Morgunblaðið - 25.11.2001, Síða 4

FRÉTTIR
4 SUNNUDAGUR 25. NÓVEMBER 2001 MORGUNBLAÐIÐ
GUÐNI Ágústsson landbúnaðar-
ráðherra kynnti á ríkisstjórnar-
fundi í gær nýtt frumvarp til laga
um útflutning hrossa. Felur frum-
varpið m.a. í sér þá meginbreyt-
ingu frá gildandi lögum að lagt er
til að hætt verði innheimtu gjalds
af hverju útfluttu hrossi. „Gjaldið
er nú 6.800 kr. af hverju hrossi og
er fé það sem innheimtist notað til
þess að greiða kostnað við heil-
brigðisskoðun útflutningshrossa
og útgáfu upprunavottorða. Því fé
sem afgangs kann að verða er var-
ið til útflutnings- og markaðsmála.
Þá renna 5% af innheimtu gjaldi í
stofnverndarsjóð skv. 15. gr. bún-
aðarlaga,“ segir í greinargerð ráð-
herra með frumvarpinu.
Kostnaður við skoðun hækkað
Í greinargerðinni segir m.a. að
frá því að útflutningsgjaldið hafi
síðast verið ákveðið sbr. lög nr. 15/
1999 hafi kostnaður við skoðun á
útflutningshrossum og útgáfu upp-
runavottorða hækkað stórlega.
„Er nú svo komið að lítið sem ekk-
ert fé er eftir til ráðstöfunar vegna
útflutnings- og markaðsmála.
Rætt hefur verið um hækkun út-
flutningsgjaldsins í því skyni að fá
aukið fé til sameiginlegra mark-
aðsaðgerða en eindregin andstaða
hefur komið fram við þá hugmynd,
bæði meðal hrossaútflytjenda og
hrossabænda. Þegar svo er komið
að útflutningsgjaldið hrekkur vart
fyrir kostnaði við skoðun á útflutn-
ingshrossum og útgáfu uppruna-
vottorða og ekki er samstaða um
það meðal hagsmunaaðila að afla
með þessum hætti fjár til sameig-
inlegra markaðsstarfa er vandséð
hvaða tilgangi það þjónar að inn-
heimta fé í sjóð til þess að greiða
kostnað við skoðun á útflutnings-
hrossum og útgáfu upprunavott-
orða. Eðlilegt virðist að hrossaút-
flytjendur greiði þennan kostnað
milliliðalaust samkvæmt gjald-
skrá.“
Upprunavottorð
ítarlegra
Önnur breyting sem frumvarpið
kveður á um varðar heilbrigðis-
skoðun útflutningshrossa. Er
m.ö.o. lagt til að heilbrigðisskoðun
útflutningshrossa, umfram
ákveðna grunnskoðun á vegum
hins opinbera, skuli vera sam-
komulagsatriði milli kaupanda og
seljanda. Þá er í frumvarpinu
kveðið á um að öll útflutningshross
skuli örmerkt eða frostmerkt.
Þá er í frumvarpinu lagt til að
upprunavottorð hesta verði mun
ítarlegra en verið hefur og að „um
verði að ræða eins konar vegabréf
sem fylgi hrossinu ævilangt“. Er
það í samræmi við þær skuldbind-
ingar sem Ísland hefur tekið á sig
sem upprunaland íslenska hestsins
og kröfur sem gerðar eru til
hrossa í helstu viðskiptalöndum.
Að síðustu er í frumvarpinu gert
ráð fyrir að áfram verði innheimt
gjald í stofnverndarsjóð. Sam-
kvæmt núgildandi lögum renna 5%
af útflutningsgjaldi í stofnvernd-
arsjóð en með frumvarpinu er lagt
til að gjaldið nemi 500 kr. af
hverju útfluttu hrossi.
Frumvarp um útflutning hrossa
Hætt verði við
innheimtu 6.800
króna gjalds
ERLENDUR ferðakostnaður aðal-
skrifstofa ráðuneytanna jókst um
38,9 milljónir kr. eða um rúm 15% á
seinasta ári, og nam samtals um 296
millj. kr., samkvæmt endurskoðun
Ríkisendurskoðunar á ríkisreikningi
ársins 2000.
Mest aukning var hjá umhverfis-
ráðuneytinu eða 6,3 millj. kr. hækk-
un frá árinu á undan vegna aukins al-
þjóðlegs samstarfs og alþjóða-
samninga á sviði umhverfismála.
Ferðakostnaður félagsmálaráðu-
neytisins erlendis nam 10,5 millj. kr.
og jókst um 46% milli ára, einkum
vegna kvennaráðstefnu Sameinuðu
þjóðanna í Peking, að því er fram
kemur í skýrslu Ríkisendurskoðun-
ar. Fjármálaráðuneytið var eina
ráðuneytið þar sem ferðakostnaður
minnkaði á milli ára, skv. úttekt Rík-
isendurskoðunar.
Aðalskrifstofur ráðuneytanna
fylgdu í meginatriðum settum
reglum um greiðslu ferðakostnaðar
vegna ferða erlendis, að því er segir í
skýrslunni.
Heildarrisnukostnaður ráðuneyt-
anna lækkaði um 5,9 milljónir á síð-
asta ári miðað við árið á undan og
nam samtals 98,6 milljónum kr.
Risnukostnaður fjögurra ráðu-
neyta jókst þó milli ára, mest í utan-
ríkisráðuneytinu eða um 9,8 millj. kr.
einkum vegna 60 ára afmælis utan-
ríkisþjónustunnar, að því er fram
kemur í skýrslunni.
Kostnaður vegna ferðalaga
erlendis jókst um 39 millj.
Fjármálaráðuneytið eina ráðuneytið þar
sem ferðakostnaður minnkaði á milli ára
VONIR standa til að hægt verði
að finna 60 gráða heitt vatn á um
þúsund metra dýpi í gömlu bor-
holunni við Skiphella í Eyjum, en
hópur frá Jarðborunum vinnur
nú að hreinsun holunnar. Holan
var boruð árið 1964 og er 1.564
metra löng og var á sínum tíma
ein lengsta hola sem boruð hafði
verið hér á landi. Þá var holan
boruð til að finna kalt neysluvatn
en aðeins náðist volgt saltvatn og
því var hún aflögð.
Nú standa vonir til þess að á
1.000 metra dýpi verði hægt að
komast niður á vatnslag sem ligg-
ur á milli jarðalaga á Suðurlandi
og hefur fundist þar á um 600
metra dýpi. Reynist magnið vera
nægjanlegt má nýta það til upp-
hitunar með því að koma fyrir
varmaskiptum eða varmadælum,
þar sem 60 gráða vatn er ekki
nægjanlega heitt.
Morgunblaðið/Sigurgeir
Leita að heitu vatni
í gamalli borholu
VEÐURSTOFAN varar við
stormi eða meira en 20 m/s.
norðaustan til á landinu og á
miðhálendinu í nótt.
Þá er spáð norðan og norð-
vestan 13–18 m/s. í kvöld og nótt
en 18–23 m/s. norðaustan til.
Snjókoma eða él, einkum um
norðaustanvert landið. Hiti
kringum frostmark í dag en
kólnandi veður í nótt.
Á mánudag verða SA og A 8-
13 m/s. og él, einkum sunnan- og
vestantil og hiti 0 til 3 stig.
Samkvæmt upplýsingum frá
Vegagerðinni eru allir helstu
þjóðvegir landsins færir. Mjög
víða eru þó hálkublettir á Suð-
vestur-, Vestur- og Norðurlandi.
Ekkert hefur verið hægt að
fljúga til Ísafjarðar frá því á
fimmtudag vegna veðurs. Ófært
var í gærmorgun og átti að at-
huga með flug þangað frá
Reykjavík síðdegis í gær en
ákvörðun hafði ekki verið tekin
þegar Morgunblaðið fór í prent-
un. Að sögn starfsmanns Flug-
félags Íslands á Ísafirði tók vind
að lægja síðdegis á laugardag en
enn var nokkur éljagangur sem
gæti hamlað flugi áfram. Fært
var á alla aðra áfangastaði innan-
lands.
Varað við stormi
VALGARÐUR Valgarðsson,
lögregluvarðstjóri í Hafnar-
firði, sagði að skemmdarverk í
Garðabæ hefðu verið með
mesta móti í haust. Hann sagði
að svo virtist sem þessi
skemmdarfýsn kæmi í bylgj-
um, en ástandið á Garðatorgi
hefði t.d. verið slæmt fyrir 2–3
árum. Í haust hefði ástandið
hins vegar versnað aftur.
Valgarður sagði að almennt
mætti segja að um væri að
ræða virðingarleysi fyrir eign-
um samborgaranna. Rúður
hefðu verið brotnar, bílar risp-
aðir o.s.frv.
„Það voru t.d. brotnar tæp-
lega tuttugu rúður í Flataskóla
í síðustu viku og í október var
gengið á marga bíla sem voru á
bílastæði fyrir utan íþróttahús-
ið Ásgarð og þeir rispaðir.
Þetta er umtalsvert fjárhags-
tjón sem af þessu hlýst,“ sagði
Valgarður.
Oft 2–3 sem
draga vagninn
Valgarður sagði að þessi mál
væru til rannsóknar en grunur
beindist að unglingum sem
væru á mörkum þess að teljast
lögráða. Oft væru 2–3 aðilar
sem drægju vagninn en aðrir í
hópnum fylgdu á eftir. Lög-
reglan hefði rætt við bæjaryf-
irvöld í Garðabæ, félagsmálayf-
irvöld og skólastjórnendur um
að reyna að taka á málinu og
koma í veg fyrir frekari
skemmdarverk. Það væri hins
vegar nauðsynlegt að þeir sem
bæru ábyrgð á skemmdunum
fengju þau skilaboð að svona
framkoma yrði ekki liðin og
þeir yrðu með einhverjum
hætti látnir bera ábyrgð á
verknaðinum. Gunnlaugur Sig-
urðsson, skólastjóri í Garða-
skóla, sagði að skólayfirvöld í
Garðabæ eins og öðrum bæjar-
félögum reyndu að taka á
ósæmilegri hegðun nemenda í
samvinnu við lögreglu. Ef
grunur vaknaði um að nemend-
ur hefðu framið skemmdarverk
væri þegar í stað haft samband
við foreldra og ef um endurtek-
in tilvik væri að ræða væri haft
samband við félagsmála- og
barnaverndaryfirvöld.
Gunnlaugur sagði að það
væri ekki stór hópur sem stæði
fyrir skemmdarverkum og það
mætti ekki gleyma því að lang-
stærstur hluti unglinga ynni
gott starf innan og utan veggja
skólans.
Grunur um
skemmdarverk
unglinga í Garðabæ
Bílar
rispaðir
og rúður
brotnar