Morgunblaðið - 28.02.2001, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 MIÐVIKUDAGUR 28. FEBRÚAR 2001 VERÐ Í LAUSASÖLU 165 KR. MEÐ VSK.
TOLLGÆSLAN og lögreglan á
Keflavíkurflugvelli handtóku í gær-
morgun tvo flugvirkja sem starfa hjá
Flugleiðum vegna smygls á um
nokkru magni af hassi til landsins.
Fíkniefnið var í tveimur áfengis-
flöskum sem komið hafði verið fyrir í
þili á bak við flugstjórnarklefa fragt-
vélar Flugleiða. Mennirnir voru yf-
irheyrðir af lögreglu í gærkvöldi en
þá var ekki ljóst hvort lögreglan
myndi fara fram á gæsluvarðhald yf-
ir þeim.
Samkvæmt upplýsingum frá toll-
gæslunni á Keflavíkurflugvelli var
vélin að koma frá Belgíu en hún lenti
á Keflavíkurflugvelli nokkru fyrir
klukkan sex í gærmorgun. Um borð í
flugvélinni voru tveir flugmenn og
einn flugvirki, sem var í leyfi.
Gómaður þar sem hann
var að fjarlægja fíkniefnin
Þegar mennirnir höfðu yfirgefið
flugvélina fóru menn frá tollgæsl-
unni og lögreglunni á Keflavíkur-
flugvelli ásamt fíkniefnaleitarhundi
um borð. Þar komu þeir að manni
sem var að fjarlægja poka sem hafði
verið komið fyrir í þili aftan við
stjórnklefa flugvélarinnar. Maður-
inn starfar sem flugvirki hjá Flug-
leiðum. Í pokanum voru tvær ógagn-
sæjar áfengisflöskur. Flöskurnar
voru gegnumlýstar en í þeim fannst
hassið. Í framhaldi af því var fíkni-
efnadeild og tæknideild lögreglunn-
ar í Reykjavík tilkynnt um málið en
fíkniefnadeildin sér um rannsókn
málsins.
Farið var með flugmennina og
flugvirkjana til yfirheyrslu í Reykja-
vík en flugmönnunum var sleppt
stuttu síðar.
Flugvélin var kyrrsett og tafðist
því brottför hennar um tæplega fjór-
ar klukkustundir.
Grunur mun hafa leikið á því um
nokkra hríð að fíkniefnum væri
smyglað til landsins með fragtflug-
vélum.
Flugvirkjar handteknir
vegna fíkniefnasmygls
SKRIFAÐ hefur verið undir samn-
ing um sölu á rúmum 80% hlut í
Björgun hf. og er Haraldur Haralds-
son, stjórnarformaður Áburðarverk-
smiðjunnar, í forsvari fyrir hópi fjár-
festa sem stendur að kaupunum.
Haraldur segir að formlega verði
ekki gengið frá kaupunum fyrr en að
lokinni kostgæfnisathugun sem gert
sé ráð fyrir að taki nokkra daga.
Að sögn Haralds eru seljendur að
meirihluta hins selda hlutafjár erf-
ingjar Kristins Guðbrandssonar,
stofnanda Björgunar hf., sem lést í
september síðastliðnum, auk nokk-
urra minni hluthafa. Hann segist
ekki geta gefið kaupverðið upp né
hverjir standi að kaupunum auk hans
að öðru leyti en því að Sigurður
Helgason, framkvæmdastjóri Björg-
unar hf., sé þar á meðal. Hann verði
áfram framkvæmdastjóri fyrirtækis-
ins.
Sigurður Helgason segir að engar
breytingar séu fyrirhugaðar á rekstri
Björgunar hf. með tilkomu nýrra
hluthafa.
Björgun hf. var stofnað árið 1952.
Meginmarkmið fyrirtækisins var í
byrjun að bjarga strönduðum skipum
við Íslandsstrendur. Með árunum
dró úr þörfinni fyrir þessa starfsemi
og hafa helstu verksvið fyrirtækisins
hin síðari ár verið rekstur sanddælu-
skipa, dýpkunarframkvæmdir og
malarnám af hafsbotni.
Fjárfestar kaupa
meirihluta í
Björgun hf.
BORGARRÁÐ samþykkti í
gær tillögu Innkaupastofnunar
borgarinnar um að í sumar
verði ráðist í endurnýjun gatna
og gönguleiða í Kvosinni í
Reykjavík fyrir um 230 millj-
ónir króna.
Að tillögu gatnamálastjóra
verður samið við Ístak um
framkvæmdirnar en gert er ráð
fyrir að lokið verði endurbygg-
ingu á Ingólfstorgi með endur-
gerð nyrsta hluta Aðalstrætis
og Hafnarstrætis vestan Veltu-
sunds.
Þá verður haldið áfram end-
urnýjun Austurstrætis og Póst-
hússtræti lagfært frá Kirkju-
stræti að Hafnarstræti.
Valdi sem minnstum
óþægindum
Gatnamálastjóri leggur til að
framkvæmdirnar hefjist nú í
mars svo þær valdi sem minnst-
um óþægindum fyrir vegfar-
endur og fyrirtæki í Kvosinni.
Með því er stefnt að því að
verki við Ingólfstorg og Aust-
urstræti verði að mestu lokið
um miðjan júní og í beinu fram-
haldi verði ráðist í endurbætur
á Pósthússtræti.
Miklar endurbætur hafa ver-
ið gerðar á Kvosinni síðustu ár.
Kvosin í Reykjavík
Götur end-
urnýjaðar
fyrir 230
milljónir
TAP Flugleiða og dótturfélaga nam
939 milljónum króna á síðasta ári en
árið 1999 nam hagnaður samstæð-
unnar 1.515 milljónum króna. For-
ráðamenn Flugleiða nefna tvo þætti
sem skipta mestu hvað varðar versn-
andi afkomu félagsins. Annars vegar
versnandi rekstrarafkomu en hins
vegar að á fyrra ári varð liðlega
tveggja milljarða króna hagnaður af
eignasölu en var 131 milljón króna ár-
ið 2000.
Samkvæmt upplýsingum frá Flug-
leiðum hækkaði eldsneytiskostnaður
milli ára um 1.600 milljónir króna
miðað við jafn mikið flug. Rekja megi
um 700 milljóna króna kostnaðar-
hækkun til hækkunar dollaragengis
gagnvart Evrópumyntum og launa-
hækkanir kostuðu félagið um 1.000
milljónir. Samtals er þetta um 3.300
milljóna hækkun rekstrarkostnaðar.
Samkvæmt ársreikningi Flugleiða
eru áhrif dótturfélaga neikvæð á af-
komu móðurfélagsins um tæpar 532
milljónir króna á síðasta ári saman-
borið við rúmar 100 milljónir króna
árið 1999.
Rekstrartekjur Flugleiða námu
35,1 milljarði króna árið 2000 saman-
borið við 30,4 milljarða árið á undan.
Rekstrargjöldin jukust um rúma 6
milljarða á milli ára, úr 30 milljörðum
í 36,2 milljarða árið 2000.
Flugleiðir reknar með
939 milljóna tapi í fyrra
 Tap/16
ÖSKUDAGURINN er í dag og
má búast við því að börn um
land allt taki stakkaskiptum
af því tilefni. Vegna starfs-
dags kennara er frí í öllum
skólum í dag en krakkarnir í
Vesturbæjarskóla tóku for-
skot á sæluna og mættu í
ungi maður sem var heldur
óárennilegur þar sem hann
læddist um í runnunum og
minnti helst á þekkt málverk
eftir norska listmálarann
Edvard Munch.
allra kvikinda líki í skólann í
gær. Einn þeirra var þessi
Morgunblaðið/Ásdís
„Ópið“ í runnunum