Morgunblaðið - 08.08.2001, Síða 27

LISTIR
MORGUNBLAÐIÐ MIÐVIKUDAGUR 8. ÁGÚST 2001 27
Hamraborg 3 - sími 5541754
SKÓVERSLUN
KÓPAVOGS
Stærðir: 36-42
Litir: Svartir og bláir
Útsöluverð: 2.990
Stærðir: 36-42
Litur: Svartur
Stærðir: 37-42
Litur: Svartir
Stærðir: 41-48 (svartir),
41-46 (brúnir)
Litur: Svartir, brúnir
Stærðir: 31-35
Stærðir: 41-46
Litur: Svartir
Stærðir: 36-42
Litir: Svartir og bláir
Tilboðsdæmi:
Útsöluverð: 2.990
Útsöluverð: 2.990
Útsöluverð: 2.500Útsöluverð: 2.990
Útsöluverð: 3.990 Útsöluverð: 1.990
OPNUÐUM KL. 9.00
ÚTSALAN
LOKSINS HEFST
Brett
askór
Þjónusta í 35 ár
ÞAÐ er ávallt ævintýri þegar ein-
hverjum tekst að kveðja sér hljóðs
með eftirtektarverðum hætti og á
sviði tónlistar er það oftar, að snilld-
arflytjandi nær að kalla saman fólk,
sem sækir sér unað í að vera viðstatt
eitthvað sem er umfram hið hvers-
dagslega. Tónlistarmenn hversdags-
ins eru margir hverjir mjög góðir en
þá vantar ævintýrið, sem oft er búið
til í umbúnaði frægðar, sem fær fólk
til að líta upp í undrun og virða fyrir
fyrir sér glampandi ásýnd þess sem
frægðin hefur gljáfægt.
Á meðal söngvara eru það háar
raddir, sem mest aðdráttarafl hafa,
og kemur þar til, að sé röddin ekki að-
eins há, heldur og glæsileg, finnur
hlustandi á sérstakan hátt til sam-
kenndar, því söngur er flestum mann-
verum eiginlegur og því hljómar hinn
afburðafagri söngur mjög sterkt í vit-
und manna og varðandi hljóman og
túlkun hefur áheyrandinn þar með
mjög öflugan samanburð, er hann
sækir til eigin reynslu. Jóhann Frið-
geir Valdimarsson tenórsöngvari er
það söngævintýri, sem er að verða til,
og kemur þar til einstaklega fögur
hljóman raddarinnar og sem túlkandi
listamaður er hann á góðri leið með að
fanga allt það sem til þarf. Því má spá,
ef Jóhanni gengur allt í haginn, að á
innan við tíu árum hafi hann klifið
þrepin upp til Parnassum og þá muni
af honum standa mikill ljómi. Þetta er
aðeins spá, því ferðinni upp háskaleg
og erfið þrepin skal aðeins fagnað
þegar gengin er.
Jóhann Friðgeir Valdimarsson hélt
hádegistónleika í Hallgrímskirkju sl.
fimmtudag og dró þar saman áheyr-
endur í vel setna kirkjuna en hafði sér
til samleiks ungan orgelleikara, Guð-
mund Sigurðsson, sem stundar fram-
haldsnám í Bandaríkjunum. Framlag
hans á tónleikunum voru tvö kóralfor-
spil, eftir meistara J.S. Bach og eitt
eftir Buxtehude. Þessi kóralforspil
voru fallega útfærð, með fallegri
raddskipan, en til að fá að heyra hann
virkilega taka til hendinni þarf hann
að hafa annan og betri tíma fyrir sig,
sem bíður seinni tíma, þegar hann
hefur lokið námi og er tilbúinn til
stórra átaka við hljóðfæri hljóðfær-
anna.
Jóhann söng fyrst Ombra mai fu,
eftir Händel, tónles og aríu, sem átti
að bjarga sýningunum á óperunni
Xerxes, sem einnig er stafsett sem
Serse og er síðasta óperutilraun
Händels og var sýning hennar alger-
lega misheppnuð (fíaskó). Í þessari
óperu, sem á að gerast í Persíu til
forna, notaði Händel alþýðusöngva
„af götunni“ og voru efnistökin á
gamansömum nótum og aríunni
Ombra mai fu upphaflega ætlað að
vera satíra. Eins og oft áður hafa mál-
in snúist á annan veg en ætlað var og
sérstaklega varðandi þetta lag, sem
nú þykir í hæsta máta alvarlegt. Jó-
hann söng þessa satíru mjög fallega,
sem er ekki vandalaust, því vart
þekkja menn nokkurt laga Händels
betur. Næturljóð, sem Jón frá Ljár-
skógum setti texta við, er „fingraæf-
ing“ fyrir píanó eftir Chopin og eina
afsökunin fyrir því að velja slíkt lag til
söngs er að syngja það vel og það
gerði Jóhann. Sama má segja um Ave
Maria, sem Gounod tónklæddi og
sneið að fyrstu prelúdíunni úr Das
Woltemperiertes Clavier eftir J.S.
Bach. Þar var söngur Jóhanns mjög
fallega mótaður fallegri líðandi. Tvö
síðustu viðfangsefni Jóhanns voru
sannkölluð „bravúralög“ fyrir tenóra,
það fyrra, Agnus Dei eftir Bizet og
það síðara, Pietá, Signore, eftir æv-
intýramanninn Stradella. Agnus Dei
var vel sungið og þar fékk glæsileg
rödd Jóhanns að njóta sín. Kirkjuarí-
an eftir Stradella er viðameiri tón-
smíð en Agnus Dei og tekur til ann-
arra þátta í raddmótun og túlkun,
nær fíngerðum „bel vanto“ en glæsi-
arían eftir Bizet, sem syngja má „út á
fullu“. Pietá, Signore var samt að
mörgu leyti vel flutt. Það fer ekki á
milli mála að Jóhann er verðandi
„tenórinn okkar“ og þarf aðeins að fá
tækifæri til að takast á við hin stærri
verkefni, í óperum og öðrum viðeig-
andi einsöngsverkum.
„Tenórinn okkar“
Morgunblaðið/Ásdís
„Jóhann er verðandi „tenórinn okkar“,“ segir Jón Ásgeirsson.Jón Ásgeirsson
TÓNLIST
H a l l g r í m s k i r k j a
Jóhann Friðgeir Valdimarsson ten-
órsöngvari og Guðmundur Sigurðs-
son orgelleikari fluttu vinsæla
söngva og kóralforspil. Fimmtu-
dagurinn 2. ágúst, 2001.
HÁDEGISTÓNLEIKAR
NO Short Cut To Paradise er
heiti nýrrar ljóðabókar eftir
Michael Dean Óðin Pollock.
Michael Pollock er best þekktur
sem tónlistarmaður og gítarleikari
Utangarðsmanna. Þetta er fyrsta
ljóðabók hans, en áður hafa rit-
verk hans m.a. birst á verald-
arvefnum.. Þá hefur Michael Poll-
ock einnig nýverið komið að
geisladiskinum Frá Íslandi til
Kentucky, en það er Edda sem
gefur út.
Ljóðabókin er gefin út af
Wasteland Press & Heaven-
útgáfunni í Louisville í Kentucky í
Bandaríkjunum
Nýjar bækur