Morgunblaðið - 09.05.2002, Page 50

50 FIMMTUDAGUR 9. MAÍ 2002 MORGUNBLAÐIÐ
Breiðholtskirkja. Mömmumorgunn föstu-
dag kl. 10–12.
Landakirkja, Vestmannaeyjum. Kl. 14
guðsþjónusta, aldraðir sérstaklega boðnir
velkomnir, fólk úr Félagi eldri borgara les
ritningarlestra. Anna Alexandra Cwalinska
syngur einsöng. Kvenfélag Landakirkju
býður til kaffiveitinga í safnaðarheimili á
eftir guðsþjónustunni. Kl. 19.30 lokaður
fundur um 12 sporin, andlegt ferðalag.
Kletturinn. Kl. 19 alfanámskeið. Allir vel-
komnir.
Safnaðarstarf
VIÐ guðsþjónustu í Áskirkju kl.
14 á uppstigningardag, sem jafn-
framt er dagur aldraðra, syngur
Gyða Björgvinsdóttir einsöng.
Kirkjukór Áskirkju syngur undir
stjórn Kára Þormar organista og
sóknarprestur prédikar og þjónar
fyrir altari.
Eftir guðsþjónustuna býður
Safnaðarfélag Ásprestakalls eldri
borgurum til samsætis í Safn-
aðarheimili Áskirkju. Meðal dag-
skráratriða verður söngur félaga
úr Kirkjukór Áskirkju og einnig
almennur söngur.
Íbúum dvalarheimila og ann-
arra stærstu bygginga sókn-
arinnar gefst kostur á akstri til og
frá kirkju í tengslum við guðs-
þjónustuna í Áskirkju og samsætið
í safnaðarheimilinu.
Árni Bergur Sigurbjörnsson.
Dagur aldraðra í
Kópavogskirkju
Í DAG, uppstigningardag, verður
guðsþjónusta í Kópavogskirkju kl.
14. Þar mun sóknarprestur pré-
dika og þjóna fyrir altari. Félagar
úr kór Kópavogskirkju syngja og
leiða safnaðarsöng undir stjórn
Julian Hewlett organista. Að lok-
inni guðsþjónustu verður kirkju-
gestum boðið að þiggja kaffi og
góðgerðir í Borgum, safn-
aðarheimili sóknarinnar. Á sam-
verunni í Borgum mun Sigurbjörg
Þórðardóttir leika undir fjölda-
söng en henni er einkar lagið að
hrífa fólk til að syngja af hjartans
list.
Sr. Ægir Fr. Sigurgeirsson.
Uppstigningardagur
í Fríkirkjunni
í Reykjavík
GUÐSÞJÓNUSTA verður í Frí-
kirkjunni í Reykjavík á uppstign-
ingardag, 9. maí, klukkan 14.
Sr. Bragi Friðriksson, fyrrver-
andi sóknarprestur í Garðabæ og
prófastur í Kjalarnessprófasts-
dæmi, mun predika. Tónlist dags-
ins verður í léttum dúr og munu
tónlistarstjórar kirkjunnar, Anna
Sigga og Carl Möller, sjá um hana.
Að lokinni guðsþjónustunni
verður boðið upp á messukaffi í
safnaðarheimili kirkjunnar. Við
hvetjum aldraða til að mæta í Frí-
kirkjuna á þessum degi aldraðra
hér í kirkjunni. Einnig hvetjum
við yngra fólk til að aðstoða aldr-
aða til að taka þátt í þessum degi.
Það er góður siður að yngri sem
eldri komi saman til kirkju. Á degi
aldraðra hvetjum við til kirkju-
göngu og bjóðum alla velkomna til
guðsþjónustu í Fríkirkjunni í
Reykjavík.
Safnaðarstarf Fríkirkjunnar í
Reykjavík, sr. Hjörtur Magni Jó-
hannsson, Hreiðar Örn Zoëga
Stefánsson.
Fyrrverandi alþing-
ismaður prédikar í
Bústaðakirkju
UPPSTIGNINGARDAGUR er
dagur aldraðra í kirkjunni. Þá eru
aldraðir sérstaklega boðnir vel-
komnir til messu og þátttöku í
helgihaldinu.
Í Bústaðakirkju verður guðs-
þjónusta klukkan 14. Þar prédikar
Helgi Seljan, fyrrverandi alþing-
ismaður. Aldraðir lesa ritning-
arlestra og taka þátt í messunni.
Einsöngvari verður Jóhann Frið-
geir Valdimarsson stórtenór.
Glæðurnar, kór Kvenfélags Bú-
staðakirkju, syngja undir stjórn
Sigurbjargar Petru Hólmgríms-
dóttur ásamt félögum úr Kirkju-
kór Bústaðakirkju. Organisti er
Bjarni Jónatansson.
Eftir messu verður opnuð sýn-
ing í safnaðarheimili á munum úr
starfi aldraðra í vetur. Starfið hef-
ur verið í vetur undir dyggri
stjórn Sigrúnar Sturludóttur, sem
ásamt hópi kærleikskvenna hefur
annast starfið. Stór hópur hefur
tekið þátt í starfinu í vetur og þar
hefur verið komið saman til
handavinnu, gripið í spil eða dæg-
urmálin skeggrædd.
Veisluborð verður framreitt og
öldruðum boðið upp á veitingar en
þeir, sem yngri eru, greiða fyrir
sig.
Það er von okkar að sem flestir
sjái sér fært að taka þátt í mess-
unni og að hinir yngri aðstoði
aldraða við að komast til kirkju.
Pálmi Matthíasson.
Dagur aldraðra í
Laugarneskirkju
NÚ KOMUM við saman í Laug-
arneskirkju til hinnar árlegu
guðsþjónustu á uppstigningardegi
þar sem eldra fólki er sérstaklega
boðið, en allt fólk er velkomið.
Kór Laugarneskirkju mun syngja
við undirleik Gunnars Gunn-
arssonar, sr. Bjarni Karlsson þjón-
ar fyrir altari og prédikar, en
meðhjálpari er Eygló Bjarnadótt-
ir. Að guðsþjónustu lokinni býður
söfnuðurinn öllum viðstöddum upp
á kaffi og tertur í tilefni dagsins.
Dagur aldraðra
í Áskirkju
Morgunblaðið/Brynjar Gauti
Laugarneskirkja
ÞVÍ miður hefur það lent í al-
gerri útideyfu hjá umsjónarmanni
frímerkjaþáttar Mbl. að greina
frá félagsstarfi frímerkjasafnara
á liðnum mánuðum. Sumpart er
það honum að kenna, en sumpart
af því, að láðst hefur að koma
ýmsu á framfæri við hann. Hann
lítur sem sé svo á, að það sé bein-
línis hlutverk forráðamanna sam-
takanna að hafa frumkvæði í því
efni, en ekki umsjónarmanns
þáttarins að ganga sérstaklega
eftir því, sem gerist meðal safn-
ara. Vissulega minni ég stundum
á þetta, þegar mig fer að lengja
eftir fréttum, en slíkt ætti að
vera óþarfi. Meðan þátturinn er í
minni umsjá, tel ég einmitt feng í
að koma því til safnara, sem ætti
að geta komið þeim að notum í
einhverri mynd. Þá er orðið auð-
velt að koma flestu á framfæri
með tilkomu tölvupóstsins, sem
er bæði þægilegur og fljótvirkur.
Ef einhver vildi hafa samband við
þáttinn, get ég bent á netfang
mitt, en það er: jaj@simnet.is
Eins og kom fram hjá mér í
síðasta þætti, hefur útkoma Frí-
merkjablaðsins frestazt um sinn.
Þegar það hóf göngu sína fyrir
fáum árum í samvinnu við Ís-
landspóst hf., bundu safnarar
miklar vonir við hana, enda höfðu
þeir orðið að bíða ærið lengi eftir
endurnýjun málgagns fyrir sam-
tökin. Á liðnu hausti virðist eitt-
hvert hik hafa komið á þessa
samvinnu, hver svo sem ástæðan
hefur verið. Nú á vordögum virð-
ist aftur farið að rofa til í sam-
bandi við það mál – og er það vel.
Í fundargerð stjórnar LÍF frá
8. apríl sl., sem þættinum hefur
borizt, kemur fram. að formaður
og varaformaður LÍF hafi þann
dag átt fund með Einari Þor-
steinssyni, forstjóra Íslandspósts
hf., um framtíð Frímerkjablaðs-
ins. Þar segir, að úrvinnsla 6.
tölublaðs þess hafi verið langt
komin, „þegar ýmsar snurður
komu á þráðinn“, eins og það er
orðað.
Því miður hafði líka farið svo
um svipað leyti, að ritstjóri blaðs-
ins sá sér ekki fært að sinna
starfi sínu lengur, en ég læt ósagt
um það, hvort nokkurt samband
hafi verið þarna á milli.
Í fundargerðinni kemur fram,
að Íslandspóstur hf. muni vera
búinn til að fjármagna útgáfu
blaðsins, en vilji hins vegar firra
sig allri ábyrgð á blaðinu og hún
og ritstjórnarmálefni „yrði flutt
til LÍF“, eins og þar segir. Ég
hlýt að fagna þessari þróun, enda
er langeðlilegast eins og ég mun
áður hafa minnzt á í frímerkja-
þætti, að þetta hvort tveggja sé í
höndum samtaka frímerkjasafn-
ara sjálfra, en ekki Póstsins. Að
forráðmönnum hans alveg ólöst-
uðum verður að gera ráð fyrir, að
söfnurum sé bezt treystandi fyrir
því efni, sem birta á í blaðinu og
þeir beri jafnframt ábyrgð á því
sjálfir. Ég tel mig hér hafa ein-
mitt nokkra reynslu af fyrra fyr-
irkomulaginu. Enda þótt 6. tölu-
blað hafi verið nær fullbúið til
prentunar, virðast allar líkur til
þess – því miður – að safnarar
eigi ekki von á að fá það í hendur
fyrr en með haustdögunum. En
nokkrir mánuðir skipta ekki öllu,
ef blaðið kemst loks aftur á flot
og þá vonandi til frambúðar.
NORDIA 03
Eins og söfnurum mun kunn-
ugt, er ákveðið, að LÍF standi að
samnorrænni frímerkjasýningu á
næsta ári, 2003. Skilst mér á
fundargerð stjórnarinnar, að nú
sé að komast skriður á undirbún-
ing hennar, enda veitir ekki af.
Nú er fastákveðið, að sýningin
verður haldin að Kjarvalsstöðum
dagana 16.–19. október 2003.
Trúlega er þetta heppilegur sýn-
ingartími fyrir marga, en því
verður ekki neitað, að sumartími
kæmi sér örugglega betur fyrir
þá erlendu gesti, sem sækja sýn-
inguna og vildu jafnframt sjá eitt-
hvað af landi okkar í leiðinni og
þá helzt í sumarskrúða. En vita-
skuld verður ekki á allt kosið.
Hitt er aðalatriðið, að NORDIA
03 heppnist jafnvel og raunin hef-
ur orðið hjá okkur með fyrri
NORDIU-sýningar.
Mistök við útgáfu myntarkar
um Nóbelskáld okkar
Í Mbl. 12. apríl sl. er sagt frá
mistökum, sem gerð voru við
prentun á smáörk, sem Íslands-
póstur hf. gaf út 7. marz sl. til
þess að minnast aldarafmælis
kunnasta skálds Íslands á 20. öld,
Halldórs Laxness. Segir í fyr-
irsögn, að rangt hafi verið farið
með texta skáldsins úr Heims-
ljósi, sem prentaður er á örkina.
Segir þar, að þessi mistök hafi
ekki uppgötvazt fyrr en rúmum
hálfum mánuði eftir að örkin kom
út. Jafnframt er tekið fram, að
búið hafi verið að senda örkina út
til viðskiptavina, m.a. erlendis.
Því er svo bætt við, að ófram-
kvæmanlegt hafi verið að mati Ís-
landspósts hf. að innkalla örkina.
Vissulega er slíkt ekki fram-
kvæmanlegt, en vel hefði mátt
fara aðra leið, að sjálfsögðu
kostnaðarsama fyrir Póstinn, en
var í reynd hin eina raunhæfa
leið. Bendi ég á hana hér á eftir.
Í sambandi við mistök þau, sem
hér hafa orðið við úrvinnslu téðr-
ar arkar, er ýmislegt athugavert.
Ljóst er, að hönnuður þess hefur
farið rangt að við gerð þess texta,
sem á bréfinu er, og er sú aðferð
með öllu óverjandi, jafnvel þótt
margir hafi að sögn lesið textann
síðan yfir, áður en prentun hófst.
Engum ætti að detta annað í hug
en leita til rits höfundar sjálfs og
taka textann þaðan upp, en ekki
af vefsíðu Morgunblaðsins. Hér
virðist skjóta upp vinnubrögðum,
sem ég hygg, að séu of algeng nú
á dögum hraðans, þ.e. að auka
sér leti og fara eins auðvelda leið
og kostur er á. Í þessu tilfelli að
nota Netið og fara inn á vefsíðu
dagblaðs, þar sem finna mátti
téða tilvitnun í Heimsljós Lax-
ness. Því miður kom svo í ljós, að
þeirri leið var ekki treystandi.
Tekið er fram í fréttinni, að að-
standendum skáldsins hafi verið
gerð grein fyrir þessum mistök-
um og þeir beðnir afsökunar. Það
var auðvitað sjálfsögð kurteisi, en
hlutur skáldsins er engu að síður
óbættur. Hann verður ekki bætt-
ur nema með nýrri útgáfu ark-
arinnar, þar sem hinn rétti texti
Heimsljóssins birtist.
Þetta slys eða mistök Póstsins
við frímerkjaútgáfu er ekki eins-
dæmi í frímerkjasögunni. Kemur
mér í hug eitt dæmi, sem gerðist
fyrir tæpri hálfri öld.
Árið 1956, 20. júlí, voru liðin
100 ár frá andláti Roberts Schu-
mann. Af því tilefni heiðraði póst-
stjórn Þýzka alþýðulýðveldisins
minningu tónskáldsins með út-
gáfu tveggja frímerkja með mynd
þess og bak við hana má sjá brot
úr nótnahandriti tónskáldsins.
Hér urðu hins vegar þau mistök,
að nóturnar voru ekki úr handriti
þess, heldur úr handriti annars
þýzks tónskálds, Franz Schu-
berts. Þetta uppgötvaðist vissu-
lega strax, og voru merkin tekin
úr sölu 23. s.m. En hvernig
brugðust Þjóðverjar við? Þeir
settu þessi frímerki aftur í um-
ferð 30. september, en ný „leið-
rétt“ útgáfa var á næsta leiti.
Kom hún út 8. október og nú með
réttum nótum úr handriti Schu-
manns. Þannig leystu Þjóðverjar
þessi vandræði sín og komu jafn-
framt í veg fyrir spákaup-
mennsku með fyrri útgáfuna
meðal frímerkjasafnara, því að
báðar útgáfurnar giltu síðan sam-
hliða til burðargjalds til 31. marz
1958, þegar þær voru teknar úr
umferð.
Ég játa, að hér er ekki að öllu
leyti hægt að líkja þessum frí-
merkjamistökum saman, þar sem
annars vegar eiga í hlut stök frí-
merki og svo hins vegar smáörk
Póstsins. En hvað er ekki hægt,
ef vilji er fyrir hendi? Því verður
ekki heldur neitað, þegar frí-
merkjasafnarar eiga í hlut, að
þeir vildu gjarnan eiga bæði hina
„röngu“ og „réttu“ örk. Ef ekki,
þá þekki ég safnara ekki rétt.
Þannig yrðu til sölu tvær „gerðir“
arkarinnar.
Um leið og Pósturinn bjargar
þannig andliti sínu eins vel og
kostur er á við erfiðar aðstæður,
bætir hann úr mistökum hönn-
uðarins og réttlætir þau gagnvart
aðstandendum Halldórs Laxness.
Úr því sem komið er, skipta
nokkrir mánuðir litlu máli að
mínum dómi. En rétt skal vera
rétt að lokum.
Það á Pósturinn að hafa í huga
og ekki sízt þegar Nóbelskáld
okkar á í hlut.
Félagsstarf frí-
merkjasafnara
FRÍMERKI
Útgáfa Frímerkjablaðsins mun
tryggð áfram.
Jón Aðalsteinn Jónsson
Rangt nótnahandrit. Þýsk útgáfumistök 1956.
Rétt nótnahandrit.
KIRKJUSTARF