Morgunblaðið - 17.11.2001, Qupperneq 24

VIÐSKIPTI/ATHAFNALÍF
24 LAUGARDAGUR 17. NÓVEMBER 2001 MORGUNBLAÐIÐ
Opin
kerfi úr
hagnaði í tap
TAP samstæðu Opinna kerfa hf.
nam 204 milljónum króna fyrstu
níu mánuði ársins. Á sama tímabili
í fyrra nam hagnaður samstæð-
unnar 186 milljónum króna.
Rekstrartekjur samstæðunnar
námu 4.205 milljónum króna fyrstu
níu mánuði ársins en á sama tíma-
bili í fyrra voru þær 3.770 milljónir
króna. Rekstrargjöldin námu nú
3.974 milljónum en í fyrra 3.372
milljónum króna.
Veltufé frá rekstri var í sept-
emberlok 186 milljónir króna en
var á sama tíma í fyrra 270 millj-
ónir. Eiginfjárhlutfallið er 26% en
var 31% á sama tíma í fyrra.
Áhrif dótturfélaga eftir skatta
voru neikvæð um tæpar 130 millj-
ónir króna fyrstu níu mánuði árs-
ins en jákvæð um rúmar 70 millj-
ónir á sama tímabili í fyrra.
Megnið af þessari sveiflu skýrist af
niðurfærslu skráðra hlutabréfa í
eign Skýrr. Af hlutdeildarfélögum
hefur rekstur AcoTæknival verið
mjög erfiður á árinu. Áhrif hlut-
deildarfélaga eftir skatta eru nei-
kvæð um tæpar 290 milljónir nú
samanborið við 30 milljóna tap í
fyrra.
Í fréttatilkynningu frá Opnum
kerfum kemur fram að birgðastýr-
ing hafi verið mjög virk og magn
sölubirgða dregist verulega saman
frá áramótum. Forsvarsmenn fyr-
irtækisins segjast vera ánægðir
með aldurssamsetningu birgða og
viðskiptakrafna og vel hafi tekist
til í umsjón með þeim.
„Aðhaldssemin sem einkennt
hefur rekstur móðurfélags Opinna
kerfa virðist skila góðum árangri
þó tímabundnir erfiðleikar séu í
rekstrarumhverfinu á Íslandi. Sér-
staklega er ánægjulegt að vel gekk
á þriðja ársfjórðungi en hann er
tölvufyrirtækjum hér á landi sjald-
an hagstæður,“ að því er segir í til-
kynningu.
Fyrir nokkrum vikum tilkynntu
Opin kerfi að þau ættu í viðræðum
um kaup á norrænu tölvufyrirtæki
sem starfar á svipuðum grunni og
Opin kerfi sjálf en er heldur stærra
en móðurfélagið Opin kerfi. Búist
er við að samningum ljúki í næstu
viku.
Meðgöngufatnaður
fyrir mömmu
og allt fyrir litla krílið.
Þumalína, Pósthússtr. 13, sími 551 2136
EIMSKIP hefur gert kaupréttar-
áætlun fyrir alla starfsmenn fyrir-
tækisins. Gengið hefur verið frá
kaupréttarsamningum við starfs-
menn á Íslandi og verið er að und-
irbúa frágang samninga við starfs-
menn erlendis.
Sigríður Hrólfsdóttir, fram-
kvæmdastjóri fjármálasviðs Eim-
skips, segir að heimild hafi verið gef-
in á hluthafafundi félagsins sl. vor til
allt að 5% hlutafjáraukningar sem
nýta ætti til kaupréttarsamninga við
starfsmenn. Hún segir þessa heimild
nú vera að fullu nýtta með kauprétt-
arsamningum við alla starfsmenn
fyrirtækisins en þeir eru alls um
1.150 talsins.
Hlutafjáraukningin svarar til um
150 milljóna króna að nafnvirði og
fær hver og einn starfsmaður heimild
til að kaupa hlutabréf í Eimskip að
nafnverði 130 þúsund krónur á geng-
inu 5,0. Kaupverðið á hvern starfs-
mann nemur því allt að 650 þúsund
krónum.
Selt í tveimur áföngum
„Heimildin skiptist í tvennt, þann-
ig að hver starfsmaður hefur heimild
til að kaupa helminginn 15. mars
2003 og svo hinn helminginn 15. mars
2004. Þetta eru því rúmar 300 þúsund
krónur í hvort skipti,“ segir Sigríður.
„Starfsmennirnir öðlast með þessu
rétt til að kaupa hlutabréf í Eimskip
á genginu 5 á ákveðnum dagsetning-
um. Þegar að því kemur geta þeir svo
ákveðið hvort þeir vilja nýta sér
þennan rétt eða ekki. Ef þeir nýta sér
hann ekki þá fellur hann niður,“ segir
Sigríður. Hún bendir jafnframt á að
starfsmaður geti ákveðið að nýta að-
eins hluta kaupréttarheimildar sinn-
ar og geti jafnvel frestað kaupum á
fyrri dagsetningu yfir á þá seinni.
Viðbrögð starfsmanna á Íslandi
við þessum samningum segir Sigríð-
ur hafa verið mjög góð og að rúmlega
90% þeirra hafi gengið að þeim.
„Frágangur samninga við starfs-
menn erlendis er ekki lokið enda er
ansi flókið að ganga frá slíkum samn-
ingum í þetta mörgum löndum. Við
erum með skrifstofur í 11 löndum og
mismunandi reglur gilda um kaup-
réttarsamninga í hverju landi fyrir
sig.
Ástæðan fyrir að við erum að gera
þetta bæði innanlands og erlendis er
sú að við höfum rekið eigin starfs-
stöðvar erlendis síðan 1985 og þar
eru starfsmenn sem hafa verið fyr-
irtækinu mjög dyggir og hollir
starfsmenn í langan tíma. Því er
sjálfsagt að þeir fái að vera með alveg
eins og starfsmenn okkar hér
heima.“
Vegið meðalgengi
tíu daga
Gengi hlutabréfanna í kaupréttar-
samningunum segir Sigríður að
byggi á reglum ríkisskattstjóra um
almenna kaupréttarsamninga fyrir
starfsfólk fyrirtækja enda hljóti þeir
þar með hagstæðari skattalegri með-
ferð, þ.e. ávinningur af samningnum
er einungis skattlagður með 10%
fjármagnstekjuskatti en ekki með
fullum tekjuskatti.
„Eitt þeirra skilyrða sem ríkis-
skattstjóri setur er að gengi í samn-
ingunum skuli vera vegið meðaltal af
viðskiptagengi síðustu tíu daga áður
en samningarnir eru gerðir. Verð-
bréfaþing reiknaði út meðaltal við-
skipta með Eimskip síðustu tíu daga
fyrir 12. nóvember. Það reyndist
vera 5,0,“ segir Sigríður Hrólfsdóttir.
Eimskip gerir kaup-
réttarsamninga
Gengið hefur verið frá kaupréttarsamningum við rúmlega 90% starfs-
manna Eimskips á Íslandi. Starfsmenn fá hlutabréfin á genginu 5.
Hver starfsmaður
fær heimild til að
kaupa 130 þúsund
að nafnvirði
Skráning skuldabréfa á Verðbréfaþing Íslands
Útgefandi: SP-Fjármögnun hf, Sigtúni 42, 105 Reykjavík,
kt. 620295-2219.
Lýsing á flokknum: Heiti flokksins er 2. flokkur 2001. Bréfin eru til 5
ára, bundin vísitölu neysluverðs og bera 7,5% ársvexti.
Nafnverð útgáfu: Heildarfjárhæð útgáfunnar er allt að 1.000.000.000 kr.
að nafnverði og eru 700.000.000 kr. að nafnverði þegar seldar.
Gjalddagar: Útgefandi greiðir verðbættan höfuðstól skuldarinnar í einu
lagi þann 7. maí 2006. Skuldabréfin hafa vaxtagjalddaga 7. maí ár hvert.
Fyrsti gjalddagi vaxta er 7. maí 2002, og sá síðasti þann 7. maí 2006.
Skráningardagur á VÞÍ: Þegar útgefin og seld bréf að upphæð
700.000.000 kr. að nafnverði verða skráð á VÞÍ þann 22. nóvember 2001.
Milliganga vegna skráningar: Búnaðarbankinn Verðbréf,
kt. 491296-2249. Hafnarstræti 5, 155 Reykjavík.
Skráningarlýsing og aðrar upplýsingar varðandi ofangreind skuldabréf
liggja frammi hjá Búnaðarbankanum Verðbréfum.
F
í
t
o
n
/
S
Í
A

F
I
0
0
3
6
7
6