn yrði einungis gallerí á
staðnum en smám saman
yrði vinnuaðstöðunni bætt
við og þangað mundu félags-
menn koma eftir því sem að-
stæður og tími leyfðu en
margir þeirra hafa jafn-
framt góða aðstöðu á heimili
sínu og vinna þar en munu
a.m.k. nota sér söluaðstöð-
una á staðnum. Galleríið var
opnað í gær en formleg opn-
un verður þegar húsið er
fullbúið.
Beint við
þjóðveginn
Hulda sagði að aðdrag-
andinn að stofnun félagsins
og síðan þessarar aðstöðu
hefði verið sá að hún komst í
kynni við aðstandendur sams
konar hóps handverksfólks í
Sandgerði. „Þar er okkar
fyrirmynd að þessu,“ sagði
hún.
Hús Kaupfélags Kjal-
arnesþings í Mosfellsbæ, þar
sem nú er verslun 11-11 og
áður einnig veisluþjónusta,
er þekkt í augum vegfarenda
um Vesturlandsveg en húsið
blasir við frá gamla þjóðveg-
inum.
Morgunblaðið/Jim Smart
Handverkskonurnar María Eggertsdóttir, Hulda Guðmundsdóttir og Kristín Þórmundsdóttir undirbjuggu opnun hand-
verksgallerísins í Mosfellsbæ í gær.
Handverksmenn í Mosfellsbæ sameinast um gallerí með vinnuaðstöðu
Nýtt líf í kaupfélagshúsið
Mosfellsbær
MOSFELLSBÆR varð í
gær annað í röð íslenskra
sveitarfélaga til að setja sér
markmið um sjálfbæra þró-
un. Í því felst að sjálfbær
þróun og hugmyndafræði
Staðardagskrár 21 verða
höfð að leiðarljósi í rekstri,
þróun og uppbyggingu bæj-
arfélagsins.
Markmiðið gerir ráð fyrir
að stuðlað verði að þátttöku
bæjarbúa, í því sem að mál-
efnum sveitarfélagsins snýr.
Þýðing fyrir íbúa
Að sögn Jóhönnu B. Magn-
úsdóttur verkefnisstjóra
verða bæjarbúar fyrst varir
við áhrif samþykktarinnar
með því að hvatt verður til
stofnunar hverfasamtaka þar
sem íbúar geta sameinast um
að hafa áhrif í sínu umhverfi.
Einnig verður lögð áhersla á
samvinnu við skóla og leik-
skóla og ýtt úr vör verkefni í
því skyni að efla hlut barna í
ákvarðanatöku um það sem
varðar málefni samfélagsins.
Þá segir Jóhanna að áhrif
samþykktarinnar muni m.a.
birtast í nýjum markmiðum
varðandi gerð gönguleiða,
stefnu í sorpmálum og jafn-
réttismálum og aukinni um-
hverfisfræðslu í skólunum.
Bæjarbúar í Mosfellsbæ
tóku margir þátt í hópavinnu
vegna Staðardagskrár 21 og
á grundvelli hópanna voru
unnin drög að skýrslu, sem
markmiðin sem bæjarstjórn
hefur nú samþykkt byggjast
á.
Í bókun bæjarstjórnar
segir að hún samþykki jafn-
framt Ólafsvíkuryfirlýsing-
una um sjálfbæra þróun.
Árlega verði unnin fram-
kvæmdaáætlun í tengslum
við fjárhagsáætlun bæjarins,
þar sem leiðir að markmiðum
um sjálfbæra þróun verða út-
færðar.
„Bæjarstjórn samþykkir
jafnframt að unnið verði að
því að gerð verði umhverf-
isskýrsla ár hvert, sem sýni
árangur og yfirlit yfir um-
hverfismál í sveitarfélaginu,“
segir ennfremur.
Snæfellsbær varð fyrst
sveitarfélaga á Íslandi til
þess að setja sér markmið af
þessu tagi í anda Staðardag-
skrár 21.
Bæjarstjórn stuðlar að
sjálfbærri þróun
Mosfellsbær
ÞEIRRI tillögu borgarfull-
trúa Sjálfstæðisflokksins að
bílastæðasjóður borgarinnar
ræði við hafnaryfirvöld um
möguleika á 270 nýjum bíla-
stæðum á þaki Faxaskála við
Reykjavíkurhöfn var vísað til
borgarráðs á fundi borgar-
stjórnar með öllum greiddum
atkvæðum. Á fundinum varð
talsverð umræða um málefni
miðborgarinnar sem tók lung-
ann af fundinum.
Bregðast þarf við með
skjótum hætti
Inga Jóna Þórðardóttir,
oddviti Sjálfstæðisflokksins í
borgarstjórn, sagði að bregð-
ast þyrfti við bílastæðavand-
anum í miðborginni með
skjótum hætti.
Fjölga þyrfti bílastæðum
þannig að miðborgin gæti
varist þeirri auknu sam-
keppni sem hún fengi nú frá
öðrum svæðum, einkum
Smáralindinni í Kópavogi.
Ekki væri eftir neinu að bíða
að nota plássið sem væri á
Faxaskála.
Ingibjörg Sólrún Gísladótt-
ir borgarstjóri sagði það sjálf-
sagt mál að skoða þessa tillögu
og lagði til að vísa henni til
borgarráðs. Bílastæði á Faxa-
skála gætu einkum nýst þeim
sem störfuðu í miðborginni en
Ingibjörg efaðist um að fram-
kvæmdirnar borguðu sig.
Deilt um frétt í
Morgunblaðinu
Eins og fyrr segir voru mál-
efni miðborgarinnar mikið til
umræðu í borgarstjórn og
hart deilt. Meðal þess sem
kom til umræðu var frétt í
Morgunblaðinu á fimmtudag
þar sem rætt var við hár-
snyrtimeistara sem meðal
annars vegna óánægju sinnar
með þróun mála í miðborg-
inni, aðallega lokun Hafnar-
strætis í annan endann og
bílastæðavanda, flutti hár-
snyrtistofu sína út á Seltjarn-
arnes. Borgarfulltrúar R-
listans sökuðu Sjálfstæðis-
flokkinn um að hafa komið
fréttinni á framfæri við Morg-
unblaðið og töldu flutning
einnar hársnyrtistofu hafa
fengið óeðlilega mikið pláss í
blaðinu. Júlíus Vífill Ingvars-
son, borgarfulltrúi Sjálfstæð-
isflokksins, vísaði þessum
ásökunum á bug og gagnrýndi
R-listann fyrir að viðurkenna
ekki vanda miðborgarinnar
og ráðast þess í stað að ein-
stökum þjónustuaðilum sem
hefðu fengið sig sadda á
ástandinu
Bílastæðamál rædd í borgarstjórn Reykjavíkur
Þak Faxaskála gæti
rúmað 270 bíla
Miðborg
HREPPSNEFND Bessa-
staðahrepps hefur samþykkt
að fara þess á leit við sam-
vinnunefnd um svæðisskipu-
lag á höfuðborgarsvæðinu að
nefndin láti taka saman í
greinargerð hugmyndir og
skipulagstengdar upplýsingar
sem fram hafa verið settar um
flugvöll á Lönguskerjum og
Hólma í Skerjafirði sem
nefndin telur að hafa mundi
afgerandi áhrif á byggð í ná-
lægum sveitarfélögum.
Nefndin telur gögn þessi
nauðsynleg til að hægt sé að
meta hvort þetta flugvallar-
svæði gæti talist viðunandi.
„Hreppsnefnd telur mikil-
vægt, að ef fyrirliggjandi hug-
myndir um flugvöll á Löngu-
skerjum eiga í tengslum við
svæðisskipulagið eða í kjölfar
afgreiðslu þess að fá skipu-
lagslega og stjórnsýslulega
meðferð hreppsyfirvalda í
Bessastaðahreppi, verði hug-
myndirnar ásamt skipulags-
legum fylgigögnum að liggja
fyrir í aðgengilegri greinar-
gerð, m.a. vegna byggðar og
náttúru aðliggjandi sveitar-
félaga,“ segir í einróma sam-
þykkt nefndarinnar.
„Að mati hreppsnefndar
Bessastaðahrepps myndi
flutningur Reykjavíkurflug-
vallar út á Löngusker og
Hólma og þar með að hluta til
inn fyrir lögsagnarmörk
Bessastaðahrepps hafa afger-
andi áhrif á framtíðarskipulag
höfuðborgarsvæðisins, um-
hverfi og yfirbragð byggðar í
aðliggjandi sveitarfélögum og
því sé mikilvægt að umrædd
gögn verði tekin saman á
þessu stigi svæðisskipulags-
ins,“ segir ennfremur.
Í greinargerð með tillög-
unni kemur fram að í kjölfar
afgreiðslu svæðisskipulags
höfuðborgarsvæðisins þurfi
að taka aðalskipulagsáætlanir
sveitarfélaganna átta sem að
svæðisskipulaginu standa,
þar á meðal Bessastaða-
hrepps, til endurskoðunar.
Því sé mikilvægt að fyrir liggi
greinargerð um hugmyndir
og „skipulagstengdar upplýs-
ingar“ varðandi flugvöll á
Lönguskerjum og Hólma í
Skerjafirði.
„Sú umræða um flugvallar-
mál, sem átt hefur sér stað að
undanförnu í tengslum við
svæðisskipulag höfuðborgar-
svæðisins, bendir til þess að
Löngusker í Skerjafirði kunni
á komandi árum að koma til
álita sem stæði undir innan-
lands- eða millilandaflugvöll.
Því er mikilvægt, að við vinnu
svæðisskipulags höfuðborgar-
svæðisins nú komi fram skýr
afstaða ráðgjafa samvinnu-
nefndar í flugvallarmálum til
þess hvernig staðsetning flug-
vallar í Skerjafirði stendur í
raun í samanburði við aðra
kynnta valkosti innanlands-
flugvallar. Einnig er mjög
mikilvægt fyrir sveitarstjórn-
ir þeirra sveitarfélaga sem að
svæðisskipulaginu standa, að
fyrir liggi áhrif flugumferðar
að og frá flugvelli í Skerjafirði
á aðliggjandi byggðir, svo að
þær geti metið hvort þetta
flugvallarstæði geti talist
ásættanleg, vegna þeirrar
byggðar sem fyrir er á svæð-
inu, segir í greinargerðinni.
Hreppsnefnd vegna flugvallar-
hugmyndar á Lönguskerjum
Hefði afger-
andi áhrif á
nærliggjandi
sveitarfélög
Bessastaðahreppur
Reykjavíkurborg hefur nú til
skoðunar hugmyndir um að
taka lýsingarmál í miðborg-
inni til endurskoðunar, m.a. á
þann hátt að í stað ljósastaura
verði notast við kastara sem
festir eru á gafla húsa.
Sigurður Skarphéðinsson
gatnamálastjóri sagði í sam-
tali við Morgunblaðið að tals-
vert hefði verið gagnrýnt að
lýsing í miðborginni væri ekki
nægileg og að engin stefna
hefði verið mótuð um lýsingu.
Erlendur sérfræðingur hefði
bent á að úr Bakarabrekk-
unni mætti sjá 11–14 mismun-
andi tegundir lýsingar og
nauðsynlegt væri að skapa
heildstæða lýsingu í Kvosinni,
m.a. með því að nota í stað
hefðbundinna ljósastaura
kastara, sem eru hengdir á
hús og gefa góða birtu niður á
göturnar.
„Þetta er algengt erlendis
og við munum skoða þetta,“
sagði gatnamálastjóri. Hann
sagði að unnið væri að málinu
í samstarfi við Orkuveitu
Reykjavíkur og væri verið að
afla upplýsinga, huga að ráð-
gjöf og fleira.
Kastarar í stað ljósastaura?
Miðborg