Morgunblaðið - 26.10.2001, Síða 16

HÖFUÐBORGARSVÆÐIÐ
16 FÖSTUDAGUR 26. OKTÓBER 2001 MORGUNBLAÐIÐ
ÞEIR sem luma á gömlum pappírum
geta nú komið þeim í örugga
geymslu því Héraðsskjalasafn Mos-
fellsbæjar tók formlega til starfa á
miðvikudag. Safnið mun annast söfn-
un, innheimtu og varðveislu skjala
frá embættum, stofnunum og fé-
lögum í Mosfellsbæ auk þess sem
tekið verður við skjölum, ljósmynd-
um, hljóð- og myndböndum, sem
varða sögu héraðsins, frá einkaaðil-
um.
Að sögn Sólveigar Magnúsdóttur
héraðsskjalavarðar hefur verið mikil
vöntun á slíku safni hingað til. „Það
hefur verið svolítið um að fólk hafi
haft áhuga á að skila af sér einka-
skjalasöfnum og gömlum skjölum og
svo er komin mikil þörf hjá stofn-
unum bæjarins fyrir að losna við
skjöl.“
Aðspurð um geymsluplássið segir
hún safnið hugsað nokkur ár fram í
tímann. „Síðan verður tíminn að
leiða í ljós hvernig það fer en núna er
alla vega nægilegt rými hérna.“
Héraðsskjalasafnið er til húsa í
kjallara Kjarna að Þverholti 2 og
verður lesstofa safnsins opin al-
menningi eftir samkomulagi fyrst
um sinn.
Á miðvikudag var einnig tekin í
notkun ný heimasíða Mosfellsbæjar
með vefslóðina www.mos.is en þar er
hægt að nálgast upplýsingar um
stjórnkerfi og stofnanir bæjarins. Þá
eru þar fréttir og tilkynningar frá
bænum auk fundargerða nefnda og
ráða. Loks má geta föstu dálkanna
„Á döfinni“ þar sem einstaklingar og
félagasamtök geta auglýst viðburði
framundan og „Í umræðunni“ þar
sem bæjarbúar geta látið að sér
kveða um málefni bæjarins.
Gömul skjöl í
kjallara Kjarna
Mosfellsbær
Morgunblaðið/Árni Sæberg
Frá opnun safnsins á miðvikudag. Við borðið situr Ólafur Ásgeirsson
þjóðskjalavörður en fyrir aftan standa Sólveig Magnúsdóttir héraðs-
skjalavörður og Jóhann Sigurjónsson, bæjarstjóri Mosfellsbæjar.
Í GREINARGERÐ Kanon arki-
tekta með tillögunni, sem þeir
unnu fyrir ÍAV og skipulagsnefnd
hefur samþykkt að mæla með við
bæjarstjórn, segir að meginhug-
myndin sé að byggingarnar skapi
aðlaðandi íbúðabyggð með þægi-
legum útirýmum sem tengjast inn-
byrðis. Sterkur heilsteyptur bæj-
arkjarni fáist með því að tengja
bæjarrými Eiðistorgs, Hrólfs-
skálamels og íþróttamiðstöðvar.
Svæðið er afmarkað í norð-
austur og norðvestur af 4–6 hæða
byggingum að því er segir í grein-
argerðinni. „Suðurjaðar svæðisins
einkennist síðan af 3–4 hæða
byggingum sem liggja þvert á
Suðurströnd og mynda súlnagöng
yfir gangstíg. Bílageymsluhús er
undir allri lóðinni og gerir það að
verkum að öll íbúðarhúsin eru
hæðinni fyrir ofan Suðurströnd.“
Í greinargerðinni segir enn-
fremur að á milli bygginganna
verði útirými sem ætluð eru fyrir
almenning. „Við hönnun lóð-
arinnar verður lögð áhersla á að
hún tengist nýju torgi við félags-
heimili og íþróttahús ekki bara
með göngutengslum heldur verði
efnisnotkun samfelld frá hinu nýja
torgi um undirgöng að Eiðistorgi
og þannig verði til röð nýrra op-
inberra bæjarrýma með samræmi
í útfærslum og efnisnotkun.“
Hæsta húsið á horni Nes-
vegar og Suðurstrandar
Þá er sagt að tryggð verði góð
tengsl almennrar gangandi um-
ferðar milli íþróttahúss, félags-
heimilis, skóla og Eiðistorgs.
„Hæðarmunur milli Suður-
strandar og lóðar er leystur með
tröppum og skábrautum sem
tryggir öllum jafnt aðgengi. Jafn-
framt eru tengsl við Eiðistorg
leyst með undirgöngum undir
Kirkjuveg.“
Tillagan gerir ráð fyrir því að
hæsta byggingin rísi á horni Nes-
vegar og Suðurstrandar og mun
hún teygja sig yfir skábrautina
við undirgöngin. Segir í grein-
argerðinni að hornið verði eins-
konar landmerki svæðisins þar
sem það rís hátt yfir gatnamótin
og bjóði upp á einstakar íbúðir
með tilliti til útsýnis.
Í kaflanum um umferð á svæð-
inu segir að gangstígur meðfram
Suðurströnd verði í gjá niður að
Austurströnd og tengist undir-
göngum að Eiðistorgi. Kirkju-
braut tengist við Suðurströnd og
Nesveg með brú yfir gjána við
gatnamótin. Þá verða gatnamót
útfærð þannig að dregið verði úr
umferðarhraða um Kirkjubraut,
sem verði 30 km svæði og meg-
inakstursleið verði um Suður-
strönd.
Öllum íbúðum mun fylgja bíla-
stæði í bílageymsluhúsi sam-
kvæmt tillögunni og almennt eru
bílastæði að mestum hluta í bíla-
geymslum neðanjarðar.
Íbúðalóðir hækkaðar
um 0,6 metra
Varðandi íbúðirnar á svæðinu
segir í greinargerðinni að þær séu
bjartar og með góðu útsýni. „Dýpt
bygginga miðast við að hver íbúð
fái bæði góða sólar-/útsýnishlið til
vesturs eða suðurs og útsýnishlið
(a.m.k. efri hæðir) til austurs eða
norðurs.“ Þá segir að næst íbúðar-
húsunum verði afmarkaðar lóðir
til sérafnota fyrir íbúðir á 1. hæð.
Lóðirnar verða hækkaðar um 0,6
metra upp fyrir sameiginlega
garðinn og aðgreindar frá al-
menningssvæðum með lóðarvegg.
Samtals verða íbúðirnar 165
talsins og er nýtingarhlutfall of-
anjarðar 1,11.
Sterkur bæjarkjarni
og bjartar íbúðir


  
  


  


  SKIPULAGSNEFND Seltjarnar-
ness ákvað á fundi sínum á þriðjudag
að mæla með tillögu Íslenskra aðal-
verktaka hf. að skipulagi á Hrólfs-
skálamel við bæjarstjórn. Tillagan
er unnin af arkitektastofunni sem
lenti í öðru sæti í verðlaunasam-
keppni um skipulag á svæðinu.
Í fyrra voru kynntar niðurstöður
samkeppni um skipulag á Hrólfs-
skálamelum og báru arkitektarnir
Nicholas Guichet, Fiona Meierhans,
Laurent Bonthonneau og Guðrún
Sigurðardóttir sigur úr býtum. Að
sögn Ernu Nielsen, formanns skipu-
lagsnefndar, er verðlaunatillagan
eign Seltjarnarness en bærinn er
ekki bundinn af henni. Niðurstaðan
hafi orðið sú að auglýsa eftir tilboð-
um í byggingaréttinn á Hrólfsskála-
melum þar sem tekið er á svæðinu
heildstætt með tilliti til verðs og
skipulags og bárust fjórar tillögur
með verðtilboðum.
Verðtilboðið 386 milljónir
Tillögurnar komu frá Íslenskum
aðalverktökum hf., Húsvirki hf. í
samvinnu við Byggingafélag Gunn-
ars og Gylfa hf., Ístak hf. og ÁHÁ
byggingum ehf. Erna segir tillög-
urnar nokkuð misjafnar, til dæmis
hvað varðar íbúðafjölda á svæðinu,
þó nýtingarhlutfallið sé svipað. Þá
hafi verið töluverður munur á verð-
tilboðum.
Að sögn Ernu voru tillögurnar
sem bárust ekki sérstaklega unnar
út frá verðlaunatillögunni í fyrra fyr-
ir utan tillögu Ístaks, sem var unnin í
samvinnu við höfunda verðlaunatil-
lögunnar. Henni hafi þó verið tölu-
vert breytt. Þó megi segja að tillaga
ÍAV beri sama heildarsvip og verð-
launatillagan.
Niðurstaða skipulagsnefndar hafi
verið að mæla með tilboði ÍAV þar
sem nefndinni hafi litist best á þá
skipulagsútfærslu auk þess sem þar
var á ferðinni hæsta verðtilboðið.
Hljóðar það upp á 386 milljónir að
sögn Ernu.
Hún segir nefndarmenn hafa verið
sammála um þessa ákvörðun en mál-
ið verður væntanlega tekið fyrir í
bæjarstjórn eftir þrjár vikur þar
sem formleg ákvörðun verður tekin.
Þá tekur við deiliskipulagsvinna með
tilheyrandi grenndarkynningu og
auglýsingu og býst Erna við að ferlið
allt muni taka nokkra mánuði.
Hugmyndir Kanon arkitekta að útliti bygginga á Hrólfsskálamel.
Mælt með tillögu ÍAV
að skipulagi svæðisins
Seltjarnarnes
Fjögur tilboð bárust í byggingarréttinn á Hrólfsskálamel
BJÖRN Bjarnason menntamála-
ráðherra segir að af hálfu stjórn-
valda sé jákvæður vilji fyrir því að
Gljúfrasteinn komist í eigu ríkisins
í því skyni að húsið sé varðveitt til
minningar um Halldór Laxnes. Í
Morgunblaðinu í gær var sagt frá
því að bæjarstjórn Mosfellsbæjar
undirbúi nú stofnun Laxnessseturs
í Brúarlandi í tilefni aldarafmælis
nóbelskáldsins á næsta ári.
Björn segir að framtíð Gljúfra-
steins hafi verið rædd við fulltrúa
stjórnvalda, en að sjálfsögðu sé
hún undir eigendum staðarins
komin. Hann segir að málið sé í
raun og veru ekki lengra komið,
en vilji sé til viðræðna um þetta.
Hann segir, að bæjarstjórn Mos-
fellsbæjar hafi hug á að koma upp
sérstöku Laxnessafni á Brúarlandi
en af hálfu ríkisins hafi verið
ákveðið að líta frekar til Gljúfra-
steins á grundvelli fyrrnefndra
viðræðna. Hér sé í raun um ólík
viðfangsefni að ræða, þótt bæði
snúist þau um Halldór Laxnes, líf
hans og störf.
Útilokar ekki safn
um nóbelsskáldið
að Gljúfrasteini
Mosfellsbær