Morgunblaðið - 25.09.2001, Blaðsíða 52

MORGUNBLAÐIÐ, KRINGLUNNI 1, 103 REYKJAVÍK, SÍMI 569 1100, SÍMBRÉF 569 1181, PÓSTHÓLF 3040,
ÁSKRIFT-AFGREIÐSLA 569 1122, NETFANG: RITSTJ@MBL.IS, AKUREYRI: KAUPVANGSSTRÆTI 1 ÞRIÐJUDAGUR 25. SEPTEMBER 2001 VERÐ Í LAUSASÖLU 190 KR. MEÐ VSK.
Páll Pétursson félagsmálaráðherra
sagði í samtali við Morgunblaðið að
matsverð Orkubúsins væri 4,6 millj-
arðar kr. og þar af ættu sveitarfélögin
60% eða 2,7–2,8 milljarða króna. Til-
boðið fæli í sér í fyrsta lagi að sveit-
arfélögin greiddu upp vanskil við
Íbúðalánasjóð. Í öðru lagi yrði hluti
söluverðsins settur inn á biðreikning í
viðurkenndri fjármálastofnun og höf-
uðstóll hans yrði látinn standa
óhreyfður til tryggingar skuldbind-
ingum sveitarfélagsins vegna fé-
lagslega íbúðakerfisins þar til fyrir
lægju og til framkvæmda kæmu
ákvarðanir um endurskipulagningu
félagslega íbúðakerfisins fyrir landið í
heild.
Páll sagði að þetta fæli í sér að
sveitarfélögin hefðu fullan ráðstöfun-
arrétt á þeim vöxtum sem höfuðstóll-
inn bæri, en lán vegna félagslega
íbúðalánakerfisins myndu áfram
standa á lágum vöxtum hjá Íbúða-
lánasjóði meðan unnið væri að því að
leysa málið á landsvísu. Einhverju af
fjármununum af biðreikningnum yrði
þá hægt að verja til endurskipulagn-
ingar félagslega húsnæðiskerfisins,
en ekkert væri víst að það þyrfti að
nota þá alla til þess. Það sama myndi
gilda í þeim efnum á Vestfjörðum og
annars staðar á landinu.
Kerfið verði sjálfbært
Páll bætti því við að þær tillögur
sem fyrir lægju í þessum efnum væru
hugsaðar þannig að það þyrfti að færa
niður lánin á íbúðunum það mikið að
eðlileg leiga á viðkomandi stað gæti
staðið undir rekstri íbúðanna, þ.e.a.s.
að kerfið yrði sjálfbært en ekki ómagi
á sveitarsjóði eins og nú væri.
Páll sagði að í þessu fælist einnig að
fjármagn yrði notað til fjárhagslegrar
endurskipulagningar sveitarfélagsins
með nánari útfærslu í samningi milli
viðkomandi sveitarfélags og eftirlits-
nefndar með fjármálum sveitarfé-
laga. Fram kom að fjárhagsleg staða
einstakra sveitarfélaga á Vestfjörð-
um er mjög mismunandi. Sum þeirra
eru mjög skuldsett en önnur skulda
lítið sem ekki neitt.
Kaup ríkisins á eignarhlut sveitarfélaganna í Orkubúi Vestfjarða
Biðreikningur vegna skulda
í félagslega íbúðakerfinu
SVEITARFÉLÖG á Vestfjörðum hafa frest til næstkomandi föstudags til að
svara nýju tilboði ríkisvaldsins hvað varðar kaup á 60% eignarhlut sveitarfélag-
anna í Orkubúi Vestfjarða. Nýja tilboðið felur í sér að í stað þess að frá kaup-
verðinu dragist skuldir sveitarfélaganna við Íbúðalánasjóð verður fjárupphæð
lögð inn á biðreikning til tryggingar þeim skuldbindingum þar til gengið hefur
verið frá heildarendurskipulagningu félagslega íbúðalánakerfisins.
GUÐJÓN Arngrímsson, upplýsinga-
fulltrúi Flugleiða, segir að sú óvissa
sem skapaðist í kjölfar uppsagna
tryggingafélaganna á stríðs- og
hryðjuverkatryggingum hafi verið
farin að hafa áhrif á rekstur Flug-
leiða. Ríkisstjórnin ákvað um helgina
að gefa út bráðabirgðalög sem heim-
iluðu ríkisstjórninni að veita ábyrgð á
tryggingum íslenskra flugfélaga.
Ríkisábyrgðin hljóðar upp á 2.700
milljarða króna og gildir til 25. októ-
ber.
Guðjón sagði mikilvægt að ákvörð-
unin, sem tekin var síðdegis á sunnu-
dag, dróst ekki fram á mánudag.
„Þetta var þegar farið að hafa áhrif á
bókanir okkar í gær [sunnudag].
Þetta setti flugið í algjöra óvissu og
það hafði áhrif á farþega sem áttu
bókað far. Það var því mjög mikil-
vægt að fá þetta á hreint sem fyrst,“
sagði Guðjón.
Davíð Oddsson forsætisráðherra
sagði að 2.700 milljarðar væru miklir
peningar en afar ólíklegt væri að það
myndi reyna á ábyrgðina.
Stutt í framtíðarlausn
„Við höfum m.a. kannað hvort
þessi ákvörðun hefði áhrif á lánshæfi
Íslands út á við. Sú könnun hefur leitt
í ljós að ef þessar aðgerðir okkar eru í
samræmi við það sem annars staðar
gerist og ef þær eru tímabundnar
muni það ekki endilega þurfa að hafa
veruleg eða varanleg áhrif á lánshæfi
Íslands út á við,“ sagði Davíð.
Sturla Böðvarsson samgönguráð-
herra sagði að stjórnvöld hefðu feng-
ið mjög stuttan fyrirvara til að vinna
að málinu. Aðgerðirnar hefðu hins
vegar verið óhjákvæmilegar enda
útilokað að búa við það að samgöngur
til og frá landinu legðust af.
Halldór Ásgrímsson utanríkisráð-
herra sagði afar litlar líkur á að það
reyndi á þessa ábyrgð ríkisins. Nú
væri það verkefni tryggingafélag-
anna og flugfélaganna í heiminum að
finna lausn til framtíðar. Hann sagði
að forystumenn ríkisstjórnarinnar
hefðu verið fullvissaðir um að það
tæki nokkra daga að finna þá lausn
og nokkra daga til viðbótar að hrinda
henni í framkvæmd.
Halldór var spurður hvort hann
óttaðist ekki að hugsanlegar aðgerðir
þjóða heims gegn hryðjuverkamönn-
um og hugsanleg viðbrögð við þeim
gætu haft áhrif á ákvarðanir trygg-
ingafélaganna.
„Ef ekki er tekið á hryðjuverka-
starfsemi í heiminum eru allar líkur á
að hryðjuverk haldi áfram. Það er því
öllum fyrir bestu að á þeim sé tekið
þótt ávallt megi deila um hvernig það
er gert. Það held ég að hljóti að vera
langtímasjónarmið tryggingafélag-
anna. Ef ekkert er tekið á þessu held
ég að þau meti það svo að áhætta
þeirra hafi vaxið,“ sagði Halldór.
Hafði áhrif
á bókanir
Flugleiða

Tryggingafélögin/26
Óvissu um tryggingamál
flugfélaga var eytt um helgina
SELJAVÍK BA 112, trébátur sem
legið hefur óhreyfður við Granda-
garð síðustu misseri, sökk við
bryggju um helgina. Samkvæmt
upplýsingum frá Reykjavíkurhöfn
er talið að báturinn, sem er 11
brúttórúmlestir að stærð og smíð-
aður í Hafnarfirði árið 1971, hafi
sokkið aðfaranótt sunnudags.
Starfsmenn hafnarinnar komu að
bátnum sokknum á sunnudags-
morgun en í eftirlitsferð kvöldið áð-
ur var hann á floti. Lögreglan í
Reykjavík hafði ekki fengið til-
kynningu um óhappið í gærkvöldi
en þá var unnið að því að koma
Seljavíkinni á flot með aðstoð
pramma þar sem trébryggjan leyfir
ekki umferð þungavinnuvéla.
Morgunblaðið/Þorkell
Seljavík
sökk við
Grandagarð
SAMTALS höfðu 14 aðilar skilað inn
yfirlýsingu um að þeir hefðu áhuga á
að gerast kjölfestufjárfestir í Lands-
símanum um klukkan ellefu í gær-
kvöldi, en frestur til þátttöku rann út
á miðnætti.
Hreinn Loftsson, formaður fram-
kvæmdanefndar um einkavæðingu,
sagði í samtali við Morgunblaðið að
þetta væri glæsileg útkoma. „Þá
vekur þetta enn frekari spurningar
um það hvað lífeyrissjóðirnir voru að
gera. Þegar stærstu og öflugustu
símafyrirtækin í heiminum sjá tæki-
færi í Landssímanum en ekki lífeyr-
issjóðirnir á Íslandi vekur það
spurningar,“ sagði Hreinn.
Meðal þeirra aðila sem skiluðu yf-
irlýsingu eru Telenor í Noregi, Dete-
con, sem er hluti af Deutsche Tele-
com í Þýskalandi, Opin kerfi á
Íslandi og Guðmundur Franklín
Jónsson í New York. Tveir aðilar
óskuðu nafnleyndar. Afstaða verður
tekin til þeirra óska á fundi fram-
kvæmdanefndarinnar í dag.
Landssími Íslands hf.
14 lýsa áhuga
á að gerast
kjölfestu-
fjárfestir

14 aðilar skiluðu/17
HALLDÓR Ásgrímsson utan-
ríkisráðherra mun sitja fund
varnarmálaráðherra Atlants-
hafsbandalagsins sem haldinn
verður í Brussel í Belgíu á
morgun. Á fundinum verður
fjallað um hryðjuverkin í Banda-
ríkjunum.
„Það er ekki venja að ég sitji
fundi varnarmálaráðherra
NATO, en það hefur þó komið
fyrir. Í þessu tilviki er það okkar
mat að það sé nauðsynlegt. Ég
mun því fara til fundarins, m.a.
til að sýna samstöðu og líka til
þess að fá upplýsingar um hvað
er að gerast. Við teljum að þessi
fundur sé besta tækifæri sem
við höfum til að koma okkur bet-
ur inn í mál,“ sagði Halldór.
Fundur varnarmálaráðherr-
anna átti upphaflega að vera á
Ítalíu sem reglulegur haustfund-
ur. Eftir hryðjuverkin í Banda-
ríkjunum var ákveðið að færa
fundinn til Brussel og stytta
hann. Halldór sagði að á fund-
inum yrði fyrst og fremst fjallað
um hryðjuverkin, afleiðingar
þeirra og viðbrögð við þeim.
Halldór á fundi
varnarmálaráð-
herra hjá NATO
BJÖRN Friðfinnsson, ráðuneytis-
stjóri dómsmálaráðuneytisins, segir
að fyrstu ökuskírteinin, sem fram-
leidd verða í seðlaprentsmiðju í Berl-
ín, muni berast til landsins 1. októ-
ber. Seðlaprentsmiðjan í Berlín
útbýr m.a. ökuskírteini fyrir þýska
ríkið.
Gömlu skírteinin gölluð
Þau skírteini, sem nú eru í notkun,
hafa þann alvarlega annmarka að
myndin verður smám saman ógreini-
leg og verður fólk að lokum óþekkj-
anlegt á henni. Reiknistofa bank-
anna hefur til þessa útbúið skírteinin
en hráefnið í þau komið frá tveimur
erlendum aðilum.
Framleiðsla nýju skírteinanna var
boðin út og þótti þýska seðlaprent-
smiðjan besti kosturinn. Framvegis
verða myndirnar sendar til Þýska-
lands með rafrænum hætti og munu
skírteinin koma fullbúin þaðan.
Björn segir að nýja skírteinið
verði lítillega breytt frá því sem nú
er. Liturinn verði örlítið frábrugðinn
og stærðinni breytt til samræmis við
evrópska staðla. Hann segir, að þeir,
sem þegar eiga ökuskírteini, muni
geta fengið nýju skírteinin sér að
kostnaðarlausu.
Ný ökuskírteini 1. okt.