Morgunblaðið - 23.05.2002, Blaðsíða 6

FRÉTTIR
6 FIMMTUDAGUR 23. MAÍ 2002 MORGUNBLAÐIÐ
KLEMENZ Jónsson,
leikari og leikstjóri, er
látinn á á áttugasta og
þriðja aldursári.
Klemenz var fæddur
29. febrúar árið 1920 að
Klettstíu í Norðurár-
dal, sonur hjónanna
Jóns Jóhannessonar,
bónda þar, og konu
hans Sæunnar Klem-
enzdóttur.
Klemenz útskrifaðist
frá Héraðsskólanum í
Reykholti árið 1939 og
lauk kennaraprófi frá
Kennaraskóla Íslands
árið 1942. Hann stundaði leiklistar-
nám hjá Haraldi Björnssyni 1942–44
og framhaldsnám við Royal Aca-
demy of Dramatic Art í London
1945–48, þar sem hann stundaði
einnig skylminganám á sama tíma.
Klemenz lék hjá Leikfélagi
Reykjavíkur á fimmta áratugnum,
var leikari og leikstjóri hjá Þjóðleik-
húsinu 1950–75 og leiklistarstjóri
Ríkisútvarpsins 1975–1981. Hann
var kennari við leiklist-
arskóla Þjóðleikhúss-
ins frá 1950 og yfir-
kennari 1960–73. Þá
leikstýrði hann tuttugu
leiksýningum í Þjóð-
leikhúsinu og fjölda út-
varpsleikrita og samdi
handrit og leikstýrði
dagskrám hjá Ríkisút-
varpinu, auk fjölda
annarra starfa.
Klemenz gegndi
trúnaðarstörfum fyrir
leikara. Hann var með-
al annars í stjórn Fé-
lags íslenskra leikara í
tuttugu ár frá 1955 til 1975, formað-
ur félagsins frá 1967 og fram-
kvæmdastjóri þess frá 1970–79. Þá
var hann kjörinn formaður Norræna
leikarasambandsins 1974 og gegndi
því starfi í þrjú ár. Hann var einnig
dagskrárstjóri fyrir Reykjavíkur-
borg á 17. júní hátíðarhöldum í 22 ár.
Kona Klemenzar er Guðrún Guð-
mundsdóttir og eignuðust þau þrjú
börn.
Andlát
KLEMENZ
JÓNSSON
TÆPLEGA átta ár eru liðin frá
hvarfi Valgeirs Víðissonar en síðast
er vitað um ferðir hans þegar hann
yfirgaf heimili sitt á Laugavegi um
miðnætti hinn 19. júní 1994.
Fjórum árum síðar úrskurðaði
Héraðsdómur Reykjavíkur að Val-
geir skyldi teljast látinn enda hefði
ekkert komið fram sem benti til ann-
ars. Miðað var við að andlát hans
hefði borið að höndum daginn sem
hann hvarf.
Í gær var karlmaður á fertugs-
aldri úrskurðaður í gæsluvarðhald
til 3. júní nk. vegna gruns um aðild
að hvarfi hans. Eins og greint var
frá í Morgunblaðinu í gær kom mað-
urinn til landsins á þriðjudag en
hann hafði verið framseldur frá Hol-
landi.
Lögregla hefur yfirheyrt manninn
en lætur ekki uppi hvort yfirheyrsl-
urnar hafi varpað nýju ljósi á málið.
Á baksíðu Morgunblaðsins 7. júlí
1994 var lýst eftir Valgeiri og þeir
sem vissu um ferðir hans beðnir að
láta lögregluna í Reykjavík vita.
Fljótlega eftir að Valgeir hvarf bár-
ust lögreglu vísbendingar um að
ekki væri allt með felldu varðandi
hvarf hans og var málið upp frá því
rannsakað sem hugsanlegt mann-
dráp. Ýmsar sögur fóru af afdrifum
Valgeirs en enga þeirra hefur verið
hægt að staðfesta.
Maðurinn sem nú situr í gæslu-
varðhaldi var framseldur frá Hol-
landi þar sem hann afplánaði fang-
elsisdóm vegna innflutnings á um 16
kílóum af kókaíni til landsins. Lög-
reglan í Reykjavík fór utan til að yf-
irheyra manninn en hann neitaði að
tjá sig. Í framhaldinu fór dómsmála-
ráðuneytið fram á framsal sem mað-
urinn mótmælti en Hæstiréttur Hol-
lands féllst á kröfu ráðuneytisins.
Síminn hleraður frá 1995–2001
Lögregla hætti síðasta vetur
rannsókn á þætti annars manns sem
hefur legið undir grun um aðild að
hvarfi Valgeirs en rannsókn á hans
þætti var hætt síðasta vetur, þar
sem lögreglu þótti ekki efni til að
halda henni áfram. Kom fram að lög-
regla hafði vegna rannsóknarinnar
hlerað síma hans á tímabilinu frá
1995 til 2001.
Skv. upplýsingum frá lögreglu
lýkur rannsóknum á mannshvörfum
ekki formlega fyrr en þau upplýsast,
annaðhvort með því að viðkomandi
finnst eða óyggjandi upplýsingar um
afdrif þeirra berast lögreglu. Frá
árinu 1945 hafa rúmlega 40 manns
horfið sporlaust á Íslandi.
Í gæsluvarðhald vegna hvarfs Valgeirs Víðissonar
Hvarfið óupplýst
eftir átta ár
UNDIRRITAÐ var samkomulag í
gær milli Flugmálastjórnar Íslands
og Slysavarnafélagsins Lands-
bjargar um sameiginlegt átak í
björgunarbátamálum við áætl-
unarflugvelli Flugmálastjórnar. Þá
hefur verið ákveðið að kaupa tvo
fimmtán manna björgunarbáta
ásamt björgunarflekum fyrir
Reykjavíkurflugvöll.
Samkvæmt samkomulaginu verð-
ur unnin samræmd stefna í björg-
unarbátamálum fyrir flugvellina og
gerð úttekt á stöðu þessara mála
þar sem farið verður yfir núverandi
bátakost, sjósetningaraðstöðu og
viðbragð vegna hugsanlegra flug-
slysa. Að lokinni úttekt verða gerð-
ar tillögur um úrbætur. Sam-
komulagið felur einnig í sér að
Landsbjörg tekur að sér þjálfun
þeirra starfsmanna Flugmála-
stjórnar sem sinna björgunarþjón-
ustu á sjó og/eða í vötnum.
Morgunblaðið/Þorkell
Átak í björgunarbáta-
málum við flugvelli
KJARTAN Atli Kjart-
ansson er að öllum lík-
indum yngsti frambjóð-
andinn á landinu í
sveitarstjórnarkosning-
unum sem fram fara á
laugardaginn. Kjartan
skipar 10. sæti Á-listans
í Bessastaðahreppi og
er fulltrúi Samfylking-
arinnar á listanum.
Kjartan verður 18 ára í
dag, fimmtudag, og öðl-
ast þar með kosninga-
rétt tveimur dögum fyr-
ir kjördag.
„Ég hef alltaf haft
áhuga á pólitík,“ segir
Kjartan. „Ég hef hlakk-
að mjög til að verða 18 ára svo ég
gæti farið að kjósa og þannig haft
áhrif á málin. Þegar mér var boðið
að taka sæti á listanum sá ég að ég
gæti haft enn meiri áhrif svo ég
tók sæti á listanum. Ég hef fylgst
svo lengi með pólitík að ég var
stuðningsmaður Alþýðuflokksins
þáverandi og var kominn með
brennandi stjórnmálaáhuga ellefu
ára gamall. Það hef-
ur verið gamall
draumur að komast
í pólitík og vonandi
kemst ég á þing síð-
ar.“
Kjartan segist
vera fulltrúi ungs
fólks í hreppnum og
segir það hafa mik-
inn áhuga og skoð-
anir á málunum en
þessi hópur sé hins-
vegar útundan að
vissu leyti.
„Það er ekki um
auðugan garð að
gresja í íþrótta-
málum hér í hreppn-
um og eins vantar félagsmiðstöð
hingað. Fasteignir hér eru líka
mjög dýrar sem kemur illa við
ungt fólk, sem hefur alist hér upp,
vill ekki flytja, en hefur ekki efni á
að kaupa sér húsnæði. Það er á
stefnuskrá okkar að fjölga hús-
næðiskostum fyrir ungt fólk og
reisa hér félagsmiðstöð auk þess
að efla íþróttastarfið.“
Fær kosningarétt tveim-
ur dögum fyrir kjördag
Kjartan Atli
Kjartansson
FLUGMÁLASTJÓRN hefur
komið kvörtun á framfæri við varn-
arliðið á Keflavíkurflugvelli og
bent á að ekki sé æskilegt að þotur
á vegum hersins fljúgi nálægt
fuglabjörgum við Íslandsstrendur.
Á mánudag flugu orrustuþotur frá
varnarliðinu nærri Látrabjargi í
um 500 feta hæð frá jörðu (152 m)
og röskuðu fuglavarpi að sögn
Árna Bragasonar, forstjóra Nátt-
úruverndar ríkisins.
Hallgrímur N. Sigurðsson, að-
stoðarframkvæmdastjóri Flug-
málastjórnar, segir að ekki hafi
verið um brot á reglum að ræða,
vélarnar hafi verið í sjónflugi og þá
megi fara niður í 500 feta hæð yfir
jörðu. Lögum samkvæmt er
óheimilt „að þeyta flautur, fljúga
flugvélum eða vera með annan há-
vaða að óþörfu í grennd við fugla-
björg“ en ekki er útlistað nánar
hvað falli undir skilgreininguna „að
óþörfu.“
Hallgrímur segir að ákveðið hafi
verið að skipa vinnuhóp í samstarfi
við Náttúruvernd þar sem fjallað
verði um flugumferð við fugla-
björg, viðkvæm svæði kortlögð og
ákveðið hvernig flugi við fugla-
björg skuli hagað. Hallgrímur seg-
ir að auk þess sem flug geti truflað
fuglavarp sé hættulegt að fljúga yf-
ir slík svæði þar sem fugl geti farið
í hreyfla flugvélanna. Hann telur
að ástæða þess að flugmennirnir
fóru yfir þetta svæði sé vanþekking
og hugsunarleysi, en vélarnar voru
að koma af æfingu.
Látrabjarg er stærsta sjávar-
bjarg landsins og er áætlað að ein
milljón fugla verpi í bjarginu. Árni
segir að eflaust hafi einhver egg
farið en telur að ekki hafi orðið
stórtjón.
Kvörtun til varnarliðsins
Orrustuvélar
trufluðu fuglavarp
í Látrabjargi
ELDUR kom upp í þaki fjölbýlis-
húss við Yrsufell í gær, að því er talið
er af völdum tækja frá iðnaðarmönn-
um, sem voru að vinna við húsið. Til-
kynnt var um eldinn kl. 14.30 og var
lið frá öllum slökkvistöðvum höfuð-
borgarsvæðisins sent á vettvang þar
sem eldur í þaki fjölbýlishúsa er
mjög hættulegur. Eldurinn uppgötv-
aðist mjög fljótt og varð þannig kom-
ið í veg fyrir mikinn bruna. Tveir
reykkafarar voru sendir inn í húsið
og voru þeir fljótir að ráða niðurlög-
um eldsins. Engan sakaði.
Eldur í
þaki fjöl-
býlishúss
TILKYNNT var um innbrot í
skartgripaverslunina Gull og
silfur á Laugavegi snemma á
þriðjudagsmorgun. Hurð baka-
til í versluninni hafði verið
spennt upp og hafði nokkru af
skartgripum verið stolið þegar
lögreglan kom á vettvang. Lög-
reglumenn fundu þýfið í yfir-
gefinni bifreið á Vatnsstíg og
tók það í sína vörslu auk bif-
reiðarinnar. Hún var ekki
skráð eign ákveðins manns sem
grunaður er um innbrotið.
Þjófsins er leitað og sætir málið
rannsókn hjá lögreglunni.
Skartgripa-
þjófnaður í
rannsókn