Morgunblaðið - 01.05.2002, Page 25

VIÐSKIPTI/ATHAFNALÍF
MORGUNBLAÐIÐ MIÐVIKUDAGUR 1. MAÍ 2002 25
KOLMUNNASTOFNINN er nú
tvöfalt stærri en á sama tíma í fyrra
samkvæmt mælingum Rússa og
Norðmanna, sem er nýlokið. Þetta
gerist þrátt fyrir gífurlega ofveiði
undanfarin ár að mati fiskifræðinga,
en í fyrra voru veiddar 1,7 milljónir
tonna. Það var langt umfram ráð-
leggingar fiskifræðinga, sem telja
óvarlegt að veiða meira en 600.000 til
700.000 tonn.
Íslendingar veiddu í fyrra um
340.000 tonn af kolmunna, en hafa
ákveðið að draga verulega úr veiðinni
á þessu ári og hefur kvóti verið gefinn
út miðað við það, 288.000 tonn, en
213.000 tonnum hefur verið deilt út til
bráðabirgða. Norðmenn hafa hins
vegar ákveðið að draga ekki úr veið-
um sínum.
Ekki víst að mælingin gefi
tilefni til aukningar kvótans
„Þetta eru miklar gleðifréttir,“
segir Árni Mathiesen sjávarútvegs-
ráðherra. „Þetta er sameiginlegur
stofn þannig að við fáum ráðlegging-
ar um veiði frá Alþjóðahafrannsókna-
ráðinu. Við verðum að bíða og sjá
hvað þaðan kemur. Mér sýnist hins
vegar að þegar sé búið að ákveða
heildarveiði, að okkar kvóta meðtöld-
um, sem er á aðra milljón tonna. Það
er ríflega tvöfalt meira en ráðið taldi
ráðlegt að veiða að mig minnir. Þótt
þetta sé góð mæling er því ekki víst
að hún gefi tilefni til að auka kvótann.
Þetta gerir vissulega framtíðina
bjartari og gæti auðveldað aðlögun
þessara þjóða að því að stjórna þess-
um veiðum með kvóta í stað þess að
vera með frjálsar veiðar,“ segir Árni
Mathiesen.
Rannsóknir norska hafrannsókna-
skipsins Johan Hjört stóðu yfir frá
23. mars til 24. apríl. Var hrygning-
arstofninn vestur af Bretlandseyjum
kannaður til að kanna þróun stærðar
stofnsins. Jafnframt stunduðu tvö
rússnesk skip rannsóknir á sama
svæði. Að loknum leiðangrinum báru
Rússar og Norðmenn saman bækur
sínar.
Ungfiskur áberandi
Norska rannsóknin sýndi tvöfalt
meira af kolmunna en í fyrra. Uppi-
staða stofnsins er tveggja og þriggja
ára fiskur. Í fréttatilkynningu norsku
hafrannsóknastofnunarinnar segir að
það styrki hrygningarstofninn veru-
lega, að fleiri árgangar beri hann nú
uppi. Hins vegar sé ungfiskur enn
áberandi. Þessi niðurstaða styrki
þær vísbendingar frá síðasta ári sem
gáfu til kynna að þessir árgangar,
1999 og 2000, væru sterkir. Að teknu
tilliti til hinnar miklu veiði undanfarin
ár séu þessir tveir árgangar líklega
þeir stærstu í 20 ára sölu rannsókna á
kolmunna. Þessir árgangar komi til
viðbótar nær stöðugt góðri nýliðun
frá árinu 1995, að árgangium 1988
frátöldum. Þessi einstaklega góða ný-
liðun skýri hvernig stofninn hafi þol-
að hina gífurlegu veiði. Sé litið til
lengri tíma sé það vaninn að á svona
tímabili séu aðeins einn til tveir yfir
meðallagi.
Rússar mældu minna
Rannsóknir Rússa gefa hins vegar
til kynna helmingi minni stofn en
Norðmenn mældu. Beinn saman-
burður á mælingum þjóðanna sýni að
rússnesku mælitækin mæli miklu
minni þéttleika á því dýpi sem kol-
munninn heldur sig. Það skýri mis-
muninn að miklu leyti. Einnig að
mælingarnar hafi verið gerðar á mis-
munandi tíma.
Skýrsla frá Norðmönnum og Rúss-
um hefur verið send til þeirrar nefnd-
ar Alþjóðahafrannsóknaráðsins sem
fjallar um kolmunna. Hún mun skila
ráðleggingum sínum í byrjun júní.
Kolmunnastofn-
inn tvöfalt
stærri en í fyrra
REKSTARTEKJUR Hraðfrysti-
húss Eskifjarðar hf. á fyrsta árs-
fjórðungi námu 1.393 milljónum
króna en rekstargjöld 769 milljónum
króna og nam hagnaður fyrir af-
skriftir (EBIDTA) því 624 milljónum
króna, eða 44,79% af rekstrar-
tekjum.
Afskriftir námu rúmum 107 millj-
ónum og fjármunatekjur voru já-
kvæðar um rúmar 189 milljónir.
Reiknaður tekjuskattur nam 138
milljónum og er því hagnaður fyrsta
ársfjórðungs 568 milljónir miðað við
100 milljóna króna hagnað fyrir
sama tímabil, árið áður.
Í tilkynningu félagsins til Verð-
bréfaþings er lögð áhersla á að
fyrstu þrír mánuðir ársins séu jafn-
an hagstæðustu mánuðir í rekstri fé-
lagsins. Veiðar og vinnsla uppsjáv-
arfisks eru mikilvægasti tekjuþáttur
í rekstri félagsins og voru loðnuveið-
ar og vinnsla með besta móti á tíma-
bilinu. Einnig hefur verð á fiskimjöli
og -lýsi verið hagstætt.
Hvað rekstrarárið í heild varðar,
er ljóst að félagið mun ekki ná að
veiða og vinna úr jafnmiklu magni af
kolmunna og árið áður, vegna ný-
legrar kvótasetningar, en kvóti fé-
lagsins nemur um 55.000 tonnum
samanborið við 85.000 tonna afla
skipa félagsins, á árinu 2001.
Búist er við að rekstur félagsins á
árinu 2002 verði jákvæður og í takt
við áætlanir, að undanskildum geng-
issveiflum.
Hagnaður hjá HRESK
568 milljónir króna