Morgunblaðið - 21.07.2001, Síða 4

FRÉTTIR
4 LAUGARDAGUR 21. JÚLÍ 2001 MORGUNBLAÐIÐ
..............á exem,
á sólbruna,
á brunasár..
ÞEIM fannst veðráttan heldur
hryssingsleg hér á Fróni, frönsku
unglingunum sem voru að gera sig
klára í kappsiglingu um Sundin blá
þegar Morgunblaðið hitti þau við
smábátahöfnina í Reykjavík í gær.
Þau eru stödd hér á landi á vegum
Siglingasambands Íslands, en síð-
ustu þrjú sumur hafa íslenskir og
franskir unglingar skipst á heim-
sóknum til að sigla og kynnast landi
og þjóð. Jafnstór hópur íslenskra
unglinga fór til vesturstrandar
Frakklands í sömu erindagjörðum
fyrr í þessum mánuði. Frönsku ung-
lingarnir koma frá héraðinu Char-
ente-Maritime á vesturströnd
Frakklands þar sem siglingar eru
mjög vinsælar.
Krakkarnir, sem eru á aldrinum
13-16 ára, hafa ekki verið sér-
staklega heppnir með veður þar sem
mikið hefur rignt á höfuðborg-
arsvæðinu þessa vikuna, þótt veðrið
hafi verið ágætt til siglinga í gær. Þó
sögðu krakkarnir að veðrið hér hafi
örugglega verið betra en heima hjá
þeim, þar sem miklar rigningar hafi
verið í Frakklandi að undanförnu.
„Veðrið hérna á sumrin er eins og
vetrarveður hjá okkur, eða vor-
veður þegar best lætur,“ sögðu þau.
Krakkarnir sögðu að ferðin hafi
verið frábær til þessa. „Við erum bú-
in að borða fullt af pizzum,“ sagði
einn strákurinn og stelpa bætti við,
að frábært hafi verið að fara í sund í
rigningunni, hún hefði aldrei látið
sér detta í hug að það væri hægt að
fara sund í rigningu, en vera samt
heitt.Á morgun fara krakkarnir í
Bláa lónið og á Geysissvæðið.
Búin að
borða fullt
af pizzum
Morgunblaðið/Arnaldur
SIV Friðleifsdóttir umhverfisráð-
herra, sem er stödd á ráðherra-
fundi aðildarríkjaþings Loftslags-
samnings Sameinuðu þjóðanna,
segist vera hæfilega bjartsýn um
að samkomulag náist á fundinum
um Kyoto-bókunina.
„Best væri að við næðum samn-
ingi, það er ekki útilokað en ég tel
ekki rétt að vera að giska á núna
hver niðurstaðan verður á þessum
fundi,“ segir Siv.
Þegar Morgunblaðið náði tali af
Siv síðdegis í gær, sagði hún erfitt
að meta gang samningaviðræðn-
anna þar sem hinar eiginlegu
samningaviðræður væru nýhafnar.
Á fundinum er tekist á um stóru
línurnar í því hvernig Kyoto-bók-
unin verður útfærð, og verða mál-
efni Íslands því ekki sérstaklega
rædd.
Íslendingar miðla málum
Helsti ágreiningurinn stendur að
sögn Sivjar um bindingu kolefnis í
gróðri, þar sem stóru ríkin hafa
mikilla hagsmuna að gæta. Siv seg-
ir að íslenska sendinefndin hafi
leikið lykilhlutverk í þeim málum
þar sem Halldór Þorgeirsson,
skrifstofustjóri í umhverfisráðu-
neytinu, sé einn af fremstu sér-
fræðingum heims hvað bindingar-
málin varðar og að sérstaklega hafi
verið leitað til Íslendinga til að
miðla málum.
„Aðallega er verið að ræða um
hversu mikið er hægt að binda í
skógrækt og hvernig eigi að standa
að því. Bindingin hleypur á 160
milljónum tonna, eftir því hvaða að-
ferðir eru notaðar við útreikninga,“
segir Siv. Hún segir að ákveðin ríki
telji sig þurfa að fá ákveðið mörg
tonn af losun út úr bindingunni til
þess að geta staðið við samninginn.
Einnig rætt um þróunaraðstoð
Einnig er rætt um þróunarað-
stoð sem iðnríki munu veita þróun-
arlöndunum svo þau geti dregið úr
mengun. Siv segir að rætt sé um að
árlega þurfi að leggja um einn
milljarð Bandaríkjadala í þessa að-
stoð frá árinu 2005. Tekist sé á um
hvaða skilyrði þróunarríki þurfi að
uppfylla til að fá úr sjóðnum og
hvort iðnríkin eigi að vera skyldug
til að greiða í sjóðinn eða hvort
framlögin eigi að vera frjáls.
Einnig er rætt um sveigjanleika-
ákvæðin, að sögn ráðherra. Hvaða
skilyrði ríki þurfa að uppfylla áður
en þau geti farið að kaupa og selja
kvóta á útblástur gróðurhúsaloft-
tegunda. Sömuleiðis verður rætt
hvernig ríkjum verði refsað standi
þau ekki við ákvæði samningsins.
George W. Bush Bandaríkjafor-
seti hefur hafnað Kyoto-bókuninni
og segir Siv að ríkin leggi mikið
upp úr því að útbúa samninginn
þannig að Bandaríkjamenn geti
gengið inn í hann síðar, en 25% af
losun gróðurhúsalofttegunda í
heiminum koma frá Bandaríkjun-
um. „Eftir yfirlýsingar Bush má
segja að talsverður óróleiki hafi
orðið á vettvangi Kyoto-samnings-
ins því ríki heims hafa unnið að
þessum samningi í mörg ár og er
búið að leggja mikla vinnu í hann,“
segir Siv.
Aðild þeirra ríkja, sem losa 55%
gróðurhúsalofttegunda í heiminum,
þarf til að samningurinn taki gildi.
Næsta aðildarríkjaþing verður
haldið í Marrakech í Marokkó í
nóvember nk. og segir Siv að náist
ekki samkomulag nú megi ekki
leggja árar í bát, heldur verði að
freista þess að ná samkomulagi í
Marokkó.
Umhverfisráðherra á framhaldsfundi um Kyoto-bókunina í Bonn
Það er ekki útilokað að
við náum samkomulagi
Í GÆR kviknaði í jeppabifreið
við Narfastaðamela að sögn lög-
reglunnar í Borgarnesi. Öku-
maður bifreiðarinnar náði, með
hjálp annarra vegfarenda, að
slökkva eldinn og forða þannig
bílnum frá algerri eyðileggingu.
Eldurinn kom upp í vélar-
rúmi bílsins en lögregla telur
hann hafa átt upptök sín í raf-
kerfi. Ekki urðu meiðsl á fólki
en bíllinn mun vera nokkuð
mikið skemmdur en þó ekki
ónýtur.
Vegfar-
endur
hjálpuðu til
TOLLGÆSLAN á Keflavíkurflug-
velli handtók mann með eitt kíló af
hassi á þriðjudagskvöld. Maðurinn,
sem er fæddur árið 1967, var þá að
koma frá Kaupmannahöfn. Við toll-
leit kom í ljós að hann hafði límt hass-
plötur á líkama sinn. Við yfirheyrslur
hjá lögreglu sagði maðurinn efnið
ætlað til eigin nota og telst málið vera
upplýst.
Ásgeir Karlsson, hjá fíkniefnadeild
lögreglunnar í Reykjavík segir að
nokkur aukning hafi orðið á smærri
málum þar sem reynt er að smygla
hassi til landsins. Hann segir það
bera vott um góðan árangur lögreglu
og tollayfirvalda að lítið virðist vera
um efnið í landinu og mun verðið hafa
hækkað í samræmi við það. Hann
segir grammið af hassi nú ganga
kaupum og sölum á bilinu 3.500-5.000
krónur í stað 1.500 króna áður.
Fleiri reyna að smygla
minna magni
Handtekinn
með eitt
kíló af hassi
VIÐGERÐ er lokið á þyrlu Land-
helgisgæslunnar TF-SIF, sem varð
fyrir skemmdum á flugi yfir Snæ-
fellsnesi fyrir tæplega tveimur
mánuðum. Þyrlunni var reynslu-
flogið í gær og er komin í notkun á
ný.
Að sögn Halldórs Nellet, yfir-
manns gæsluframkvæmda hjá
Landhelgisgæslunni, tók lengri
tíma að gera við þyrluna en áætlað
var, því erfiðlega gekk að útvega
varahluti. En nú sé hún tilbúin til
notkunar og að strax verði byrjað
að senda hana í útköll. Segir hann
að búist sé við því að kostnaður við
viðgerðina verði í heild um 55 millj-
ónir króna.
Halldór segir mjög mikla ánægju
með það innan Landhelgisgæslunn-
ar að þyrlan sé komin í lag og að
líklega verði TF-LÍF hvíld um
skeið og sett í viðhald, enda hafi
mikið mætt á henni undanfarið.
Morgunblaðið/Jim Smart
Búist er við að kostnaður við viðgerðina verði um 55 milljónir króna.
TF-SIF í notkun á ný
SKIPULAGSSTOFNUN hefur
borist tillaga að matsáætlun vegna
mats á umhverfisáhrifum af lagn-
ingu Sultartangalínu 3, sem er 420
kV háspennulína sem leggja á frá
Sultartanga að Brennimel.
Landsvirkjun hyggst leggja há-
spennulínuna frá tengivirki við
Sultartangastöð að aðveitustöð
Landsvirkjunar á Brennimel á
Hvalfjarðarströnd. Línan verður
byggð sem 420 kV lína, en hún
verður í fyrstu rekin á 245 kV
spennu. Um er að ræða stálmastra-
línu sem verður alls rúmlega 120
km löng, skv. upplýsingum Lands-
virkjunar.
Í frétt frá Skipulagsstofnun í
gær kemur fram að allir sem áhuga
hafa geta kynnt sér tillöguna og
lagt fram skriflegar athugasemdir
til 30. júlí nk. hjá Skipulagsstofn-
un. Er stefnt að því að ákvörðun
stofnunarinnar um tillögu fram-
kvæmdaraðila að matsáætlun muni
liggja fyrir 17. ágúst næstkomandi.
120 km háspennulína frá Sultartanga
Matsáætlun vegna
umhverfisáhrifa