Morgunblaðið - 28.12.2001, Qupperneq 20

VIÐSKIPTI/ATHAFNALÍF
20 FÖSTUDAGUR 28. DESEMBER 2001 MORGUNBLAÐIÐ
TÖLUR frá Íbúðalánasjóði um
fjölda umsókna um fyrirgreiðslu
vegna greiðsluerfiðleika hafa sýnt
verulega færri umsóknir á síðustu
árum en á árinu 1995, sem sjóð-
urinn tekur oftast sem viðmiðun.
Þannig hefur Íbúðalánasjóður
greint frá því að hlutfall þeirra sem
sóttu um fyrirgreiðslu vegna
greiðsluerfiðleika á árinu 1999 hafi
verið 0,23% af fjölda lántakenda,
0,5% á árinu 2000 en 2,78% á árinu
1995.
Þessi samanburður gefur ekki
fullkomna mynd af greiðsluerfið-
leikum íbúðareigenda og annarra. Í
fyrsta lagi er ekki tekið með að
Ráðgjafarstofa um fjármál heimil-
anna, sem kom til sögunnar á árinu
1996, hefur að jafnaði afgreitt á
milli fimm og sex hundruð umsóknir
um aðstoð vegna greiðsluerfiðleika
á ári, sem reyndar takamarkast af
fjölda starfsmanna stofunnar. Í ann-
an stað var sú vinnuregla tekin upp
með tilkomu Íbúðalánasjóðs, 1. jan-
úar 1999, að umsækjendur um að-
stoð vegna greiðsluerfiðleika eiga
að snúa sér fyrst til viðskiptabanka
síns eða til Ráðgjafarstofu um fjár-
mál heimilanna en ekki til Íbúða-
lánasjóðs. Fyrir daga Íbúðalána-
sjóðs gátu umsækjendur hins vegar
leitað beint til Húsnæðisstofnunar,
forvera Íbúðalánasjóðs. Þá má einn-
ig nefna að fylgigögn með umsókn
um aðstoð vegna greiðsluerfiðleika
eru töluvert fleiri nú en var. Vinnan
við umsókn er því meiri.
Hátt í 700 umsóknir hjá
Ráðgjafarstofu í ár
Fjöldi afgreiðslna Ráðgjafarstofu
um fjármál heimilanna, sem starf-
rækt er á vegum félagsmálaráðu-
neytisins, takmarkast af þeim fjölda
erinda sem hinir sex starfsmenn
stofunnar komast yfir að sinna.
Þessi fjöldi hefur að jafnaði verið
hátt í 600 á ári, á tímabilinu frá 1996
til dagsins í dag og stefnir í að
verða meiri í ár en nokkru sinni áð-
ur, eða hátt í 700, samkvæmt upp-
lýsingum frá stofunni. Hluti af af-
greiðslum Ráðgjafarstofunnar leiðir
til þess að viðkomandi sækir um
greiðsluerfiðleikalán eða frystingu á
lánum sínum hjá Íbúðalánasjóði.
Stærri hluti afgreiðslna hefur hins
vegar ekki leitt til slíkra umsókna.
Áður en Ráðgjafarstofa um fjár-
mál heimilanna kom til leituðu flest-
ir íbúðareigendur í greiðsluerfið-
leikum til Húsnæðisstofnunar. Í dag
leita þeir hins vegar fyrst til síns
viðskiptabanka eða til Ráðgjafar-
stofu um fjármál heimilanna. Sam-
anburður á tölum um fjölda um-
sókna Íbúðalánasjóðs um
fyrirgreiðslu vegna greiðsluerfið-
leika við samsvarandi umsóknir,
sem Húsnæðisstofnun barst á árinu
1995, gefa því ekki fullkomna mynd
af þessu, eins og Íbúðalánasjóður
hefur verið að greina frá.
Morgunblaðið/Árni Sæberg
Umsóknum vegna
greiðsluerfiðleika
fjölgar milli ára
LANDSVIRKJUN hefur nýverið
lokið við skuldabréfaútgáfu að fjár-
hæð 50 milljónir Bandaríkjadala eða
sem samsvarar rúmlega fimm millj-
örðum íslenskra króna. Í tilkynningu
frá Landsvirkjun segir að hér sé um
að ræða svokallaða „private place-
ment“-útgáfu sem þýði að einn fjár-
festir kaupir alla útgáfuna.
Skuldabréfin eru eingreiðslubréf
til 10 ára og verður andvirði þeirra
nýtt annars vegar til þess að fjár-
magna framkvæmdir og hins vegar
til að greiða eldri og óhagstæðari lán
fyrirtækisins.
Skuldabréfin eru gefin út undir
svokölluðum EMTN-rammasamn-
ingi Landsvirkjunar en verulegur
hluti af fjármögnun fyrirtækisins á
erlendum mörkuðum fer fram með
þeim hætti.
Landsvirkj-
un tekur
erlent lán
Framkvæmda-
stjóraskipti
verða í Kringl-
unni um næstu
áramót. Örn V.
Kjartansson tek-
ur þá við starf-
inu af Einari I.
Halldórssyni,
sem hefur verið
ráðinn fram-
kvæmdastjóri fé-
lagsins 101
Skuggahverfi hf.
Örn V. Kjartansson hefur síðast-
liðna sex mánuði unnið með fram-
kvæmdastjóra og stjórn Kringlunn-
ar að stefnumótun, endurskipu-
lagningu markaðsmála og
skipulagningu nýrra verslunar-
hluta. Hefur Örn verið í hlutastarfi
sem stjórnarmaður í Rekstrar-
félagi Kringlunnar. Þá hefur hann
verið í forsvari fyrir verkefnis-
stjórn eigenda og rekstraraðila í
Kringlunni. Hlutverk verkefnis-
stjórnarinnar hefur verið að skipu-
leggja viðbrögð við aukinni sam-
keppni og þróa verslanasam-
setningu.
Örn hefur setið í stjórn Kringl-
unnar frá 1998. Hann hefur síðustu
ár starfað hjá Þyrpingu hf., sem er
stærsti eigandi húsnæðis í Kringl-
unni. Þar áður starfaði Örn hjá
Hagkaupum, fyrst í innkaupadeild
en síðan sem
rekstrarstjóri og
loks sölustjóri.
Hann sat í fram-
kvæmdastjórn
Hagkaupa frá
1994 til 1998.
Örn er markaðs-
fræðingur að
mennt.
Einar I. Hall-
dórsson hóf
störf sem fram-
kvæmdastjóri
Kringlunnar í ársbyrjun 1988.
Hann hefur annast rekstur Kringl-
unnar samfleytt síðan þá, utan þess
að hann stjórnaði endurbyggingu
og stækkun Kringlunnar 1996–98. Í
framkvæmdastjóratíð Einars hefur
Kringlan svo til tvöfaldast að um-
fangi, fyrst með Borgarkringlunni
og síðan með tengibyggingunni
sem tekin var í notkun árið 1999.
Einar er lögfræðingur að mennt.
Hann starfaði sem lögfræðingur
Tryggingar hf. um árabil og var
bæjarstjóri í Hafnarfirði í sjö ár.
Einar tekur við framkvæmda-
stjórastarfi hjá 101 Skuggahverfi
hf., sem er í eigu Þyrpingar og
Eimskips. Fyrirtækið hyggur á
byggingu 250 íbúða í fjölbýlishús-
um við Skúlagötu og er áformað að
framkvæmdir hefjist síðla næsta
ár.
Nýr fram-
kvæmdastjóri
Kringlunnar
Örn V.
Kjartansson
Einar I.
Halldórsson
EJS hefur hlotið vottun sem Micro-
soft Gold Partner for Enterprise
Systems og í fréttatilkynningu frá
fyrirtækinu segir að aðeins tvö önn-
ur fyrirtæki á Norðurlöndum hafi
hlotið þessa vottun. Með því að ná
Microsoft Gold Partner vottun fær
EJS aðgang að sérstökum upplýs-
ingum frá Microsoft. Einnig fær
EJS forgangsaðgang að námskeið-
um og sérstökum upplýsingaveitum
sem tryggir að EJS er og verður í
fremstu röð í þjónustu á lausnum
frá Microsoft.
„Microsoft Gold Partner for Ent-
erprise“ er vottun sem veitt er
þjónustuaðilum sem hafa sérhæft
sig í uppsetningu Microsoft-lausna
fyrir stærri fyrirtæki, flókinni net-
hönnun og uppfærslu netkerfa. Þeir
sem hljóta þessa vottun hafa sýnt
fram á og sannað að þeir búi yfir
framúrskarandi þekkingu í að
skipuleggja, hanna og setja upp
lausnir frá Microsoft í stærri fyr-
irtækjum. Um er að ræða umfangs-
miklar lausnir frá Microsoft í Wind-
ows 2000, XP Professional,
Windows 2000 netþjónum og/eða
Exchange 2000.
„EJS þurfti að uppfylla strangar
kröfur um menntunarstig og sýna
fram á að hafa reynslu af uppsetn-
ingu og þjónustu á flóknum Micro-
soft-lausnum. Microsoft skoðaði
verk EJS á þessu sviði ítarlega og í
þessari vottun felst viðurkenning á
þeirri vinnu. Einnig leitaði Micro-
soft staðfestingar viðskiptavina á að
hönnun og þjónusta hefði uppfyllt
kröfur þeirra,“ segir í fréttatilkynn-
ingunni.
EJS fær vottun
sem „Microsoft
Gold Partner“
BANDARÍSKIR fjárfestingar-
bankar hafa orðið fyrir barðinu
á niðursveiflu í efnahagslífinu.
Þannig hefur Morgan Stanley-
fjárfestingarbankinn tilkynnt
28% lækkun á hagnaði fyrir
þriggja mánaða tímabilið frá
september til nóvember og
Lehman Brothers tilkynnti 50%
lækkun fyrir sama tímabil, að
því er fram kemur á fréttavef
BBC.
Fjárfestingarbankarnir áttu í
erfiðleikum þegar fyrir árásirn-
ar 11. september en ástandið
versnaði enn í kjölfar hryðju-
verkanna. Hægt hefur á hluta-
bréfaviðskiptum og bandaríski
markaðurinn var lokaður í fjóra
daga eftir hryðjuverkin.
Goldman Sachs-bankinn til-
kynnti 17% hagnaðarminnkun
fyrir áðurnefnt tímabil og 93
senta hagnað á hlut. Það er þó
yfir væntingum sérfræðinga
sem bjuggust við 90 senta hagn-
aði á hlut.
Versnandi afkoma
bandarískra fjár-
festingarbanka