Morgunblaðið - 28.02.2001, Blaðsíða 43

Æskuár mín voru hræðileg, sérstaklega
fyrir foreldra mína.
MORGUNBLAÐIÐ MIÐVIKUDAGUR 28. FEBRÚAR 2001 43
DAGBÓK
Grand Cherokee Laredo
Nýr, ekinn 0 km.
Verð 4.300 þús.
Uppl. í s. 896 9399 og myndir á www.finnbill.is .
Þuríður Backman
er fulltrúi Vinstrihreyfingarinnar – græns
framboðs í heilbrigðis- og trygginganefnd
og landbúnaðarnefnd Alþingis.
Þuríður verður til viðtals á skrifstofu
flokksins í Hafnarstræti 20,
3. hæð, kl. 16 – 18
á morgun fimmtudaginn 1. mars.
Allir velkomnir.
FIMM tíglar er ekki slæm-
ur samningur, en byrjunin
er sagnhafa óhagstæð:
Suður gefur; allir á
hættu.
Norður
♠ G9743
♥ KD4
♦ D832
♣ Á
Suður
♠ –
♥ 873
♦ ÁKG105
♣ G8532
Vestur Norður Austur Suður
-- -- -- 2 tíglar *
Pass 5 tíglar Pass
* Sjötta spilið í veikum tveimur er löngu úr-
elt, enda liggur við að þetta sé opnun á ein-
um tígli.
Vestur kemur út með
hjartagosa og austur tekur
kóng blinds með ás. Það er
slæmt að hjartaásinn skuli
liggja á eftir hjónunum, en
hitt er jafnvel enn verra að
skrattakollurinn í austur
finnur þá eitruðu vörn að
skipta yfir í trompsexu í
öðrum slag – annars mætti
víxltrompa upp í 11 slagi.
Sestu nú við teikniborðið
og reyndu að finna ein-
hverja legu sem gefur ell-
efta slaginn.
Þetta tekur svolítinn
tíma. En á endanum sést
að laufið verður ekki nýtt
nema hjónin komi niður
þriðju og betra er að spila
upp á spaðann 4-4 og
trompið 2-2. Þú setur
trompfimmuna heima og
tekur slaginn í borði á áttu
eða drottningu eftir því
hvað vestur gerir. Síðan
hefst vinnan við að fría
spaðann.
Norður
♠ G9743
♥ KD4
♦ D832
♣ Á
Vestur Austur
♠ K865 ♠ ÁD102
♥ G106 ♥ Á952
♦ 94 ♦ 76
♣ K1074 ♣ D96
Suður
♠ –
♥ 873
♦ ÁKG105
♣ G8532
Þú stingur spaða, ferð
svo þrisvar inn í borð á
hjartakóng, laufás og með
einni lauftrompun til þess
að ljúka því verki. Þá er
fimmti spaðinn frír. Síðan
er lauf trompað, hæsti tíg-
ull í borði tekinn og spaða-
gosinn verður úrslitaslag-
urinn. „Vel meldað makk-
er.“
BRIDS
Umsjón Guðmundur
Páll Arnarson
STAÐAN kom upp á
meistaramóti Taflfélags
Hellis sem lauk með
yfirburðasigri Davíðs
Ólafssonar, en hann er
jafnframt formaður félags-
ins. Guðni Stefán Péturs-
son (1835)
reyndist mörg-
um þekktum
skákkempum
erfiður ljár í
þúfu á Skák-
þingi Reykja-
víkur sem lauk
í byrjun mán-
aðarins. Hon-
um tókst ekki
jafn vel upp í
Hellismótinu
en átti engu að
síður góða
spretti. Í stöð-
unni stýrði
hann svörtu
mönnunum gegn Haraldi
Magnússyni (1465).
20...Hh6! 21.cxb6 Rg3+
22.Rxg3 fxg3 23.h3 Bxh3!
24.gxh3 Hxh3+ 25.Kg1
De3+ 26.Bf2 Dxf3 og hvít-
ur gafst upp enda óverj-
andi mát. Grunnskólamót
Reykjavíkur verður haldið
helgina 2.- 4. mars í húsa-
kynnum Taflfélags Reykja-
víkur. Taflið hefst kl. 19.00
föstudaginn 2. mars.
SKÁK
Umsjón Helgi Áss
Grétarsson
Svartur á leik.
Árnað heilla STJÖRNUSPÁ
ef t i r Frances Drake
FISKAR
Afmælisbarn dagsins:
Þú ert seintekinn því þú ert
ýmist leiftrandi og ljúfur eða
dimmur og fráhrindandi.
Hrútur
(21. mars - 19. apríl)

Það hefnir sín alltaf að viður-
kenna ekki staðreyndir held-
ur reyna að þröngva hlutum í
gegn sem meirihlutinn er and-
vígur. Málamiðlun er því
nauðsynleg.
Naut
(20. apríl - 20. maí) 
Þótt gaman geti verið að rifja
upp liðna tíð er ekki rétt að
láta hana taka svo mikið pláss
í nútímanum að hún skyggi á
það sem þarf að gera.
Tvíburar
(21. maí - 20. júní) 
Þú hefur lagt geysihart að þér
og átt því skilið einhverja
umbun en þarft að gæta þess
að sækja hana ekki það stíft
að þú sjáir ekki til lands.
Krabbi
(21. júní - 22. júlí) 
Það væri ekki úr vegi að efna
til smákvöldfagnaðar með vin-
um og vandamönnum svona
til þess að hrista mannskap-
inn saman. Það gefur þér færi
á að sýna þínar bestu hliðar.
Ljón
(23. júlí - 22. ágúst) 
Þú þarft að varast að vera of
fastur í skoðunum. Veröldin
er alltaf að breytast og menn
þurfa að bregðast við nýjung-
um með opnum huga vilji þeir
eiga einhverja möguleika.
Meyja
(23. ágúst - 22. sept.) 
Einhverjar góðar fréttir
færðu í dag. Þótt gott sé að
setja öryggið á oddinn má það
ekki vera svo fyrirferðarmikið
að annað komist ekki að.
Vog
(23. sept. - 22. okt.) 
Þeir eru margir sem breytast
þegar að er gáð og því er óráð-
legt að hlaupa eftir fyrstu
áhrifum en farsælla að mynda
sér skoðun eftir meiri kynni.
Sporðdreki
(23. okt. - 21. nóv.) 
Andstæðingur þinn virðist
mun sterkari en þú reiknaðir
með. Þessvegna skaltu taka
þér tíma til þess að gera nýja
hernaðaráætlun.
Bogmaður
(22. nóv. - 21. des.)
Þú stendur frammi fyrir verk-
efni sem þú innst inni óttast
en það er ástæðulaust því ef
þú tekur á honum stóra þínum
þá ertu maður til að leysa
þetta mál farsællega.
Steingeit
(22. des. - 19. janúar)

Ekkert er eins heilsusamlegt
og að njóta þeirrar hamingju
sem lífið býður upp á. En
mundu að meta hana á hverj-
um degi því hún er ekki sjálf-
gefin frekar en annað.
Vatnsberi
(20. jan. - 18. febr.) 
Þú átt erfitt með að sætta þig
við þá stöðnun sem þér finnst
ríkja á þínu sviði. Í stað þess
að kvarta og kveina skaltu
bretta upp ermarnar og leita
að nýjungum.
Fiskar
(19. feb. - 20. mars) 
Þú átt auðvelt með að fá aðra
til fylgis við málstað þinn en
þarft að gæta þess að flytja
hann jafnan með þeim hætti
að ekkert komi í bakið á þeim
sem þér fylgja.
Stjörnuspána á að lesa sem
dægradvöl. Spár af þessu tagi
eru ekki byggðar á traustum
grunni vísindalegra staðreynda.
LJÓÐABROT
Vorhvöt
Þú, vorgyðja, svífur úr suðrænum geim
á sólgeisla vængjunum breiðum
til Ísalands fannþöktu fjallanna heim
að fossum og dimmbláum heiðum.
Ég sé, hvar í skýjum þú brunar á braut.
Ó, ber þú mitt ljóð heim í ættjarðar skaut.
– – –
Nú vakna þú, Ísland, við vonsælan glaum
af vorbylgjum tímans á djúpi.
Byrg eyrun ei lengur fyr aldanna straum,
en afléttu deyfðanna hjúpi,
og drag þér af augum hvert dapurlegt ský,
sem dylur þér heiminn og fremdarljós ný.
– – –
Svo frjáls vertu, móðir, sem vindur á vog,
sem vötn þín með straumunum þungu,
sem himins þíns bragandi norðljósalog
og ljóðin á skáldanna tungu,
og aldrei, aldrei bindi þig bönd
nema bláfjötur ægis við klettótta strönd.
Steingrímur Thorsteinsson
BRÚÐKAUP. 1. september
sl. voru Bergljót Rist og
Sveinn Atli Gunnarsson
gefin saman i Frederiks-
berg Kirke. Prestur var
séra Birgir Ásgeirsson.
Heimili þeirra er í Dan-
mörku.
BRÚÐKAUP. Gefin voru
saman 1. júlí sl. í Landakots-
kirkju af sr. Jurgen Jamin,
Jóhanna Sara Kristjáns-
dóttir og Jón Gunnar Guð-
jónsson. Börn: Elísabet Lea
og Aron Bjarni. Heimili
þeirra er að Eyrarvegi 21,
Akureyri.
MORGUNBLAÐIÐ birtir
tilkynningar um afmæli,
brúðkaup, ættarmót og
fleira lesendum sínum að
kostnaðarlausu. Tilkynning-
ar þurfa að berast með
tveggja daga fyrirvara virka
daga og þriggja daga fyrir-
vara fyrir sunnudagsblað.
Samþykki afmælisbarns
þarf að fylgja afmælistil-
kynningum og/eða nafn
ábyrgðarmanns og síma-
númer. Fólk getur hringt í
síma 569-1100, sent í bréf-
síma 569-1329, eða sent á
netfangið ritstj @mbl.is.
Einnig er hægt að skrifa:
Árnað heilla,
Morgunblaðinu,
Kringlunni 1, 103
Reykjavík
Með morgunkaffinu
FRÉTTIR
Á DÖGUNUM kom út bókin, Bjössi
fer í Vatnaskóg, eftir Sigurbjörn Þor-
kelsson, fyrrverandi framkvæmda-
stjóra KFUM og KFUK. Sigurbjörn
sem jafnframt gefur bókina út sjálfur
boðaði formann og framkvæmda-
stjóra sumarbúðanna í Vatnaskógi til
hádegisverðarfundar í Perlunni til
þess að færa sumarbúðunum hluta
upplagsins að gjöf, alls 100 eintök til
að byrja með. Bækurnar verða síðan
notaðar til kynningar á starfinu í
Vatnaskógi, til verðlauna fyrir árang-
ur og þátttöku í sumarbúðunum og til
fjáröflunar fyrir starfsemina.
Auk þess að hafa starfað sem fram-
kvæmdastjóri KFUM & K og Gíd-
eonfélagsins hefur Sigurbjörn verið
forstöðumaður í Vatnaskógi einhvern
part sumars undanfarin þrettán ár.
Þá var hann drengur í sumarbúðun-
um í fjögur til fimm sumur á yngri ár-
um.
Bjössi fer í Vatnaskóg er skáldsaga
í átta mislöngum köflum. Nöfn, per-
sónur og atburðir eiga því ekki beina
stoð í raunveruleikanum. Það er von
höfundar að bókin verði til að vekja
athygli og enn frekari áhuga á annars
mjög svo vinsælu sumarbúðastarfi í
Vatnaskógi ef þess gerist þá þörf.
KFUM í Reykjavík hóf sumar-
búðarekstur í Vatnaskógi í Svínadal
við Hvalfjarðarströnd árið 1923. Síð-
an þá hafa yfir átján þúsund drengir
dvalið í Skóginum einu sinni eða oftar
yfirleitt um eina viku í senn. Bjössi
fer í Vatnaskóg er sjöunda bók Sig-
urbjörns Þorkelssonar á jafn mörg-
um árum. Hann hefur einnig ritað
fjölmargar greinar um ýmis málefni
frá 1984.
Bjössi fer í
Vatnaskóg
Morgunblaðið/PÞ
Sigurbjörn Þorkelsson, höfundur og útgefandi bókarinnar Bjössi fer í
Vatnaskóg, afhenti á dögunum Ólafi Sverrissyni, formanni sumarbúð-
anna í Vatnaskógi, og Ársæli Aðalbergssyni, framkvæmdastjóra Vatna-
skógar, hluta upplags bókarinnar að gjöf.