Morgunblaðið - 28.02.2001, Blaðsíða 37

MINNINGAR
MORGUNBLAÐIÐ MIÐVIKUDAGUR 28. FEBRÚAR 2001 37
KENNSLA
Keramiknámskeið
Þú getur byrjað þegar þú vilt.
Opið hús fyrir alla á miðviku-
dagskvöldum kl. 20-23.
Keramik fyrir alla,
Laugavegi 48b, s. 552 2882.
FÉLAGSLÍF
I.O.O.F. 18
181228


GLITNIR 6001022819 I

Njörður 6001022819 III
I.O.O.F. 7
18122871/2
8.0.
I.O.O.F. 9
1812288½


HELGAFELL 6001022819 VI
Hörgshlíð 12.
Boðun fagnaðarerindisins.
Bænastund í kvöld kl. 20.00.
Háaleitisbraut 58—60.
Samkoma í Kristniboðssaln-
um, Háaleitisbraut 58, í
kvöld kl. 20.30.
Beyene Gailassie og Friðrik
Hilmarsson tala.
Allir hjartanlega velkomnir.
Netfang:http://sik.is .
SMÁAUGLÝSINGAR
✝ Ólafía Guð-björnsdóttir
fæddist í Hólshreppi í
Bolungarvík 3. des-
ember 1912. Hún lést
í Reykjavík 19. febrú-
ar síðastliðinn. For-
eldrar hennar voru
Jónína Sigurðardótt-
ir og Guðbjörn Guð-
jónsson. Systkini
Ólafíu, sem öll eru
látin, voru Ólafur
Gissur, Ingvör Anna
og Elísabet.
Eiginmaður Ólafíu
var Tómas Guð-
mundsson, f. 9.3. 1909 að
Ámundastöðum í Fljótshlíð, d. 8.1.
1990. Þau giftust 7. 11. 1936. For-
eldrar hans voru Guðmundur
Guðmundsson og Þórunn Tómas-
dóttir. Ólafía fluttist til Reykja-
víkur frá Bolungar-
vík 1927. Þau Tómas
byggðu og bjuggu á
Laugateig 30 frá
1952 til 1973 er þau
fluttust til Sauðár-
skróks og tóku við
rekstri Hótel Mæli-
fells. Þau fluttust til
Reykjavíkur um
haustið 1975 og
bjuggu á Háaleitis-
braut 43. Börn
þeirra eru: 1) Þór-
unn Ragna, f. 14.8.
1938, d. 18.3. 2000.
2) Guðbjörn, f. 14.10.
1940, d. 30.5. 1992. 3) Guðmundur,
f. 26.6. 1943. 4) Sigurður, f. 6.2.
1952.
Útför Ólafíu fer fram frá Frí-
kirkjunni í Reykjavík í dag og
hefst athöfnin klukkan 13.30.
Nú, þegar föðuramma mín er lát-
in, hún Lúlla amma eins og hún var
alltaf kölluð, leitar hugurinn til
æskuáranna á Laugateignum en
þar bjuggum við í sama húsi og afi
og amma. Lúlla var að eðlisfari ró-
leg og hlý manneskja sem gott var
að spjalla við eða bara að sitja hjá
og horfa á hana vinna hannyrðir
sem hún gerði mjög mikið af.
Amma las mikið af bókum og
fygldist vel með þjóðmálum. Hún
hafði sterkar réttlætis- og jafnað-
arhugsjónir og við slíkar umræður
lét hún skoðanir sínar í ljós og kom
þá fram umhyggja hennar fyrir
þeim sem minna máttu sín og
bjuggu við bág kjör og óréttlæti.
Hjónaband hennar og Tómasar
afa var einstaklega gott, mikil virð-
ing, ást og tillitssemi einkenndi
þeirra samband og hef ég reynt að
taka það til fyrirmyndar í mínu lífi.
Amma missti nær alla sjónina
þegar hún var að fara á eftirlaun
og var það henni mikið og þungt
áfall þar sem hún hlakkaði svo til
að sinna meira hannyrðum og
lestri. Þrátt fyrir þetta áfall lifði
amma af sinni einstöku rósemi og
æðruleysi í ellinni og hlustaði þá
mikið á hljóðsnældur frá blindra-
félaginu. Það var ekki í hennar
anda að hlusta á lof um sjálfa sig,
hógværð og lítillæti einkenndu
hana alla tíð. Hjálpsemi og greið-
vikni átti hún mikla en vildi ekki
láta hafa fyrir sér. Nei, nei, það er
alveg óþarfi, sagði hún alltaf þegar
maður ætlaði að gera eitthvað fyrir
hana.
Nú þegar langþráð hvíldin er
komin óska ég ömmu góðrar ferðar
og þakka henni samfylgdina sem
var mér góð og þroskandi.
Guð geymi þig, elsku amma.
Þinn,
Heimir.
ÓLAFÍA
GUÐBJÖRNSDÓTTIR
KVENNAMEISTARAMÓT Tafl-
félagsins Hellis var haldið á sunnu-
daginn en þetta var í þriðja skipti
sem mótið er haldið. Mótið var mun
öflugra en fyrri ár, en meðal þátttak-
enda voru allir liðsmenn ólympíu-
sveitar Íslendinga í kvennaflokki ut-
an einn. Auk þess tefldi einn af
liðsmönnum ólympíusveitar Tékka á
mótinu, Lenka Ptácníková, en hún
býr nú hér á landi. Þá var Anna Lilja
Gísladóttir, Kvennameistari Hellis
undanfarin tvö ár, einnig í kepp-
endahópnum. Tefldar voru sjö um-
ferðir eftir Monrad-kerfi.
Eftir spennandi og skemmtilega
keppni vann Lenka öruggan sigur á
mótinu. Lenka sigraði í öllum sjö
viðureignunum og þar sem hún er
félagsmaður í Taflfélaginu Helli er
hún Kvennameistari Hellis 2001.
Þetta er í þriðja sinn sem mótið fer
fram en Anna Lilja Gísladóttir var
Kvennameistari félagins 1999 og
2000. Röð efstu stúlkna:
1. Lenka Ptácníková 7 v. af 7
2. Áslaug Kristinsdóttir 5½ v.
3. Guðfríður L. Grétarsdóttir 5 v.
4. Harpa Ingólfsdóttir 4½ v.
5. Anna Lilja Gísladóttir 4½ v.
o.s.frv. en alls tóku 9 stúlkur þátt í
mótinu. Margar skemmtilegar við-
ureignir voru tefldar á mótinu og oft-
ar en ekki voru það skákir Áslaugar
Kristinsdóttur sem reyndust mest
spennandi. Þannig fór hún í hvassa
sókn með hvítu gegn Lenku þar sem
Lenka þurfti að taka á öllu sínu til að
verjast. Þegar sóknin sýndist vera
komin á hættustig kom skemmtileg-
ur varnaleikur frá Lenku, sem við
fyrstu sýn virtist vera afleikur. Hún
lék peði til g6 sem Áslaug virtist
mega taka sér að meinalausu. Svo
var þó ekki og peðsránið hefði snar-
lega leitt til taps. Þótt Áslaug sæi við
þessu dugði leikurinn til að taka
mesta broddinn úr sókninni og
Lenka hafði sigur að lokum. Skák
Áslaugar og Guðfríðar Lilju varð
einnig mjög spennandi og endaði í
miklu tímahraki í hróksendatafli.
Lilja var þá komin með unnið tafl en
þrátt fyrir að hún sé hörð í horn að
taka í tímahraki, dugði það ekki að
þessu sinni og hún féll á tíma.
Frammistaða Margrétar Jónu
Gestsdóttur gegn Áslaugu vakti at-
hygli en þessi unga skákkona hafði
lengi vel prýðilega stöðu gegn ól-
ympíufaranum og auk þess betri
tíma. Reynsla Áslaugar sagði þó til
sín að lokum og hún hafði sigur.
Skákstjórar voru Vigfús Ó. Vig-
fússon og Daði Örn Jónsson.
Handbragð
Norðurlandameistarans
Eins og fram kom nýlega í skák-
þætti Morgunblaðsins eignuðust Ís-
lendingar tvo Norðurlandameistara
í skák á Norðurlandamótinu í skóla-
skák sem haldið var að Laugum í
Dalasýslu. Hannes Hlífar Stefáns-
son stórmeistari hefur litið yfir skák-
ir meistaranna ungu og hafði á orði,
að athygilsvert hefði verið að fylgj-
ast með hvernig Dagur Arngrímsson
yfirspilaði andstæðinga sína í enda-
töflum en það er frekar óvenjulegt
hjá svo ungum skákmönnum. Í eft-
irfarandi skák er það hinn Norður-
landameistarinn, Stefán Kristjáns-
son, sem sýnir handbrag sitt. Skákin
var tefld í fimmtu umferð. Stefán
fórnar peði í byrjuninni fyrir betri
liðskipan og eftir að Norðmaðurinn
missir af bestu leiðinni í miðtaflinu,
nær hvítur undirtökunum og eru
lokin mjög skemmtileg. Nú er bara
að bíða og sjá hvenær Stefán fylgir
þessu eftir og nær í áfanga að al-
þjóðameistaratitli.
Hvítt: Stefán Kristjánsson
Svart: Fleming Christenson
Frönsk vörn [C12]
1.e4 e6 2.d4 d5 3.Rc3 Rf6 4.Bg5
Bb4 5.e5 h6 6.Bd2 Bxc3 7.bxc3 Re4
8.Dg4 g6 9.Bd3 Rxd2 10.Kxd2 c5
11.h4 Rc6 12.Hb1 Athygilsverð
peðsfórn. Algengara er 12.Rf3 eða
12.Hh3 12...cxd4 13.cxd4 Da5+
14.Ke3 Dxa2 15.Re2 Da3 16.h5 g5
17.f4
Fyrir peðið hefur hvítur fengið
betri liðskipan, eins stendur kóng-
urinn vel á e3! 17...Hg8 18.fxg5 [Það
lá ekkert á að drepa á g5 nákvæmara
er 18.Hhf1! ] 18...Hxg5 19.Df4 De7
20.g4 Ra5 21.Hhf1 Bd7 22.Df6 Hxg4
23.Dxh6 0–0–0 24.Df6! Dxf6 Svart-
ur er nauðbeygður í drottningarupp-
skipti [því eftir 24...Da3 25.Ha1 Db4
(ef 25...Rc4+ kemur einfaldlega
26.Kf3) 26.Hfb1 tapar svartur
manni] 25.Hxf6 Hh8? Nú missir
Norðmaðurinn þráðinn og leggst í
óvirka vörn [Eftir 25...Rc4+! er
staðan alls ekki ljós, t.d. 26.Bxc4
(eða 26.Kf2 Hh4) 26...dxc4 27.Hxf7
Bc6] 26.Hh1 Be8? 27.h6 Rc4+
28.Kf3 Hgg8 29.Hf4! Rb2 30.h7 Hf8
31.Hf6!
Stefán gefur engin grið! Rxd3
32.cxd3 Kd8 33.Kg4 a5 34.Kg5 b5
35.Kh6 b4 36.Kg7 b3 37.Rf4 Ke7
38.Hf1 a4
39.Rxe6 fxe6 40.Hxf8 Hxh7+
41.Kxh7 a3 42.Kg7 a2 43.H8f2 Bb5
44.Hb2 1–0
Hér áður fyrr var Politiken Cup-
skákmótið í Danmörku nánast fastur
liður í skákdagskrá margra ís-
lenskra skákmanna. Sú tíð er liðin og
nú halda íslenskir skákmenn annað í
víking. Þannig er Opna tékkneska
meistaramótið í Pardubice orðið
mjög vinsælt en allra vinsælast er þó
Capelle la Grande-skákmótið í
Frakklandi orðið. Það stendur nú yf-
ir og eru hvorki fleiri né færri en 18
íslenskir skákmenn meðal þátttak-
enda! Þetta er í 17. skipti sem mótið
er haldið og það stendur frá 24.
febrúar til 3. mars. Þetta er eitt fjöl-
mennasta skákmót sem haldið er, en
þátttakendur eru 712, þar á meðal 93
stórmeistarar og 72 alþjóðlegir
meistarar.
Fjórum umferðum er lokið á
mótinu og að þeim loknum er Helgi
Ólafsson stórmeistari efstur ís-
lensku keppendanna með 3 vinninga.
Hann hefur unnið tvær skákir og
gert tvö jafntefli og er í 20.-95 sæti.
Vinningafjöldi annarra Íslendinga er
sem hér segir:
Stefán Kristjánsson, Bragi Þor-
finnsson og Óskar Bjarnason 2½ v.
Jón Viktor Gunnarsson, Björn
Þorfinnsson, Róbert Harðarson,
Guðjón Heiðar Valgarðsson, Guð-
mundur Kjartansson, Ólafur Kjart-
ansson, Dagur Arngrímsson, Ingvar
Jóhannesson, Sigurjón Þorkelsson,
Stefán Bergsson og Birkir Örn
Hreinsson 2 v.
Davíð Kjartansson, Björn Ívar
Karlsson og Halldór Halldórsson 1½
v.
Þess má geta, að sumir íslensku
keppendanna hafa mætt afar sterk-
um andstæðinum.
Shredder sigrar í Paderborn
Heimsmeistari skákforrita,
Shredder, bætti enn einni skraut-
fjöðurinni í hatt höfundar síns, Stef-
an Meyer-Kahlen, þegar það sigraði
á hinu árlega Paderborn-skákmóti,
sem lauk um síðustu helgi. Reyndar
var þetta ný útgáfa sem kallast
„Deep Shredder“, en hún getur nýtt
sér tölvur með fleiri en einum ör-
gjörva. Þetta skákmót skipar svip-
aðan sess og heimsmeistaramót
skákforrita að því leyti, að þarna
mæta höfundar skákforritanna í eig-
in persónu, leggja á ráðin fyrir
hverja umferð, velja þær byrjanir
sem tefla skal gegn væntanlegum
andstæðingi og stýra sínum forritum
meðan skákirnar standa yfir. Að
þessu sinni var mikið um skákforrit
áhugamanna á mótinu, en þó mætti
hið vinsæla og gríðarsterka forrit
Fritz frá ChessBase ásamt öðrum
aðalhöfundi sínum, Matthias Feist,
til leiks. Shredder tók forystu á
mótinu í fjórðu umferð og hélt henni
allt til loka og var eina forritið sem
ekki tapaði skák. Lokaröðin varð
þessi:
1. Deep Shredder 7½ v.
2.-3. Deep Fritz Paderborn og
Gandalf 4.32h 7 v.
o.s.frv.
Shredder hefur nú teflt í þrjú eða
fjögur ár í Paderborn og á heims-
meistaramóti skákforrita án þess að
tapa skák.
Lenka kvenna-
meistari Hellis 2001
SKÁK
H e l l i s h e i m i l i ð
KVENNAMEISTARAMÓT
HELLIS
25.2 2001
Morgunblaðið/Arnór Ragnarsson
Verðlaunahafar á kvennameistaramóti Hellis. Guðfríður Lilja
Grétarsdóttir, Lenka Ptácníková, kvennameistari Hellis,
og Áslaug Kristinsdóttir.
Daði Örn Jónsson
Hannes Hlífar Stefánsson
MORGUNBLAÐIÐ tekur afmælis- og minningargreinar til birtingar
endurgjaldslaust. Greinunum er veitt viðtaka á ritstjórn blaðsins í
Kringlunni 1, Reykjavík, og á skrifstofu blaðsins í Kaupvangsstræti 1,
Akureyri. Þá er enn fremur unnt að senda greinarnar í símbréfi (569
1115) og í tölvupósti (minning@mbl.is). Nauðsynlegt er, að símanúmer
höfundar/sendanda fylgi.
Um hvern látinn einstakling birtist formáli, ein uppistöðugrein af
hæfilegri lengd, en aðrar greinar um sama einstakling takmarkast við
eina örk, A-4, miðað við meðallínubil og hæfilega línulengd, - eða 2.200
slög (um 25 dálksentimetra í blaðinu). Tilvitnanir í sálma eða ljóð tak-
markast við eitt til þrjú erindi. Greinarhöfundar eru beðnir að hafa
skírnarnöfn sín en ekki stuttnefni undir greinunum.
Við birtingu afmælisgreina gildir sú regla, að aðeins eru birtar grein-
ar um fólk sem er 70 ára og eldra. Hins vegar eru birtar afmælisfréttir
ásamt mynd í Dagbók um fólk sem er 50 ára eða eldra.
Mikil áhersla er lögð á, að handrit séu vel frá gengin, vélrituð eða
tölvusett. Sé handrit tölvusett er æskilegt, að disklingur fylgi útprent-
uninni. Það eykur öryggi í textameðferð og kemur í veg fyrir tvíverknað.
Auðveldust er móttaka svokallaðra ASCII-skráa sem í daglegu tali eru
nefndar DOS-textaskrár. Þá eru ritvinnslukerfin Word og Wordperfect
einnig auðveld í úrvinnslu.
Birting afmælis- og
minningargreina