Morgunblaðið - 04.07.2001, Blaðsíða 14

AKUREYRI
14 MIÐVIKUDAGUR 4. JÚLÍ 2001 MORGUNBLAÐIÐ
Acidophilus
FRÁ
Apótekin
Fyrir meltinguna og maga
með GMP gæðastimpli
100% nýting/frásog
H
á
g
æ
ð
a
fra
m
le
ið
sla
Fríhöfnin
Mörgum sinnum sterkara
Ertu
meðvitaður
um gæði
Sjáðu merkið
SKÓLAMEISTARAR framhalds-
skólanna á Akureyri hafa skilning á
áhuga íbúa við utanverðan Eyja-
fjörð á því að setja á stofn sjálf-
stæðan framhaldsskóla en telja nán-
ast fullreynt með að slíkt gangi upp.
Hugmyndir um stofnun fram-
haldsskóla við utanverðan Eyjafjörð
voru kynntar á dögunum og voru
þingmenn kjördæmisins jákvæðir
gagnvart hugmyndinni en fulltrúar
menntamálaráðuneytis höfðu ýmsa
fyrirvara á að hugmyndin gæti orð-
ið að veruleika.
Hjalti Jón Sveinsson, skólameist-
ari Verkmenntaskólans á Akureyri,
sagði að almennt nám á framhalds-
skólastigi hefði verið í boði á Dalvík
og Ólafsfirði og þar hefði útvegssvið
skólans verið rekið um skeið. „Þetta
gekk ekki upp, nemendurnir kusu
flestir að sækja sitt nám til
Akureyrar. Að mínu mati er við
ramman reip að draga. Auk þess
sem margir nemendur kjósa að
sækja skóla á Akureyri hefur verið
erfitt að fá kennara til starfa,“ sagði
Hjalti Jón.
Hann sagðist hafa varpað fram
hugmyndum um skólaakstur til
staðanna við utanverðan fjörðinn en
þær ekki hlotið mikinn hljómgrunn.
Fjarlægðir væru þó ekki slíkar í
Eyjafirði að unnt ætti að vera að
koma á skólaakstri.
Hjalti Jón benti á að fyrir væru á
Akureyri tveir öflugir framhalds-
skólar með góðum kennurum og
eftir tvö ár yrði risin ný heimavist
við skólana til hagsbóta fyrir nem-
endur.
„Ef menn komast að þeirri nið-
urstöðu að möguleiki sé á að reka
sjálfstæðan framhaldsskóla við ut-
anverðan Eyjafjörð og vilja legga
fram fé í eina tilraun enn munum
við ekki leggja stein í götu,“ sagði
Hjalti Jón.
Tryggvi Gíslason, skólameistari
Menntaskólans á Akureyri, sagðist
vel skilja áhuga íbúa þessa svæðis á
að efla sína heimabyggð. „Einn
þátturinn í því er að halda unga
fólkinu heima eins lengi og kostur
er,“ sagði Tryggvi. Hann sagði ljóst
að um yrði að ræða fámennan skóla
og slíkir skólar gætu einfaldlega
ekki boðið upp á það nám sem
nauðsynlegt væri að bjóða nú um
stundir. Benti hann á að bæði í
Noregi og Skotlandi væri sá háttur
hafður á að þeim skólum sem hefðu
færri en 250 nemendur væri ein-
faldlega lokað.
„Ég tel farsælla að efla og bæta
samgöngur á svæðinu en umræða
um slíkt hefur staðið í nokkur ár án
niðurstöðu. Að mínu mati er nauð-
synlegt að ná samstöðu um þessi
mál innan svæðisins alls. Þessi leið
sem nú er til umræðu er ófær og í
raun úrelt,“ sagði Tryggvi.
Telja fullreynt að
slíkur rekstur gangi
Skólameistarar framhaldsskólanna á
Akureyri um skóla við utanverðan Eyjafjörð
MYNDRÖÐIN Það er leikur að
læra, svipmyndir úr starfi allra
grunn- og leikskóla Akureyrarbæjar
er komin út. Arnarauga, félag Arnar
Inga Gíslasonar, sá um útgáfuna.
Örn Ingi afhenti Gunnari Gíslasyni,
deildarstjóra skóladeildar Akureyr-
arbæjar, fyrstu myndröðina nú ný-
lega en um er að ræða svipmyndir úr
öllum leikskólum bæjarins.
Gerð þessarar myndraðar tók um
6 mánuði og fram undan er að vinna
svipaða myndröð fyrir grunnskólana
en þeir eru sex talsins. Myndatökum
er að mestu lokið. Hvert myndband
er um 20 mínútur að lengd.
Þverskurður af starf-
semi leikskólanna
Gunnar sagði að hugmyndin væri
sú að gera myndbönd sem þessi með
reglulegu millibili þannig að greina
mætti í þeim þá þróun sem verður í
starfsemi leik- og grunnskóla bæj-
arins er fram líða stundir. „Ég er
mjög ánægður með útkomuna, þarna
gefst okkur kostur á að sjá þver-
skurðinn af starfsemi leikskólanna
en hver og einn þeirra fær að njóta
sín og sú hugmyndafræði sem unnið
er eftir á hverjum stað kemur skýrt
fram.“
Félagið Arnarauga er fimm ára
um þessar mundir og sagði Örn Ingi
að mikið vatn hefði til sjávar runnið
frá því hann tók fyrstu skrefin í kvik-
myndagerð og á ýmsu gengið.
Að venju hefur Örn Ingi mörg járn
í eldinum en auk þess sem áðurnefnd
myndröð er að koma út hefur hann
nýlega gefið út myndbandið Akur-
eyri og nágrenni – hringrás náttúr-
unnar, um hálftíma langt myndband
um náttúru þessa landsvæðis.
Stuttmyndir,
Grímsey og Fjörður
Tvær náttúrulífsmyndir koma út á
næstunni, önnur um Grímsey og hin
um Fjörður og gönguleiðir þar um
kring. Þá er undirbúningur hafinn að
gerð tveggja stuttra kvikmynda.
Önnur verður unnin með unglingum
á aldrinum 14 til 16 ára og hefur
fengið styrki frá Barnamenningar-
sjóði og Akureyrarbæ.
Tökur hefjast síðar í sumar og svo
verður einnig um hina myndina sem
tveir norðlenskir handritshöfundar
vinna nú að.
Myndröð um
leikskólana
Morgunblaðið/Rúnar Þór
Gunnar Gíslason deildarstjóri skóladeildar tekur við pakka með mynd-
böndum um starfsemi ellefu leikskóla á Akureyri úr hendi Arnar Inga.
MINJASAFNIÐ á Akureyri og Þjóð-
minjasafn Íslands standa fyrir und-
irbúningsrannsóknum á gamla versl-
unarstaðnum á Gásum í Eyjafirði.
Tóttir verslunarstaðarins á Gásum
í Hörgárbyggð eru með merkustu
fornleifastöðum hérlendis. Kaupstað-
arins á Gásum er víða getið í fornum
sögum og annálum. Tvívegis áður
hafa farið fram fornleifarannsóknir á
Gásum. Samanlögð vitneskja um
kaupstaðinn bendir til að þar hafi
bændafjölskyldur dvalið í búðum
sínum yfir sumarkauptíðina og stund-
að kaupskap og ýmiss konar sam-
skipti. Gásir voru siglingahöfn og
kaupmenn af ýmsu þjóðerni sigldu
þangað með varning. Talið er að
verslunarstaðurinn á Gásum hafi
lagst af upp úr 1400.
Í Minjasafninu á Akureyri stendur
sýning um verslunarstaðinn. Þar er
gerð grein fyrir verslunarháttum og
vörutegundum, daglegu lífi á alþjóð-
legum verslunarstað, og tengslum við
umheiminn. Minjasafnið hefur staðið
fyrir skoðunarferðum að tóttum
verslunarstaðarins. Þær eru sérlega
vel varðveittar, svo ganga má eftir
aðalgötunni og skyggnast um meðal
úðaleifanna. Tótt kirkju og kirkju-
garðs er hluti af kaupstaðnum.
Margir ferðamenn íslenskir og er-
lendir heimsækja nú þegar verslunar-
staðinn á Gásum, enda er hans getið í
ferðabókum. Heimamenn leggja
gjarna leið sína þangað í fjöruferð og
almennur áhugi á staðnum hefur farið
mjög vaxandi.
Í bígerð er skipulagning svæðis
sem tekur til Gása, Skipalóns og
Möðruvalla í Hörgárdal. Á svæðinu
eru merkar söguminjar, fjölbreytt
náttúrufar og jarðsöguminjar.
Fornleifastofnun Íslands mun
vinna að uppmælingu kaupstaðartótt-
anna dagana 2.–9. júlí.
Dagana 9.–21. júlí verður fornleifa-
uppgröftur á staðnum. Meðan rann-
sóknin fer fram, þ.e. 4.–21. júlí, að
báðum dögum meðtöldum, verður
leiðsögumaður á staðnum til að taka á
móti gestum og veita fræðslu. Leið-
sögn er á íslensku, ensku og þýsku, og
er ekki tekið gjald fyrir.
Leiðsögn um
gamla verslunar-
staðinn á Gásum
Minjasafnið á Akureyri
BLÚSHÁTÍÐ var haldin í Ólafs-
firði um helgina. Hófst hún á
fimmtudag með upphitun á veit-
ingastaðnum Glaumbæ, en síðan
tóku við tvennir tónleikar í
Tjarnarborg á föstudags- og
laugardagskvöld.
Fram komu Hrafnaspark, KK
og Magnús Eiríksson, Kuran
Swing, One Way Band frá Nor-
egi, Dixílandband Árna Ísleifs og
að lokum Realones frá Noregi.
Um það bil 130 manns mættu á
þessa tónleika.
Sveitirnar sem tróðu upp á
laugardagskvöld voru One Way
Band frá Noregi, Mannakorn,
Benjamin Koppel Quartet frá
Danmörku,GP-Bluesband og KK,
Realones frá Noregi og Jagúar.
Húsið var gersamlega troðið, en
um 400 manns munu hafa verið á
tónleikunum. Áberandi var
hversu margt fólk var aðkomið
og dæmi um að fólk kæmi sér-
staklega frá Reykjavík og Hafn-
arfirði til að mæta á þessa mögn-
uðu blúshátíð.
Yfirumsjón með skipulagi tón-
leikanna höfðu Jazzklúbbur
Ólafsfjarðar og umboðsskrifstofa
listamanna, Þúsund þjalir, en
hana rekur Ólafur Þórðarson
ásamt Kormáki Bragasyni.
Vel heppnuð blús-
hátíð í Ólafsfirði
Ólafsfjörður
KK og Jón Ólafsson komu fram með GP-Bluesbandi.
Sr. Sigríður Guðmarsdóttir, sókn-
arprestur Ólafsfirðinga síðustu
árin, er nú stödd hér í sumar eftir
ársleyfi í Bandaríkjunum. Hún
hóf framhaldsnám og hefur nú
ákveðið að halda því áfram en
hún á eftir þriggja ára nám til
doktorsgráðu. Sr. Sigríður hefur
fengið leyfi biskups til þriggja
ára. Þetta þýðir að ráðinn verður
nýr prestur í Ólafsfirði á haust-
mánuðum.
Sr. Sigríður segir að fjöl-
skyldan hafi búið í litlum bæ í
New Jersey, svipuðum að stærð
og Akureyri, skammt frá stór-
borginni New York. Þar líkaði
þeim lífið og sonum þeirra gekk
vel að aðlagast lífinu og menning-
unni vestra. Það réði úrslitum að
þau ákváðu að halda aftur utan í
september.
Nýr prestur
ráðinn í haust
Ólafsfjörður
Morgunblaðið/Helgi Jónsson
Sr. Sigríður Guðmarsdóttir.