Morgunblaðið - 17.02.2002, Blaðsíða 2
2 B SUNNUDAGUR 17. FEBRÚAR 2002 MORGUNBLAÐIÐ
MARGIR gripu andann á lofti þegar
fyrsta plata XXX Rottweilerhunda
kom út í nóvember síðastliðnum, en
textar sveitarinnar þóttu með ein-
dæmum ósiðlegir. Nú, tveimur mán-
uðum síðar hefur mikið vatn runnið
til sjávar. Platan hefur selst og selst
og setið á toppi Tónlistans síðustu
sex vikurnar. Samt sem áður fá lög
þeirra ekki dagspilun í útvarpi og
myndband hljómsveitarinnar er
bannað á öllum sjónvarpsstöðvum,
að sögn Erps Eyvindssonar eins for-
sprakka sveitarinnar.
Það eru börn og unglingar sem rífa
plöturnar úr hillum hljómplötuversl-
ana og höfðu um 8.000 eintök selst í
liðinni viku. Strákar á aldrinum 10–
15 ára eru þeir sem einna helst hafa
keypt plötuna til þessa, samkvæmt
upplýsingum úr verslunum Skífunn-
ar og Japis. Þá keyptu ófáir foreldrar
plötuna fyrir jólin, samkvæmt óska-
listum barnanna, þrátt fyrir að á
framhlið disksins sé aðvörun til for-
eldra: „Foreldrar athugið óheflað
málfar“.
Það má segja að það séu orð að
sönnu. Ekkert virðist Rottweiler-
hundunum heilagt, þeir rappa um
kynskiptinga, morð, framhjáhöld,
mannát, dóp, heimilisofbeldi, sam-
kynhneigð og kynlíf. Kalla mæður
óvina sinna svo ófögrum orðum að
ekki er hægt að hafa eftir hér. Segj-
ast hata „ríkar pabbastelpur hang-
andi í Versló“ og líkja sjálfum sér við
Guð: „Ég er Hann, ég er Jahve, Jah,
ég er fokkin’ Óðinn.“
Margverðlaunuð sveit
Ótal margt fleira ber á góma í text-
um hundannna og hefur platan feng-
ið afar góða dóma: „Það má svo sem
skilja það að fólki hitni um eyrun
þegar þeir Rottweilerhundar láta í
sér heyra því ekki er bara að þeir séu
sóðalega klæmnir, heldur eru þeir
hreint frábærlega dónalegir, sið-
blindir og uppfullir með guðlasti og
ég veit ekki hvað ... þvílík veisla!“
skrifaði Árni Matthíasson, tónlistar-
gagnrýnandi Morgunblaðsins um
plötuna í nóvember sl. Og það eru
ekki bara gagnrýnendur sem eru
hrifnir af plötunni því sveitin hlaut
þrenn verðlaun á Íslensku tónlistar-
verðlaununum sem haldin var um
síðustu helgi.
XXX Rottweilerhundar eru
„bjartasta vonin“ í íslensku tónlistar-
lífi, tónlistarflytjandi ársins og platan
þeirra var kosin sú besta í flokki
popp- og rokktónlistar. Dómnefnd
fimm einstaklinga velur verðlauna-
hafana í hverjum flokki en nefndirn-
ar eru skipaðar fagaðilum sem til-
nefndir eru úr sex aðildarfélögum
tónlistarmanna, að sögn Einars
Bárðarsonar, framkvæmdastjóra
stjórnar Íslensku tónlistarverð-
launanna. Að hans sögn eru um 80
manns í dómnefndunum, fimm í
hverri nefnd.
Einar Bárðarson segir að XXX
Rottweilerhundar hafi brotið blað í
íslenskri tónlistarsögu með því að
rappa á íslensku, og því eigi sveitin
öll verðlaunin fyllilega skilið. Þessu
er Árni Matthíasson sammála í fyrr-
nefndum dómi: „með því að rappa á
íslensku og af slíkum krafti taka
Rottweilerhundarnir samkeppnina í
nefið; fyrsta sveitin sem hefur eitt-
hvað að segja og segir það því á ís-
lensku,“ segir Árni.
Tilviljunarkennd kvenfyrirlitning
Þrátt fyrir góðu dómana og öll
verðlaunin sem sveitinni hafa hlotn-
ast, þá er hún afar umdeild. Orð-
bragð hljómsveitarinnar veldur
mörgum áhyggjum, og segja ungir
feministar til dæmis votta fyrir kven-
fyrirlitningu í textum sveitarinnar.
„Textar XXX Rottweilerhunda
státa vissulega af tilviljunarkenndri
kvenfyrirlitningu á köflum. Að okkar
mati ristir þessi fyrirlitning þó ekki
djúpt þar sem textarnir saman-
standa af miklum þversögnum af
ýmsum toga, frekar en einhvers kon-
ar boðskap. Þeir ætla til dæmis ekki
bara að „hafa samfarir“ við mömmur,
eins og okkur skilst að sé helsta
áhugamál „markaðs-rapparans“,
heldur einnig við ýmsa karlkyns fjöl-
skyldumeðlimi. Þetta gefur textan-
um nýjar víddir og ekki skrítið að
hundarnir séu bjartasta von Íslend-
inga í dag.
Við skorum á þá foreldra og for-
ráðamenn barna, sem hafa áhyggjur
af vafasömum boðskap XXX Rott-
weilerhundanna, að fá þá inn í
skólana til þess að ræða við krakkana
um texta sína. Þannig geta krakk-
arnir einfaldlega spurt þá hvað þeir
meina með textum sínum og hund-
arnir geta gert grein fyrir skoðunum
sínum,“ segja meðlimir í Bríeti, félagi
ungra feminista, sem segjast síður en
svo hafa áhyggjur af þessu framferði
Rottweilerhundanna.
Rappinu er ekkert heilagt
Það er ekkert nýtt að rapp sé
dónalegt. Bandaríski rapparinn Em-
inem hefur hneykslað marga hin síð-
ustu ár eins og margar fleiri rapp-
sveitir. Í rappinu er ekkert dregið
undan og eru textarnir því oft grófir
og ósparir á stóryrði, jafnvel um hluti
sem eru heilagir í augum hins al-
menna borgara, eins og Guð, Jesú og
Maríu mey. Þessar persónur eru þó
ekki heilagar í augum XXX Rottweil-
erhunda, þeir syngja meðal annars:
„fokk Biblían, mín rímnabók er allt“
... „Guð og Jesú eru ekkert nema
dyraverðir í leðri“ og fleira. Hvað
skyldi kirkjunnar mönnum finnast
um tal á þessum nótum?
Séra Hjálmar Jónsson Dómkirkju-
prestur hefur hlustað á Rottweiler-
hundana. „Ég held að þetta sé fyrst
og fremst grín hjá þeim og leið til
þess að vekja á sér athygli. Mér
finnst hins vegar athugandi hvort
ástæða sé til að vekja á sér athygli
með þessum hætti. Aðrir menn yrðu
dæmdir fyrir svona orðbragð og við
höfum nýlegt dæmi þess. Varafor-
maður félags þjóðernissinna var
dæmdur fyrir ummæli um Afríku-
negra en ummæli hans eru ekkert í
líkingu við það sem kemur frá Rott-
weilerhundunum,“ segir séra Hjálm-
ar.
Hann segist telja að textarnir
hljóti að hafa einhver áhrif á ungan
aðdáendahóp hljómsveitarinnar. „Ef
við trúum því að fyrirbænir og falleg
vers hafi eitthvað að segja í þeirra
eyrum, þá hljótum við líka að reikna
með að ljót orð og gróf hafi eitthvað
að segja. Tónlist sveitarinnar og
framganga hljómsveitarmeðlima er á
margan hátt nýstárleg og gerð til
þess að hneyksla. Ég held að krakk-
Morgunblaðið/Jim Smart
XXX Rottweilerhundar taka glaðir og reifir við verðlaunum á Íslensku tónlistarverðlaununum um síðustu helgi. Textar þeirra eru mjög „óheflaðir“ og
umdeildir. Þeir eru jafnframt útbreiddir og eru dæmi þess að krakkar allt niður í fimm ára, syngi: „Mamma þín, mamma þín, mamma þín er beygla.“
XXX Rottweilerhundar hafa
vakið mikla athygli undanfarið
og hlutu meðal annars þrenn
verðlaun á Íslensku tónlist-
arverðlaununum um síðustu
helgi. Textar sveitarinnar hafa þó
hneykslað marga og gagnrýna
sumir að sveit með slíkan boð-
skap skuli vera álitin „bjartasta
vonin“ í íslensku tónlistarlífi.
Ragna Sara Jónsdóttir ræddi við
Erp Eyvindarson, einn for-
sprakka sveitarinnar, um gagn-
rýnina, aðra sem telja boðskap-
inn athugaverðan og unglinga
sem hlusta á sveitina.
Siðlausir klámhundar
eða listamenn nútímans?
Erpur Eyvindarson, einn forsprakka
XXX Rottweilerhunda, vísar því á
bug að meðlimir hljómsveitarinnar
séu með framferði sínu slæmar fyr-
irmyndir. Hann segir tvískinnung í
barnauppeldi og foreldrar ættu að
líta sér nær áður en þeir banna
börnunum að hlusta á tónlistina
þeirra.
Þegar þið veittuð verðlaununum
viðtöku um síðustu helgi sögðuð
þið eitthvað á þá leið að þetta væri
í fyrsta skipti sem hljómsveit sem
hvorki kann að syngja né spila á
hljóðfæri hlýtur verðlaunin. Hvern-
ig skilgreinið þið ykkur?
„Þórunn Björnsdóttir, gamli kór-
stjórinn minn, sagði við mig eftir af-
hendinguna að þarna hefði ég
skrökvað fyrir framan alþjóð því ég
kynni alveg að syngja. Ég efast ekki
um að það sé rétt hjá henni en við
sögðum þetta til að benda fólki á að
tónlist snýst ekki um hversu góður
þú ert á lúður eða rafmagnsgítar.
Hversu mörg stig þú hefur tekið
eða hversu háa eða lága tóna þú
getur sungið. Þetta eru allt tækniat-
riði sem hjálpa þér en ekki aðal-
atriði. Tónlist verður ekki meiri og
merkilegri listsköpun eftir því sem
fleiri hámenntaðir tónlistarmenn
flytja tónverkið.
Hjá okkur snýst tónlistin um inni-
hald og orku, og við sögðum þetta
vegna þess að við vorum svo
ánægðir með að akademían skyldi
vera sammála okkur. Það var ekki
verið að verðlauna fyrir besta lúð-
urleikinn eða erfiðasta gítarsólóið,
heldur innihaldsríkustu tónlistina það
árið, að mati dómnefndar. Innihaldið
er og verður alltaf ofar tækninni.“
Ákveðin myndbönd ykkar hafa
verið bönnuð á íslenskum sjón-
varpsstöðvum og sum laga ykkar
líka. Hvað er það í lögunum ykkar
sem fer svona fyrir brjóstið á fólki
að ykkar mati?
„Sönn íslensk sakamál“ var til-
nefnt til Íslensku tónlistarverð-
launanna sem besta myndband árs-
ins. Það myndband er bannað á
öllum sjónvarpsstöðvum og flest
laga okkar fá ekki dagspilun í út-
varpi. Ég held að sumt fólk sé bara
allt of viðkvæmt. Fólk hefur ekki
heyrt svona hispurslausa texta síð-
an á pönktímabilinu. Það er fátt
þarna sem gengur fram af okkar
kynslóð en almennt er fólk smeykt
við það sem það þekkir ekki og eldri
kynslóðir þekkja okkar kynslóð
greinilega ekki betur en þetta.
XXX Rottweiler er einn margra
glugga inn í málfar, hugsanagang og
Erum engar barnapíur
Morgunblaðið/Jim Smart
„Ég held að sumt fólk sé bara allt of viðkvæmt. Fólk hefur ekki heyrt svona
hispurslausa texta síðan á pönktímabilinu,“ segir Erpur.